مشاهدة النسخة كاملة : هذي القصة اللي وعدتكم فيها ( تسأليني من اكون )
عـــ الجروح ـــذب
23-07-2007, 05:03 PM
.
.
.
.
تسأليني من أكون ؟؟؟
للكاتبة / عـــ الجروح ـــذب
جميع الحقوق محفوظة … ولا اسمح بنقل القصة بدون كتابة اسمي ...
عايلة سالم
الاب : سالم (55 سنة )
الام : مريم (48 سنة )
يوسف (29 سنة ) متزوج من برا العايلة خلود ( 25 ) وعندهم بنت ( الماس 3 سنين ) وولد ( سالم سنة )
خالد (25 سنة ) متزوج بنت خاله ( هدى 23 سنة )
ريم (22 سنة )
عبدالله ( 18 سنه )
اريام (14 سنة )
عايلة ناصر اخو سالم
الاب : ناصر (62 سنه)
الام : عايشة (59 سنه )
فهد (30 سنه ) متزوج منى (28 سنه ) وعندهم ثلاث بنات وولد
شذا (10 سنين) شيما (6سنين) وناصر (2سنه) وشروق (شهرين)
بدور (28 سنه ) متزوجة وعندها عيال
سعد ( 25 سنه )
منيرة (18سنه)
قصتي باختصار راح تتكلم عن قضايا مختلفة تواجهنا مو بس بالكويت بالخليج كله وبالذات بالسعوديه لانهم قريبين منا وحبايبنا : ومن هالقضايا زواج البنت من رجل اكبر منها بكثير و بعد زواج الرجل على زوجته واللي تعتبرها المرأة خيانه حتى لو كان عنده اسباب وجيهه وبعد قضيه الاختلاط في اماكن العمل وراح اتكلم عن امور كثيرة اللي راح يتابع القصة معاي راح يعرفها واتمنى تقرونها لحد النهاية وتردون علي وتنتقدون اللي تبون وراح تلقون صدر رحب يتقبل منكم اي شي : اترككم مع القصة
الجزء الاول :
ريم وهي تنزل من الدرج بسرعه وعيونها على ساعتها وتكلم امها : اليوم اول يوم لي بالدوام ليه ما قعدتني مبكر
مريم ( امها ) وهي على طاولة الطعام مع سالم (ابوها ) واخوانها وحريمهم : وليه ما تقعدين بروحج ...
ريم معصبة : والله ما يمدي على ما اتمكيج واتعدل .......
قاطعها خالد وهو عاقد حواجبه : نعم ... وليش حضرتج بتحطين مكياج . والله ياويلج
ريم بتودد وتحاول تكسر خاطره : خللللودي اول يوم وناس توني متعرفة عليهم لازم يعرفون اني بنت سنعة وبنت ناس
خالد بجديه : بنت الناس السنعة تبين بأخلاقها مو بشكلها وبعدين بنات الحمايل ما يتمكيجون للدوام خصوصا وانتي معاج رياجيل بالشغل
ريم تلف على ابوها : يبه شوفه ما يصير اروح جذي واخرع خلق الله
بو يوسف شرب من كوب الحليب اللي بيده وطالع ريم : ريم لا تعاندين واسمعي كلام اخوج اللي اكبر منج
ريم : وجهي ولا وجهه انا اللي بحط مكياج والا هو ... ( تلف على اخوها الكبير ) يوسف قول شي انت اعقل واحد بهالبيت
يوسف : اخاف اقول وتزعلين
ريم : خلاص لا تقول شي
يوسف يبتسم : عيب تحطين مكياج وتروحين الشغل انت بمكياج وبدون مكياج حلوة
مريم : ترا تأخرتي بسرعه روحي البسي
طقت ريم رجولها بالارض ( يعني معصبه ) وصعدت ريم لغرفتها وهي معصبة بدلت ملابسها البست تنورة زيتي وبادي بيج واكشخت بعباية راس جديدة توها مفصلتها وضبطت النقاب شحلاته عليها خصوصا عيونها كبار وحلوة ( ريم بنت مملوحة احلى ما فيها عيونها لانها كحيله وكبيرة شعرها لحد كتوفها اسود وناعم وطولها وسط بس شكلها رزه مع انها شويه ضعيفة ) وحطت الكحل والماسكرا بالجنطة عشان اول ما توصل تروح الحمام ووتتزين ... نزلت لقت الصالة مابقى فيها الا خالد معصب عشانها اخرته لانه هو اللي بيوديها ...
خالد : لو انج عروس يمديج خلصتي
ريم : لا تسوي سالفة كاني خلصت بعدين لو اني هدى جان نطرتني ساعتين وانت تضحك
خالد قام يضحك وتغير مزاجه من جابت طاري الغالين : يا حلوة ناس عن ناس تفرق
ريم : افا والله انا اختك من 22 سنة واهي توها عارفتك قبل سنتين وتبديها علي
قاطعهم صوت هدى ( زوجة خالد ): وانت شحارج يحبني ياربي انت شكو
ريم : انت اللي شكو لابسه وجايه
هدى بدلع لايق عليها: خلودي حبيبي بيوصلني الدوام سيارتي خربانة
ريم : عشان جذي معصب يدري اني بخرب الجو وبصك عليكم
خالد : بس يالله كملوا سوالفكم بالسيارة
خالد وهدى كانوا مثال للزوجين المتحابين كان كل واحد عاشق الثاني لحد الجنون يشتاقون لبعض لما تعدي نص ساعة من غير ما يشوفون بعض بس للاسف حبهم لبعضهم ظلمهم حيل ودمر حياتهم ( لا تستغربون اللي راح يتابع قصتهم راح يعرف شلون حبهم ظالمهم وراح يعوره قلبه عليهم )
طلعوا بالسيارة ونزلوا هدى اول لان شغلها اقرب من ريم ولما وصلوا للوزارة اللي تشتغل فيها ريم بطلت ريم باب السيارة بتنزل وطاحت جنطتها واللي نست تسكرها وطلعت الماسكرا منها وطاحت عند رجل خالد ... ريم بسرعة سكرت جنطتها وطلعت من السيارة بسرعة ... خالد اخذ الماسكرا وهو مو مستوعب شنو هاذي لما انتبه بطل باب السيارة وقعد ينادي ريم بصوت عالي لانها توها ما ادخلت
ريم تلف على خالد وهي ميته من الرعب حدها خايفه منه لانه اذا عصب يخرع
خالد اشر بيده يعني تعالي ... قربت ريم وهي شوي واتموت من الخرعة رجولها مو قادرة تشيلها ... لما وصلت عنده طالعت فيه واهو رافع الماسكرا جان يقول :
ليش خذيتيها معاج ؟؟؟
ريم : ................
عطاها خالد الماسكرا : حطيها بجنطتج وخليها معاج وانا واثق انج ماراح تكسرين كلمت اخوج وتحطينها على عيونج الحلوة ... صح ؟؟؟
ريم انصدمت من اخوها عيونها دمعت ما توقعت هذي ردة فعله توقعته يكفخها ويردها للبيت .. مسحت دمعتها وقربت منه وباسته على راسه وقالت : صح
دخلت ريم الوزارة و هي فرحانة وشوي وتطير من الوناسة لأنه أول يوم لها بالدوام اللي الكل كان معارض عليه لانه بمكان مختلط بس مع الوقت بدوا اهلها يوافقون ...
دخلت ريم مكتبها وكان معاها موظفة وموظف بنفس الغرفة
ريم : السلام عليكم
محمد وساره : وعليكم السلام
ريم : انا ريم سالم الموظفة الجديدة
سارة تتطنز : ما شالله توج توصلين المدير قلب الدنيا عشانج متأخرة من اول يوم
ريم : آسفة بس انا ...
قاطعها محمد وابتسامته شاقه وجهه : ولا يهمج هذا مكتبج واحنا زملاؤك محمد وسارة حياك الله
ريم بقلبها ( سبحان الله فرق بين المره والرجال )
ريم تطالع بعيونه وكان مبين عليه انه قمة في الاخلاق : مشكور اخوي
سارة وهي تكمل شغل وتكتب : انا اقول روحي اعتذري للاستاذ احمد لانه من الصبح ينطرج
ريم متنحة : منو الاستاذ احمد ؟؟؟
محمد : هذا مديرنا هنيه اكيد ما تدلين مكتبه اذا تبين اوصلج عنده
وقاطعهم دخول شخص لفت نظر ريم وكانت تطالعه بأعجاب لانه حيل حلو وجذاب طول وعرض ولابس دشداشة بيضاء وغترة بيضا وحاط قفل يجنن وفيه شويه شيب ريم قامت تخزه وهو يخزها وهي بقلبها ( عفية مراجعين اذا بشوف هالاشكال كل يوم عز الله ماني بخير )
لما التفتت ريم حق محمد وسارة لقتهم واقفين وبقلبها تقول ( خوش معاملة لا ويشتكون الناس من سوء معاملة موظفين الحكومة لهم وهم أول ما يدخلون يوقفون لهم )
قاطع افكارها صوت
سارة : استاذ احمد هذي ريم الموظفة الجديدة
ريم انصدمت هذا مديري ياسلام شكله شي وليش دايم المدير بالمسلسلات شايب ... صراحة خوش دوام ...
وقف الاستاذ احمد وكتف يدينه وهو يطاعها ومبتسم ... وريم طايره من الفرحة (اكيد معجب والله اني مو شويه)
احمد : شرفتي حضرتج ليش ما كملتي النومة بالبيت مو احسن
ريم تغير مزاجها بعد الزفة المحترمة ( اكيد يكابر بيسوي يعني شخصية جدامي عشان يعجبني )
ريم : بصراحة كان الطريج زحمة وما ....
قاطعها احمد : والله ... شلون زحمة واحنا وصلنا من زمان والا انتي مو بالكويت وبعدين طول عمرها الكويت زحمة ونوصل لدواماتنا بالوقت المحدد
ريم : لا بس انا ساكنه بعيد و ...
احمد : وين بعيد يعني الرياض مثلا والا الدمام
ريم انبطت جبدها لا ويتطنز الحمار ماعليه ماراح ارد عليه خليه يا ريم يكلم نفسه لين يمل ويصير جنه خبل بس صراحة مزيون
احمد : شوفي يا ..... شنو اسمج ؟؟؟
ريم : اسمي ريم
احمد قام يضحك وتغير مزاجه : مو لايق
ريم انصدمت : ليش ؟؟؟ شنو اللي مو لايق ؟؟؟
احمد : ما ادري شكلج اسمج شقحة سبيكة رقية مو ريم ..
ريم بينها وبين نفسها (ياحيوان واتجرأ بس مضطره اتحملك اكيد قلت علي جذيه عقب ما شفت البنات اشكال والوان ومسوين عرض ازياء والوان ومكياج ترس الوجه بالوزارة وانا لاني مستترة مو عاجبتك تبيني البس جنيز وبادي وافك شعري عشان تقول اهلين ريوم بس ماعليه مردودة )
ريم : مشكور استاذ مناحي ما قصرت
هنيه كل اللي بالمكتب ماتوا ضحك شلون تجرأت ونادته مناحي ( يستاهل )
احمد : حلللللللوة ... يعني ما تعرفين اسمي ؟؟
ريم انحرجت ( والله لساني طويل زين ما طردني ) لف احمد لما وصل عند الباب على ريم وقال :
لا تتأخرين مرة ثانية يا شقحة واذا احتجتي أي مساعدة عندج اخوانج سارة ومحمد ماراح يقصرون
ابتسم وهو يطالع ريم ويأشرلها ((بااااي))
اول ما طلع قعدت ريم عالمكتب :اووووووف شفيه هذا ؟؟
سارة : لا انتي ما تعرفينه الاستاد حيل طيب بس اكيد كان بيخرعج عشان ما تتأخرين مرة ثانية
محمد : الدليل انه ما قدر يعصب عليج لما قلتي مناحي لانه هو دمة خفيف وكل الموظفين يحبونه
ريم ( تكابر): الا انا
سارة : والله نص بنات الوزارة معجبات فيه ويوميا لازقات عند مكتبه واحلى كشخة جنهم رايحين عرس .. تشوفينهم انشاالله وراح تلاحظين
ريم : نشوف
طلعت ريم من المكتب بعد ما علمها محمد كل شغلها لان سارة قعدت تتهرب منها اما محمد عرض خدماته بدون ما تطلب بعدين راحت تتمشى على مكاتب الموظفين وهي عيونها على اللوحات تدور مكتب الاستاذ احمد .
مرت على مكتب فيه ثلاث موظفات صج على آخر كشخة شي وهي تسمع سوالفهم
الموظفة الاولى : بنات شرايكم شكلي عدل ... حمرتي حلوة ... كحلي زين ..
الثانية : كلج حلوة يالله روحيله قبل لا تروح قبلج شريفة وتسبقج عليه
الاولى : يارب توفقني يالله بروح للمدير ادعولي باااااي
ريم حقدت عليها جنها شريكتها ( يالله فرصة الحقيها عشان تعرفين وين مكتب المدير )
الحقتها ريم لما وصلت عند باب المدير كانت تبي تطق الباب بس الاستاذ احمد فتحه وطلع ولما شافها ابتسم
احمد : اهلا سعاد شلونج ؟؟؟
سعاد بنعومة : زينه انت شلونك ؟؟؟
احمد : مدام اشوفكم زينين اكيد انا تمام
ريم كانت تطالعهم وتسمعهم لانها كانت قريبة بس ما حسوا فيها
احمد : ما قلتيلي شلون الاهل والوالد
ريم بقلبها ( زين طلعت من اهله يعني مو مغازلجي بس ما يصير هو شكله بدوي وهاذي حضرية وفري )
سعاد : كلهم بخير ويسلمون عليك
احمد : الله يسلمج ويسلمهم ( سكت شوي لما لمح ريم وكمل ) تامرين على شي انا بروح امر على مكاتب الموظفين
سعاد ضاق خلقها : لا سلامتك انا بس جاية اسلم عليك يالله باااااي
راحت سعاد ولف احمد على ريم اللي كانت ميته من الحره واشر لها يعني تعالي .. جت ريم ووقفت عنده بدون أي كلمه
احمد : هاا شرايج بالدوام عندنا انشالله يكون عاجبج ؟
ريم : الحمدلله زين
احمد : اوكي شعندج جايه هنيه بعيد عن مكتبج اكيد رحلة استكشاف
ريم اضحكت : هههههه ايه ... الوزارة حيل كبيرة تعبت وانا افر فيها
احمد بجديه : مدامج وصلتي هنيه شوفي ( اشر على باب قريب ) هذا مكتبي اذا احتجتي أي شي ... والحين انا رايح اسوي جوله على مكاتب الموظفين ( طالعها بابتسامه ذوبتها ) تحبين تجين معاي اعرفج على زملائج ؟
ريم بعد تردد : مو مشكلة
راح الاستاذ احمد يتمشى مع ريم بين المكاتب وكل ما وصلوا مكتب فيه حريم قعدوا يطالعون ريم بحقد مثل ما قالت سارة وريم تفكر ( منو هذي سعاد اللي كانت تسولف معاه عند المكتب .... وليش هو يعاملني غير بعدين يمكن هو جذي مع كل الموظفين مو بس معاي بس هو حيل طيب مثل ماقال محمد )
وقف معاها عند باب مسكر وداخل ازعاج
احمد : هذا المكتب فيه موظفين داجين ورايحين فيها بس بشغلهم ماكو احسن منهم دايم يسوون مقالب ببعضهم بصراحة الوزارة بدونهم ولا شي
ريم : ليش مسكرين بابهم
احمد : اكيد يسوون بلوة داخل ... شوفي بسوي كبسه عليهم بس انت لا تتخرعين اذا شفتيهم ترا داجين
ريم : اوكي ... واحد ... ثنين ... ثلاثه
بطل احمد الباب شاف شي عجيب ... ريم شهقت من اللي شافته ... الموظفين انحرجوا
لف احمد على ريم : ما قلت لج رايحين فيها
كانوا اربع شباب قاعدين على الارض على شكل دائرة ومخلين مكاتبهم فاضية ويلعبون جنجفه ( ورق)
الشاب الاول ( سعود ) : خرعتنا يا استاذ مو جذيه يبطلون الباب
احمد : والله ... اسم الله على قلبك تخرعت
الشاب الثاني ( راشد) : حياك استاذ تبي نوزعلك ورق ؟؟
احمد : عيب جذيه فضحتونا جدام ضيوفنا طلعتوا اسراري وانا موصيكم ما تقولون لاحد
راشد : آسفين ... بس ما عرفتنا منو ضيوفك ؟؟
احمد : هذي اختكم شقحه قصدي ريم موظفة جديدة ... الله الله عليها
ريم تطالعه وهي مقهورة شلون تجرأ وقالها مرة ثانيه
سعود : بعيونا كل الموظفات بعيونا
احمد : خل اعيونك لك واحترم نفسك تراها من الاهل
ريم انصدمت ( ليش يدافع عني وما خلاهم يتغزلون فيني ياربي اول مرة احد يعطيني وجه وعلى طول سكتهم هالغثيث ... بعدين ليش قال من الاهل وانا اول مرة اشوفه )
الشاب الثالث ( مشاري ) وهو يغمز : علينا استاذ احمد انت ثلاث ارباع الموظفات من اهلك
( عرفت ريم ان سعاد مو من اهله بس هو يعاملها جذيه وانه يقول على اغلب الموظفات جذيه )
احمد : جب زين أصلا أي بنت تشتغل عندي اعتبرها بنتي ولا ارضى أي انسان يضرها
الشاب الرابع ( حسن ): والنعم فيك عشان جذي كل البنات يحبونك
الاستاذ احمد انحرج ووجهه صار احمر اما ريم ماتت من الضحك وحتى الشباب قاموا يطقون حسن وهم يضحكون
احمد بعد ما جمع وجهه : بس خلاص شيلوا لعبتكم وقعدوا على مكاتبكم لو يجي احد المراقبين ويشوفكم عز الله قعدنا ببيوتنا
سعود : شدعوه ذاك اليوم لما جبنا بلاي ستيشن ما قلت شي والحين على جنجفة سويت سالفة
احمد : بس فضحتونا ... خلاص كملوا بس بدون ازعاج
ريم تفكر ( والله خوش مدير )
طلعت ريم مع احمد اللي وصلها لمكتبها وراح مكتبه
ولما انتهى وقت الدوام طلعت ريم و لقت خالد ينطرها برا بطلت الباب وباسته على خده ( صارت تحبه اكثر عقب سالفة الماسكرا اللي فعلا ما حطت منها شي )
خالد : بشري شلون الدوام ؟
ريم : يااااي روعه حيل حيل حلو
خالد : زين هذا اهم شي انه يعجبج
وحرك السيارة ( خالد ما شاء الله عليه مزيون حيل وهالشي معذب هدى لانهم كل ما يطلعون مكان يجون البنات حواليه ويتلزقون فيه )
وردوا للبيت وقعدت على الغدا تسولف عن دوامها لما لاعت جبد اهلها منها ومن دوامها
عبدالله (اخوها ): ريم مايوظفون عندكم طلبه ؟؟
ريم : ليش لا يكون بتوظف ؟
عبدالله : بصراحة لاعت جبدي من الدراسة متى افتك
سالم : والله ان ما شديت حيلك وجبت معدل يا ويلك
عبدالله : بحاول
مريم : تحاول !!!
عبدالله بقلبه (هذي والله النشبه ) : يمه افا عليك بس يالغاليه اتغشمر معاج انا الحمدلله شاد حيلي
اريام : دير بالك لا ينقطع هههه
الكل : هههههه
عبدالله : يا ربي عذال بس ميخالف تمونون
ام يوسف : انتبه لا تغلبك منيرة بنت عمك ناصر عاد ياشينها لا غلبتك
عبدالله : تخسي البنت تغلبني وانا ولد سالم
ريم : نشوف
وعقب الغدا راحت ريم للمطبخ لقت هدى مرت خالد
ريم : هدى عفيه بعد شوي العصر ابيج بقولج شصار بالدوام
هدى : من صجج ما خلصت سوالفج للخين
ريم : لا في شغلات ما قدرت اقولها لان الرقابة موجودة
هدى : اوكي متى ما طلع خلللودي جيتج
ريم وهدى علاقتهم حيل مع بعض لانهم ببيت واحد وتقريبا نفس العمر وهدى طبيتها وقلبها الابيض يخلي الكل يحبها ويفتح له قلبه
وراحت ريم لغرفتها بعد ما جا خالد وقعد عند هدى بالمطبخ
خالد : هدى حبيبتي خلي الصحون تجي الخدامة وتنظفهم
هدى : ما عليه انا بنظف صحني وصحنك وهي تنظف الباقي
خالد : يالله بنصعد شقتنا عندي لج مفاجأة
هدى فرحانه : صج
خالد وهو يغمز : طبعا صج بس مو هنيه بالغرفه
هدى من غير تردد : اوكي يالله
صعدوا الشقة اول مادخلوا
هدى : يالله وين الهدية ؟؟
خالد مستغرب : هدية ؟؟
هدى معصبه : لا تستهبل انت قلت عندي لج هدية
خالد يضحك : يا قلبي انا قلت مفاجأة مو هدية
هدى : اوكي وين ؟
خالد : انت ليش ما تقولين كلام حلو مثل كل الناس
هدى حست انها مصختها : بس ... ماطلبت شي غالي والطلب رخيص
وباسته من خدة ودخلت غرفتها معاه ^_^ ( اتوقع عرفتوا شنو المفاجأة حقت خالد )
بغرفة ابو يوسف
مريم متوترة : والله اني خايفة على ريم
سالم لايعه جبده : يابنت الحلال كل البنات توظفوا ما صار لهم شي
مريم : بس بنتي متوظفه مع رياجيل وهم بصراحة جلاب و ذيابه وهي صغيرة وما تعرف الدنيا
سالم : ريم بنتي وربيتها عدل وما اظن ينخاف عليها لانها بنت رجال
مريم : ما ادري الله يستر
سالم : ارتاحي يا بنت انشاالله مو صاير الا كل خير
بغرفة يوسف
خلود : بصراحة اختك جريئة شلون قدرت تتوظف مع رياجيل
يوسف : شفيها مستترة ومحترمة ما فيها شي
خلود : شفتها لما تسولف عن مديرها شلون تجرأت وقعدت تتمشى معاه جنه اخوها
يوسف بعد تفكير : مديرها يعني شايب كبر جدي
خلود : مو شرط
يوسف : ياعمري ابي انام يصير ؟؟
خلود : سوري حبيبي ازعجتك
بعد صلاة العصر حطوا قهوة وجاي بالصلاة وقعدوا كل العايلة يسولفون
ريم اشرت حق هدى : هدى ابيج شوي بغرفتي
خلود وهقتهم : خلكم معانا شحلات القعدة
عبدالله : روحوا ما عليكم ماتشوفون شر
ريم ترقع : وجعه ما تبينا ؟؟؟
عبدالله يستهبل : لا تغلطين ... ما ابيج مو ما ابيكم لاتدخلين هدى بالسالفة وتجمعين ويجينا خللود يلعن خيرنا
ريم : هين يا عبود ... ( لفت على هدى وكملت ) مايخالف هدى عشر دقايق وننزل لكم
هدى : اوكي
خالد يسوي نفسه زعلان : والله تروحين وتخليني بروحي يا هدهودا
بو يوسف مقهور : وجع تخليك بروحك وليش حنا مو تارسين عينك عساها للبط
هدى : عمي حرام عليك لاتدعي عليك صدقني ما يقصد
خالد : يابعد جبدي والله محد يدافع عني غيرج ( لف على ابوه وكمل ) يايبه انا اقصد انها اول ما تروح احس الكهربا تطفي يصير حر وظلمه ما ادري ليش ؟؟\
يوسف : هذا وانا اخوك اللي يسمونه ... الحب
خالد غلط وقال له وزوجته خلود قاعده : يا سلام وانت شعرفك بالحب
خلود عصبت وكمل خالد يبي يحرها زيادة : يوووه !!! نسيت بنت جيرانا اللي كنت تحبها وكل يوم تنطرها عند الباب
الكل قعد يضحك باستثناء خلود ويوسف اللي توهق وعرف انه فيه استجواب ناطرة
وقعد يدعي على خالد اللي وهقه وهقة عدله وفضحه
صعدت هدى مع ريم لغرفتها
ريم : بصراحة قاهرني وما يناديني الا شقحة
هدى تضحك : خوووش اسم
ريم مستغربة : يتطنز علي وفي نفس الوقت يعاملني احسن معامله
هدى تسايرها : اكيد انه حب يتغشمر معاك بالعكس شكله محترم وخلوق موتقولين سكت الشباب وقالهم انج من الاهل
ريم ما تبي تقتنع : يمكن يسوي نفسه ثقيل جدامي
هدى بجديه : ريم اهم شي انت تكونين ثقيلة ولا تتكلمين معاه مرة ثانية عشان يعرف انج بنت ناس
ريم : زين هدى شلون اعرف اذا كان متزوج والا لا ؟
هدى مستغربة : وانت شعليج منه ؟
ريم : شكله صغير
هدى : اسألي اللي معاج بالمكتب
ريم مستانسه : والله فكرة بس اخاف يشكون فيني خصوصا ان معجباته واجد
هدى غيرت الموضوع : سولفي عن محمد اللي معاج بالمكتب بصراحة عجبني لما قلتيلي عنه
ريم : محمد هذا شي ثاني شنو اخلاق ! شنو وجه يفتح النفس عالصبح ! شنو شخصية !
تمت ريم تسولف عن محمد لما قاطعهم طق الباب
ريم : تفضل
اريام : كل هذا عشر دقايق وننزل
هدى : سوري خذتنا السوالف ولا حسينا بالوقت
اريام : اكيد قالت لج هالخبلة عن محمد واحمد وراشد وحسن ومشاري وسعود …
شفتي شلون بنت الحمايل صار عندها ربع ؟؟؟
ريم : وجع انشاالله …. هذيل مو ربعي بس عرفتهم بالدوام ولا لي شغل فيهم
اريام : زين لا تعصبين … تعالوا تحت خالد مطرشني يقول قولي حق هدهودا حياتي تنقذني وترحمني وتنزل
هدى : يا قلبي قلبك يا خالد … يالله بااااااي بالحق عليه
ريم : يالله بروح معاج
قعدت ريم الصبح وبسرعة راحت تلبس لما وصلت للمنظرة كانت بتحط مكياج بس تذكرت خالد وثقته فيها ولا حطت شي وهي تفكر( اصلا انا حلوة بمكياج وبدون مكياج ) لما نزلت لقت الكل قاعدين يتريقون
ريم : صباح الخير
الكل : صباح النور
ريم : خالد خلصت يالله
يوسف من غير ما يطالعها وقاعد ياكل : انا اللي بوديج مو خالد
ريم بذهول : ليش ؟؟؟
يوسف لف عليها : ليش انتي ما تبيني اشوف مكتبج وشغلج
ريم : لا حياك بس اخاف بعض الناس فروا راسك ( وتلف على خلود )
يوسف : شقالولج جاهل عشان يفرون راسي
ريم : اسفة اخوي بس انت تدري ان زوجتك ما تحبني ما ادري ليش
خلود تسوي نفسها طيبه : بالعكس انت مثل اختي هذي تخيلات يعني عشان اخاف عليج صرت ما احبج
ريم : خلي خوفج لنفسج وعيالج مالج شغل فيني
خلود زعلت وقامت من الطاولة وصعدت دارها
يوسف : ريم وبعدين معاج وطولت لسانج هذي ما تحشمين احد
سالم : ريم يبه مايصير جذي عيب مرت اخوج تحبج
ريم : لا ما تحبني ولا تحب امي ما تحب غير نفسها وهالاسد لاعبة براسه
ريم ما استوعبت اللي صار طاحت عالارض لما طقها يوسف طراق ( تستاهل لسانها طويل )
ريم تصارخ : يبه يوسف يطقني وانت موجود
سالم : خليه يربيج
يوسف : انتي صاير ماتحشمين احد وتستاهلين اكثر من طراق ... يالله اذلفي فوق اقلبي وجهج مابي اشوفج ..
ريم اصعدت غرفتها معصبة وزعلانه وقاعدة على سريرها ولامه رجولها عند صدرها وتبكي منهارة شلون اخوها الكبير يطقها عشان زوجته والله قهر اول مرة يمد يده عليها ... بس هي زودتها شوي وكان لسانها طويل حبتين
دخل عليها خالد بعد ما طق الباب : افا والله يا ريومه ليش قطيتي عباتج يالله تأخرتي عالدوام
ريم مازالت تبكي : ماني رايحة
لمها خالد لصدره وحاول يهديها : يا خبلة هم يسوون جذي عشان ما تداومين اقهريهم وداومي
ريم : يوسف اول مرة يطقني وعشان هالخايسه خلودوه
خالد يحاول يغير مزاجها : خليهم يولون ... كلهم ما يسوون دمعتج الغالية ... وبعدين وعد مني ماراح اخلي السالفة تمر بسهولة وراح اخذ لج حقج منهم اساسا ابوي راح له غرفته وزفه زف محترم وامي نفس الشي بس هم مايبون يزفونه جدامج
ريم وهي تبجي : قاهرني ... حيل قاهرني
خالد : ماعليج منهم ؟؟؟ عطيهم طاااااااف
ريم : محد يحس فيني غيرك
خالد بحنان الدنيا : عشان جذي ابيج تقومين بسرعه وتلبسين عبايتج
ريم ردت لبست بسرعة ونزلت حق خالد اللي كان ينطرها بالسيارة
وصلوا للوزارة استغربت ريم لما شافت خالد طفى السيارة ونزل معاها لحد ما وصلها مكتبها
خالد : السلام عليكم
سارة ومحمد : وعليكم السلام
ريم قعدت على كرسيها بعد ما سلمت وقعد خالد مقابلها ... بعد خمس دقايق ماراح خالد ... وظل قاعد عندها استغربت ريم هذا شسالفته قاعد ما عنده شغل ..
ريم تطالع خالد ومستغربة : خالد ماعندك دوام ؟؟؟
خالد وهو يلعب بتلفونه : اجازة
ريم تستفسر : ليش ماخذ اجازة ؟؟
خالد وهو للحين يلعب بالتلفون : مو اجازة بس ساعتين ... وديت هدى للمستشفى وبنطرها عندج لما تخلص وتدق علي عجزان اروح البيت وارد مرة ثانيه
ريم متخرعة : سلامتها شفيها ؟؟
خالد يضحك : ههههههههه تصدقين ما ادري !!! مارضت تقولي ولا خلتني انزل معاها !!!
ريم استانست : ياسلام !!!!!!!!!! اكيد حامل وبتسوي لك مفاجأة لما تتأكد
خالد راحت ابتسامته الحلوة : انشاالله الله يسمع منج ... انتي لو تشوفينها شلون تحب الاطفال
ريم تلعب باعصابه : وانت ما تحبهم ؟؟؟؟؟؟
خالد رد يبتسم : امووووت عليهم واذا من هدى اموووت عليهم زود
ريم : الله يرزقكم بكل اللي تبون انتوا تستاهلون ... مو خلود ويوسف اللي يجيبون عيال ويقطونهم عالخدم
قام خالد ووقف عند الباب : ريوم حبيبتي تبين شي من الكافييه ؟؟؟
محمد طارت عيونه بخالد ( اكيد زوجها )
ريم : مشكور مابي شي ... لا تتأخر ترى اشتاق لك
ريم تعمدت تقول هالكلمة لما شافت ردة فعل محمد ؟؟؟ لما طلع خالد تم محمد يطالع بريم وهي حست انها غبية بهالحركة
سارة : ريم منو هالمزيون اللي وياج ؟؟؟
ريم بترفع ضغطها : لا تقولين جذي اغار عليه
محمد بلقافة : زوجج ؟؟؟
ريم ابتسمت ولفت من غير أي رد
محمد بغى يموت وهو يفكر ( شفيك جذي اول مرة تشوف المرة انجنيت عليها وسارة ميته عليك وكل يوم تلمح لك ومو معطيها وجه ... بس فرق وحدة عارضة نفسها ومطلعة مفاتنها للي يسوى واللي ما يسوى ووحدة محترمة وساترة نفسها وحلوة )
لف محمد وكمل شغله
مثل عادته قاعد يفرفر بين مكاتب الموظفين ودخل على ريم اللي ما حست بدخلته
ووقف قدامها وللحين مو حاسه كانت تكتب ومنشغلة عشان جذيه مارفعت راسها
طق المكتب بإيده حيل وطلع صوت خلى ريم تفز من مكانها وتصارخ ... وجا خالد ركض بعد ماسمع صراخ اخته ومسك الاستاذ احمد من دشداشته ولف على ريم
خالد بعصبية : ريم شنو سوا لج هالحيوان ؟؟؟؟؟؟
ريم انحرجت حدها : خالد هذا مديرنا
خالد برد وجهه وهد دشداشة احمد : اسف بس انا سمعت ريم تصارخ حسبت احد مزعجها
احمد عدل دشداشته وغترته : لا عااادي ... انا لو مكانك سويت نفس الشي ( لف على ريم ) آسف حيل حيل اذا خرعتج
ريم وهي للحين منحرجة : عااادي
خالد : ماشاء الله شكلك صغير مولايق على مدير انا اخبر المدير شايب طايحه ضروسه
احمد يضحك : ههههههههههه شدعوه انا صغير حتى انا شايب بس ما طاحت ضروسي
ريم تفكر ( شلون شايب بهالجمال !!!! يعني كم عمره ؟؟؟؟ )
خالد منحرج : اسمحلي مرة ثانية انا آسف على اللي صار بس من غير تفكير صدقني ريم غالية علي ولا ابي أي شي يزعجها
احمد بلطف وذوق : ريم بنتي لا تحاتيها بس انا شفتها سرحانه حبيت اصحيها
خالد يتليعن : اووووف عاد ريم ام السرحان كله
احمد يطالع ريم ويبتسم : اللي ماخذ عقلها يتهنا به
خالد : أكيد اخوها وحبيبها خالد ؟؟؟ صح ريوم ؟؟؟
احمد منصدم حده وفاتح حلجه ( فمه ): انت اخوها ؟؟؟ والله على بالي زوجها ...
قعد يضحك ومحمد ارتاح لما سمعهم ( شكله يحبها ) وعرف انه اخوها يعني مو متزوجة ؟؟؟ وراح الاستاذ احمد وظل خالد مع ريم
وبعد تقريبا ثلث ساعة دقت هدى على خالد واضطر انه يستأذن
وصل خالد للمستشفى ولما ركبت ريم انصدم لما شافها تبجي
خالد : هدى حبيبتي شفيك ؟؟؟؟؟؟؟؟؟؟
هدى تبكي : ........
خالد خايف حده : شصاير خوفتيني ؟؟؟؟؟؟؟
هدى وهي تصارخ : ماكو شي ودني البيت بسرعه
سكت خالد وحط ايده على ايدها وطار بالسيارة لما وصلوا البيت بعد ماهدت زوجته شوي بالطريق
خالد برقه وهو حاط ايده على كتفها : هاااا يا قلبي بتقولين شفيك والا ازعل ؟؟؟
هدى تطالع الارض : اذا قلت راح تزعل واذا ماقلت هم راح تزعل
خالد يضحك : ههههه شنو هذا لغز ؟؟؟
هدى تشجعت : انا ...... انا ....... رحت اسوي تحليل كنت متوقعة اني حامل بس انصدمت لما طلعت النتيجة سلبية
خالد هدت اعصابه : الله يهداج خرعتيني على بالي صاير شي
هدى ردت تبجي : انا كنت فرحانه ومستانسة بس ....
خالد حط ايده وراها : عاااادي يا بنت الحلال تو الناس عالجهال خلينا نعيش حياتنا ومتى ما جاوا العيال حياهم الله
هدى تغطي وجهها بيدها : حنا صار لنا سنتين متزوجين وللحين ما عندنا عيال
خالد : عاااادي يا قلبي ؟؟؟ جذيه أحلى شوفي حنا بشهر عسل من سنتين ... عمرج شفتي ناس بشهر العسل وعندهم عيال
هدى تغير مزاجها وصارت تبتسم له : لا ما شفت
خالد : شوفي حياتي بقولج شي وابيج تفهمينه عدل ... انا تزوجتج لأني احبك وابيج انت سواء جبنا عيال او لأ ماراح اتخلى عنج ابد راح تكونين زوجتي طول العمر وسالفة العيال لا هي بيدي ولا بيدج هذي من رب العالمين هدية يعطيها اللي يبي ويحرم اللي يبي منها وانا ما ابي هالموضوع يكدرج ولا يضايقج لانج لي وانا لج دايم . اوكي ؟
هدى ارتاحت : توعدني يا خالد ؟؟؟؟
خالد : وعد
هدى : خلاص اوكي
مرت فترة وريم تشتغل وتقريبا كل الاحداث متشابهه كل يوم تشوف احمد وكل يوم محمد يحبها اكثر لدرجة ان سارة لاحظت حبه لها ومافيه يوم يمر من غير مايسوون الشله ( حسن وراشد وسعود ومشاري ) مقالب بربعهم بالوزارة بس ريم للحين ما سوووا فيها شي
اما خالد وهدى اتفقوا انهم يكملون شهر العسل اللي مو راضي يخلص ( ماشاء الله )
ويخلوون سالفة العيال على الله
عبدالله مسوي نفسه شاد حيله وهو لعب وسوالف بالنقال
اريام مثل روتينها اليومي دراسة وواكل وافلام
يوم الخميس كانوا رايحين للبيت عمهم ناصر ومعاهم هدى وخلود
ام فهد ( مرت عمهم ) : شلونج ياريم مع الدوام ؟؟
ريم : الحمدلله ياعمه
ام فهد : والله ان سعد كسر الدنيا يوم درا انج داومتي مع رياجيل
ام فهد تلمح لانها تبيها لسعد ولدها بس ريم ما تبيه وقايله لابوها لانه خطبها اول ما خلص دراسته ( هندسة ) وهي حطت عذر انها للحين ما خلصت واجلوا السالفة اللي شكلها بتنفتح من جديد
ريم : والله شسوي هذا المكان الوحيد اللي يقبلون شهادتي فيه .. وبعدين اذا ابوي راضي شعلي من الناس
فهمت ام فهد ان ريم تلمح ماتبي ولدها
ام فهد : بس ولدي مو أي ناس ولد عمج ومسؤول عنج
ام يوسف بتغير الموضوع : الا يا منى وين مزيونتكم الجديده شروق ما شفتها
منى ( مرت فهد ): والله نايمه فوق
ريم : يا حلوها ما كبرت
منى تبتسم لها : الا كبرت صارت مره
ام يوسف : وانت يا منيرة شخبار دراستج
منيرة : اوووف مليت متى اتخرج وافتك
ام يوسف : هذا انت وهذا عبدالله الدراسة بصوب وهو بصوب
منيرة : لا عاااد مو مثل عبدالله انا ادرس
ريم :عبود عجيب ذاك اليوم مقفل غرفته وقايل لحد يزعجني بدرس ولما رحت بوديله شاي طقيت الباب ما رد علي استغربت وطقيت الباب حيل والا يرد وصوته مبين كان نايم ههههه
الكل : هههه الله يقطع بليسك
وفي يوم كانت ريم قاعدة بمكتبها ... دخلت عليها سارة
سارة : ريم انا عازمتج بالكوفي شوب ... ابيج بموضوع
ريم مستغربه : خير شصاير
سارة : كل خير يالله تعالي
ريم : والله ما اقدر اطلع اهلي موصيني مااروح أي مكان برا الوزارة
سارة : ريم شفيج الكافييه تحت مو برا
ريم : مدام جذي اوكي
نزلوا الكوفي شوب وقعدوا يسولفون شوي بعدين ....
سارة متردده : ريم شرايج بمحمد ؟؟؟؟
ريم دايخة : منو محمد ؟؟؟
سارة : شفيج !!!!!!!!!! زميلنا اللي معانا بالمكتب .
ريم تذكرت : ايه !!!! بصراحة خوش رجال خلوق ومحترم وما عمره قصر معاي كل ما احتاجه القاه قدامي ..
سارة للحين متوتره : بصراحة ريم ما ادري شقول لج ..
ريم : شفيج سارة قولي ولا تستحين
سارة : ريم انا احب محمد من اربع سنين واحنا مع بعض ولما يجون ناس يخطبوني كنت ارفض عشانه بس انا ....
ريم : كملي سارة !!!
سارة مترددة : انا لاحظت انه يحبج وفيه ناس قالولي انه ناوي يتقدم لج ... تكفين ريم انا اموووت عليه وراح انجن لو تزوج غيري
ريم : شوفي سارة انا بنصحج لوجه الله انت مثل اختي واحنا صارلنل مع بعض اكثر من خمس شهور وعرفنا بعض عدل ... محمد اذا كنت عاجبته فأنا ما فيني شي احسن منج بس الفرق اني متحجبه وملتزمة وانت كاشفة عمرج لكل الناس ... شوفي سارة انت بنت مسلمة والرجال الشرقي يحب المرة اللي يبي يتزوجها ملتزمة ومحتشمة ومحمد اوعدج اني ما آخذه لو كان آخر رجال في الدنيا لاني في بالي واحد ثاني ...
سارة بعد ما حاولت انها تبتسم : منو ؟؟؟؟؟؟؟؟؟
ريم : ما اقدر اقولج الحين ... يالله خلينا نصعد ترى تأخرنا
لما وصلوا المكتب لقوا الاستاذ احمد مرسل السكرتيرة تنادي ريم ... راحت ريم له وقلبها يقرقرع ( شكلها تحبه ما تدري ليش هو غير عن كل الناس عندها لما تشوفه قلبها تزيد دقاته ولما تسمع احد يتكلم عنه تفرح وتستانس ولا هي عارف ليش ودايم تسأل نفسها ( احمد بحياتي من يكون ؟؟؟ معقوله انا احبه خصوصا انها عرفت انه اكبر منها بعشرين سنه ؟؟؟ وهل هو يفكر مثل ما انا افكر ؟؟؟) وهي تمشي تفكر وفي بالها ميه سؤال شيبي فيها المدير
وصلت ريم عند باب المكتب وطقت الباب وهي ترجف لان الاستاذ احمد اول مرة يطلبها بمكتبه ... وهي ما تدري شنو يبي فيها ... طقت الباب مرة ثانية وسمعت الاستاذ يقول : تفضل
ريم : السلام عليكم
الاستاذ احمد كان معطيها ظهره ويشتغل عالكمبيوتر واشرلها تقعد : وعليكم السلام
وخلاها عشر دقايق وهي قاعده تتأمله ياحلاته مع انه كبير في السن بس جذاب وحلو ... تمت تطالعه وهو يشتغل وعيونها ما ملت وودها تطالع اكثر واكثر... بعد عشر دقايق سكر اللاب توب ولف عليها والابتسامه شاقه وجهه : حيا الله الريم
ريم : الله يحييك احمد : شلونج ابوي ؟؟؟
ريم انصدمت ( احبه وناويه اتزوجه ويقولي ابوي ) سكتت شوي بعدين : الحمدلله
احمد : شلونج مع الشغل ؟؟؟ اسمحيلي من زمان ما سألت عنج بس والله كنت مشغول
ريم تجامله : مو مشكله عااادي
احمد مبتسم : شلون اخوج اللي ما يغشمر ؟؟؟
ريم تضحك : ههههه خالد !!! زين
احمد تحول لشخص جدي و( عاقل ): ريم انا بكلمج بموضوع خاص
ريم خااايفة : تفضل
احمد : عاااادي عندج تتزوجين واحد من برا قبيلتكم ؟؟؟
ريم ( ياااااي اكيد بيخطبني ) : اذا كان ولد ناس ومحترم ليش لا ..
احمد : بصراحة محمد كلمني عنج ومحمد عندي مثل ولدي وقالي اشوف رايج بالاول واذا كنت موافقة يتقدم لج رسمي
ريم تفاجأة ( لهالدرجة يهتم بموظفينه ) ( وانا كنت اتوقع انه بيخطبني لنفسه طلع ما يفكر فيني ولا بيزوجني بعد يا ربي شلون اخليه يحبني ؟؟؟؟؟)
احمد شافها ساكته : تبين وقت تفكرين وتردين علي ترى عااادي اهم شي تفكرين عدل
ريم : لا ... بس انا ما اقدر اتزوج محمد
احمد : ليش يا ريم محمد محترم ومن عايله معروفة و ...
قاطعته ريم : وسارة تحبه !!!!
احمد : سارة اللي معاه في المكتب
ريم : بس اهو ما يفكر فيها
احمد : ليش ما يفكر فيها ؟؟؟
ريم : ما ادري بس انا اشوف انهم مناسبين لبعض
احمد : شوفي ريم بقولج شي .. الرجال فينا اذا بغى يتزوج ما يدور وحده عارضة نفسها للكل اكيد يبي وحدة ما يشوفها غيره عارف اخلاقها و واثق انها راح تربي عياله احسن تربيه
ريم : بس سارة ما فيها شي يعني عشانها تلبس لبس ما ادري شلون صاير ... لا انت ولا محمد تقدرون تتكلمون عليها ولا تغلطون فيها ومو ضروري اللبس يكون دليل على الاخلاق
احمد : ما شاالله عليج يا ريم .... بس صدقيني اللبس جزء كبير من الشخصية
...
سكت شوي بعدين كمل : خلاص يا ريم انا ببلغ محمد وبحاول المح على سارة
ريم : تكسب اجر في سارة المسكينة
احمد : اوكي مشكورة يا ريم على وقتج
ريم : العفو
بعدها بيوم انصدمت ريم ومحمد لما دخلت عليهم سارة ... ما صدقوا عيونهم هذي سارة اللي دايم بنطلونات ضيقة وباديات عارية وفل ميك اب
كانت لابسة عبايه كتف وملفع اسود ومو حاطه مكياج وكانت احلى منها كل يوم
محمد : سارة شنو هالتغيير ؟؟؟
ريم : يااااي سارة ما عرفتج ....
سارة : للأحسن ولا للأسوأ ؟؟
محمد : طبعا للاحسن
استانست سارة من قلب عدها تطير من الفرحة ...
ريم : شكلج رووعة
سارة : مشكورين
وقعدوا وهم كل واحد مو شايلته الارض من الفرحة عقب سارة والتزامها اللي كان لريم دور كبير فيه مع انها ماكانت متوقعة ان سارة راح تتقبل نصيحتها بهالسرعة بس هذا دليل على انها تمووت على محمد
بعد ربع ساعه غمزت ريم لسارة وفهمت سارة معنى الغمزة ... ولفت ريم على محمد : محمد ممكن اتكلم معاك شوي
محمد مستغرب : طبعا ممكن
سارة قامت عشان ما تخرب عليهم : عن اذنكم عندي شغل برا
طلعت سارة وكملت ريم : بصراحة انا ماني عارفة شلون ابتدي معاك بالموضوع؟؟؟
محمد سهل عليها السالفة : الاستاذ احمد كلمج بالموضوع ؟؟؟
ريم منحرجة : ايه !!!
محمد : شرايج ؟؟؟
ريم استجمعت قواها : محمد انت رجال والنعم فيك بس انا مستحيل اتزوجك لاني عرفت ان سارة تحبك ... وسارة بنت ماشالله عليها الحين
محمد : ادري ان سارة تحبني وانا بعد اعزها واحترمها بس ما افكر فيها كزوجة
ريم : بالعكس انت وسارة لكم مده طويله مع بعض وكلكم من نفس العايله يعني حيل لايقين لبعض ... انت يامحمد اخوي ولو انك طلبت مني اني اختار لك عروس من غير تردد راح اختار سارة
محمد : انا ما اكره سارة بالعكس سارة حيل تفهمني وتحس فيني لما اكون متضايق ..
قاطعته ريم : خلاص بعد ليش ناطر روح بسرعة وتقدم لها الزواج مو شرط يكون عن حب لان الحب يجي بعد الزواج ومدام انتو متفاهمين وتحسون ببعض تزوجوا
محمد بدا يقتنع : ما ادري ... يبيلي كم يوم افكر
ريم : اكيد لازم تفكر هذا زواج بس لا تطول ترى الحلوين ينتظرونك
في البيت ريم قاعدة مع هدى واريام بالصالة وقالت لهم سالفة محمد كلها
هدى : يا خبله محمد روعه ليش ما وافقتي ؟؟؟
ريم : ياربي اقولج سارة تحبه
اريام : انت شكل عينج على احمد قصدي الاستاذ احمد
هدى : لا ما اظن احمد قالت لي اكبر منها بعشرين سنه يعني اكيد متزوج وعنده عيال
ريم : لا مو اكيد يمكن مضرب عن الزواج
اريام عالخط مع ريم : او يبي يتزوج عن حب
هدى تتطنز : وانت اللي بيختارج بعد هالعمر
ريم معصبه : ياسلام وانا شنو ناقصني جمال واصل وفصل واخلاق
هدى : والله شكلج تحبينه يا ريوم
ريم تحاول ترقع : لا بس استلطفه يعني مو حب نفس الافلام
هدى : ايه الحب اول شي استلطاف بعدين جنون
ريم تطالع اريام : ريمو حبيبتي سويلنا نسكافيه من ايدينج الحلوة
اريام : يعني ضفي وجهج
ريم : بالضبط ... ماشاالله عليج
اريام قامت وهي معصبة : مالت عليج وعلى اللي يقعد معاج ياااا مدام احمد
ريم استانست ورفعت يدينها (آمين )
طلعت اريام وسكرت الباب ولفت ريم على هدى :
هدى انا بعترف لج بشي ....
هدى على طول فهمت : تحبينه ؟؟؟
ريم اعترفت اخيرا : ماحد يفهمني مثلج
هدى : بس ريم احمد مو مناسب لج بالمرة اكبر منج بواجد
ريم : والله يا هدى مو بكيفي .. انا اول شي كنت اكرها لما زفني اول يوم وقعد يناديني شقحة بس بعدين عرفت شخصيته وعرفت انه روعه بكل المقاييس وحبيت اسم شقحة منه
هدى : زين ... هو شرايه فيج ؟؟؟
ريم : هذا اللي ذابحني يعاملني مثل أي موظفة ولا بعد يعتبرنا بناته
هدى تتكلم بجد : هذا دليل انه ما عنده خرابيط ولا يفكر بشي عشان جذيه اقولج ديري بالج توضحين له أي شي ولا تتمادين ترا والله تخسرين
ريم : هدى مستحيل انزل نفسي لا له ولا لغيره
هدى : مدام جذيه خليج طبيعية واذا الله كاتبه لج بتاخذينه واذا طلع متزوج لا تفكرين تقربين منه
ريم : لا انشاالله مو متزوج
دخل خالد الشقة لقاها ظلمه باب غرفة النوم مطرف وطالع شويه ضوء دخل بهدوء لقى هدى متمددة على السرير بدون لحاف ولابسه شورت وردي فاتح وبادي كوكتيل ابيض وماسكة تلفونها ووتعبث فيه طلع خالد وراح للمطبخ اللي كان بعيد عن غرفت النوم وحط نقاله وكتب رساله وقعد ثانيتين وسمع صوت المسج عند هدى ... فتحت هدى المسج وشافت المرسل وكان خالد
" أ "
استغربت من المسج شنو قصده اكيد دزه بالغلط وقعدت شوي وكان يوصلها مسج ثاني من خالد
" ح "
وبعد دقيقة مسج ثالث " ب" وشوي مسج رابع " ك "
هدى لمت التلفون على صدرها لما عرفت قصده وكتبت له مسج " وانا امووووت فيك " وبعد ثانيتين اسمعت صوت المسج بالمطبخ وراحت تشوف بالمطبخ والا تلقى
خالد وكان حيل فرحان بس تفاجأ لما تبطلت اللمبه ( الليت ) وطق على راسه لانه غبي ما حط تلفونه على الصامت عشان يلعب باعصابها عدل رفع راسه وشاف هدى واقفه عند الباب وتبتسم
خالد انحرج لانه كان متربع فوق الطاوله اللي بالمطبخ وشكله غلط ... نزل بسرعه ووقف عدل
خالد يرقع : مرحبا !!!
هدى تجاريه : مراحب !!!
خالد يكمل : شلونج ؟؟
هدى : بخير عساك بخير !!!
خالد يستعبط : شلون الوالد والاهل ؟؟؟
هدى : يسلمون عليك
خالد : الله يسلمهم والله اني مشتاق لهم وودي اروح اسلم عليهم ... ( طالع ساعته اللي بيده وكمل ) يا سلام فيه وقت اروح وارد ... يالله تامرين على شي
هدى عصبت : والله ... انا ما صدقت انك تجي صار لي ساعة انطرك بالاخير تبي تروح .. ليش ما اشتقت لي ...
خالد مات من الضحك
هدى للحين معصبه : شاللي يضحك استاذ خالد ؟؟؟
خالد يحاول يتكلم : ههههههههه انت ... ههه على طول بطيتي اللي بقلبج الحين عرفت ليش قاعده على السرير وتقرين المسجات بولهه ... اثاريج مشتاقه لي
هدى استحت وتحاول ترقع : لا مشتاقه ولا شي اساسا كنت اراسل رفيجتي من زمان ما كلمتها
خالد يستعبط : اهاااا ... يعني خلاص اروح
هدى تتودد : لأ ..
خالد استانس : ليش ؟؟؟
هدى بنعومه : بس جذيه !!!
خالد يحاول يسحب اعتراف : جذي بدون سبب ؟؟؟
هدى : لا في سبب بس .... ( تبي تحرق اعصابه ) استحي اقول
خالد بدا يستمتع وينطر الاعتراف : لا عااادي يا عمري قولي
هدى تماطل : لا ما اقدر
خالد بابتسامه شيطانيه : هدهودا انا زوجج عااادي قولي ياقلبي
هدى : يعني اقول عااادي ما تفهمني غلط ؟؟؟
خالد بدا يوصل للي يبيه : سمي
هدى بابتسامه حلوة وهي تلف خصله من شعرها : خللودي بصراحة ... انا ...
خالد فرحان حده : كلي آذان صاغيه قولي !!!
هدى : بصراحة فيه فيلم رعب عطاني اياه عبود وخايفه اشوفه بروحي وابيك تشوفه معاي !!!
خالد انصدم وخابت آماله : ........!!!!
هدى : هااا حبيبي شقلت ؟؟؟
خالد : .........!!!!
هدى : خلللود شفيك ؟؟؟
خالد جمع حطامه وخيبه اماله وطموحاته اللي تكسرت : يعني انت تنطريني بس عشان الفيلم ؟؟؟
هدى : بس ... شفت شلون انا احبك وما ابي اتعبك ؟؟؟
خالد بابتسامه صفرا : شفت وياليتني ماشفت !!!!
( مسكين خالد )
ريم قاعدة بغرفتها عاللاب توب تلعب لابسه بيجامه اصفر ورافعة شعرها بطريقة عشوائيه ... شوي والا يطق عليها الباب
ريم تسأل : منو ؟؟؟
طلع صوت ما توقعت تسمعه او انه يجي لغرفتها : انا يوسف ... ممكن ادخل
ريم ارتبكت معقوله : حياك تفضل ..
دخل يوسف وقعد على صوفا قريبه من طاوله الكمبيوتر
يوسف : ريوم انت للحين زعلانه ؟؟؟
ريم : لا ليش ازعل انت ما سويت شي بس طقيتني جدام الكل
يوسف بطيبته الطبيعية : افا ما تتحملين مني شي ... انا اخوج يسوف
ريم تمشي السالفة : اوكي خلاص حصل خير
يوسف يقلدها اوكي خلاص حصل خير ... انا ابيك تسامحيني من قلبج
ريم : ............
يوسف : عشان جذيه انا بطلع معاج انت والماس وسلوم ونروح نسهر برا واذا تبين نروح السينما ماعندي مانع باجر خميس عااادي ... ماراح نرد الا الساعة 3
ريم تموت بالسهرات وهي طايرة من الفرحة : يااااااي والله
يوسف : طبعا كم ريم عندي
ريم : زين ابي اريام تجي معانا
يوسف : مايخالف
طلعوا سهروا برا واستانسوا بس ردوا البيت الساعه 1ونص لانهم طفت بطارياتهم وخلص شحنهم من التعب
ردوا على طول وكل واحد لفراشه وناموا بسابع نومه
يوم الخميس الساعة 10 ونص
هدى نايمة وخالد يحاول يقعدها وبنفس الوقت يتأملها وهي نايمه ... الوجه اللي حبه وكل يوم يحبه زود
خالد يطق على كتفها بشويش : هدهودا يالله قومي الساعه عشر ونص
هدى تلف الجهه الثانيه وتعطيه ظهرها : يووووه ابي انام
خالد يلفها مره ثانيه جهته : عمري قومي ابوي ينطرنا تحت
هدى تكسر الخاطر: حرام عليك امس سهرانه خلني انام ما فيه شغل ولا شي
خالد : ادري حبيبتي بس ابوي عازمنا على الغدا يبي يطلعنا البر يقول من زمان ماراح
هدى تتثاوب : اوكي مدام عمي اللي عازمنا بقعد
خالد : يالله انا بروح اسويلج نسكافييه عشان تصحصحين
هدى ارسلت بوسه لخالد بالهوا
خالد يضحك : ههههههههه بدينا ؟؟؟
يوسف : ها حبيبتي جهزتي العيال
خلود : شوف ماس مو راضيه تلبس هذي البدله
يوسف يكلم بنته الماس : ماسو حبيبتي ليش ما تلبسين البدله ؟؟
ماس : بابا هادي عديمة كل ناس سافوها ( هذي قديمه كل الناس شافوها )
يوسف متعجب : ياويلي حتى انت تعرفين كل الناس شافوها ... خلاص البسيها اليوم وباجر نروح السوق ونشتري بدلات واجد ... زين ؟؟؟
الماس : دين !!
يوسف يلف على خلود : وانت خوختي لبستي ؟؟؟
خلود : ايه حبيبي بس البس عباتي
يوسف : كفو يالله انا باخذ العيال وانزل وانتي البسي والحقينا ما نبي نتأخر عالوالد
خلود : من عيوني
بالصالة الكل كان جاهز وقاعدين ينطرون هدى وخالد وابو يوسف معصب عليهم
بعد شوي نزلوا مع بعض ماسك ايدها ويضحك
بو يوسف ماقدر يتحمل : ماشاالله معاريس
هدى وخالد انحرجوا ما دروا ان الكل ناطرينهم
مشى خالد بسرعة وباس على راس ابوه : سامحنا يالغالي
سالم : لا عا اتعودها
خالد : ابشر
راحوا للبر وحطوا خيمتين وحدة كبيرة يقعدون فيها ووحدة صغيرة للخدم والجهال
سالم كان حيل مستانس وقاعد يسولف لعياله عن قصص الشيبان قبل
سالم : تذكرين يام يوسف يوم يضيع يوسف في البر
مريم : ايه اتذكر يوم انك طقيتني عشانه
يوسف منصدم : انا ضايع ؟؟؟
سالم : انا طقيتج ؟؟؟
مريم : ايه تقول ليه ما انتبهتي له
سالم حط يده على كتف مريم : عورتج ؟؟
مريم : ايه ... بس عااادي نسيت
سالم : الله يقطع اليد اللي تنمد عليج
مريم : اسم الله عليك ... كل اللي يجي منك حلو
الكل ضحك بس خالد الوحيد اللي ما قدر يمسك نفسه من الضحك
خالد :هههههههه اشوف يبه طيحت الميانه ... وتتطنز علينا بعد ... يبه كلنا في الهوا سوا
سالم : وجع انت ما ينقال شي قدامك
خالد : لا بس لا تسوي نفسك ثقيل وانت ..... من تحت لتحت !!!
حذف سالم علبه الكلينكس ( المناديل ) على خالد والكل قام يضحك
عبدالله : يبه زوجني ..
سالم : انت خلص درسك بعدين فكر بالزواج
عبدالله : انت اصرف علي وعليها لما اتخرج
سالم : شاللي معجلك ؟؟
عبدالله : انت وامي صراحة تفتحون نفس الواحد عالزواج
الكل باستثناء الام والاب : ههههههههه
وطق خالد كفه بكف عبدالله ( يعني كفو غلبناهم )
وبعدها حطوا البنات الغدا وتغدوا وهم مستانسين وعدت فترة العصر وهم يسولفون ولما بدت تظلم راح خالد يتمشى مع هدى
خلود : شوف شلون يحبها ... ليش انت ما تحبني مثله ؟؟؟
يوسف : جهال
خلود : يا بختها
يوسف : عشان احبج لازم افضح نفسي جدام الكل ... انا احبج بس بطريقتي .. اما خالد باايعها ما يستحي
خلود : زين ... قوم خلنا نتمشى
يوسف : لا انا بقعد مع ابوي بتروحين روحي بروحج
خلود : مالت علي وعلى حظي
ريم دق تلفونها لما شافت اسم المتصل استغربت ( سارة شعندها داقة )
ردت ريم : الو
سارة بلهفه : قوه ريم شلونج ؟؟؟
ريم : هلا .. الحمدلله انت شلونج ؟؟
سارة : انا باحسن حال ... ريم بصراحة انا ماني عارفة شلون اشكرج على اللي سويتيه معاي ... تصدقين ان محمد جاي اليوم العصر يخطبني
ريم فرحانه : واللـــــــــــــــــه ... الف الف مبروك تستاهلين
سارة : الله يبارك فيج ... مشكورة يا ريم لولاك ما صار هالشي
ريم : لا تشكريني انا ما سويت شي وبعدين الاستاذ احمد ما قصر
سارة : يالله ريم اخليج الحين بااااي
ريم : بااااي
ريم فرحانه اليوم ومحد قدها شي حلو انها توفق بين راسين وتجمع اثنين يحبون بعض بقفص ذهبي ويكملون باقي حياتهم مع بعض
هدى تتوسل : خالد تكفى خلنا نرجع ترا حيل بعدنا ..
خالد يتحرش : ليش خايفة ؟؟؟
هدى : لا بس ..
خالد جننها : خااايفة صح ؟؟؟
هدى تبي تقنعه : لا بس والله ظلمه
خالد مصر على رايه : يعني خاايفة ... اعترفي ؟
هدى معصبه : انت شفيك ؟؟؟ مو خايفة من الظلمة انا خايفة منك .. خايفة تفضحنا عند اهلك ..
خالد يتمسكن : انااااا !!! افا يا هدهودا افا
هدى تلف وجهها عنه بدلع : ما تكسر الخاطر
خالد يلف الجههة الثانيه ويصير مقابلها ويمد بوزه : متأكدة ؟؟؟
هدى بدلع : خلللود زعلت ؟
خالد مسوي نفسه زعلان : ايه
هدى : اسفة
خالد مقهور : بس جذي اسفة حاااف
هدى ناوية تجننه : تبي بوسه ؟؟؟
خالد مستعجل : وهذي فيها سؤال ؟؟؟
هدى بمكر : ردني للخيمة اول
خالد عارفها : ههههه العبي على غيري
هدى : افا والله افا
خالد ما نطرها تكمل جملتها وخذا منها اللي يبي ^_^ بعدين ردها للخيمه
كملوا سهرتهم لحد الساعة الساعة 2ونص ردوا عشان يمديهم يعقدون مبكر يوم الجمعة ويتسبحون ويروحون للصلاة
والكل كان مستانس ماعدا خلود المسكينه
ريم مستانسه : لان محمد خطب سارة وقدرت تسوي شي حلو بين الاثنين
خالد : قدر يسعد هدى ويعطيها من حبه اكثر واكثر
هدى : عرفت شكثر خالد يحبها وهي تحبه
يوسف : قعد مع امه وابوه وقالو له قصته لما ضاع وشلون ومتى لقوه
اريام : تلعب كره شويه مع اخوها عبدالله
مريم : فرحانه لما شافت عيالها فرحانين
الماس وسالم عيال يوسف : لعبوا بالتراب لما قالوا بس
سالم : اكثر واحد استانس بلمه عياله وانهم مع ببعض
عبد الله : قدر انه يمسك شي على ابوه عشان وقت الحاجة
انتظروني في الاجزاء القادمة واللي راح تعرفون فيها :
سبب المشكلة والمصيبة اللي صارت لخالد وهدى وشلون دمرت حياه الاثنين وذبحتهم قهر
اما ريم واحمد راح تتطور علاقتهم وراح تنعدم كل الحواجز وراح تتزوج ريم من شخصية اتوقع كلكم تعرفونها بس شلون راح تكون حياتها بعد الزواج خصوصا انها تحب احمد واعترفت جدام نفسها بهالشي
اما خلود ويوسف راح يصير لهم سالفة تبين معادنهم ويطلعون على حقيقتهم
كل هذا واكثر بالاجزاء القادمة انشاالله
الله الله بالردود انتظركم
مع تحياتي : عـــ الجروح ـــذب
أمير المدينة
25-07-2007, 02:14 PM
يسلمو
لي عودة
عـــ الجروح ـــذب
25-07-2007, 04:31 PM
الله يسلمك يا الامير محد جبر بخاطري غيرك ...
انتظر ردود ...؟؟؟ ولافيه غيرك
مشكووووووووور وماراح انساها لك
الأميرة نوونه
27-07-2007, 02:18 AM
الله يعطيك العافيه على القصه الحلووووووووووووه
ولا تطولين علينا ابي اشوف وش نهايه خالد وهدى ....
افهميها ياحلوووه :::::::::::::
أختك ::: الأميرة نوونه:::::::
أمير الدم
27-07-2007, 06:09 PM
تسلم ايديك عالقصة
وبرجعلك بعد قراءتها
قـــمم
28-07-2007, 02:43 PM
مشكوره
عـــ الجروح ـــذب
28-07-2007, 10:11 PM
مشكورة يا الاميرة و امير الدم والجنرال على مروركم اللي اسعدني واوعدكم بالمزيد
الأميرة نوونه
29-07-2007, 01:19 AM
الله يسلمج يا عذب الجروووووووووح وهالله هالله بخالد وهدى
مع تحياتي الأميرة نوونه
أمير الدم
29-07-2007, 02:15 PM
ماشاء الله ماشاء الله
قصة في قمة الروعة
بس متشوقيييييييييين للبقية
الله يسلمك يا الامير محد جبر بخاطري غيرك ...
انتظر ردود ...؟؟؟ ولافيه غيرك
مشكووووووووور وماراح انساها لك
أهااااا ... الأن أنا عرف ليش قلتي للأخ "أمير الدم"
أنك عندك مكالمات لم يرد عليها كثيييييير .. بس راح أرد عشان أرضي عليك :tears::tears:
بعدين عندي لك نصيحة أخت "عذب الجروح"
"لاتكتبي لتنتظري الردود وإنما إجعلي الناس يردون عليك ويقولون "نبغاك تكتبي"
يعني شاركي ولايهمك الي بيقرا وينحاش "زي الجبان":sad_1:
إجعلي كتابتك "زي هذي القصة الرائعة" تؤثر في القارئ بحيث يرد غصب عنه
مشكووووورة عل القصة الرووووووعة
ولعلمك أنا حفظتها في المفضلة عشان أرجع وأكملها :bigsmile:
بنوتة عنيدة
07-08-2007, 12:29 AM
هلاااا
انة سجلت بس عشاااان القصة لانهااا روعةةةة ..
ننتظر التكملةةة ..
وانشالله ما تتأخرين عليناا ..
بلييييييززز كمليهااا بسرعةة ..
بنوتة عنيدة
07-08-2007, 04:16 PM
واااايد تأخرتي
يلا ننطرج ...
اذا ما بتنزلييين بقية القصةة قولي عشان ما ننطرج ..
يلا باااي ..
أمير الدم
07-08-2007, 04:44 PM
أي والله طولتي
بنوتة عنيدة
07-08-2007, 07:03 PM
جاري الاننتضاار ..
يلاااا عااااد ما صارت ذي قصةةة ..
تعبنااا واحنةة ننطرجج ...
بنوتة عنيدة
07-08-2007, 09:21 PM
وين التكملةة ...
والله تملللت من كثر ما انطر
كل شوي اقول الحين بتحط التكملةة وادش ما في حتىى ردووود ..
يعني نصيحةة اذا بتحطين قصةة مرة ثانية لازم تكلميينهاا موب تحطين حلقة ..
والله حالةةةة
عـــ الجروح ـــذب
09-08-2007, 12:44 AM
وهذا الجزء الثاني وسوري سوري سوري عالتأخير ... بيني وبينكم انا كنت زعلانة بس بعد ما قريت ردودكم ارضيتوني ... اقروها واكتبوا رايكم بكل صراحة ... والحين اخليكم مع الجزء الثاني :icon30:
خلود وهي ماسكه بطنها : ما ادري ليش حاسه اني فيني شي
يوسف يطالع التلفزيون : اللي يجي من الله حياه الله
خلود : لا بصراحة انا مالي خلق جهال سلوم توه صغير ومجنني شلون لو عندي بيبي ثاني
يوسف لف عليها : يمكن تتوهمين وما فيج شي
خلود : يمكن ... حبيبي باجر نبي نروح المستشفى عشان نتاكد
يوسف : انشالله يا قمر وغيره
خلود مبتسمه : سلامتك
يوسف : الله يسلمج ويسلم هالعيون الحلوة
سلوم والماس كانوا عند هدى وخالد لانهم كانوا يموتون عليهم عشان جذي خلود ويوسف خذوا راحتهم ^_^
ريم داومت وخذت معاها كيكة كبيرة وكتبت عليها
" الف مبروك لاحلى عروسين محمد & سارة "
وسووا حفلة بالدوام وكانو حيل فرحانين
سارة ومحمد يقطعون الكيك ويوزعون عالموظفين اما ريم استغلت الفرصة وخذت كيكة وراحت عند الاستاذ احمد اللي كان واقف مع مشاري ويسولفون
ريم : مرحبا استاذ
احمد يضحك : هههه الحين حفلو ووناسه وتقولين استاذ انا اليوم اسمي احمد
ريم : هههه ( مدت عليه الكيكة ) تفضل
مشاري يطالع ريم : العن ابو الواسطات يعني بس هو اللي تعطينه وانا لا
ريم انحرجت : ابشر انشالله الحين اجيب لك
راحت ريم وجابت كيكة لمشاري
وقعدت تسولف معاه ومع احمد
احمد : الله يوفقهم يستاهلون كل خير
ريم : ايه والله
مشاري رافع يده ويدعي : والله يرزق اللي ما تزوج
احمد : ههههههه ... تبي تتزوج
مشاري : اكيد بس ...
احمد: للحين ما خلصت ؟؟؟
مشاري : لا
ريم تبي تحرجهم : شفيكم تتكلمون بالالغاز ؟؟
احمد : لا الغاز ولا شي ... يبه يحب بنت خاله وله سنتين ينطرها تخلص دراستها عشان يتزوجون
مشاري : شكلها ما تبيني بس تماطل لما امل واخليها
ريم : حرام عليك ما يصير تظلمها مدام هي بنت خالك اقعد معاها وشوف شنو رايها احسن من انك تظل تنطرها وهي ما تبيك
احمد : ايه صح ... والله راي ريم عدل
مشاري : ما ادري بصراحة اخاف من ردها
ريم : تنصدم من ردها وتتقبل الموضوع احسن من انك تنطر وبالاخير تخسر وقتك وقلبك
احمد : انت ما راح تخسر شي وبعدين انت ما فيك عيب صج انك عليك حركات شوي بس رجال والنعم فيك ووقت الجد جد وانت لو تخطب بنتي والله لازوجك
ريم انصدمت : ليش انت متزوج ؟؟؟
احمد : هههههه ليش مو باين
ريم تلوم نفسها ( انا شاللي لقفني وسألته ياطولت لساني الحين بيفكر غلط وبيشك فيني )
ريم : بلى مبين بس ما توقعت عندك عيال
احمد : يا ساتر عشرين سنه متزوج وما تبين عندي عيال انا اكبر عيالي كبرج
ريم انصدمت : كبري ؟؟؟؟
احمد : اسمه جابر وعمره 20 سنه
ريم : هههه بس انا عمري 22
احمد : نفس الشي كلكم عيالي
ريم انتبهت للاسم : اللـــــــــــــــه حلو اسمه جابر الاحمد ... اكيد انت مسميه على امير القلوب بابا جابر
احمد يضحك : اكيد مايبيله سؤال الله يرحمه ويزرقه بالفردوس الاعلى
ريم : آمين
ريم راحت بعالم ثاني بعد الحوار اللي ضيق خلقها معقوله ولده كبري وانا اللي حاطه عيني عليه ... بس خاطري اسأله واقوله :
انت بحياتي كل شي وانا بحياتك من اكون ؟؟
يا اغلى من روحي علي اهواك لحد الجنون
انت الوحيد اللي اراه اقرب لقلبي من غلاه
وانت الذي عمري بلاه روضة بلا ورد وغصون
اشعر بقربك بالهنا وانسى همومي والعنا
منهو انا منهو انا ؟ من غير شوفك يا حنون
قلبي وتفكيري معاك وودي بسعادتك ورضاك
ماهمني هذا وذاك انت الوحيد اللي تمون
ان كان ردك لي نعم لمح بعينك وابتسم
وفر حديثك والقسم الحب مفتاحه العيون
يا اغلى من روحي علي انا بحياتك من اكون ؟؟
ظلت ريم قاعده عالكرسي وتطالع الناس والموظفين اللي مستانسين مع سارة ومحمد ولاحظت ان البنات ما خلوا احمد بحاله كل شوي ناقزه بوجها وحده وكانت ميته من القهر منهم مع هذا كانت متأكدة ان احمد ما يشيل بقلبه المشاعر اللي هم يحسون فيها وهذا اللي معقدها ما تدري شلون تجذبه ناحيتها من غير ما تهين نفسها وتتخلى عن اخلاقها
تمنت ان الحفلة تخلص لانها تحس انها بتبجي وعشان ما تنحرج راحت دقت على هدى عشان تفضفض وما تبجي
..... : آلـــــــــو
ريم : آلـو قوه هدى
هدى : اهلين ريوم
ريم عدها تبجي : هدى طلع متزوج وعنده عيال كبري
هدى متخرعه : يا ويلي منو ؟؟؟؟ خالد
ريم انبطت جبدها : شكو خالد ؟؟؟ انا اقصد احمد
هدى ارتاحت : اشوا خرعتيني ... خلاص مدام متزوج شيليه من راسج
ريم مستسلمه : ما اقدر احبه
هدى بجديه وتصارخ عليها : ريم متزوج يعني عنده حياته الخاصة وعايش مرتاح لا تدمرين حياته وحياه زوجته وعياله اذا انت تحبينه تمني له السعاده معاهم
ريم : ليش ما اتمنها معاي ؟؟؟؟
هدى : لانه مو من حقج الرجال له اهل وما يفكر بغيرهم
ريم صوته تغير : ابي ابجي
هدى : ريم لا تفضحين نفسج خلي السالفة تعدي على خير وانشالله اذا جيتي اقعد معاج ونتفاهم
ريم : اوكي خلاص بااااااي
هدى : باااي
قطع محمد تفكير ريم واللي كانت سرحانه وقال : مرحبا
ريم انتبهت له : هلا بالعريس
محمد مبتسم : ريم انا ما ادري شلون اشكرج على اللي سويتيه انت انسانه ما فيه مثلج
قطع عليهم صوت
..... : تبي تشكرها سم اول بنت لك ريم
ضحكوا ريم ومحمد على كلام احمد
محمد : تستاهل الريم
احمد يطالع ريم بنظرته اللي تسحرها : اكيد تستاهل ريم ما فيه مثلها اثنين بهالدنيا
ريم سرحت على كلمته ( معقوله يقصد الكلامه معقوله انا ما فيه مثلي : ياليتك تحبني مثل ما انا احبك ياليت )
بعد محمد عنهم وظلت ريم مع احمد فقال لها : ريم شفيج تغير مزاجج وقعدتي بروحج والكل مستانس وفرحان
ريم انحرجت ونزلت عيونها بالارض : لا ولا شي بس سهرانه واحس اني بديت انعس
احمد : اكيد ما فيه شي مضايقج ترا انت تهميني
ريم سكتت وظلت تطالع بعيونه ( انا اهمه ) : بس جذي
احمد : الحمدلله ... انا على بالي تعبانه خلاص اذا انت نعسانه ردي البيت مو مشكله
ريم : تو الناس على نهايه الدوام
احمد : انا المدير واقولج روحي البيت
ريم ابتسمت : مشكورر
رقت ريم على خالد لانها حيل كانت متضايقة وتبي تطلع باي طريقة والفرصة جت لي عندها وما تبي تطوفها
خالد : آلـو ... هلا ريوم
ريم مستعجله : هلا خالد ... تقدر تجيني الحين
خالد متخرع : ليش عسى ما شر شفيج ؟؟؟
ريم : لا ما فيني شي بس نعسانه وبرد انام
خالد هدت اعصابه : خرعتيني ... والله انا عندي شغل لي الراس ما اقدر اخلص قبل ساعة اذا انت مستعجله شوفي يوسف
ريم : اوكي مشكور بــــــــــأي
خالد : بااااي
ودقت ريم على يوسف وما رد عليها : يوسف ضابط واكيد عنده شغل وماقدر يرد
واكيد ابوها نايم وعبود بالمدرسة يعني ما لها امل تطلع
ردت قعدت مع الموظفين ... وانتبهت ان احمد قرب منها
احمد : ريم شفيج ما طلعتي ... الموظفين يتمنون هالفرصة وانت قاعدة
ريم انحرجت ( ياربي شقول اقول اني بيبي وما عندي سيارة واهلي هم اللي يودوني ويجيبوني فشلة بيقول اهلها متخلفين )
ريم قررت تقول الصج : بصراحة دقيت على اخوي ومو فاضي عنده شغل
احمد : اخوج هو اللي يجيبج ويوديج
ريم ( ادري شيبي يقول ) : ايه
احمد : احسن البنت مو زين انها تسوق سياره تتعرض لبلاوي وحوادث ومحد عندها احسن شي يودونها اهلها مثل الملكه ويردونها برسم الخدمة
ريم ترقع : ايه احسن
احمد صدم ريم : ريم تبيني اوصلج البيت ترا ما عندي مانع ؟؟؟
ريم انصعقت : شنو ؟؟؟ طبعا لا
احمد درى انها فهمته غلط : لا لا مو قصدي .. انت مثل بنتي بس انا حاس انج ما لج خلق الدوام فقلت اكسب فيج اجر
ريم تحاول تهدي نفسها ( بس كلمة مثل بنتي زادت النار حطب )
ريم : عاااادي خالد بيجي بعد ساعة بنطره
احمد ينزل راسه بالارض : على راحتج وانا اسف لانج فهمتيني غلط اسمحيلي
ريم قست عليه بس احسن عشان يدري انها بنت ناس : مو مشكله مسموح
راح احمد عنها وهي عينها تتامله وهو يمشي ويسولف مع الموظفين ويضحك وهي تقول شلون قدرت تخليني احبك شلون ؟؟؟ مو بس انا اللي احبه كل الدنيا تحبه
ودي انساه يا هدى واشيله من قلبي بس صعب انا احبه
صدفة ومن بين كــل الناس علقني من يوم شفته وعيني جات في عينه
حسيت شــي فعيونه حيـــل يجذبني ولما ابتسم بانت بوجهي تـــــلاوينه
سلم علي وجلس جنبي وكلمني كــل الحواجز تــلاشت بيني وبينه
اخــذ يديني بيديه وقـــام يوصفني ولا تمــنيت ايديني تترك أيـــدينه
قلي كـــلام بصراحة حلـو دوخني ما قــد سمعت بحلاتــــه آآه يــازينه
معـــــاه احس الاغـــاني عنه وعني واجمل اغــاني الغزل شعري وتــلـحينه
قطع تفكيرها صوت نقالها اللي صارله ساعة يدق ولا هي منتبهه
ريم : هلا خالد
خالد معصب : ساعة عشان تردين
ريم : اسفة بس زحمة وازعاج وما سمعت
خالد : اوكي ... يالله انا تحت انطرج بسرعة انزلي
ريم فرحت : اوكي نازله لك
راحت ريم صوب مكتبها وخذت شنطتها لما لفت بسرعة تبي تطلع صدمت برجال ما شافته لانه كان طويل .. رفعت عيونها صوبه وشافته
..... : اسف ريم
ريم : محمد !!!!
محمد بعد عنها لانه كان حيل قريب : اسف مرة ثانيه
بس قطع عليهم صوت سارة : يا سلام ... يا سلام عالحب
محمد : سارة احترمي نفسج
سارة : انا اللي احترم نفسي والا انت اللي تحترم نفسك قاعد معاها بالغرفة بروحكم ومخلينا بقاعة الحفلة يا غافلين لكم الله
محمد : سارة شفيج ... احنا هنيه صدفة انا رايح اجيب نقالي لاني حاطه بالدرج
سارة تصارخ بصوت عالي : ليش ما تكون جاي تشوف حبيبت القلب وتلحقها لما شفتها طلعت
جوا الموظفين على صراخ سارة ومعاهم احمد والكل
محمد : سارة شوفي شلون لمتي الدنيا على سالفة بايخة وانت فاهمتها غلط
سارة : انا الللي فاهمة غلط يا محمد .. قالوها ( الحب للحبيب الاولي ) بس انا الهبله اللي نمت على اذوني وخذيتك
ريم ملت من موقفها موقف المتفرج : سارة لا تغلطين احنا لو بينا شي ولو اني اعتبره مثل ما تقولين جان تزوجته انا ولا تركته لج
سارة نطت على ريم وشدت عباتها وفصخت نقابها وقعدت تجرها وتطقها وريم تحاول تدافع عن نفسها بس سارة كانت اقوى منها ... حاولوا يفكونهم من بعض بس سارة مجلبه بريم
اما خالد مل وهو ينطر ريم بالسيارة ويدق عليها ما تشيله فقرر انه يصعد
لما صعد شاف شي ما يسره الكل متجمع على اخته واللي كانت طايحة عالارض بدون ملفع وحاطة عباتها حط عليها عشان تسترها وبوجها كدمات ودم ودايخة حدها واحمد ساندها على صدره
خالد انصدم وراح يركض صوب ريم ومسكها ولمها وقام يصرخ بوجه احمد : اختي شفيها يا .....
احمد : هوشه بنات و ....
سارة تصارخ: اختك ما تستحي تلاحق زوجي وحاطة عينها عليه
سارة ما وعت الا على طراق ( كف) فر وجها فر
كان الكف من محمد لانه تحمل بما فيه الكفايه
سارة تصارخ : تطقني يا محمد ؟؟؟
محمد : واكسر راسج انت متى بتعقلين
احمد : بس يا جماعة اهدوا وصلوا عالنبي
خالد كان يطق خفيف على وجه ريم اللي كانت دايخة : ريم حبيبتي انت صاحية
ريم بهدوء : ايه ,,, ودني البيت
خالد : يله ريوم اوقفي خلينا نمشي
وقفت ريم تبي تروح مع خالد بس داخت وطاحت عالارض مرة ثانية واغمي عليها خالد شالها وطار فيها للمستشفى مثل المجنون ودخلوها غرفة الملاحظة وكان خالد برا ينطرها ويدعيلها ويده على قلبه
وظلت بالملاحظة اربع ... خالد كان حده خايف عليها وقاعد عالكرسي وحاط يدينه على وجهه مو عارف شيسوي يعلم امه واهله ولا لا ؟؟
بعد دقيقتين دق نقاله ويوم شاف المتصل " الغاليه " توهق وقعد شوي يطالع بالشاشه وبالاخير قرر يرد
خالد : هلا يمه
مريم : خالد وينك انت واختك من اليوم ادق عليها وما ترد
خالد توهق : ايه ... لا بس ريم خلت تلفونها بالسيارة
مريم : ليش هي وينها ؟
خالد : ............ انا وياها عندنا مشوار صغير وجاييين
مريم : شنو مشواره ؟؟
خالد : يمه الله يهداج مشوار خاص
مريم : يعني ما فيكم شي ؟؟
خالد : لا ان شاء الله ما فينا شي
مريم : الحمد لله طمنتني ... يله مع السلامه
خالد : مع السلامه
قعد خالد يفكر سبحان الله الام تحس بعيالها حتى وهم بعيد لهالدرجة الامومة والابوة حلوين خالد رفع يده للسما ( يارب ترزقني عيال احس فيهم واحبهم ... وتشفي ريوم نور البيت )
بعد فترة قصيرة دق نقال خالد واسم المتصل " غلا روحي "
خالد : هــــــــلا
هدى وصوتها مرعوبه : حبيبي شفيك ليش ما جيت انت وريم
خالد : ولا شي بس عندنا مشوار و....
قاطعته هدى : شنو مشوار ... يا عمري لا تقص علي بهالحجي شفيكم ؟؟
خالد عصب : يعني شنو لا تقص علي شقالولج كذاب
هدى انصدمت لان خالد اول مرة يعصب عليها : مو قصدي بس انا خايفة عليك و ..
خالد قاطعها : بس خلاص انا مو فاضي اكلمج بعدين
وسكر التلفون .. خالد كانت اعصابه تالفة وقاعد على نار وما كان مسيطر على نفسه بس ريحه الدكتور لما طلع وطمنه على ريم انها تمام بس فيها رضوض في مناطق مختلفة من جسمها وفيه جرح على شفتها اللي تحت وخيطوه لها بغرزتين
وكتبلها الطبيب اجازة ثلاث ايام ترتاح فيهم
بالسيارة
خالد : هااا حبيبتي حاسه بشي
ريم سادحه الكرسي وتتكلم شوي شوي عشان شفتها : لا
خالد يحط يده على كتفها : الحمدلله على سلامتج .. خوفتيني عليج بغيت اموت من الخرعة
ريم تبتسم له لانها عرفت شكثر يحبها وقرت غلاتها بعيونه الحمرا من التعب
ريم حطت يدها على يده : اللـــــــــــه يخليك لي
خالد يتغشمر معاها : لج بروحج ؟؟؟ والله تذبحج هدى
ضحكت ريم على اخوها حتى وهم بهالحاله دمه خفيف .. اما خالد تذكر هدى اكيد زعلانه .. يحق لها تزعل بس هي دقت بوقت مو مناسب .. بس هي زوجتي وحبيبتي تدق باي وقت ... ياحبي لج يا هدى
الساعة 7:30
دخلوا البيت واول ما دشوا الصاله لقوا امهم تطالع التلفزيون سلموا عليها وراح خالد يحب راسها .. وريم حبت راسها
ام يوسف : الحمدلله على السلامه ما بغيتوا تجون
خالد وريم يبتسمون مجامله لها
ام يوسف : ريم شفيج لابسه نقابج لا يكون عندنا اجناب وانا مدري
ريم توهقت لانها لو تكلمت راح تصيدها امها فحاولت تتكلم عدل : انا بروح انام
ام يوسف : يمه شفيج تتكلمين جذي ولسانج ثقيل ؟؟
خالد رقعها : مسويه ضرسها عند طبيب الاسنان
ام يوسف : وريني
ونزلت نقاب بنتها وشهقت يوم شافت شفتها مخيطه قامت تصيح وتبجي وجمعت كل اللي في البيت ما عدا هدى وخلود ( لانها طلعت حامل ومتضايقة حيل ويوسف يحاول يقنعها وهي مصره تنزل البيبي ( تجهض) ويوسف يهاوشها ويقولها خافي الله اللي تفكرين فيه حرام
وهي مابذنها ماي ومصممة )
خالد اضطر انه يقول السالفة الحقيقة بسهم كذب
بو يوسف : والله لالعن والديها وارفع عليها قضيه واسجنها هالسلقة
ام يوسف : عسى يدها الكسر انشالله
عبدالله :عطيني عنوانها والله لروح اذبحها
خالد يهاوش عبدالله : ليش تروح تذبحها ماكو قوانين بالديرة ولا حنا بغابه
بو يوسف : خالد امش خلنا نروح المخفر نشتكي
ريم طبعا شافت ابوها معصب وما تقدر تقوله لا تشتكي لانها ما تحب المشاكل
.. خالد تذكر هدى اللي ما شافها للحين
خالد : يبه انا تعبان حدي روح مع يوسف
ام يوسف : يا ويلي عنك تعبت من الوقفة مع اختك الله يخليكم لبعض
يوسف : تعال يبه انا اروح معاك وعندي بعد واحد من ربعي محامي عشان يوقف معانا
بو يوسف : يله مشينا
خالد يفتح باب شقته وهو يتمنى انه يلقى هدى لابسه وكاشخة ولا كان شي صار بس انصدم لانه الصالة ما فيها احد راح المطبخ هم ما لقى احد راح يشوف غرفة النوم لقاها مقفله ومقطوط جنب الباب لحاف ومخدة لانها تدري انه نعسان وتعبان
طق الباب شوي شوي ... محد رد
طق مرة ثانيه
هدى : نعم ؟؟؟
خالد فرح لما سمع صوتها وعرف انها بخير : انعم الله عليج يا قلبي
هدى : خير انشالله ؟؟؟
خالد : الخير بوجهج بس ممكن تفتحين الباب ونتفاهم مثل الناس الكبار
هدى : لا مو ممكن
خالد : يا بعد عمري انا ادري اني غلطان بس انت ما تدرين انا وين كنت ولا تدرين بالسالفة
هدى : مهما كانت السالفة انت ما يحق لك تصرخ علي وتسكر التلفون بوجهي
خالد يبي يحرق دمها عشان تفتح : حبيبتي انت ما تدرين اني كنت بالمستشفى
هدى انقزت عند الباب عشان تسمعه عدل : كذاب
خالد : والله العظيم ... وتعبان حيل ياهدى الحقي علي
هدى خافت وفتحت الباب ونقز عليها خالد ولمها لصدره
ويرفع راسها بيده : افا يا هدى تبيني انام برا
هدى نزلت راسها : ليش تكذب ؟؟؟
خالد يبوسها على راسها ويقعدها يمه على السرير وينسدح هو لانه كان تعبان : والله ما كذبت
هدى : اسم الله عليك شفيك ؟؟
خالد : مو انا ريم اليوم تهاوشت مع وحدة خايسه بالدوام وعورتها
هدى : يا عمري يا ريم وينها الحين
خالد : بغرفتها
هدى قامت بسرعة والبست ملفعها وراحت عند ريم وسلمت عليها
ولما رجعت لخالد لقته نايم من غير ما يتلحف وشكله حيل مرهق قربت منه وباسته على خده ولحفته بالغطا اللي عالسرير بس تذكرت انه ما تغدى ولا اكل شي من الظهر فراحت وسوت له عشا خفيف وحطته بالصاله اللي بشقتهم وراحت تقعده
هدى تهز كتفه : خالد قوم اقعد حبيبي
خالد قام متخرع ( مسكين ) : شفيج فيج شي ؟ ريم فيها شي ؟؟
هدى تبتسم : وانت دايم تحاتي ... ما فينا شي ياعمري بس ابيك تقوم تاكل لك لقمة انت ما كليت شي
خالد ماسك بطنه : يا سلام .. والله كأنج حاسه اني ميت من الجوع
هدى : اكيد حاسه
قام خالد وترس بطنه اكل لين شبع ولاحظ ان هدى ساكته ماتكلمت
خالد : مشكورة ياحياتي على هالعشا
هدى : ........ بس انا للحين زعلانه
خالد : اسف اسف اسف والله ادري اني غلطان
هدى : انا ما صدقت .. ظليت عشر دقايق مو مستوعبة انك سكرت الخط بوجهي وزفيتني قبل لا تسكره
خالد : والله كنت متضايق على ريم وصاكه فيني الدنيا ... خلاص يا حلوتي سامحيني ؟
هدى : اذا وعدتني انك ما تعيدها ؟؟
خالد : وعد
وقام يغني بصوته اللي يجنن
الله لا يجيب الزعل بينك وبيني
وان زعلت ارضيك انا يا نور عيني
تضحك الدنيا في عيني لا رضيت
واقبل اعذارك واسامح لو خطيت
لو اقول انك حياتي ما وفيت
كيف انا اضيع حياتي من يديني ؟؟؟
هدى مجنونه على صوته وردت عليه تغني :
فديت (صوتك) فديتك
شفتك عشقتك هويتك
ياليت تدري يا ليتك
غلاك يا كبر قدره
خالد حب يجننها بزود :
يسالوني ليه احبك حب ما حبه بشر
وليه انت في حياتي شمسها وانت القمر
وليه (صوتج ) لا وصل صحرا يملاها الزهر
علميهم يا الحبيبه آه آه يا اغلى حبيبه
يسالوني وانت اكبر من سوالفهم جميع
وانت اجمل ماخلق ربي في هالكون الوسيع
ودي اتلاشى بدون عيونج الخجلى اضيع
اعذريهم يالحبيبه آه آه يا اغلى حبيبه
هدى تماشيه وتغني له :
والله ان عروق قلبي كلها ترتاح لك
ليتك كل ما خذت بيدك خذت بيدي
من لمست ايدك وانا (اتفداك) واتفدى هلك
ما دريت ان الهوى والعشق باللمس يعدي
اليوم اللي بعده الساعه 9 ونص
بو يوسف وام يوسف قاعدين بالصاله ونزلت ريم وسلمت عليهم
بو يوسف : ها يا بنتي شلونج اليوم ؟
ريم تتكلم شوي شوي : الحمدلله
بو يوسف : الحمدلله على سلامتج والخايسة اللي معاج والله لغربلها بالمراكز للين تتأدب
ريم : ما له داعي يبه
ام يوسف : الا له داعي شنو بنات الناس لعبه عندها
وبهاللحظه دخل خالد : صباح الخير
الموجودين : صباح النور
حب راس امه وابوه وحب ريم
خالد : هااااا ريوم شلونج ؟
ريم : زينه
خالد : زينه والا نحول هههه
الكل : هههههههههه
ريم : انت شلونك امس كنت تعبان
خالد : الحمدلله
ام يوسف : اكيد هدى سوت له مساج نساه الدنيا
بو يوسف يطالع زوجته ويضحك: هو من ناحية مساج فهي اكيد سوتله مساج وعدله المزاج ^_^ هههههه
( تفكيره مو شي)
خالد انحرج : شنو انتوا مركبين كاميرات علينا
بو يوسف : صدتنا
ام يوسف : بس عيب عليكم
بو يوسف : شوفي وجهه وانت تعرفين علومه
خالد قعد يلمس وجه : شفيه وجهي
ام يوسف يوم شافت خد ولدها ماتت من الضحك
ريم : شفيكم ؟؟؟ ليش تضحكون
خالد : مدري عنهم مهرج انا ماني برجال
لما لف خالد على ريم وشافت خده قامت تضحك
خالد انصدم : شالسالفه ؟؟؟؟
الكل : هههههههه
وبهاللحظة انزلت هدى وسلمت على الكل ولما شافوها ام يوسف وابو يوسف وريم ردوا يضحكون وخالد منجن
ابو يوسف : هههههه نفس اللون هههه
ريم : ههه تأكدت الشبهه ههههههههههههه
هدى لفت على خالد تبي تسأله ليش يضحكون وانحرجت لما شافت بوستها على خده واضحة ... عطته كلينكس
هدى بصوت واطي : امسح خدك
خالد استوعب : حمرا ...
هدى : ايييييه
خالد طاح وجهه وانحرج حده هو وهدى وتمنى الارض تنشق وتبلعه
رن نقال ريم لما شافت والا رقم غريب وما ردت ... ودق مرة ثانيه
خالد لاحظ انها ماردت : ريم منو اللي داق ؟؟؟
ريم : ما ادري رقم غريب
خالد : عطيني ارد
خالد : الــــو
المتصل : الو مرحبا
خالد : مراحب
المتصل : اخوي هذا نقال ريم
خالد : ايه خير انشالله من انت ؟
المتصل : انا الاستاذ احمد مديرها
خالد يطالع ريم بحقد : مديرها ؟؟!!
ريم وهدى يطالعون بعض ( شيبي هذا ؟)
احمد : أيه حبيت اسأل عن ريم عساها بخير عقب السالفة اللي امس
خالد : الحمدلله زينه
احمد : الحمدلله على سلامتها
خالد : الله يسلمك .. ولو سمحت لا تدق على هالرقم مره ثانيه
وسكر خالد التلفون وعيونه يطلع منها شرار
خالد معصب : ريم هذا شلون عرف رقمج ؟؟؟
ريم : ما ادري اكيد من الملف
خالد : ليش هو متعود يدق
ريم عصبت : خالد شفيك ؟؟؟ هذي اول مرة يدق
بو يوسف : خالد شفيك على اختك ما فيها شي مديرها ويسأل عن صحتها انقلبت الدنيا
خالد : لا بس شلون يتجرأ يتصل على بنات الناس
بو يوسف : ليه هو داق يغازل ... داق يسأل عن صحتها
خالد : ولــــــو يدق علينا حنا رجال ونتفاهم
ام يوسف : وشلون تبيه يدور عليكم يا خوانها
ريم : خالد انت شفته رجال محترم ومافيه شي
خالد : ليش وانت مصادقته عشان تعرفين اخلاقه وتدافعين عنه
هدى تحاول تهدي خالد اللي كان قاعد عالكرسي جت وقعدت على يد الكرسي وحطت يدها ورا ظهره وبصوت واطي : خلاص حبيبي هد اعصابك الموضوع مايسوى
خالد : اعوذ بالله منك يا ابليس ... ريم مااعليه بس انا قهرني امس يوم كان صاااف مع ساروه وما خلا زوجها يلعن خيرها
بو يوسف : دق اعتذر من الرجال
خالد : مو الحين بعدين
بو يوسف : الا الحين وقدامي
خالد : انشاالله
وكلم خالد احمد وانصدم انه ما كان زعلان وشايل بخاطره وقاله انا اللي غلطان ما كان لازم ادق عليها بس هي مثل بنتي وانا كنت احاتيها
مرت اجازة ريم وكانت خااايفة انها تداوم بعد السالفة وهي للحين ما تدري ساره شقالت عنها وشنو راح يظنون فيها
اكيد غلطت فيني وقالت اني الاحق محمد ... اكيد الموظفين كلهم طحت من عيونهم واكيد الحين على بالهم اني بنت مو متربيه .... احمـــــــــــــــــــــد شراح يظن فيني وهو اللي شاف وعرف كل شي آآآآآآآآه يا احمد آآآآآآآآآآه
دخلت ريم المكتب انصدمت لما عرفت انهم نقلوا سارة لمكتب ثاني عشان ما تضايقها ( اكيد هالفكرة من احمد ) ومحمد بعد ما نقلوا سارة هو نقل من نفسه عشان ما يصير بروحه مع ريم وتطلع اشاعات وكلام عنهم
فاضطرا انهم ينقلون معاها مشاري
ريم دخلت : السلام عليكم
مشاري : وعليكم السلام
قعدت ريم وهي منحرجة اول مرة تقعد مع رجال بغرفة بروحها
مشاري : الحمدلله على السلامه تو ما نور المكتب
ريم : الله يسلمك
مشاري : انا والشله كلهم نسأل عنج بصراحة فقدناج
ريم : مشكور
قعدت ريم ومشاري كل واحد ماسك شغله ولا داخل هندي شايل بوكيه ورد كبير حييل حييل ونزله عند ريم
ريم شافت مشاري يبتسم راحت شافت البطاقة
" الحمد لله على السلامة
اخوانج / مشاري – سعود – حسن – راشد "
ريم استانست لهالدرجة يعزوني اكيد ما صدقو كلام سارة
ريم لفت على مشاري : مشكورين حيل بس ليش كلفتوا على نفسكم
مشاري : لا كلافة ولا شي انت اختنا
ريم اول ما قعدت على المكتب والا الشله جايين يسلمون عليها
حسن : ما شاء الله ماكو كسور .. بصراحة توقعتها طحنتج الدبه
سعود : ايه والله .. الحمد لله على سلامتج
راشد : نورت الشركه بنور الريم
ريم : مشكورين ... بصراحة ما دريت انكم تعزوني
حسن : حنا هنيه كلنا اخوان
راشد : وانت اختنا الصغيرة
قعدوا يسولفون والا يدخل احمد ومعاه باقه ورد ناعمه عطاها ريم بكل رقه
احمد : سلامات يالغاليه
ريم هامت بكلمته : الله يسلمك
احمد : فقدناك
ريم : ما تفقد غالي انشاء الله
راشد : مو بس انت الكل فقدها
ريم انحرجت
احمد : انتوا شجايبكم هنيه
حسن : توك تشوفنا ... من اليوم بعالم ثاني
الشله : هههههه
احمد : جب يال...
مشاري : صج انا ما صدقت افتك منكم ولحقتوني
سعود : حسافة خربتوا الجو
ريم حست هنيه انهم بدوا يمصخونها فستأذنت وطلعت عشان يطلعون وترجع مره ثانيه
ولما رجعت لقت سعود قاعد مع مشاري وكانوا يتكلمون ولما شافوها سكتوا فعرفت انهم يتكلمون فيها
ريم : للحين ما سكرت ديوانيتكم
سعود : بلى ... ( وقام عند الباب ) يالله سلام
ريم ومشاري : سلام
مشاري : ضايقوج ؟؟
ريم : لا بالعكس
خالد شاف الهندي يمشي ورا ريم وهو شايل لها باقات الورد : ما شاالله كل هالورد
ريم : شفت شلون يحبوني
خالد : اللـــــــــه يا حلو هالورده ...
سحب خالد الورده الحمرا من الباقه ( اكيد لهدى )
ريم : خالدوه ... استأذن
خالد طقها على راسها يتغشمر : خوووش ما خذ منج فلوس
العصر الساعة 4ونص
ام يوسف : ريم البسي وتجهزي عيال عمج بيجون يتحمدون لج عالسلامه
ريم : متى ؟؟؟
ام يوسف : مدري انت تجهزي وخلي اريام تتجهز
ريم : انشالله
وراحت ريم تلبس ونزلت للصاله لقت امها قاعدة مع مرت عمها اللي كان جاي معاها
منى مرت فهد وبدور
وخلود قاعده تقهوي الحريم
ريم : السلام عليكم
الموجودين : وعليكم السلام
ام فهد : شلونج يا امي عقب التعب
ريم : بخير عساج بخير
منى : الحمدلله على سلامتج ريوم
ريم : الله يسلمج
خلود : شلونج منى من زمان ما شفناج
منى : تمام ... والله عقب البيبي ما قمت اطلع انشغلت فيها الله يصلحها
خلود : ايه والله الصغار بلشه
وتموا يسولفون وتعشوا عندهم لان ام يوسف لزمت عليهم وراحوا بيتهم
وتمت ريم وخلود بالصاله لان ام يوسف صعدت تنام
ريم : خلود شفي وجهج شكلج تعبانه
خلود ما تقدر تخفي التعب : والله شوي
ريم : ما تشوفين شر
ريم تحاول تعدل علاقتها بخلود عشان يوسف يكون مرتاح وهذي وصيه امها
خلود : ما يجيج الشر ... يالله انا استأذن بروح انام
طلعت خلود شقتها وقعدت تطالع التلفزيون لان عيالها نايمين وتنطر يوسف اللي هذا وقت جيته ... دخل يوسف وسلم عليها وقعد جنبها بلبسه العسكري حتى ما بدل ملابسه
يوسف : حياالله ام سالم
خلود : الله يحييك
يوسف : شفيج يا حبيبتي من اليوم تدقين تعال تعال ...
خلود : ليش ما تبيني ادق عليك
يوسف: لا بس انا قعدت احاتيج
خلود دموعها سالت : بصراحة انا ما اقدر اتحمل هالحمل متعبني وانا بنزل البيبي
يوسف يمسح دموعها : الله يهداج تعوذي من ابليس
خلود : اعوذ بالله من بليس
يوسف : وهالموضوع لا عاد تعيدينه .. كل شي ولا الحرام نذبح ولدنا
خلود : عندنا غيره
يوسف : خلود شنو هالتفكير ... هذا من كثر ما تطالعين هالاجانب اللي لا دين ولا اخلاق .. ناس يتمنون الله يرزقهم وما بقى ديره ما راحوا لها يدورون علاج وانت الله منعم عليج وتكبرتي على النعمة
شوفي خالد وزوجته الله يرزقهم ان شاء الله
خلود : بس انا تعبانه
يوسف : هذا ارهاق مو مرض يلزمج انج تسقطين
خلود : يوووووه
يوسف : حبيبتي انا اساعدج على العيال وراح اجيبلج خدامه لج واهونها عليج قد ما اقدر بس شيلي هالتفكير من راسج
مرت خمس شهور على حمل خلود
باجر الامتحانات للثانويه العامة
عبدالله مو شايل هم بالمرة اما منيرة تحاتي ومقطعة شعرها
الصبح
ام يوسف : ابيك تسمي قبل لا تبدي تحل امتحانك
عبدالله : انشالله
ريم : اقرا الاسئله عدل ترا يمكن يجيبولك افكار
عبدالله : الله يستر
ابو يوسف يدخل : هااا تجهزت يا الطالب المجتهد
ام يوسف : اسم الله على وليدي
عبدالله : يالله مع السلامه تاخرت ادعولي
الكل : الله يوقفك
بو يوسف : هاا ريم منتي رايحه للشغل
ريم : الا بروح بس انطر خالد
ام يوسف : الحين لو تقص لها ليسن وتعطيها سيارة مو احسن
ابو يوسف : لا مو احسن واخلي بنتي تدج
ريم : يبه كل البنات يسوقون
ابو يوسف : الا بنتي ما ابيها تسوق ... انا اخاااف عليج يابوج حتى من الهوا والسيارة الله يكفينا الشر تذبح وياكثر اللي ماتوا منها
خالد نازل بسرعه وغترته بيده : صبحكم الله بالخير
الكل : صبحك الله بالنور
خالد يلبس غترته ويتمنظر على الباب الزجاج : يالله ريم تأخرنا
وقامت ريم وطلعت مع اخوها
ريم قاعدة تشتغل على الكمبيوتر تبي تخلص شغلها لانه ما باقي شي على نهايه الدوام ... رن نقالها شافت المتصل " اطيب قلب "
ريم : هلا هدى
هدى : هلا فيج شلونج ؟؟
ريم : تمام انت شلونج ؟؟
هدى : بخير ... تعالي انا بسألج عن خلود صج تعبت وبتسافراذا وصلت السابع تولد بلندن
ريم : ايه بس امريكا مو لندن ... امس سمعت يوسف يكلم امي ... انت منو قالج ؟
هدى : خالد ... بس تعالي ليش ما تولد هنيه
ريم : والله شقول فلوسهم واجد خليهم يتهنون فيها
هدى : الله يعينها اكيد تعبانه حيل
ريم : الله يعين الجميع
هدى : ريم امانه قولي لامج تقول ليوسف انا مستعدة اخلي سالم والماس عندي اذا سافروا اهلهم
ريم : وانت شكو تبلشين نفسج بعيال الناس
هدى : ميخالف ريم لا تنسين تقولين لامج
ريم : انشاء الله
ردت ريم البيت ونامت ولما قعدت المغرب راحت تكلم امها بموضوع هدى
ام يوسف : يا حليلج ياهدى تفكر بغيرها على كثر همومها
ريم : هدى ما فيه منها
ام يوسف : خلاص انا اكلم يوسف وارد لها خبر
شقه خالد
هدى : خللودي حبيبي يوسف وافق يخلي عياله عندي
خالد : حسافة ... بيخربون علي حياتي
هدى تحضن خالد : افاااا عليك محد يخرب حياتك وانا موجودة
خالد يبوس ايدها : الله يخليج لي
هدى والفرحة طالعه من عيونها: زين قلبي ... لازم نروح السوق نشتري اغراض لعيالنا ونجيب لهم العاب وهدايا و ...
خالد قاطعها : حبيبتي ... اكيد عندهم العاب وراح يجيبونها معاهم
هدى : ميخالف لا تكسر بخاطري انا بجيب لهم العاب جديده
خالد : ما عاش اللي يكسر بخاطرج اليوم نروح نجيب لهم محل العاب كامل
هدى : يا بعد عمري
ام يوسف : الله يحرق اعصابهم مثل ما حرقوا دمي
ريم : يمه الله يهداك الحين يطلعون النتايج انطري
عبدالله : مليت وانا انطر
بو يوسف : الله يعينك يا ولدي محد محترق الا انت كنك على نار
عبدالله : أي والله
خالد : مبرووووووووووووك 85%
عبدالله : واللــــــــــــــــه
خالد : شوف اقرا بنفسك
ريم : مبروك الف مبروك
ام يوسف تمسح دموعها : مبروك يا وليدي
بو يوسف : كفو يا بو سالم
عبدالله : الله يبارك فيكم كلكم
وحب على راس امه وابوه
ريم : زين منيرة كم نسبتها ؟؟؟
خالد : ما شاالله عليها 98%
ريم : ما شاالله خل اروح اباركلها
الكل فرحان بتخرج عبدالله ومنيرة عشان جذي سوا ابو يوسف عشا للاثنين
عند الرياجيل بالدوانيه
فهد : مبروك التخرج يا عبدالله
عبدالله : الله يبارك فيك
سعد : وين انشااله ناوي تدخل
عبدالله : انشاالله آداب قسم ( اللغة العربيه )
سعد : حلو والله
اما الحريم
ريم : وين انشالله ناويه تدخلين يا منيرة ؟
منيرة : مايبيله سؤال اكيد طب
هدى : الطب صعب للبنت
منيرة : ماكو شي صعب علي
ريم : الله عاد يصير عندنا دكتوره بالعايله
منيرة : ريم ... عبدالله وين بيسجل ؟؟
ريم : آداب
منيرة : وع تخصص فشله
ريم انصدمت منها وقعدت تطالع هدى اللي كانت تاشر لها ( يعني لا تردين عليها)
بعد العشا راحت منيرة للمطبخ تبي تشرب ماي والا تشوف عبدالله ماسك المبخر ويحط الفحم
منيرة كانت لابسه ملفعها : قوه عبدالله
عبدالله لف للصوت لقى منيرة وصايرة احلى بمليون مرة من اخر مرة شافها فيها
عبدالله مبتسم ابتسامته الحلوة : هلا والله شلونج ؟
منيرة : تمام ... مبروك التخرج
عبدالله : مبروك لنا احنا الاثنين
منيرة : بس انا غلبتك
عبدالله ( متحطم عليها) : عاااادي
منيرة : شنو اللي عااااادي ؟
عبدالله : عادي اغلبيني وعذبيني واذبحيني ... وبصوت خفيف ( حبيني )
منيرة ضحكت : عبدالله الفحم جمر وانت واقف
عبدالله كان يحب منيرة من يوم هم صغار بس هي ما تحبه ودايم شايفه نفسها عليه بس انها ما تبين هالشي قدامه وتلعب عليه عشان يتعلق فيها اكثر واكثر
الصيف ما راح يقدرون يسافرون لان عبدالله عنده تسجيل وريم ما تقدر تاخذ اجازة
صار وقت سفر خلود ويوسف
والكل نازل يسلم عليهم خصوصا انهم راح يطولون
يوسف : ما اوصيكم على عيالي
خالد : ارقد وآمن عيالك بالحفظ والصون
هدى : تروحون وترجعون بالسلامه
يوسف : الله يسلمج
ام يوسف : ديروا بالكم على نفسكم
خلود : انشاء الله
ريم : الله يحفظكم
خلود : عمتي تكفين ديري بالك على عيالي ... تدرين هدى ما عندها عيال ولا تعرف لهم
هدى انصدمت وعيونها امتلت دموع شوي وتبجي
ام يوسف : شنو الكلام هذا هدى احرص منج على عيالج هم دايم عندها يلعبون وياكلون وينامون بعد
خالد : والله لو انكم مو على سفر كان عرفت شلون اادبج يا خلود
يوسف : بس خلاص ... يالله خلود
يوسف وخلود : مع السلامه
الكل : فمان الله
هدى صعدت شقتها وطلعت كل اللي فيها من بكي بكت لين ما صارت عيونها حمر
دخل خالد ومعاه عياله الجدد
خالد : افاا ماما تبكي
هدى مسحت دموعها بسرعه : هلا خالد
خالد : خالد حااااف هذيل اول يوم عندنا وصرتي تناديني خالد اجل اذا طولوا شراح تناديني
هدى :...............
خالد : يا عمري ادري ضايقتج خلود بس لا تحطين ببالج هذي هبله ما ينشره عليها ولا في مره تهد عيالها وتسافر شهرين عشان تولد
هدى : عاااادي ما همتني
خالد يستعبط : كل هالدموع وما همتج
هدى لفت عنه : تعالي الماس حبيبتي ... شفتي شنو شرينا لج انا وعمج خالد
الماس : لا ما سفت سي ( ما شفت شي)
هدى : ياقلبي انا تعالي
خذتها هدى وعطتها الالعاب الجديدة والبنت احولت عيونها كل لعبه احلى من الثانيه
هدى : هااا يا قمر .... حلوين الهدايا ؟؟؟
الماس : يهبلون
خالد شايل سلوم : اشوف صرنا حزبين بنات واولاد
هدى : عطني سلوم خل اعطيه العابه
خالد يغمز لها : بس تبين سلوم ؟؟؟
هدى سحبت عليه : شبي بغيره
خالد : والله وراحت ايامك يا خللللود
هدى : شدعوة !!! في احد يستغني عن روحه
خالد : زين يعني عالبال
هدى : دايم مو بس الحين ...
بالصالة ريم وعبدالله واريام وامهم قاعدين يطالعون التلفزيون ونزلوا لهم خالد وهدى
: مرحبا
الموجودين : اهلين
هدى : تعالي الماس حبيبتي سلمي على يمه مريم
راحت الماس حبت راس جدتها وقعدت جنب هدى اما خالد كان شايل سلوم و مو راضي ينزله
ام يوسف : هاااا شلون العيال معاكم عسى ما تعبوكم ؟؟؟
خالد : لا والله لهم اسبوعين ما شفنا منهم شي بالعكس ملوا علينا البيت
هدى : الله يسلمهم ونسونا
ام يوسف : الله يرزقكم باللي احسن منهم انشاالله
الكل : آمين
اريام : وين ؟؟؟ شكلكم بتطلعون ؟؟
خالد : ايه والله بطلع اتمشى ويا العيال
اريام : خللود تكفى اخذني معاك ترى والله مليت من قعدت البيت
خالد : شرايج هدى ناخذها ؟؟
هدى : ما عندي مانع
اريام : والله تستشيرها ؟؟؟ واذا ما وافقت الحلوة ؟؟؟
خالد : اذا ما وافقت ما تروحين
هدى : تبين تجربين ؟؟؟
اريام : يالله !!
هدى : خللللود ما ابيها تروح
خالد يطالع بزوجته بهيام : اللي تبينه يصير
اريام : خالد من صجك
خالد : اللي تقوله هدى يصير
ريم : حرام عليك حطمت البنت
هدى : خلاص خلها تروح سامحتها
اريام : ما ابي اروح لا تسامحيني
وصعدت زعلانه على خالد وهدى الللي طلعوا وما ردوا الا بنص الليل
عبدالله : ريم ابي اكلمج بموضوع ممكن ؟
ريم : هلا عبدالله حياك اكيد ممكن
عبدالله : ريم انا بسألج عن وحدة وابيج تقولين رايج بصراحة عنها
ريم : بس عرفتها ..... اكيد منيرة
عبدالله : ايه منيرة
ريم : تبي رايي بصراحة ... البنت ما تصلح لك
عبدالله عصب : ليش انت شايفة عليها شي
ريم : لا مو شايفة عليها شي بس البنت دلوعة وشايفة نفسها
عبدالله : انا ابيها
ريم : عبود انت توك صغير وبعدين وراك دراسة والله اذا درى ابوي انك تفكر بهالمواضيع يذبحك
عبدالله: زين انتي شوفي شرايها فيني مجرد كلام ابي اعرف اذا كانت تهتم او لا
ريم : شتبي فيها يا عبود خلها بحالها
عبدالله : ريم انا ما طلبت شي ... ترديني وانا اخوج الصغير
ريم : انت تامر ياعبود ما تطلب ابشر وما يصير خاطرك الا طيب مع اني اشوف ان ماله داعي هالكلام
عبدالله : الله يخليج يا احلى اخت يالله .....بااااااااااااااااااي
ريم تضحك : باااااااااي
ريم بالدوام
مشاري : ريم خلصتي الاوراق اللي عطيتج
ريم : لا بس باقي شويه
مشاري : خلاص اجل انت وديهم للاستاذ احمد يوقعهم
ريم استانست : اوكي ... بس انت وين رايح ؟؟؟
مشاري يضحك : مو شغلج
ريم تتنذل عليه : اعلم عليك المسؤول
مشاري : بل يالحريم ماشين سيدا ... بروح عند الشباب بقضي الوقت
ريم بلقافة : خلهم يجون يونسوني انا بعد مليت
مشاري : يالله بروح اناديهم وانت روحي وقعي الاوراق
راحت ريم للاستاذ وكانت ترجف وخااايفة من زمان ما شافته وما تدري اذا كان له خلق لها والا بيزفها
ريم : السلام عليكم
احمد : وعليكم السلام
ريم : استاذ هذي الاوراق تحتاج توقيع
احمد بجديه بغت تموتها : خلاص خليهم اشوفهم بعدين
ريم انصدمت شفيه مو معطيها وجه وطلعت وهي مو مستوعبة .. راحت صوب مكتبها وقبل لا توصل سمعت ازعاج الشباب قالت اروح استانس وانسى احمد وهمومه
اول ما دخلت
الشباب يغنون : الله يا زين اللي حضرت غطت على كل الحضور
ريم : بـــــــــــــــــــــــــــــــــــــــــــــــــ ـــس فضحتونا لا يجي المدير ويسوي سالفة
حسن : على طاري المدير شسالفته اليوم ضايق خلقه وتعبان
( ريم عرفت انها مالها دخل بالسالفة وانه مع كل الموظفين مو بس هي فارتاحت شوي)
مشاري : يقولون تعبان
سعود : ليش شفيه ؟؟؟
مشاري : ما ادري والله شرايكم نروح له والله يستاهل اللي يوجبه
ريم : لا ... لا تروحون الحين انا توني جايه منه وحيل مسكب فيني
راشد : خلاص نروح له بعدين
مشاري شباب عندي لغز ؟؟؟
الكل : قول
مشاري : فيه عبد وعبده تزوجوا جابوا عيال كلهم عبيد ما عدا واحد ابيض ليش ؟؟؟
حسن : هههههههههه قديمه خلص الحبر
ريم : زين ... فيه نمله ما قدرت تدخل من تحت الباب ليش ؟؟
راشد : لابسة كعب
ريم : لا ... مسويه بف
الكل : ههههه
وبهاللحظة الكل يضحك دخل واحد ما توقعت ريم انها تشوفه تمنت الارض تنشق وتبلعها لا مو معقوله هذا شجابه
سعد ( ولد عم ريم ) : السلام عليكم
الكل ماعدا ريم اللي للحين منصدمة : وعليكم السلام
سعد : شفيج ريم تفاجأتي ؟؟؟ لهدرجة اخرع ؟؟؟
ريم ترقع : لا حياك سعد تفضل ..
سعد : مو جاي اتفضل انا عندي شغل هنيه قلت امر اسلم عليج ما دريت انج فاتحة ديوانيه ومجمعة هالصعاليك عندج
مشاري : احترم نفسك لا اقوم ادوس ببطنك
ريم : ما عليه مشاري طاااااااااف
سعد : بعد مشاري صرتوا ربع اشوف
ريم : سعد وبعدين هذا مكان شغل مو ...
سعد : مو باااار
مشاري قام بيطق سعد بس مسكوه ربعه وريم طلعت من المكتب بسرعة عشان ما يحرجها سعد اكثر جدام زملاءها طلعت تمشي ومعاها تلفونها وعيونها مليانه دموع ..(مالقت الا خالد تشكي له )
خالد : الة هلا ريوم
ريم تبكي : خاااااااااالد
خالد متخرع : شفيج ؟؟؟
ريم : خالد ... سعد ولد عمي ناصر جا الدوام عندي وفشلني جدام زملائي وتكلم فيني وبغت تصيرهوشه
خالد : وينه الحين عندج ؟
ريم : لا طلع
خالد : خلاص حبيبتي انا اكلمه الحين ... تبين تطلعين ؟؟؟
ريم : لا بس خالد تكفى زفة ترى والله فشلني هو ماله دخل فيني
خالد : ابشري يالله مع السلامه
سعد : الـــــــــو
خالد : السلام عليكم
سعد : وعليكم السلام ... هلا خالد
خالد : هلا فيك ... ابسألك انت وينك فيه
سعد : والله بالسيارة
خالد : سعد انت رايح لريم بالدوام ؟؟؟
سعد : ايه
خالد : ليش تحرجها جدام ربعها وتفشلها
سعد : انا رحت هناك كان عندي شغل وقلت امر عليها
خالد عصب : بس انت ما لك حق تزفها وتحرجها لا انت اخوها ولا ابوها
سعد : انشاالله زوجها وبعدين هي بنت عمي وغصبن عليك وعليها لي حق .. اختك ياخالد قاعده مع شباب تسولف وتضحك كأنهم بديوانية ما كأنها بنت عايلة ومحترمه
خالد حده عصب : سعد احترم نفسك ... ريم بنت ناس غصبن عنك وعن اللي جابوك ولو تموت ما تشوف ظفرها ريم انت ما تستاهلها واذا كنت بيوم وقفت معاك عشان تتزوجها اليوم اقولك لو تموت ما تاخذها
سعد يبي يقهر خالد لانهم من يوم هم صغار كان فيه تنافس بينهم لانهم بنفس العمر : ما يشرفني اخذها اصلا
خالد : لا تحلم فيها يا نذل .. وصك التلفون بوجهه وراح طياره لريم بدوامها
وصل عند مكتبها ووقف قدامها من غير ما يتكلم حست ريم ان فيه احد رفعت عيونها شوي شوي وهي خااايفة ... لما شافته تفاجأت
ريم : خالــــــــــــــــــــــــــد ... شتسوي هنيه ؟؟
خالد يلف على مشاري اللي كان يطالعه مستغرب : ريم ابيج برا
مشاري انحرج : ما عليه انا استأذن عندي شغله برا اخلصها واجي
خالد : اذنك معك
لف على ريم : انت على بالج ما عندج اهل يربونج ويحاسبونج اذا غلطتي ... انت وين قاعدة على بالك ما ادري عنج
ريم مستغربه : خالد شفيك ؟؟؟ اكيد كذب عليك سعد
خالد : ليش انا جاهل ... منو اللي كانوا وياك وتضحكين معاهم ؟؟ تكلمي
ريم : هذيل ربع مشاري جايين يسولفون معاه
خالد معصب : وانت شحقة تضحكين وياهم
ريم عصبت : يعني شنو قاعدين ينكتون ويتغشمرون ما فيها شي لا ضحكت
خالد : يعني سعد ما ظلمج ... مفروض لما شفتي الغرفة صار فيها شباب تطلعين
ريم : يا سلام ليش ما عندي شغل اسويه
دخل مشاري وانحرج لما شاف خالد ماخلص كلامه
خالد : زين بأي حق مشاري يدخل ربعه بالمكتب ؟؟؟
ريم تفشلت : مو ربعه ... هم موظفين ويانا
مشاري : اخ خالد انا بقولك شي
خالد : تفضل ..
مشاري : هذا اللي دخل علينا انسان متخلف دش بدون ما يفهم أي شي قام يغلط على ريم وتطاول عليها جدامنا ... هو فهم الموضوع غلط احنا لما نقعد مع ريم ونسولف ونضحك لانا نعتبرها اختنا الصغيرة والله يعلم انا ما نتعبرها الا اخت ونخاف عليها من الكلام اكثر من اهلنا وبعدين احنا كلنا اللي متزوج واللي خاطب يعني الحمدلله مستقرين ونعرف الله ونخافه وماعندنا خرابيط ولو المدير شايف منا شي ما خلانا مع ريم بمكتب واحد ... وترى مثل منت تخاف عليها انا اخاف عليها ولا ارضي أي انسان مهما كان ولو ولد عمها انه يهينها
خالد انحرج منه لانه مبين عليه ولد محترم : مشكور يا مشاري ولو ما نعرف اخلاقك كان ما خليناها تقعد معاكم بمكتب واحد .. بس انتوا اللي سويتوه غلط وجبتوا الكلام لريم ولنفسكم ... يا اخوي لا بغيتوا تسولفون عندكم الكفتريا ولا انت روح عندهم بدل ما يجونك هنيه
مشاري خز ريم لانها هي اللي قالت خلهم يجون
مشاري : معاك حق احنا غلطنا ونبي منك العذر والسموحة
خالد : مسموح ... وما اوصيك على ريم
مشاري : في عيوني
طلع خالد وكلم ابوه بالتلفون وقاله شنو صار مع ريم لانه مايبي سعد يعلمه قبله ويحرشه على ريم ويظلمها لانه بسرعه يتاثر وقايل حق ريم عشان تجهز نفسها للاستجواب
اما مشاري اعتدز حق ريم على الاحراج اللي سببوه لها وانه ما كان يتوقع ان الامور توصل لهذا الحد
لما خلص دوامها جا خالد ياخذها ويردها للبيت دخلت وهي خاايفة لقت امها و ابوها وعبدالله بالصاله : سلموا عليهم وردوا السلام
بو يوسف : ريم وش هالكلام اللي وصلني عنج ؟؟
ريم : اللي قاله خالد لك هو الصج ما عليك من سعد الحقود
بو يوسف : انا كلمني سعد وقالي انج قاعدة مه رياجيل تتضحكون وتلعبون
عبدالله حس ان قعدته معاهم فيها احراج له ولريم فطلع بهدوء احسن له
خالد : يبه الله يهداك هم معاها فالشغل وقاعدين عندها عشان يساعدونها .. بعدين هم رياجيل محترمين وانا اعرفهم
بو يوسف : وانت تشوفها عدله انها تقعد وتسولف معهم ... اختك فضحتنا يا خالد
ريم : يبه سعد كذاب انا كنت قاعده بمكتبي ولا طلعت منه
بو يوسف : اسمعي سعد خطبج وانا واقفت بزوجج قبل تفضحينا
ريم انصدمت : يبه من صجك .. شهالكلام انا افضحك ليش ما تعرفني ... بعدين سعد ما ياخذني لوتذبحوني ارحم لي
خالد واقف مع اخته اللي قامت تبكي وتصيح : يبه الزواج مو غصب بعدين سعد ما يستاهل ريم
بويوسف : اللي رجال ونص يبي يستر على اخته ويضفها
خالد عصب : ليه يبه اختي فاجرة عشان يستر عليها ... ريم اختي واعرفها عدل وواثق منها مايجي سعد المعفن عشان يشككني فيها ... هو اللي مو مضبوط ويبي يحذف بلاويه على بنات الناس اصلا هو ماله حق يروح لها الشغل ويكلمها
بو يوسف : الا له حق ... خلاص صار رجالها
ريم تصارخ : ما ابيه لو امووووت ما ياخذني ما ابيـــــــــــــــــــــــــــــــه
بويوسف : مو بكيفج
ام يوسف تدخلت وليتها ما تدخلت : ريم يا امي سعد يحبج من زمان وشاريج وانا ما اشوف فيه عيب ولد عمج واولى فيج
ريم : عيبه اني ما ابيه يمه موغصب ما ابيه ما ابيه
بو يوسف : لا تكثرين الكلام انا وعدت الرجال وماني راجع بكلامي سمعتي
خالد : يبه هذي حياتها ما يصير تغصبها على شي ما تبيه الزواج يجي بالرضا تغصبها انها تشارك حياتها رجال ما تواطنه ولا تبيه الموت ارحم لها
بو يوسف فجر القنبله اللي بقلبه بصراخ : انت لو فيك خير ما قعدت عند مرتك من غير عيال ليه ما تروح تتزوج وتشوف حياتك ,,, مقابلها لا عيال ولا خير
خالد انصدم من ابوه ( ابوي يقول جذي اجل الناس شتقول) خنقته العبرة مو عارف شلون يرد عليه واكتفى انه ينزل راسه وهو مخنوق
ام يوسف : سالم الله يهداك وش دخل خالد قلبت عليه خلك بريم
بو يوسف : ليه ماهو ولدي انا بشوف عياله قبل ما اموووت وهو مو حاس فيني
خالد ما قدر يتحمل اكثر : يبــــــــــــــــــــه يعني انت تبي تشوف عيالي اكثر مني ... انا باليوم افكر الف مرة بهالموضوع بس الله مو كاتب انا شنو بيدي
الله اللي يقسم الارزاق مو انا ولا انت
بو يوسف : رح اعرس وانت يجيك عيال
خالد : يبه سكر الموضوع ما ابي اتكلم فيه الحين
بويوسف : اسمعي ترا الملكة يمكن الاسبوع الجاي
ريم ركضت لغرفتها وهي تصيح وتبكي وحبست نفسها وقفلت الباب
اما خالد ما حب انه يقعد اكثر لانه واصل حده صعد شقته وهو يسحب رجوله ماله خلق وبنفس الوقت متضايق من كلام ابوه اللي قاله : محد حاس فيك يا خالد لو يدرون عن السر اللي انت حاطه بقلبك ومو راضي تقوله لاحد حتى اقرب الناس لك
دخل بهدوء وقعد على الكرسي الهزاز اللي بالصاله وغمض عيونه ورد راسه ورا ..
حس بيد ناعمه على خده فتح عيونه بهدوء شااااف الوجه اللي مستحيل يمله شااااااف الوجه اللي كل ما احتاج له لقاه
خالد : هـــــــــــــــــــــــدى
هدى : عيون هدي وروحها
خالد : .................
هدى حست بخالد : حبيبي لا تزعل من عمي .... هذا ابوك ويبي مصلحتك
خالد انصدمت ( معقوله هدى درت باللي صار )
شافت علامات تعجب على وجه خالد فجاوبته قبل يسأل : انا سمعت صراخ تحت ونزلت بسرعة بشوف شفيهم وعلى الدرج سمعت عمي يكلمك
خالد رجع وغمض عيونه : اتدري انج متضايقة مثلي
هدى : لا مو متضايقة عمي معاه حق انا من زمان بقولك بس اخااف تزعل احنا مفروض نروح ونفحص لحد متى بنظل ننطر بدون ما نروح نعالج .. يمكن يكون فيه مشكله بسيطة ونقدر نعالجها
خالد بعصبيه : لا لا ننطر
هدى : لحد متى ؟؟؟
خالد : لحد ما يكتب الله
( خالد قعد يفكر : انا مو من حقي احرمها من العيال بس ما ادري شلون اقول لها ان العيب مني اخااااف اخسرها وتطلع من حياتي انا ما اقدر اعيش بدونها وهي تبي العيال وميته عليهم مو معقوله بتقعد عندي وانا ما اجيب عيال
بس انا لو احبها صج ما حرمها من انها تشوف حياتها انا لازم اصارحها وهي تختار لو احبها اصارحها ... بحاول يا هدى )
ام يوسف : ريم شفيك افتحي الباب
ريم من ورا الباب : ماني فاتحه
ام يوسف : ريم بكلمج ضروري افتحي
ريم افتحت الباب
ام يوسف : ريم انت ليش ما تبين سعد
ريم : جذي ,,, اكرهه
ام يوسف : بس ... يوسف رجال وما ينرد
ريم : زين هو شافني مع شباب على قولته وانا وحدة رايحة فيها ومو محترمة ليش يبي يتزوجني ليش ؟؟
او يوسف : لانه ولد عمج ويحبج
ريم : حبته القراده الله ياخذه قبل لا ياخذني
ام يوسف لما شافت بنتها منهارة وقامت تهديها : ابوج ما يبي يغصبج بس يبيج تفكرين وولد عمج ما فيه شي
ريم : يعني هو ما عطى سعد كلمه
ام يوسف : لا
ريم : خلاص لا يحرج نفسه ما راح اخذه لو شنو
ام يوسف : هو مرسلني لج عشان يشوف رايج الاخير فكري عدل وقولي رايج باجر ولا تخافين ابوج يحبج وما راح يجبرج
ريم : رايي واحد ما فيه غيره وكلكم تعرفونه
ام يوسف : الله يهديج قولي آمين
ريم : آمين ... بس ما ابي سعد
ريم فيه اسباب واجد خلتها ما تبي سعد ومنها انه مغرور وشكاك من يومها صغيره مجننها ما يخليها هي ومنيرة يطلعون ولا يتمشون وفوق هذا كله دمه ثقيل وغثيث وامه تمشيه على كيفها ... واهم سبب انه ما يحب خالد اخوها
اليوم اللي بعده الخميس الصبح
قعد خالد لقى هدى مجهزة الريوق له وتطالع سبيس توون مع عيال يوسف
خالد قعد يمها : صباح الخير حياتي
هدى : صباح النور يا عمري
خالد : ليش ما قعدتيني لما قعدتي ؟؟؟
هدى : شكلك وانت نايم يكسر الخاطر ما حبيت ازعجك
خالد يضحك : هههه ليش شلون كنت نايم ؟؟؟
هدى : لا ما راح اقول بعدين تطيح من عين نفسك
خالد : يعني طحت من عينج ؟؟؟
هدى تضحك : ههههه لا متعودة عليك
خالد : يا قلبي انت
الماس : حاله هدى سلون كان نايم عمي حالد (خاله هدى شلون كان نايم عمي خالد)
خالد وهدى ماتوا من الضحك ماحسوا ان فيه ناس يراقبونهم وقاطين اذونهم عندهم
بعد ما سكتوا خالد حاول يكلم هدى بس لسانه ما طاوعه ولا قدر ينطق فأجل الموضوع لما تصير الفرصة مناسبه وقعد يفكر
خالد : ترا انا مواعد ربعي بطلع معاهم اليوم ... تبيني اوديج بيت اهلج والا تقعدين هنيه
هدى ضاق خلقها : حبيبي اليوم خميس خلنا نطلع مع بعض العيال ملوا من زمان ما طلعوا
خالد يرقع : انا مواعدهم من زمان ... انتوا اطلع معاكم باجر
هدى : خلاص ودني لاهلي ليش اقعد هنيه
خالد : خلاص صار بس تاخذين عيال يوسف والا يقعدون عند جدتهم ؟
هدى : لا طبعا معاي اصلا اهلي صاروا يحبونهم حيل اذا ما جبتهم معاي يمكن يطردوني
خالد يضحك : ههههه طاح سوقج هااااا ؟
هدى : يمكن ؟؟
خالد : يالله لبسيهم بسرعة عشان يمديني اروح للربع
خالد مع اقرب صديق له ( حمود ) رايحين الشاليهات مع ربعهم من الصبح وبيظلون لحد الفجر
... العصر راحوا يتمشون على البحر
خالد : والله يا حمود كذا مره حاولت اقولها الحقيقة بس ما قدرت
حمود : بس انت لازم تقولها انت جذي تظلمها اذا انت ما تجيب عيال من حقها عليك انك تقولها
خالد متحطم : واذا اتركتني ؟؟؟
حمود : من حقها تختار .. بعدين هي تحبك وانا متوقع انها تختارك انت
خالد استسلم : يعني اكلمها
حمود : اكيييييييييييييد
خالد : خلاص انت روح للشباب بالشاليه وانا بكلم تلفون واجيكم
حمود : لا تكلمها بالتلفون
خالد : لا ماراح اكلمها بالموضوع .. اشتقت لها وبسولف معاها
حمود راح لربعه اللي ينطرونهم بالشاليه وهو يقول بقلبه ( الله يعينك يا خالد على اللي انت فيه همك عايش فيك ومنت قادر تشيله وهدى عايشة بروحك وراح تموت لو بعدت عنك )
خالد : الو
هدى : هلا حياتي ... ما بغيت تذكرني صارلك خمس ساعات ما دقيت علي
خالد : يا حياتي حاسبتهم ؟؟
هدى : كل دقيقة بدونك عذاب
خالد ( والله العذاب اللي انا فيه ) : هدى ... احبج حيل حيل حيل
هدى : ادري ... يا عمري بس انا احبك اكثر
خالد : والله انا اللي احبج اكثر
هدى : خللودي لا تحلف بالله لاني انا والله احبك اكثر من حبك لي
خالد يغني :
اختلفنا مين يحب الثاني اكثر
هدى ذابت فيه : يسلملي هالصوت وراعيه
خالد شاف ربعه يأشرون له من بعيد ويسوون حركات ويتطنزون عليه : حياتي اخليج الحين بشوف هالمهبل شيبون
هدى : اوكي حبيبي
خالد : يالله باااااااااي
راح يمشي ووصله مسج بالطريق وفتحه وكان من هدى
" مرتاح وياه فاهمني وفاهم له
انا عجبته وهوا حيل عاجبني
الحب قالوا عذاب وقلت لا بالله
شوفوني وشلون احبه وما يعذبني
لو يطلب الشمس قلت المسأله سهله
يامر حبيبي انا ابيه يطلبني
ان كان ما اتعب لعينه منهو اتعب له
تعبه راحه ابيه اكثر يتعبني
ماشفت زيه ولا بلقى ابد مثله
يوقف بصفي لو العالم تحاربني
يكفيني انه يجيني بالغلا كله
يكفيني انه نسى ربعه وصاحبني
يطيح قلبي اذا ناظر على غفله
ان فتح اضيع وان غمض يذوبني
ياللي تعاتب خليلن ذاب في خله
اراهنك لو تشوفه ماتعاتبني "
بعد الاغنيه اللي دزتها له وما عرف شلون يرد عليها لانها دايم تغلبه وتبين حبها اكثر منه ( يوووووووه يا هدى ما ادري شلون اصارحج وانتي تزيدين الموضوع صعوبه وانت ما تدرين )
بنوتة عنيدة
11-08-2007, 03:09 PM
القصةة اكثر اكثر اكثر اكثر من الروعةةةةةة ...
ننتظر التكملةةة بس انشاللله ما تتأخرين مثل قبل ..
ترىى والله نزعل منج
بسرعة بسرعةةةةةةة بليزززززززززززززززز بليزززززززززززز ..
والله هذي احلى قصة قرأتهاا في حياتس ..
بنوتة عنيدة
11-08-2007, 05:47 PM
والله قصتج ما في احلىى منهااا
وين التكملةةةة .....
يلا عاااد مو تتاخرين بسرعة ابي التكملةة ...
أمير الدم
12-08-2007, 01:57 AM
روعة القصة
واللي قبلي ما خلولي كلام أقوله
تسلمي
في انتظار البقية
الأميرة نوونه
12-08-2007, 05:02 AM
مشكووووووووووووره حلوة القصه وانتظر الباقي
تقبلي مروري
عـــ الجروح ـــذب
13-08-2007, 07:00 PM
حبايبي الجزء الثالث يمكن يتأخر شوي ... لاني بسافر ولا راح اقدر اكمله
مشكووورين على الردود الحلوة
بنوتة عنيدة
14-08-2007, 01:36 AM
والله تعبت وانة انتظررر ..
ا:tears::tears::tears::tears::tears::tears::tears:
تروحين وترجعين بسلامةة ..
الحمامة الصادقة
14-08-2007, 04:11 AM
الله يعطيك ألف عافية أتي
عذب الجروح
ننتظر الأجزاء القادمة
بنوتة عنيدة
14-08-2007, 06:57 PM
يلا وين الاجزااااااااااااااااااااااااااء ..
ننتظر التكلمةة
أمير الدم
14-08-2007, 08:27 PM
ترجعي بالسلامة
بنوتة عنيدة
15-08-2007, 03:18 PM
ننتتظر التكلمةة ..
بنوتة عنيدة
21-08-2007, 02:30 AM
واااااااايد طولتي ..
ما صار ذه سفر وامتحااانااات كله مرةة تتعذريين بشي ..
شكلج لا بتكملينهااا بس ننطر ع الفاااضي ..
أمير الدم
21-08-2007, 02:43 AM
لالالالالالا
هذي عضوة نشيطة من أعضاء المنتدى وما تسوي كذا..
هي الآن مسافرة ولها فترة ما دخلت المنتدى
ترجع بالسلامة وبعدين نكمل
بنوتة عنيدة
23-08-2007, 05:32 AM
:icon28::icon28::icon28::icon28::icon28::icon28::i con28::icon28::icon28:
صار لنةة سنةة ننطرهااا ..
:smoke1:
اقول حبيبتي انتي بتسافربن لو بتقيمين هناااك .. :bleh: >> نذااالةة لووول :bleh:
ولة هناااك ما في محلات مال نت تفتحين الموونتدى و تنزلين بقية القصة .. >> شنسوي بعد يومكن رايحين افريقياا فمن جذي :bleh::bleh:
>> مووقدر ع بياختي :smoke1:
المووووووووهم لا تطولين مو كل شوي تقولين اعذار !! مرة امتحانات ومرة سفر ومرة مودري شنو :thumbdown:thumbdown:thumbdown
اوووووووووهووووووووو مليت والله ملييييييييييييت حرااام :tears::tears::tears::tears:
بااااااااااااااااي >> ما عندهاا شي تكتبهه :sad_1::sad_1::sad_1::sad_1::sad_1:
تصبحون ع خير :bigsmile:
ع ما توصل اقترع من الاعضاء كل وااحد يقول نكتةةة للتسلية لا غير >> خووش فكرةةة :bigsmile:
حــوور
25-08-2007, 06:10 PM
يعطيك الف عافيه قصه عن جد رووعه
عـــ الجروح ـــذب
27-08-2007, 05:46 AM
حبيبتي بنوتة عنيدة والله انا ما قصرت وكنت مسافرة ... وفريت السعودية كلها ادور مقهى بس كله حق شباب ... واذا ما تبين تكملين القصة مو لازم احسن ... ما تهميني ... ومشكووور امير الدم انك دافعت عني مع اني مسافرة ولا ادري هذي شقاعدة تقول بس عرفت ان وراي رجال ...
أمير الدم
27-08-2007, 05:02 PM
يا ادارة يا هوووو
في مضاربة هنا
بعدين انا اش دخلي فيالموضوع ينقال علي كدا
عالعموم مسااااامح وياريت ما تتكرر
ولو انتي شايفة كدا يا بنوتةعنيدة ممكن توضحيلي قدام الناس كلها السبب الي خلاك تقولي فيني كذا
(عشان تفضحيني ازا كنت زي ما قلتي)
وانا بقول كذا عشاني واثق من نفسي
عالعموم انا مسامح
وما قلت كذا الا حفاظا على سمعة المنتدى
اتمنى ان تنهوا الموضوع على خير او انه سيتم اجراء اللازم
أمير المدينة
27-08-2007, 05:09 PM
هلا يا شباب
حديد × حديد و كل واحد يصلح سيارته
ما صار إلا الخير
الرجاء الالتزام بقوانين المنتدى و عدم مخالفتها
الإدارة
أمير المدينة
27-08-2007, 06:40 PM
بنوتة عنيدة الرجاء عدم تجاوز الحدود
فعلا : عذب الجروح سافرت في زيارة للسعودية ول م ترجع إلا اليومين الماضيين فالرجاء تقبل العذر
والمثل يقول : الغايب حجته معاه
آخر تنبيه لي في هذا الموضوع
وبعده سأستخدم صلاحياتي
تحيتي
عـــ الجروح ـــذب
01-09-2007, 12:30 AM
الجزء الثالث :
ريم : يمه شنو صار على موضوع سعد ؟؟
ام يوسف : ابوج قاله يأجل الموضوع
ريم معصبة : يمه ليش يأجل الموضوع ليش ما يرفض ويفكنا
ام يوسف : حبيبتي انت مو عارفه مصلحتج
ريم : يمه طال الزمن والا قصر سعد ماراح ياخذني يعني التاجيل ماراح ينفع
ام يوسف : والله مدري عنج انت وابوج
ريم : قوليله ينهي الموضوع باسرع وقت
ابويوسف نازل من الدرج : تقول لمن ؟؟؟
ريم تفاجأت لما سمعت ابوها : هلا يبه ... انا ... انا اقصد انك تقول لسعد يشيل الزواجنا من باله لان التاجيل ماراح ينفع
بو يوسف : ليه ماينفع ... انت جاهل والظاهر ماعقلتي للحين
ريم : الله يهداك يبه انا ما عندي غير هالكلام
بويوسف : انا بعلمه بس انت الخسرانه وترا اللي ما تسمع كلام اهلها الله مايوفقها
ريم : تدعي علي يبه ؟؟
بويوسف : انا ما ادعي انا اعرف ناس عصوا اهلهم والله ما وفقهم
ريم : التوفيق من الله ... انا بروح اشوف خالد تأخرت على شغلي ؟؟ مع السلامة
امها وابوها : مع السلامه
بالسياره ( ريم مع خالد )
خالد : ريم ترا يمكن اتأخر عليج اليوم الظهر
ريم : ليش عسى ما شر ؟؟
خالد : لا بس عازم هدى عالغدا ويمكن نطول
ريم : خووووش انت تتغدون وتستانسون وانا انقع بالدوام ... امانه لو تعطوني سيارة مو احسن بدل هالنطرة وكل يوم ادور احد يوصلني ... مو راضيين تحطون سايق عشان ما اروح وياااه بروحي ولا راضيين تخلوني اسوق .. شسوي فيكم ؟؟
خالد : الا والله تسوقين احسن اصلا انا تعبت من كثر ما اوديج واجيبج ... بس ابوي موموافق يعني مالج امل
ريم تتوسل : تكفى كلم ابوي عشان يوافق انت ابوي دايم يسمع كلامك
خالد سكت شوي بعدين كمل : ايه عاااد ابوي يسمع كلامي ويحترمني ... وذاك اليوم مسخرني قدام الكل على سالفة هدى
ريم : ابوي يبي مصلحتك
خالد احرجها : ويبي مصلحتج انت بعد
ريم : انت كلمه وشوف يمكن الله يهديه ويوافق
خالد : انشاالله بكلمه ويصير خير
وصل خالد ريم لشغلها ورد البيت وخذا هدى وطلع معاها للمطعم
هدى : مشكووووور حبيبي على المفاجأة
خالد تضايق ( توج ما سمعتي المفاجأة للحين ) : تستاهلين اكثر
سكتوا فترة بعدين تكلم
خالد : هدى انا بكلمج بموضوع بس ما ابيج تنهارين ولا تنفعلين
هدى تخرعت وصوتها تغير : ليش حبيبي فيك شي ؟؟؟ صاير لك شي ؟؟؟ حاس بشي ؟؟
خالد قاطعها : هدي هدي شفيج هذا وانا قايل لج لا تنفعلين ...
هدى انحرجت : اسفه بس انت خرعتني تكلم انا سامعتك
خالد : انا بكلمج على موضوع العيال ؟؟
هدى : شفيه ؟؟؟ انت مو قلت نخليها على الله
خالد : قلت بس ابي اقول بعد ان .... ان ؟؟
هدى : شفيك تكلم ؟؟
خالد : هدى بصراحة العيب مني وانا بخيرج اذا تبيني انا شاريج واذا تبين العيال حقج وما اقدر اوقف بطريقج
هدى انصدمت ولا اقدرت انها تتكلم وبدت دموعها تسيل
خالد : هدى انا عارف انت شكثر تحبين الجهال الصغار عشان جذي انا اقول اذا تبين تشوفين رزقج انا ما عندي أي مانع والله يوفقج مع أي واحد قادر يسعدج ويحقق الحلم اللي ما قدرت احققه لج ... ( خالد بدا ينهار وصوته يتغير ) والله تمنيت اني اعطيج كل اللي تتمنين وان اعيالي منج وعيالج مني وتمنيت اخليج اسعد انسانه في هالدنيا بس ما قدرت .... هذا الشي الوحيد اللي ما قدرت اعطيج اياه والله لو كان بيدي ما قصرت ... انا بعد كنت اتمنى يجمعنا شي اكبر من الزواج تجمعنا اسرة على قدنا يكون عندنا عيال ونعيش باقي عمرنا نربيهم وهم حوالينا بس .... انا ..انا اسف ياحياتي ما اقدر اعطيج هالشي
هدى قاطعته وصرخت : خالـــــــــــــــــــــــد ... انت مجنون ؟؟
خالد يتمالك نفسه : هدى تكفين اهدي
هدى تبكي ومنهارة : انت شلون تفكر هالتفكير ؟؟... انت تتوقع مني اني اقدر اعيش مع غيرك ؟؟ مستحيل ... مستحيل
مو انا اللي اتركك عشان العيال انت عندي اغلى من عيالي اللي راح اجيبهم
خالد يقاطعها ويتكلم بجديه : انا ما ابي رايج الحين انت مو قاردة تفكرين عدل
هدى تقاطعة : خالـــــــــد لا تقول هالكلام اذا الله كاتب انك ما يجيلك عيال هذا مصيرك ومصيري معاك ما ابيك تتحمل هالشي بروحك انا وياك واحد
خالد ماقدر يتحمل اكثر ... حاول يقنعها بس ما كانت تعطيه فرصة فققر انهم يرجعون البيت ويتفاهمون بعد ما تهدى اعصابهم
هدى دشت الغرفة وقفلتها عشان ما يدخل وقامت تبكي اما خالد قال اروح اجيب ريم عشان ما اتأخر عليها
لما رد البيت لقى هدى للحين تبكي ... طق الباب مو راضيه تفتح ... ناداها ما ترد عليه ... خااااف عليها لا يكون سوت بنفسها شي .... لا يكون صار لها شي ..
جته قوة فضيعه ما يدري شنو مصدرها خلته يكسر الباب بكل سهوله ...
لما فتح الباب فزعت هدى وزادت بكي
خالد هدت اعصابها لما شافها ما فيها شي لمها وقعد يحمد الله انه ما صار اللي بباله
خالد بحنان : اسف حبيبتي خوفتج ؟؟
ماكانت هدى ترد عليه ... خلها تبكي على صدره لما جفت دموعها ... رفعت وجهها الشاحب وصرخت فيه :
خالد مستحيل اتركك ... انا بدونك ما اقدر اعيش
خالد لاول مره يحس انه طفل مو عارف يختار بين امه واللعبة ... حس انه مثل ما هدى ما تقدر تعيش بدونه هو ما يقدر يعيش بدونها
ماحب يعطي معاها بكلام على اساس ما يأملها بشي لانه ناوي يسوي اللي براسه ولا يدري شلون ... طلع وراح بسرعة لرفيجه حمود ( اكيد ذاكرينه )
انهار عنده طلع كل اللي بداخله ما قدر يتحمل ... كان بالموت ماسك نفسه جدام هدى عشان مايبين ضعيف
حمود : خالد يا خوي دامها تبيك خلاص ليش انت مضايق نفسك ؟؟؟
خالد يكفكف دموعها : هي ماودها تتركني بس بنفس الوقت هي ودها بعيال انا اعرفها عدل هي مثلي بالضبط مو عارف تختار... تكفى ياحمود دلني شور علي شسوي ؟؟
حمود : مالك الا حل واحد !!!
خالد يرفع راسه بحماس : تكفى قول ...
بعد اسبوع بالضبط
ريم : مشاري بغيت اسألك الاستاذ احمد ليش صاير ما يداوم ... صارله اسبوع ما يجي ؟؟؟
مشاري : يقولون مشاكل مع اهله ومتعبينه
ريم : زوجته ؟؟؟
مشاري : ايه
ريم بقلبها تقول ( الله ياخذها احد عنده هالقمر ويفكر يضايقه صج ما تستاهله )
مشاري : ريم ليش تسألين عنه ؟؟؟
ريم انحرجت لا يكون قلت الكلام بصوت عالي .. حس مشاري انه احرجها فرقع
: سوري بس انا سألت قلت يمكن كلمج احمد بالموضوع ؟؟
ريم : أي موضوع ؟
مشاري : لا لا ما اقدر اقولج
ريم : قول ولا تحاتي ما اعلم احد
مشاري : راح تعرفين بس مو الحين كل شي بوقته حلو
ريم زعلت : الله يسامحك
وقعدت تكمل شغلها ... وبعد ربع ساعة دخلت عليهم سكرتيرة المدير
: اخت ريم المدير يبيج بمكتبه الحين
ريم مستغربه : اوكي
طلعت السكرتيرة ولفت ريم على مشاري : شيبي فيني ؟؟
مشاري يضحك : اكيد بيقولج عن الموضوع ؟؟
ريم : موضوعك ما غيره ؟؟؟
مشاري : ايه ... استعدي للمفاجأة
ريم : يمه خرعتني ... زين الموضوع عن منو ؟؟
مشاري : عن جدي ههههههه روحي وانت تعرفين
ريم : ههههه انت الواحد ما ياخذ منك لا حق ولاباطل
طقت الباب ورد عليها احمد : تفضلي
دخلت بهدوء : السلام عليكم
احمد ابتسم ابتسامته اللي انحرمت منها من زمان : وعليكم السلام ... شلونج ريم ؟؟
ريم ترد عليه بنفس الابتسامه : الحمدلله بخير ... الحمدلله على السلامه من زمان ما داومت
احمد يضحك ويلف وجهه الجهه الثانيه : الله يسلمج ... اجازة ارتاح فيها
ريم تحاول تسحب حكي : عاد انشاء الله استانست وارتحت
احمد ونظره غريبه بعيونه : تبين الصج ؟؟؟ لا ولا شفت الراحة
ريم انحرجت اول مرة يتكلم عن نفسه ( لازم تبين له انها قد الثقة اللي عطاها اياها وفتح لها قلبه ) : مبين على عيونك انك تعبان
احمد : والله ؟؟؟ الله يسامح اللي كان السبب
ريم : ........
ظل احمد شارد البال شوي وبعدين كمل :
صج ريم انا بغيت تاخذين لي موعد من الوالد وودي ازوره في البيت اذا ما عنده مانع
ريم استغربت شنو هالطلب الغريب : ابوي ؟؟؟ ليش ؟؟؟؟
احمد ما حب يبين أي شي : في موضوع خاص بكلمه فيه
ريم تحاول تسوي نفسها مقتنعة : مو مشكله اكلمه لك
احمد : واذا ما عليج امر ابي رقم تلفونه النقال
ريم تاخذ القلم وتكتب رقم ابوها : تفضل
احمد الابتسامه الحلوة الساحرة ارتسمت على وجهه : مشكوووورة
ريم : العفو .... أي خدمة ثانيه ؟؟؟
احمد : لا شكرا تقدرين تتفضلين ...
ريم : مع السلامه
احمد : الله وياج
خالد دخل الشقة معصب طبعا بعد مارد ريم من دوامها لحقته هدى وهو اسرع منها فسبقها وصك الباب بوجهها ... راحت فتحت الباب بكل هدوء
هدى : حبيبي شفيك ... فيه شي مضايقك ؟؟؟
خالد لف عليها وعيونه يطلع منها شرار : ليش لحقتيني ؟؟؟ روحي تغدي
هدى : ليش انت ما تبي تتغدا ؟؟
خالد وهو ينزل الجوتي : لا ما ابي
هدى : خلاص انا بعد ما ابي
خالد لف على هدى بنظره استحقار : عن الدلع الماصخ واذلفي تحت ابي اقعد بروحي ... لازم يعني اقولها صريحة ... الحين بيلحقونج العيال وتأذوني
هدى انصدمت ( شفيه علي اليوم والله ما سويت شي ) : انشاء الله بروح
وطلعت من غير ما يرد عليها ولا تقوله أي كلمه ثانيه
ريم وهي تاكل : شفيه خالد ما جا يتغدا ؟؟
هدى بضحكة صفرا : ههه خالد !!! ايه هو متغدي برا
ريم بقناعة : اشوفه ما عطانا وجه
هدىتبتسم نفس الابتسامه الاولى : ايه ... شبعان
ريم تغمز بعينها : هدى بقولج سالفة بعد الغدا
هدى : اوكي صار ( هدى بالها مو معاها الناس بوادي وهي بوادي )
بعد ربع ساعة
ريم تصفق بيدها : هدى صباح الخير بالليل ... وين وصلتي ؟؟؟
هدى انتبهت ان الشغالات شالوا الغدا وهي للحين قاعده على الطاوله : آهااا .. سوري ما انتبهت
ريم : شدعوة صارلهم ساعة يشيلون الاغراض وانت ما حسيتي ... اكيد مزعله خللووود وتفكرين شلون تراضينه
هدى تسرعت : ياليت مزعلته ... ( وبسرعة رقعتها ) اقصد يمكن مزعلته
ريم : انزين خلينا نروح نشرب شاي ونسولف عن سالفتي وسالفتج اللي ماخذه بالج
هدى : ايه والله ... احس محتاجه شاي ابي اعدل راسي .. بس لحظة بشوف ماس وسلوم وين ؟؟
ريم : عند امي يالله تعالي
بالصالة
ريم حيرانه : وللحين ما كلم ابوي مع انه خذا رقمه ..
هدى : انت قلتي لعمي انه يبي يقابله ؟؟
ريم : ايه قالي خليه يجي باجر المغرب ويتعشى عندنا
هدى تضحك : ههههههه عااااد لازم انت اللي تطبخين مديرج وانت المسؤوله
ريم وهي رافعة يدها للسما : يارب يا هدى يطلع جاي يخطبني يارب ...
هدى صرخت بريم وطقتها على يدها اللي كانت رافعتها تدعي : ريم وجع ... انت ما تستحين ليش بدمرين اسرته ... الرجال متزوج وعنده اهل لايكون تفكرين انج تخربين عليه او تاخذينه من زوجته وعياله حرام يا ريم حرام
ونزلت دموعها من غير ما تحس ... ريم استغربت من ردة الفعل العنيفة من هدى ... هي هااديه وماتحب تصارخ شلون ترد عليها جذي
ريم غيرت الموضوع : هدى انت شنو اللي مضايقج ؟؟؟؟ انت فيج شي قولي ؟؟
هدى : ولا شي ... عن اذنج بروح شقتي
ريم : هدى قوليلي اللي بخاطرج يمكن تررتاحين
هدى : راح ازيد هم فوق همي ... تكفين خلينا بهمومي انا محد يقدر يخفف عني الا اللي خلقني
صعدت هدى وخلت ريم تفكر بمليون سؤال وسؤال ( معقوله خالد بيتزوج عليها ؟؟؟ معقوله بيطلقها ؟؟؟ اكيد متهاوشين هوشه كبيرة ؟؟؟)
على الدرج تواجهت هدى مع ام يوسف : هدى عسى ما شر شفيج مستعجلة ؟؟
هدى : هلا خالتي مافيني شي
ام يوسف : اجل بشري خالد ان يوسف جاله ولد
هدى : ما شاءالله مبرووك
ام يوسف : الله يبارك فيج ... روحي بشري خالد اكيد بيفرح
هدى ( ما ظتني )
فتحت الباب الرئيسي للشقة لقت خالد ممدد رجوله ومنسدح على الصوفا ويطالع التلفزيون والماس وسلوم قاعدين عنده بس على الارض يلعبون بالألعاب
هدى : يا حبايبي انتوا هنيه ؟؟
الماس : عمي حالد ساري لنا العاب ديديدة ( شاري لنا العاب جديدة )
هدى : خالد متى شريت الالعاب انا ما شفت وياك شي وانت داخل ؟؟
خالد : يعني شنو انا داش جمارك ؟؟ لازم اوريك كل شي
هدى : هد اعصابك والله مجرد سؤال ... ( وغيرت الموضوع بسرعة ) قبل لا انسى ترا يوسف جاله ولد اليوم
خالد : ماشاءالله ... منو قالج ؟؟
هدى : خالتي
خالد فز من مكانه وراح صوب الباب ( وفتحه ): انا بروح ابارك لابوي وامي وبكلم يوسف ... من الحين اقولج ترا ما راح ارد يعني ماراح انام بالبيت
هدى منصدمه : ليش ؟؟؟ وين راح تنام ؟؟؟
خالد : مو شغلج ... باااااااي
بالليل الساعة 2 هدى ماهدا لها بال طول الليل وهي تفكر خالد وين نايم وليش يعاملها جذي ..
مسكت تلفونها بتردد ودقت عليه : .....
ماكو رد
دقت مره ثانيه : .....
بعد مافيه رد
استغربت بس قالت الثالثة ثابته دقت بعد : ....
بس هالمرة انتظار
صار عندها شوي امل انه يرد عليها ... بس قطع عليها سلوم يبكي فقامت تسويله حليب ... يعني طاااف ربع ساعة على ما عطته الحليب وخلته ينام مرة ثانيه
دقت بعد : ..... انتظار
استغربت شنو هالمكالمه اللي ربع ساعة وبنص الليل ... قعدت عشر دقايق ودقت :...... هالمرة غير
الجهاز مغلق او خارج منطقه التغطيه
انهارت من البكي اول مرة خالد ينام من غير ما يقولها تصبحين على خير ... اول مرة يطلع وينام برا من غير ما ياخذ شورها ويستأذنها ... اول مرة يعاملها بخشونه وكره ... اول مرة تدق عليه وهو عااارف انها محتاجته ولا يرد عليها
بكت بكت بكت وهي حاسه انها راح تخسره ...
( حبيبي خالد والله والله ما اقدر اعيش من غيرك والله اموووت ... لايمكن يلمسني انسان غيرك ... انا مابي عيال ... مابي اتزوج غيرك ... انا من هالدنيا مابي غيرك ... مستعدة اعيش معاك تحت أي ظرف ... اعيش معاك همك ... انا وياك واحد ..
لازم نكون مع بعض للابد ... ما لازم نفترق ... انت تدري اني احبك وانا ادري انك تحبني ... بس انت ليش تعاملني جذي ليش ؟؟؟؟ تبيني اكرهك عشان اطلب الطلاق ... مستحيل اطلق منك مستحيل )
خالد بالجهة الثانيه كان مع حمود بالشاليه ... اما المكالمه كان داق على حمود ومنزل تلفونه يعني كانه يكلم احد ..
خالد ودموعه ما توقف : ماني قادر برد عليها ...
حمود : عشان تخرب كل اللي سويته
خالد : حرااااام تعبت وهي تتصل
حمود : ميخالف تحمل ... عشانها
خالد : انا ابيها تعيش حياتها ... انا ماراح انفعها باجر اذا مت منو بيكون معاها الا عيالها
حمود : خلاص استمر باللي انت فيه لحد ما تكرهك
خالد : صعب ... دمعتها غاليه يا حمود حيل غاليه
حمود محتار : والله حيرتني
خالد : انا محتار اكثر منك ..
حمود : امسح دموعك يا اخوي ونام وباجر يجي الفرج انشاء الله
خالد : انا وين والنوم وين
اصبحت انا والهم خوه وجيران .... لا ضاق صدر الهم سير وجاني
حمود : الله يكون بعونك يالله حاول تنام ... ترا انا مخلي المدام عشانك ... يالله لا تزعلني منك
خالد يودي راسه ورا : احاول وانا عارف اني ماراح اقدر
اليوم الثاني الصبح
ريم : يمه خالد وين ؟؟؟ منو بيوديني الدوام
هدى ترقع : انا اوديج ... خالد طالع من الصبح عنده شغل ضروري
بو يوسف يكلم هدى : انا اوديها ماله داعي اتعبين نفسك
هدى : انت لا تتعب نفسك انا رايحة رايحة
بو يوسف : اجل كيفج ... ( يضحك ) هههههه ماني ملزم
هدى تجامله : لا والله عااادي
ريم : احسن ... انا ابكلمج بموضوع
بالسياره
ريم : هدى انت ليش كذبتي ؟؟؟
هدى : انا ؟؟؟ متى ؟؟؟
ريم : خالد مانام بالبيت صح ؟؟
هدى ما قدرت ترقع : شلون عرفتي ؟؟
ريم : سمعته امس وهو يكلمج لما كان فاتح الباب وانا كنت بالممر
هدى : عدل كلامج
ريم : هدى حبيبتي صارحيني يمكن اقدر اساعدك
هدى والعبره خانقتها : للاسف محد يقدر ... الا خالد وهو مايبي يساعدني
ريم : هدى شوفي عيونج شلون حمرا ,,, شوفي وجهج شلون مرهق واضح انك مانمتي الليل كله ... هدى لا تخليني اتعذب وانا اشوفج جذي
هدى : صدقيني يا ريم والله ما اقدر اقول للاحد
( هدى ما ودها تكشف اسرار خالد لانه مهما كان زوجها وحبيبها ومايصير تقول لاحد ان العيب منه ... لانه فيه طعن فيه وبرجولته ونقص ... وهي ماتبي أي انسان يقلل من قدر خالد )
عبدالله داخل البيت وهو زعلان وواصل حده
ولقى امه وابوه بالصاله ... صعد للدرج من غير ما يسلم عليهم
بو يوسف : عبود ووجع ماتشوفنا انا وامك مرتزين قدامك ؟؟
عبدالله راح يحب على راس ابوه وامه : اسف يبه ما شفتكم
بويوسف : الله واكبر ما شفت امك وهي قدامك كبر البعير ههه
ام يوسف : الله عليك يا سالم ... انا كبر البعير
بويوسف : لا كبر الناقه ما عليه اسف غلطت اعذريني
ام يوسف : بعد ... شفت يا عبود ابوك وشلون يتطنز الظاهر حاط في باله وحدة ثانيه ومل مني ومن شكلي
عبدالله : يبه يمه الله يهداكم كنكم بزران ... انا الحين جاي زعلان اسألوني شفيني على الاقل ؟؟
ام يوسف : اسم الله عليك يا وليدي عسى ما شر من اللي مضايقك الله يضيق عليه عيشته
عبدالله : الجامعة ما قبلوني بكليه الاداب
بو يوسف : افااا ليش ؟؟
عبدالله : عدد الطلبه اللي مقدمين عليها واجد فاخذوا النسب العالية
بويوسف : زين و الحين وش قبلوك فيه ؟؟؟
عبدالله : التربية
ام يوسف : طول عمرها كليه الاداب ما يسجل فيها احد ... الحين كلهم يبونها يوم انك بغيتها
عبدالله : شفتي حظي الردي ... يبه انا مابي ادرس هنيه بطلع ادرس اداب باي دوله ثانيه ماراح ادرس أي شي ثاني
ام يوسف : لا والله معصي ... ماتروح تدرس برا وتتغرب وتبعد عني ,,, والله امووت لو تروح عني
عبدالله :يمه تبين ربعي يتشمتون فيني كلهم دشوا الكليات اللي يبونها وانا لا
بو يوسف : ما عاش اللي يتشمت فيك ... بس يابوك صعبه تتغرب عنا
عبدالله : والله اذا ما درست آداب ... ماراح ادرس غيرها
ام يوسف بتعجب : وانت ليش ذابح عمرك على الاداب فيه مليون تخصص وكليه غيره
عبدالله يرقع : هااا .. لا بس انا حاب هالتخصص وما ابي غيره
بو يوسف : ابشوف .. بس تراني ما اوعدك بشي
عبدالله : ماعليه .. وتراني براسل الجامعات برا الكويت وبشوف شنو احسنها لما تخلص تفكير
بو يوسف بعصبية : ياسلام واذا ما وافقت ؟؟؟
عبدالله : انت فكر والله بيهديك
بويوسف : وجع ليه انا مجنون
عبدالله وهو قايم : لا حشاك ... بس انا عارف انك بتوافق لانك مات تبي ولدك الصغير يضيق خلقه .. ويصير بطالي ولا يكمل دراسته ... يالله انا بروح انام حدي تعبان
ام يوسف : روح نام .. وشلون ما تتعب وانت دايم سهران ومقابل هالكمبيوتر
بالوزاره اللي تشتغل فيها ريم
ريم تذكرت احمد وان ابوها قال خليه يجينا اليوم بعد صلاة المغرب
راحت ريم وهي تمشي شوي شوي لمكتب احمد ووقفت عند الباب ساعة وهي مو قادرة تدق الباب ... بس اخيرا جت الشجاعة ودقته
احمد : تفضل
ريم ادخلت بهدوء : السلام عليكم
احمد كانت عيونه بأوراق معاه ولاهي فيهم بس لما سمع صوتها رفع عيونه بسرعة
: ..... ريم ..... هلا ... وعليكم السلام
ريم : شلونك استاذ ؟؟
احمد : بخير ..انت شلونج ؟؟
ريم : الحمدلله ... استاذ بس حبيت اقولك ان الوالد يقول حياك الله اليوم بعد صلاه المغرب وعشاك عندنا
احمد يضحك : .. الله يحييه ... بس قوليله زياره عادية ومو بلازم عشا لايكلف على نفسه
ريم طيحت الميانة : لا شدعووه ما فيها كلافة ... بعدين العشا انا اللي بسويه
احمد بتعجب : ما شاالله ... انت ؟؟
ريم : ذوق واحكم بنفسك ...
احمد : مدام جذي ما اقدر اطوف هالعرض المغري
ريم : ههههه حياك الله ... تامر بشي بعد
احمد : سلامتك
ريم : مع السلامة
مشاري توه يداوم جا والا يلقى ريم على المكتب : السلام عليكم
ريم : وعليكم ... انت وينك ليش متأخر ؟؟؟
مشاري : والله امس كنت سهران في بيت خالتي واليوم راحت علي نومه
ريم تتليعن : اهاااا عند الحبايب ؟؟؟
مشاري : تكفين لا تذكريني ... طلعت نذله لابعد حد
ريم : افااا ليش شصار ؟؟؟
مشاري بقهر : تذكرين لما قلتيلي اقعد معاها وصراحها وشوف شنو رايها ...
قعدت معاها امس وقلت لها كل شي ... اني احبها وابي اتزوجها ومستعد انطرها طول عمري بس ابيها تعطيني موافقة مبدئية ... تتوقعين شنو ردها ؟؟؟
ريم متشوقه : شنووو ؟؟؟
مشاري : قالت بكل هدوء : تزوج غيري احسن لك
ريم : من صجك ؟؟؟
مشاري : ايه والله قهرتني حيل حيل
ريم : زين ما قالت شالسبب ؟؟
مشاري : حضرتها تحب غيري .. تخيلي احس بمووت من القهر
ريم : ولا يهمك ... زين اللي صارحتك ولا خلتك على عماك ... صدقني انساها مدام تجرأت وقالت لك الحقيقة انت الف وحدة تتمناك
مشاري : بس انا ما اتمنى غيرها
ريم : والله انت ما تفهم ... البنت ما تبيك ... يعني ما لك امل
مشاري : ريم شرايج اخطفها ؟؟؟
ريم بعصبيه : بدينا بحركات الهنود ... مشاري اعقل لا تفضح نفسك
مشاري : وين اعقل وهذي بنت خالي
العصر بمطبخ ام يوسف
ريم : يمة وين حاطين الطماط ابي اسوي سلطة
ام يوسف : على الرف ... شوفي انت سوي فتوش ( وتلف على هدى ) وانت سوي تبوله
هدى : ابشري انشاالله
ريم : هدى تكفين ضبطيها
هدى : ياالله كل هذا عشان مديرج .... امانه لو طالبه من المطعم مو احسن
ريم : لا مو احسن ... انا قايله له انا اللي بسوي العشا
ام يوسف : والله بايع عمره ان جا
ريم : حرااااااااام عليكم
وقاموا يضحكون
توه اذن المغرب
هدى : ريم سويتي القهوة والشاي
ريم : ايه بس ما ادري اذا ابوي يبينا نوديهم الديوانيه والا لا ؟؟
ابو يوسف طالع متوضي : لا ودوهم الديوانيه ... الرجال بيجي عقب الصلاه على طول
ريم : خلاص انا اوديهم الحين
هدى تضحك : لاتنسين تبخرين الديوانيه معاج
ريم : ههههههههه لاتوصين
بعد الصلاه
بو يوسف : حيا الله من جانا
احمد : الله يحييك ... شلونك ياعم ؟؟؟
بويوسف : بخير عساك بخير ....انت وشلونك ؟؟؟
احمد : الحمدلله
بويوسف : وشلون ريم معاكم عسى ماهي متعبتكم ؟؟؟
احمد يضحك : ريم !!!!!!! لا بالعكس مافيه مثلها ما شاء الله عرفت تربي يا بويوسف
بويوسف : الله يسلمك
ريم بالمطبخ مع هدى
ريم : هدى تتوقعين شنو قاعدين يقولون ؟؟؟
هدى زهقانه : ريم عشرين مرة سألتيني هالسؤال .... انا قاعدة معاج شلون اعرف
ريم تبي تقهرها : اكيد جاي يخطب
هدى : ريم .... اعقلي
ريم معصبة : انت شتبين اصلا هو مو مرتاح مع زوجته ومسويه له مشاكل ومنكدة عيشته
هدى : وانت شلون عرفتي ؟؟؟
ريم : مو شغلج
هدى : عاااادي المشاكل تصير بين أي زوجين ... يعني مو شرط يتزوج
ريم تبي تسحب كلام : يعني نفس المشاكل اللي يبنج وبين خالد
هدى رقعتها : يا حياتي ... خالد ما يجي منه مشاكل ابد
ريم : ابد ابد
هدى تضحك : أيــــــــــــــــــــــــــــه
دخلت ام يوسف : يالله يا بنات قومن حطن العشا للرياجيل
ريم : الحين نحطه ... كم ام يوسف عندنا
هدى تضحك : هههههههههه قولي كم احمد عندنا
ريم : وجع
راحوا البنات يزهبون العشا وماشالله السفرة كانت مليانه من كل خير
كل نوع وكل صنف ... لان ريم ما خلت شي ما سوته
احمد بعد ما تعشى قعد مع بو يوسف بالحديقة لان الجو كان حيل حلو : كثر خيركم ... بصراحة خوووش طبخ
سالم : بالعافية ..
احمد : الله يعافيك ... ريم قايله ذوق وشوف بس ما توقعت طبخها حلو جذي
سالم : عاااد ريم لا اشتهت
احمد : ههههههههههه
قام احمد : يالله يابو يوسف انا رايح وانت فكر بالموضوع وعلمني رايك
بو يوسف : انشاالله
احمد : يالله فمان الله
بويوسف : بحفظ الكريم
ريم من الدريشة كانت تطالع ابوها واحمد بالحديقة
هدى : امانه شعاجبج فيه ؟؟
ريم : يهبل يهبل يهبل
هدى : زين تعالي نسأل عمي عن الموضوع اللي جاي عشانه
ريم : لا لا استحي
هدى : انت اقعدى .... انا بروح
بالصاله
ام يوسف : وليه يبيك تتنازل ؟؟؟؟
بو يوسف : يقول البنت جات واطلبتني وانا ما اقدر اردها
ام يوسف : تخسي والله
هدى : السلام عليكم
الكل : وعليكم السلام
هدى : هااا يا عمي راح ضيفك ؟؟؟
بو يوسف : ايه راح
هدى : شنو كان يبي منك ؟؟
ام يوسف تتدخل : تخيلي جاي يتوسط حق المعفنة اللي طقت ريم ...
هدى انصدمت : ســــــــــــــــــــارة ؟؟؟
او يوسف : ما ادري شسمها ... بس اللي معاها بدوام
ابو يوسف : حكموا المحكمة حق ريم ولازم هذي البنت تدفع تعويض او تسجن .... ويوم شافت السالفة جد ارسلت احمد يتوسط
( يا حرام يا ريم على بالها جاي يخطبها )
هدى : ايه ريم تقول انه يعامل كل البنات عنده على انهم بناته ومسؤول عنهم
ام يوسف : لا والله ما تتنازل ... تخسي
ابو يوسف : عيب الرجال تعنى لحد عندي وارده
ام يوسف : مالي شغل ... اللي يمد يده على بنتي يستاهل
هدى : خلاص خالتي هي اكيد تابت وتأدبت
ابو يوسف : يقول هي مستعدة تعتذر حق ريم
ام يوسف : مدري .... اجل اسأل ريم
هدى : لا لا انا اكلم ريم واقولكم رايها
بغرفة ريم
ريم متحمسة : هاا ياهدى ... ليش جاي ؟؟؟؟
هدى ما تدري شتقول : ريم انا بقول بس انت لا تنصدمين ....
ريم : تكلمي ...
هدى : جاي يتوسط حق سارة ... يبي عمي يتنازل عن التعويض ...
ريم انصدمت وعيونها دمعت وظلت ساكته
هدى : ريم شفيج ... خيرة انشاالله لا تتضايقين ... انت ماتدرين الخيرة وين ؟؟؟
ريم : حقير
هدى : لا ياريم ما يصير تقولين جذي ... بالعكس اللي سواه يدل على انه رجال بمعنى الكلمة لانه يعاملكم بالتساوي
ريم تبكي : شيبي من هالخايسة يتوسط لها ؟؟؟
هدى : يمكن محمد اللي كلمه وقاله يجي يكام عمي
ريم : ...............
هدى : نسيت اقولج ترا يقول ان سارة مستعدة تعتذر لج
ريم بعصبية : ما راح اتنازل لو شيصير ...
هدى : حتى لواحمد هو اللي يبيج تتنازلين
ريم : لا تطولينها وهي قصيرة ... قولي لابوي اني ما راح اتنازل
هدى : كيفج يا ريم ...
في امريكا :
خلود حاطه ولدها بحضنها وتلعبه : امانه شرايك فيه ... يهبل صح ؟؟؟
يوسف : اكيد يهبل .... انا ابوه
خلود : ههههههههه وانا امه
يوسف : شفتي شلون بغيتي تحرمينا من هالمزيون
خلود : يووووووه يا يوسف لا تذكرني ... انا للحين مو عارفة شلون كنت افكر بهالطريقة
يوسف : ههههههههه عااادي انت ساعات تفصلين
خلود : حراااااااااام عليك
قام يوسف : انا برروح اكد الحجز انت زهبي الشنط عشان رحلتنا باجر
خلود : ياربي حيل مشتاقة للكويت ولسلوم وماسي
يوسف : انا اكثر ... وابوي كل يوم يسألني عن سلمان ( البيبي الجديد ) متى بتجون بشوف ولدي
خلود : الله يخليهم له ويخليه لهم
في شقة خالد
هدى تلحق سالم : تعال البس البيجاما يالله
.... ماسه جيبي بجامتج انت بعد عشان البسج ... بعد ما البس هالشيطان
الماس : دين ... ( زين )
دخل خالد وهدى قاعده تلبس سلوم : السلام عليكم
هدى : وعليكم السلام ... هلا خالد اليوم راجع مبكر
خالد طالعها بنظره : يعني تبيني اطلع ... ترا عاااادي ما تفرق معاي
هدى تضحك : لا شدعوة ... اذا ما تفرق معاك ... تفرق معاي انا
( سكته وهو تم يطالعها .... مسكين يموت عليها )
خالد : ترا يوسف وزوجته راح يرجعون باجر
هدى : والله ... الله يحيهم اشتقنا لهم
خالد : ههههههههههه راح ياخذون عيالهم ودوري احد تتسلين فيه عقبهم
هدى انصدمت : خالد شنو هالكلام ؟؟؟
خالد يتطنز : سلامتج
هدى : انت شكلك غيران منهم ... حراااام يا خالد تكسر الخاطر
قامت هدى وهي معصبة وخلت خالد مع العيال الصغار بروحه وتوهق فيهم ماعرف شلون ينومهم لانها دخلت الغرفة وقفلت الباب ... بس طلع ذكي وودامهم عند ريم واريام
اليوم الثاني ... الكل مجتمعين عشان يستقبلون يوسف وخلود لانهم مسافرين من ست شهور ... ام يوسف ما خلت طبخه تعرفها ما سوتها لولدها
عبدالله : يبه يمه ... ابشركم خالد كلمني يقول وصلوا للكويت وهو الحين جايبهم من المطار
او يوسف شوي وتطير من الفرحة : الله يبشرك بالخير ... جيب تلفونك بكلم اخوك
ابويوسف : جاييين بالطريق ... ليه تكلمينه
ام يوسف : ما اقدر اصبر اكثر
اريام : ياربي والله مشتاقه ليوسف حيل
عبدالله : انا اكثر شي ودي عليه ... اشوف سلمان
ام يوسف معصبة : ما تبي تشوف اخوك يا عبود ؟؟؟؟؟؟
عبدالله انحرج : اكيد ابي اشوفه واشوف ولده
ريم تطالع من الدريشة : هلا هلا هلا ... يمه يوسف وصل
دخل يوسف وزوجته معاهم ولدهم : السلام عليكم
الكل : وعليكم السلام
ام يوسف لامه ولدها : هلا بأمي وابوي ... شلونك ؟؟؟ شخبارك ؟؟؟
يوسف : الحمدلله بخير ... انت شلونج ؟؟؟
ام يوسف : دام انت بخير انا بخير .... الحمدلله على سلامتكم يا خلود
خلود : الله يسلمج خالتي
ريم : الحمدلله على سلامتكم
خلود ويوسف : الله يسلمج
اريام : قرت عينج يمه ... قرت عينك يبه
امها وابوها : بوجه نبيج
عبدالله : وين سلوم عطوني اياه ... يا ماشاالله يهبل ... متأكدين انه لكم
يوسف : وجعه .... ليش يعني ما نجيب حلوين
عبدالله : الظاهر الامريكان واسطة ... عطوه شوي من جمالهم
ريم : وع العرب احلى
اريام : من هالناحية اضمنيهم ههههههههه
الكل : هههههههههههه
هدى نازله ومعاها عيال يوسف ملبستهم ملابس جديدة وحلوة ... ومكشختهم اخر كشخة
راحوا العيال يركضون لامهم وابوهم بسرعة
هدى : الحمدلله على السلامة ... نورت الكويت
يوسف : الله يسلمج .... شلونج هدى وشلون العيال معاج عسى ما تعبوج ؟؟؟
هدى : لا بالعكس اسم الله عليهم عاقلين
يوسف : ما افتكر ههههههه
هدى : قرت عينج يا خلود ...
خلود : بشوفت نبيج
هدى : وين سلمان ما اشوفه معاكم
ريم : سلمان مع عبدالله شوي وياكله
الكل : هههههههه
خالد : ترا مو عاجببه فيه الا الجنسية
خلود : حرااام عليك ولدي يهبل
ابو يوسف : ايه الزين وراثة ... دام انا جده
الكل : ههههههه
ابو يوسف : ترا اليوم في عشا لك انت وام سالم
يوسف : الله يعافيك يبه ما له داعي
ام يوسف : اذا ما ذبحنالك اجل لمن نذبح ونفرح
يوسف : الله يخليكم لنا ... اجل حنا بنروح نريح وننزل لكم بعد المغرب
ام يوسف : ايه والله روح ارتاح ... حنا مستلمينك من يوم وصلت ما عطيناك فرصة ههههههه
بشقه خالد
هدى قاعدة تحط مكياج ووتضبط حق العزيمه اللي مسويها بو يوسف
خالد : شنو هالاصباغ اللي بوجهج ؟؟؟
هدى تضحك : ههههههههه اسمه مكياج
خالد : ادري انت تعلميني ؟؟؟
هدى : هههههه سوري بس انت تسأل
خالد يبي يخرب عليها : زين قومي سويلي شي آكله ... جوعان
هدى : بصراحة ما اقدر ادخل واسوي شي بالمطبخ الحين
خالد يتمسخر : ليش الاخت حامل ... لايعة جبدها من المطبخ ؟؟؟
هدى وصلت حدها حيل عصبت : لا وانت الصاج ... لاني حاطه مكياج وما ابيه يخرب
خالد : اقول ... قومي لا اعلمج شلون تحطين مكياج عدل
هدى : خالد شنو هالاسلوب اللي تكلمني فيه ؟؟؟؟ .... ترا انا ما اشتغل عندك ... وعلى فكرة انت حيل زودتها وانا ساكته كل هالمدة مع انك كنت تزفني عالصاعدة والنازلة
خالد معصب : والله هذا اسلوبي مو عاجبج طقي راسج باقرب طوفة
هدى تصارخ : لا مو عاجبني .... غير اسلوبك احسن .....
واحترم نفسك
خالد وصل حده : لا ما راح اغيره ... بعدين شنو احترم نفسك ... انا محترم قبل لا اشوف وجهج ... واذا مو عاجبج
انت طـــــــــــــــــــــــالــــــــــــــــــــــــ ــــــــــــــق
هدى انصدمت حدها ( كأنه ينطرها طول هالمدة تعترض عشان يطلقها ) : طالـــــــــــــــــــــــــق ... انت مجنون ؟؟؟
خالد : لا صاحي ... ما ابي ارجع البيت بعد شوي والقاج فيه
هدى قامت تصيح وتبكي مو مصدقة ان هذا خالد وطاحت على الارض وهي تبكي
اما خالد طلع وصفق الباب بقوة
في بيت بو يوسف
بالصالة
ام يوسف : ياهلا حياالله من جانا
ام فهد : الله يحييج ... الحمدلله على سالمه الولد
ام يوسف : الله يسلمج ...
منى ( زوجة فهد ) : الحمدلله على السلامه خلود
خلود : الله يسلمج
منى : ما شالله ولدج مزيون
خلود : هههههه طالع علي
منى : ههههههههه اكيد
ريم دخلت : السلام عليكم
ام فهد من غير نفس : هلا
ريم : شلونج عمتي ؟؟؟ عساج بخير ؟؟؟
ام فهد ( معصبه لان ريم رفضت سعد ) : بخير
منى تبي تغير الموضوع : صج ... مبروك قبول عبدالله
ام فهد طيرت عيونها : وين قبلوه ... يامال الوجع ما تعلميني
منى : اسفة ... فهد قالي قبلوه بجامعه خاصة بمصر
ريم : الله يبارك فيج .... هو والله ما يبي غير الاداب
ام فهد : الحمدلله منيرة قبلوها الطب وبسرعة بعد
ريم حاقدة : لان نسبتها عالية
ام فهد : اسم الله على بنيتي
ام يوسف : صج ليش ما جت معاكم ؟؟؟
ام فهد : عندها امتحان وقاعدة تدرس
ريم واريام : ههههههههه هذا عيب الطب
بالديوانيه
فهد : الحمدلله على سلامتكم ؟؟
يوسف : الله يسلمك فهد ما قصرت
سعد باستهزاء : شخبارك خالد ؟؟؟؟
طبعا خالد كان بعالم ثاني يفكر بهدى ويحاتيها لانه نزل من غير ما يتأكد انها بخير
عبدالله طق خالد على كتفه
خالد لف عليه : شتبي ؟؟؟
عبدالله : سعد يسألك عن اخبارك ؟؟
خالد لف على سعد : وانت شتهمك اخباري فيه ؟؟؟؟
سعد يضحك : هههههههه ولد عمي ... ( وبصوت واطي )
واخو زوجتي باذن الله
خالد بصوت واطي ما يسمعه الا سعد وعبدالله لانهم قريب منه :
تخسي والله
بشقة خالد
هدى قاعدة تشيل اغراضها والا يطق باب الشقة ...
قربت من الباب من غير ما تفتحه : منو ؟؟؟؟؟
............: افتحي شفيج ؟؟؟
هدى : هلا ريم بغيتي شي ؟؟؟
ريم : انت ليش ما نزلتي للحين .... الناس اجتمعوا تحت كلهم
هدى : ريم انا تعبانه يمكن ما اقدر انزل ....
ريم بخوف : هدى شفيج ؟؟؟ عسى ما شر ..... افتحي الباب بشوفج
هدى : بس تعب خفيف انت روحي الحين وانا انزل وراج
ريم : انت تصرفيني ... افتحي والا ترا والله لقول حق خالد واخليه يكسر الباب
هدى : ...........
ما ردت عليها اما ريم تمت تطق الباب بس ما فتحت
راحت ريم لغرفتها وخذت النقال واتصلت على خالد
خالد : هلا ريم
ريم : خالد تعال بسرعة داخل ضروري
خالد تخرع : خير شصاير ؟؟؟؟
ريم : انت ادخل وانا افهمك
خالد : يالله انا جاي
وصل خالد عند الشقة مع ريم
خالد : هي ردت عليج ؟؟؟
ريم : ايه بس مو راضية تفتح الباب ... اخاااف فيها شي
خالد تخرع وقام فتح الباب بالمفتاح اللي معاه بس ... انصدم ان الباب كان مفتوح
دخل مع ريم
*
*
*
*
لقى البيت معفوس
راح بسرعة صوب غرفة النوم
مالقى احد
فتح كبت هدى ..... عوره قلبه ...
لان الكبت كان فاضي
*
*
*
عرف ان هدى راحت لبيت اهلها
لف على ريم : يا ويلج اذا درى احد عن شي
ريم : هدى وين ؟؟؟
خالد : طلقتها
ريم شهقت : شنـــــــــــــــــــــــــــــــــــــــــو ؟؟؟؟ طلقتها ؟؟؟؟
خالد معصب : ريم والله ياويلك اذا دروا امي وابوي ... والله لذبحج
ريم : ليش ؟؟؟
خالد : مو شغلج ... ياالله اطلعي يقفل البيت
ريم : خالد تكفى لا تعذبني ... انت وهدى تحبون بعض ما يصير تتطلقون ... قولي كلام غيره
خالد بالموت ماسك نفسه : ريم البيوت اسرار وانا ماابي اتكلم بالموضوع
ريم عصبت هي الثانيه : انت وياها غير .... انتوا ما تعيشون من غير بعض
احنا كنا نضرب فيكم المثل ... شصاير يا اخوي تكلم ؟؟؟
خالد قعد عالكرسي وحط يده على وجهه : ريم اطلعي بسرعة قبل اسوي فيج جريمه
ريم : ماراح اخليك بروحك
خالد صرخ عليها : اطلعي
ما حبت انها تظل اكثر لا يقوم صج يسوي فيها جريمة طلعت وهي مو مصدقة كلامه .... مستحيل خالد وهدى يتطلقون
راحت عند الحريم وسوت نفسها طبيعية مع ان بالها مشغول على اخوها
في بيت اهل هدى
هدى بغرفتها تبكي
( معقوله اهون عليك ياخالد ... تطلقني بالسهولة هذي ... اكيد الكلمة طلعت منك بالغلط وانت ما تقصد ... واكيد انت باجر بتجي تعتذر مني وتردني لك ...
احنا لبعض وماراح يفرق بينا الا المووووت )
ام مبارك ( ام هدى ): شفيج يا هدى هذي اول مرة تتزاعلين مع رجلج ؟؟؟
هدى تبكي : ............
ام مبارك : وش فيه بينكم ترا والله حرقتيلي دمي
هدى : زعل طبيعي ... لا تكبرين الموضوع
ام مبارك : انت شوفي وجهج وتعرفين اني ماني مكبرة الموضوع
هدى : يمه الله يخليج انا ابي اقعد بروحي ممكن
اليوم الثاني الصبح
بالسيارة ( خالد مودي ريم لدوامها )
ريم : شصار على الموضوع اللي امس ؟؟؟
خالد : ................. ولا شي
ريم : يعني شنو ولا شي ... زوجتك تروح لاهلها وانت ما يهمك
خالد : انت ما تفهمين ... انا طلقتها والحين بوديج وبروح اسوي اجراءات الطلاق بالمحكمة
ريم : زين ليش ؟؟؟؟؟؟... هدى ما تستاهل ينت مافي مثلها
خالد : اكيد ما تستاهل ( يفكر بباله : لانها تستاهل احد غيري يسعدها ويكمل لها حياتها )
ريم : طيب مدام ما تستاهل ليش تطلقها ... ابي افهم ؟؟
خالد : ريم لا تكثرين حكي ... سكري عالموضوع وكل شي بوقته حلو
بالدوام
ريم : السلام عليكم
مشاري : وعليكم السلام
ريم : شلونك ؟؟؟
مشاري : الحمدلله بخير ... انت شلونج ؟؟
ريم : تمام ... احد سأل عني ؟؟؟
مشاري : كأنج تدرين هههههههههه
ريم مستانسة : منو سأل ؟
مشاري : محد
ريم : هههههههههههه حلوة
دخل حسن ومعاه سعود
سعود : الف الف مبروك ... والله انك فرحتنا
حسن : عالبركة الله يوفقك يا مشاري
مشاري : الله يبارك فيكم
ريم : شالسالفة .... على شنو تباركون له ؟؟؟
حسن : الحبيب امس تزوج
ريم : والله ....... مبروك ... الف مبروك
مشاري : الله يبارك فيج
ريم : منو تزوجت ... انشاالله حبيبتك ما غيرها ؟؟؟
مشاري : لا تخسي خليها تولي ... خذيت وحدة تسواها وتسوى طوايفها
ريم : الله يوفقكم انشاالله
مشاري : الله يسلمج
بعده بيوم
ابومبارك يصارخ : هدى ..... هدى
نزلت هدى تركض عند ابوها : هلا يبه آمر
ابومبارك : انت ليه تكذبين علينا ؟؟؟
هدى : اكذب بشنو ؟؟؟
ابومبارك : تقولين لي انا وامج بيني وخالد زعل عااادي
ام مبارك طالعة على صراخ ابو مبارك : عسى ما شر وشفيك اكلت البنت بصراخك ؟؟؟
ابو مبارك : بنتج تقول كلام ورجلها يسوي كلام ثاني
هدى : ليش خالد شيقول ؟؟؟؟ وانت وين شفت خالد ؟؟؟
ابو مبارك : انا لا شفته ولا قالي شي ... الرجال مرسل ورقة الطلاق لج
هدى وقفت شوي مو مستوعبة ابوها شيقول : ورقة طلاق ؟؟
ابو مبارك : أيـــــــــــــــــه طلاق
طاحت هدى على الارض من الصدمة وقامت امها تصيح وسمع صوتهم اخوها مبارك ( اخوها الكبير متزوج وعنده عيال ) ونزل بسرعة وشالها وودها المستشفى
^
^
^
^
كل اهل هدى كانوا على اعصابهم ينتظرون الدكتور يطلع ويطمنهم عليها
اول ما طلع الدكتور نقزت ام مبارك بوجهه : بشر خير انشاالله
الدكتور : والله انا مابي اقلقكم ... بس الاخت المريضة صابها انهيار عصبي شديد
ام مبارك : حسبي الله عليك يا خالد ... الله يجازيك
الدكتور : ايه منو خالد هذا ؟؟؟
مبارك : ليش تسأل ؟؟؟
الدكتور : لانها كانت تناديه وهي داخل
مبارك : هذا زوجها
الدكتور : الله يعينها ... اسمحولي
الكل : تفضل
مبارك كان معصب حده من خالد فقرر انه يدق عليه ويتهاوش معاه
بس خالد طلع ذكي ولا رد وتم مبارك يدق على خالد نص ساعة وخالد مسكر جهازه اخر شي تركه مبارك
اما خالد بالليل تذكر انه مسكر الجهاز ... راح يفتحه
^
^
^
لقى مكالمات واجد من مبارك ولقى رسالتين
الاولى
" انت انسان تافه وحقير ومنت كفو هدى والله ما اخليك تسلم منها ياخالد والله لشرب من دمك ... انت تتجرأ وتطلق هدى "
المرسل : مبارك
اما الثانية
" حسبي الله عليك ... الله لا يوفقك لا دنيا ولا اخره مثل ماجرحت هالمسكينه ودخلتها المستشفى "
المرسل : مبارك
خالد انفجع : هدى بالمستشفى ... ياقلبي
( قبل ما يسوى أي شي دق على حمود عشان يستشيره عشان ما يندم على شي )
حمود : اسأل اخوها عنها ... بس انت لا تروح لها وتعذبها اكثر
خالد يبكي : ياحمود ... هدى تعبانة ما اقدر اتفرج عليها لازم اكون معاها
حمود : عشان تعلقها فيك اكثر وتجرحها اكثر ... خلها ضربه وحدة وتصحى منها ولا تخليها ضربتين
خالد : يعني ادق على اخوها
حمود : دق عليه وفهمه الموضوع وسبب الطلاق ... لا يذبحك شكله اقشر
خالد : لا تلومه ... اللي يعرفها لازم يحبها ويكون مستعد يذبح الكل عشانها
حمود : بس لا تفكر فيها اكثر من جذي
راح خالد وقام يدق على مبارك
مبارك : حيا الله الاستاذ خالد ... شرفت اخيرا وتنازلت ترد علي يا...
خالد : لحظة يامبارك ... انا ضروري اقابلك عشان افهمك الموضوع
مبارك معصب : شتفهمني ... اختي طايحة بالمستشفى ومنهارة وانت تبي تتكلم
خالد : مبارك انا بجيك البيت الحين
مبارك : انت شايف الساعة كم ... الساعة 2 بالليل
خالد : ادري ... الله يخليك ضروري
مبارك : تعال انا ناطرك
جا خالد عند مبارك وقاله
( ان العيب منه وانه يبي هدى تتزوج غيره لانه ماراح ينفعها وانه خيرها ومارضت ............. وقال السالفة من البدايه للنهاية )
مبارك قعد يطالع خالد وهو يبكي ... ( معقولة خالد يحبها هالكثر ... معقوله دمر حياته عشانها ... معقوله يبي مصلحتها اكثر منها )
مبارك بأسف : بس يا اخوي ... انا آسف اني ضنيت فيك سوء ... والله هدى لو تلف هالارض ما راح تلقى احسن منك
خالد : لازم تلقى ... انا ابي اشوف عيالها
مبارك ما قدر يتحمل ودمعت عينه وهو يشوف خالد منهار
: عمري يا خالد ما تخيلت انك جذي ... تحب هدى اكثر من روحك ... انت اثبت انك رجال والنعم فيك ... وانا اخوها ما افكر باللي انت تفكر فيه
مر شهر على الموضوع
هدى / تحسنت حالتها وردت للبيت وهي تحاول انها تتعود على فراق خالد وانه مايكون معاها
خالد / عايش بعذاب وصار ينام بديوانيه البين لانه مو قادر يدخل الشقة وهدى مو فيها لان كل زاويه تذكره فيها
عبدالله / يجهز اغراضه للسفر والدراسة بمصر
ريم / مو مصدقة اللي صار لخالد وهدى بس الاوراق خلتها غصب تصدق
خلود / بين عيالها وزوجها
يوسف / راجع بحب لكل اهله ودايم يحسسهم انه اخو وابو وصديق ... وصاير دايم مع خالد ويحاول يخفف عليه بس خالد للحين ماقال السر
ام يوسف / حيل فاقده هدى اللي كل عصر تقعد معاها وتسولف ونفس الوقت مو مقتنعة بالسالفة ولا قادرة تصدق
بويوسف / ماخلى كلمة ما قالها لخالد ... حاول معاه مليون مرة عشان يعرف السالفة بس للاسف يطلع خايب
حمود / كان نعم الصديق " الصديق وقت الضيق " ما خلى خالد ولا لحظة ودايم ينصحة ويخفف عليه ... لان خالد ما يفتح قلبه الا لاثنين ( هدى : وحمود)
بنوتة عنيدة
01-09-2007, 05:31 AM
القصةة روعةة ..
ننتظر التكملة ..
بنوتة عنيدة
02-09-2007, 12:50 AM
جاري انتظااار التكلمةة ..
أمير الدم
02-09-2007, 06:23 PM
رووووعة
في تكملة ولا خلاص؟؟
عـــ الجروح ـــذب
02-09-2007, 08:23 PM
اهلين والله ..
في جزئين وخلاص ( راح تفتكون مني ) يعني الخامس راح يكون الاخير بأذن الله
أمير الدم
03-09-2007, 12:45 AM
(((تفتكون مني؟؟)))
عسانا ما ننحرم منك
بنوتة عنيدة
03-09-2007, 02:47 AM
ننتظر التكملةة ..
ليش يعني نفتك منج ؟!!
بنوتة عنيدة
03-09-2007, 09:59 PM
وين التكملةة
تأخرتي !!
أمير المدينة
03-09-2007, 10:43 PM
بنوتة عنيدة
الرجاء عدم وضع ردود مطالبة بالتكملة
...
العضوة بينت بقاء جزئين و القراء في انتظارها
...
نور الدين
03-09-2007, 10:45 PM
مشكوووووووووووورة رووووووووووعة
بنوتة عنيدة
05-09-2007, 08:19 PM
هييي انته انة الي بسوي بسويه ..
انت مو عاااجبك في الطقااق وو تقدر تتمسح ردوودي ..
حتىى الرد ما يبونه نرد والله حاله ..
بنوتة عنيدة
10-09-2007, 06:21 PM
وين التكملةة
ننطرج ..
عـــ الجروح ـــذب
11-09-2007, 09:57 PM
الجزء الرابع :
خالد مع حمود على البحر
خالد كئيب : بصراحة انا ماني قادر اتحمل اكثر انا بدق عليها
حمود : مايصير يا خالد ... شفيك الله يهديك ... هدى خلاص ما عاد هي مرتك يعني مايصير تكلمها
خالد معصب : زوجتي غصبن عن اللي ما يرضى
حمود : زين ليش طلقتها اجل ؟؟
خالد : .................... ابيها تشوف حياتها
حمود : خلاص ... خلها تشوف حياتها .. طول ماانت تكلمها عمرها ما راح تنساك ولا راح تفكر بغيرك
خالد : معاك حق ... بس والله صعبة
بيت اهل هدى ( غرفة هدى بالتحديد )
هدى قاعدة على سريرها بعد ماتحسنت صحتها وتقرا رساله خالد اللي ارسلها مع ورقة الطلاق
" هدى حبيبتي ...
لاتزعلين مني لاني ما سويت جذي الا عشانج ... اتمنى لج التوفيق في حياتج المستقبلية وان الله يرزقج بكل اللي تتمنينه
(اخوج) : خالد "
ام مبارك : حبيبتي هدى انت لازم تنسين خالد ؟؟
هدى بعصبية : عسى تنساني الدنيا لو نسيته
ام مبارك : هالكلام ما منه فايده ... خلاص الرجال طلقج وانت لازم تشوفين حياتج ... اول ما تخلص العدة راح اعرفج على ناس يبونج لولدهم ... هم من زمان يبونج بس انت اخترتي خالد وخليتيهم
هدى بصراخ : يمـــــــــــــــــــــه ... لا تعيدين هالكلام مرة ثانيه ... زواج ماراح اتزوج لو مهما صار ... مفهوم ؟؟؟
بيت بو يوسف
ام يوسف : خالد يمه انت مو عاجبني من طلقت هدى وانت تايه ودايم فكرك شارد
خالد بدون تعليق : .............
ام يوسف : ياولدي انت ما تبي تقولنا عن سبب الطلاق وحنا احترمنا رايك ومالازمنا عليك تقول ... بس انك تتم على هالحاله محد يرضاها لك حتى هدى لو تدري عنك بتزعل
خالد : آآآه يا هــــــــــــــــــــــــــدى
ام يوسف : والله ذبحتني يا خالد ... عذبتني انا مقدر اشوفك بهالحاله انت كل يوم تموت جدامي ميه مرة ... شرايك ازوجك وتنسى هدى وطوايفها
خالد قام من الكرسي اللي كان متمد عليه : يمــــــــــــــه !!! انا اتزوج بعدها !!! من يملي عيني !!!
ام يوسف قامت تبكي لانها ما تقدر تقاوم اكثر : قــــــولي شتبيني اسوي وانا حاضرة ؟؟
خالد : والله ؟؟؟
ام يوسف استانست ان خالد بدأ يتكلم : ايه والله لسوي أي شي عشان اشوفك مرتاح
خالد : اوكي ... انا ابيج تقنعين هدى تتزوج ... اخوها مبارك قال ان في ناس خطبوها بس هي ما تفكر بالموضوع .... الحين مالها عذر العدة وخلصت ... تكفين يمه انا ابيها تتزوج
ام يوسف موفاهمة شي : تتزوج منو ؟؟؟
خالد : تتزوج أي واحد مناسب لها
امه : غيرك ؟؟؟
خالد : يمه انا لو ابيها ما طلقتها
ام يوسف : .......... ماني فاهمتك
خالد : ممكن خدمة ثانية ؟؟
ام يوسف : عيوني لك
خالد : ابيج تكلمينها وتتطمنين عليها وعلى صحتها ؟؟
ام يوسف : بس .... ما طلبت شي يا خلووود مو بس بكلمها بزورها بالبيت بعد
خالد : ربي يخليج يا اغلى البشر
بعد كم يوم
ام يوسف بالصاله تكلم بالتلفون
وكان عندها خالد ويوسف وخلود
ام يوسف : انت شلونك ؟؟؟ شخبارك ؟؟؟ مرتاح ؟؟؟ في شي مزعجك ؟؟
يوسف : يمه شوي شوي عطيه فرصة يتكلم ههههههه
الكل : هههههههههههههه
ام يوسف : وجع مو شغلك انت ؟؟؟ وشلونك عبود ابي اخبارك كلها ؟؟
عبدالله ( من مصر ) : الحمدلله يمه كل شي تمام ... انت شخبارج وشخبار الوالد واخواني وخواتي ؟؟
ام يوسف بلهفة : كلهم بخير ... ( قامت تبكي ) والله اني مشتاقه لك ليه تخليني وتروح
عبدالله : يمه انا رايح اجيب الشهادة اللي ترفع راسج وراس ابوي
ام يوسف للحين تصيح : انا مابي شهادات ابي وليدي اللي راح وخلاني
قام يوسف واخذ التلفون من امه لانها ما قدرت تمسك اعصابها وقامت خلود تهديها
يوسف : هلا عبدالله شلونك ؟؟؟
عبدالله متخرع : شفيها امي ؟؟؟ شصار ؟؟؟
يوسف : هد اعصابك مافيها شي بس ( دلع بنات )
ام يوسف اخذت علبه الكلينكس وحذفتها على يوسف وقاموا يضحكون
لما سكر عبدالله التلفون بعد ما كلم اممه واخوانه
قام يوسف وخلود وطلعوا وظل خالد مع امه فستغل الفرصة وسألها عن هدى
ام يوسف : مسكينة ؟؟
خالد : ليش يمه شفيها ؟؟؟
ام يوسف : تصدق اول ما شافتني قامت تبكي ورحت وهي ما وقفت بكي
خالد انصدم : معقوله ؟؟
ام يوسف : والله انها قطعت قلبي ... ما خلت شي عنك ما سألتني عليه
هو يتريق كل يوم ؟؟؟؟
من يغسله هدومه ؟؟؟؟
هو ينام عدل ؟؟؟؟؟
تراه ما يحب كذا .............
تراه يحب كذا ..........
خالد قعد يفكر ( معقوله ياهدى بعد اللي سويته كله للحين تسألين عني وتهتمين فيني )
راح خالد عند حمود وقاله كل شي وعن اخر التطورات وانه يبي حل لهالمشكله
حمود : انا عندي حل ؟؟؟
خالد : الحقني فيه تكفى
حمود : لازم تتزوج ؟؟؟
خالد : انـــــــــــــــــــــــــا ؟؟؟؟ مستحيل
حمود : مو انت اللي تتزوج هي اللي لازم تتزوج
خالد : بس هي رافضة الفكرة ؟؟؟
حمود : لا تستعجل وخلني اكمل ... انت اكيد تعرف ( سلطان ) رفيقي بالشغل
خالد : والنعم فيه خوووش رجال
حمود : هذا الله يسلمك يدور على مره لانه طلق زوجته
خالد يحاول يستوعب : انت تبيه يخطبها ؟؟؟
حمود : بالضبط ... انا اعرفه رجال ولد ناس وماينرد ومستحيل اهلها راح يخلونها تطوف هالفرصة ... وفوق هذا اخلاقه عالية ومركزه محترم وراح يحترمها ويخليها تعيش احسن عيشة
خالد للحين يحاول يستوعب : طيب وشلون راح تقوله عنها ؟؟؟؟؟؟؟
حمود : انا قلتله عندي بنت بس ما قلت من هي ... كنت ابي اسألك بالاول وتراه كل يوم يدق علي يسأل عنها
خالد : بس لا تقوله انها كانت زوجتي
حمود : ادري ... اصلا ما راح يتزوجها لو عرف انها زوجتك لانه حيل يعزك
خالد بألم : قصدك كانت زوجتي !!!
حمود : آسف " كانت "
ريم بالدوام
مشاري : مرحبا ريم ..
ريم : ياهلا .. وينك مختفي .. صرنا نشوفك بالصدفة ؟؟؟
مشاري : شسوي قرب عرسي ومحتاس بالتجهيز
ريم : ما شاالله حددت موعد العرس
مشاري : ايه انشالله بعد اسبوعين
ريم : الله يوقفك ويبارك لك
مشاري بضحكة شيطانيه : عقبالك
ريم بنفس الضحكة : انت في شي ببالك بس خااايف تقول ... صح ؟؟؟
مشاري : لا لا ... لا توهقيني مع الاستاذ احمد
ريم مستغربة : شكو الاستاذ احمد ؟؟؟
مشاري : ليش ما قالج شي ؟؟؟
ريم : مثل شنو ؟؟؟
مشاري : لما زاركم بالبيت ما قالكم شي ؟؟
ريم : اكيد قال .... بس شدخل هذا بموضوعنا ... تكلم لا تخااااف ... وعد ما اعلم احد ؟؟
مشاري : بصراحة ........
ريم : ايه
مشاري : انت وعدتيني ما تقولين له ؟؟
ريم : اوكي كمل
مشاري : الاستاذ احمد يبي يتزوجج ... والمشاكل اللي بينه وبين زوجته كانت بسببج
ريم مصدومة : ........................انا
مشاري : ايه .... يقول انج غير عن كل البنات ... محترمة وخلوقة
وانه دايم يفكر فيج
ريم : .........................اوكي روح شغلك وخلني بروحي
مشاري مات من الضحك : ههههههههههههه ياحلو اللي يستحون
ريم : جب يالخايس
مشاري : عاااد لازم نضبط العلاقة معاج باجر تصيرين حرم المدير و تضبطينا
ريم : شدراك يمكن ما اصير حرمه ... منو قالك اني راح اوافق عليه
مشاري : هههههههههههه علينا ريوم ... عيونج قالت لي
ريم : بس خلاص روح شغلك
ريم دقت على هدى ( لا تستغربون ريم ما قطعت علاقتها بهدى لانهم اكثر من صديقات بس انهم اتفقوا ما يجيبون طاااري الموضوع اللي بينها وبين خالد )
ريم : هدى ابشرج ؟؟
هدى : خير شنو البشاره
ريم فرحانه : احمد اخيرا راح يخطبني ...
هدى : منو قالج ؟؟
ريم الارض مو شايلتها : مشاري
هدى : الف الف مبروك مقدما ... مع اني اشوف انه مو من مصلحتج هالزواج
ريم : للحين ما ادري اخاااف ابوي او واحد من اخواني يرفض ... عاااد والله انتحر
هدى : تموتين عشانه ههههههههه ؟
ريم : اموووت عشانه واموووت فيه
هدى : ياعيني
بعد يومين
خالد : شخبار سلطان راح يخطب والا للحين ؟؟؟
حمود : ايه امه شافت هدى وعجبتها وراحوا يخطبونها امس وللحين ما ردوا عليهم
خالد : الله يكتب اللي فيه الخير
حمود : انشاالله ... اكيد هم الحين يسألون عن الرجال واخلاقه ... وراح يردون عليهم عقب
خالد : انا بكلم مبارك وبمدح سلطان ... يالله بكلمه وارجعلك
مبارك : الو
خالد : الو ,,, السلام عليكم
مبارك : وعليكم السلام .. هلا خالد شلونك ؟؟؟
خالد : بخير الله يسلمك ... انت شلونك ؟؟؟
مبارك : تمام ... نسأل عنكم
خالد : ما تقصر ... الا بغيت اسألك بس ما ابيك تفهمني غلط ..
مبارك : اسأل ... افا عليك
خالد منحرج : بس كنت بسأل عن سلطان ؟؟
مبارك مستغرب : انت تعرفه ؟؟؟؟؟؟
خالد انحرج اكثر : انا ... لا بس واحد من الربع يعرفه ويمدحه حيل يقول انه رجال بمعنى الكلمه
مبارك : والله احنا سألنا عنه بعد ... كل من سألناه عنه مدحه وقال نفس كلام صاحبك
خالد : الحمدلله ... يعني نقول مبروك مقدما
مبارك : ما اظن ... هدى ماتبينا حتى نكلمها بهالموضوع
خالد : زوجوها غصب
مبارك : الله يهديك شنو غصب ... مافيه شي بالغصب الحين
خالد : هدى ما تعرف مصلحتها
مبارك : ابوي قاعد يحاول معاها وانشاالله ما يخليها الا وهي مقتنعة
خالد : ياليت ...
مبارك : انت شخبارك ياخالد ... شمسوي ؟؟؟
خالد : انا مثل ماانا ما تغير شي بحياتي
مبارك : طيب ليه ما تتزوج وتشوف حياتك انت بعد ؟؟؟
خالد : مقدر يامبارك ... مقدر ..
مبارك يضحك : ههههههههه يعني انت وياها نفس بعض حتى بهالموضوع
خالد : ههههههههه شفت وشلون
في بيت ابو يوسف
ام فهد زايرتهم
ام فهد باسلوب استجواب : الا ياام يوسف انا بسألج عن خالد وحرمته ؟؟
ام يوسف ماتبي تتكلم بالموضوع : والله كل واحد راح بطريقة والله يوفقهم جميع
ام فهد : انا اصدق ان كل الناس تجي بينهم مشاكل الا هدى وخالد ... طول عمرهم يحبون بعض ولا عمرهم تزاعلوا
ام يوسف : والحين تطلقوا ... يا اختي ما لكم شغل فيهم اللي فيهم يكفيهم
ام فهد : يقولون خالد ميت عليها بس هي اللي ما تبيه ... يقولون حاله يقطع القلب يبكي عليها ومايبي يتزوج عقبها
ام يوسف عصبت : من اللي يقول تقلقلت حنوكه ... خالد هو اللي طلقها والسبب خاص فيهم ومحد عارفه ... وخالد راح يتزوج وحنا ندور له عروس صارلنا اسبوع بس ما لقينا اللي تستاهله ( تكذب عليها )
ام فهد : عساه مبروك ... خالد يستاهل ... بس العروس موجودة فتحي عيونج عدل وانت تشوفينها
ام يوسف قعدت تفكر شوي بعدين عرفت ام فهد من تقصد : سبحان الله ياام فهد كانك تقرين افكاري
ام فهد : القلوب عند بعضها والافكار متشابهة
بيت ابو مبارك
غرفة هدى
ابو مبارك : يا بنتي انا ماني دايم لج ولا امج دايمه ... من يبقالج بعد عيني
هدى : الله يخليك لي يبه ... لا تقول جذي
ابو مبارك : يا ابوي ... لا تحرميني من شوفتج مرتاحة انا ما ابي ينقصج شي
هدى تتوسل : والله مو ناقصني شي ... وانا مرتاحة جذي ... تكفي يبه زواج ما ابي اتزوج ... خلني جذي
ابومبارك : ياهدى والله الرجال اللي طلبج رجال والنعم فيه انا بنفسي رحت اسأل عنه ... الكل قام يمدح فيه ... يعني ما ينرد
هدى : خلاص يبه مدام الكل يمدح فيه ... راح يلقى اللي احسن مني
ابو مبارك : هدى طلبتج يا ابوج لا ترديني ... تكفين يا بنتي انا بشوف عيالج ... لا تحرميني من شوفتهم ... لا ترديني يا بنتي
هدى ما قدرت تتحمل شكل ابوها وهو يترجاها ودموعة ماليه عينه ... حبت على راس ابوها :
ما عاش اللي يردك يا ابو مبارك ... انت اللي تبيه يصير
ابو مبارك ما صدق : يعني موافقة
هدى تبتسم لابوها ابتسامه مزيفة : أيـــــــه
ابوها حب على راسها : مبروك الله يوفقج يا بنتي
وطلع من الغرفة وراح يبشر امها واخوها
اما هدى ابوها طلع من هنيه وهي قامت تصيح وتبكي
وهي مو قادرة تتخيل حياتها مع غير خالد شلون راح تكون
مبارك راح يبشر خالد بالتلفون
خالد : الو هلا مبارك
مبارك : هلا فيك ... شلونك يا خالد ؟؟
خالد : بخير عساك بخير انت وشلونك ؟؟؟
مبارك : تمام وجايبلك خبر بيفرحك
خالد : والله .... شنو قول ؟؟
مبارك : ابشرك ان هدى وافقت على سلطان والملكة انشاءالله بعد يومين
خالد امتزجت المشاعر عنده ... بين فرح وحسرة ... فرحان ان هدى راح تكتمل حياتها وتعيش الدور اللي تتمناه ... ويحس بقهر وحسرة ان اغلى الناس راحت من يده ليد غيره : .................
مبارك : شفيك ساكت يا خالد ؟؟؟؟
خالد : الف مبروك الله يوفقها
مبارك : خالد انت للحين مصر انك تزوج هدى حق سلطان ... ترا حنا للحين عالبر
خالد : وشفيك يا مبارك ... اكيد انا مصر وماعندي غير الكلام اللي تعرفه
مبارك : يعني مو ندمان ؟؟؟
خالد : مو ندمان ... بس تقدر تقول خسران
مبارك : الله يعينك يا خالد
خالد : اجمعين
بيت ابو يوسف
ام يوسف قاعدة بالصالة تنطر خالد على احر من الجمر
دخل خالد المسكين البيت وهو مو طايق نفسه (( حيل متضايق من سالفة هدى : لانه ما توقع رد فعله راح يكون جذي ... ))
ام يوسف : هلا بوليدي خلووود هلا
خالد من غير نفس : هلا يمه
ام يوسف : طولت علي يا امي من اليوم وانا احتريك
خالد : خير وش عندج ؟؟؟
ام يوسف : انا بقولك بس ما ابيك تعصب وتسمعني لحد ما اخلص
خالد : دام السالفة فيها " لا تعصب " خلاص عرفتها
ام يوسف : مشاالله عليك ... وش هي ؟؟
خالد يتطنز : خالد يا وليدي وش رايك ندورلك عروس ؟؟؟؟
ام يوسف : يا فالح ... مو هذا الموضوع
خالد : قولي يمه شنو الموضوع اجل
ام يوسف : انا لقيت لك عروس ...
خالد قعد يضحك : هههههههه ما طاح الا انبطح ...... يعني غيرتي السالفة
ام يوسف : طيب اسأل من هي واذا ما اعجبتك ما راح الزم عليك ... وتراي عندي صورتها لا بغيت تشوفها
خالد يتمسخر : بــــــــــعد ... صورتها ...
انا ما ابي اعرف من هي ولا ابي اشوفها ولا ابي اتزوج ... والحين عن اذنج لاني حيل تعبان وبروح انام
قام خالد بسرعة وما قدرت امه تقوله أي شي لانه كان معصب وواصل حده
" كم ليلة اسهر بها وغيري ينام *** واعاف انا مرقدي والوسادة
يزورني هوجاس واعيش الاحلام *** واشوف انا حيرتي في زيادة
لامر طيفه في سما فكري وحام *** احس باقي في حياتي سعادة
من لامني عساه بالحب ينلام *** ويذوب من نار المحبة فؤادة
خالد بشقته متمدد على السرير ويراجع افكاره ويقلب السالفة براسه
الحين هدى راح تتزوج : يعني راح تصير لغيره
راح يقدر يتحمل هالشي والا لأ
حاول خالد يتحمل هالافكار بس ما قدر : هدى طول عمرها له وراح تظل له ... قام بسرعه واخذ تلفونه يبي يدق على مبارك ((( عشان يرد هدى على ذمته )))
بس شاف الساعة 3 ونص الفجر فاستحى منه لان الوقت متأخر
نزل التلفون وهو يقول بنفسه : باجر بطير وبردج ياهدى ونعيش مع بعض ونقول كافي بعد وكافي عذاب
اليوم الثاني الساعة اربع العصر
باجر ملكة هدى
بيت ابو يوسف
ام يوسف قاعدة بالصاله مع خلود واريام وريم و يوسف
خلود : سلوم تعال ازعجتك يمه مريم
ام يوسف زسالم بحضنها : خليه ... وش تبين فيه ... قاعد عند جدته
خلود : ازعجج ... ما خلاج تتقهوين
ام يوسف : ماعليه فدوة
اريام : يوسف ... اشوف عيالك خذوا غلاتي ... امي قامت تدلعهم وخلتني
يوسف : وانت بعد للحين تبينها اتدلعج ... راحت عليج يا ماما ... خلي الدلع للاجيال القادمة
اريام : والله ... انا للحين صغيرة
ريم : الله يرحم ... انت ما خذه الدلع من غيرج ... ترا كما تدين تدان
انا قبل كنت دلوعتهم وجيتي انت وخربتي السالفة
الكل : هههههههه
يوسف : صج يمه قبل انسى ترا عبدالله دق علي اليوم ويسلم عليكم كلكم
ام يوسف : وتوك تعلمني ؟؟؟
يوسف : نسيت !!!
ام يوسف : الله يسلمه ... وليدي والله اني مشتاقه له حيل
خلود : ههههههههه مو بس انت ياريم اللي راح عليج الدلع حتى بعض الناس ( وتطالع يوسف وتضحك )
يوسف : هاهاها ... ما تضحكين اصلا امي تتغشمر معاي ... صح يمه ؟؟؟
امه : لا مو صح قوم دق عليه ابي اكلمه
الكل : ههههههههههههههه تستاهل
ريم : لحظة قبل تروحون ... منو راح يوديني الدوام باجر انت والا خالد ؟؟؟
يوسف : ما ادري ؟؟؟ اسألي خالد ؟؟
ام يوسف : ليش مو خالد اللي وداج اليوم ؟؟
ريم : لا يوسف وداني ...
ام يوسف : ليش خالد ماوداج ؟؟
ريم : لما خلصت اليوم الصبح رحت طقيت على خالد الباب ولا فتح ودقيت عليه تلفون طلع مغلق ...
ام يوسف : يارب سترك .. وينه ؟؟ خالد مو طبعه يسكر نقاله اذا بغي ينام
يوسف : ليش ما شفتوه اليوم ؟؟؟
ريم : انا ما شفته
اريام : ولا انا
خلود : انا شفته الساعة 2 الفجر بالمطبخ ... يشرب ماي
ام يوسف : قومي اريام دقي على اخوج ... شوفي وينه .... بسرعه
قامت اريام ودقت من التلفون اللي موجود بالصاله
ورجعت بعد شوي
اريام : يمه جهازه مغلق
ام يوسف تخرعت : الله يستر هذا وينه؟؟؟
يوسف : لحظة يمه هدي اعصابج ... يمكن نايم بشقته
ريم راحت تركض : انا بروح اشوفه
بعد دقيقة الكل سمع صراخ ريم : يـــــوسف الحق علي .... يمه .... الحقوني بسرعة
يوسف قام بسرعه : شفيج ؟؟
ريم : خــــــــــــــــــــــــــــــــــــــــــالد ...
يوسف تخرع وصعد الدرج بثانيتن مع ان الدرج كان كبير وامه واريام وخلود يلحقونه
يوسف دخل الشقة لقى خالد ممدد على السرير وماعليه غطا
وريم تصيح عنده : يوسف ... اناديه مايرد علي
يوسف مرتبك : خالد ... خالد
( رفع صوته وقام يهز كتف خالد ) خــــــــــــــــــــــــــــالد
بس ماكان يرد عليهم
ام يوسف صاحت وطاحت على الارض : يـــــــــــــــــــــــــا ويلي عليك يا وليدي
اريام تبجي : يوسف ... خالد شفيه ؟؟؟ خالد شصار له
خلود لمت ام ويوسف وقامت تهديها
يوسف مسك يد خالد اللي كانت حيل باردة : وسحبه يبي يقعده بس .........
طاح خالد من السرير من غير أي حركه
بيت ابو مبارك
ام مبارك منحرجة : هدى انا بقولج شي بس لا تعصبين وجاوبيني بصراحة ... خالد ما يكلمج ؟؟
هدى : يمه شهالكلام ... خالد اكبر من هالحركات ... انسان محترم وصريح ولو عنده شي قاله لكم
ام مبارك : الحمدلله ... بس انا قلت اتاكد لانج باجر ملكتج وماابي أي شي يخرب عليج زواجج
هدى : الله ويالزواج ... الله يعيني بس
الا صج ... المعرس تعيس الحظ شنو اسمه ؟؟؟
ام مبارك : سلطان .... بعدين عيب تقولين عنه جذي
هدى : الحين الكويت كلها مافيها بنات غيري ... ليش جاي يخطبني يروح يدور أي بنت ثانيه
ام مبارك : نصيبه عندج ... وانشاالله عياله منج ... اذا الله تمم عليكم وتزوجتوا على خير
هدى : الله يكتب اللي فيه الخير
ام مبارك : امين
نرجع لبيت ابو يوسف ( حرقت اعصابكم صح ؟؟ )
يوسف شال خالد ( جته قوه مايدري من وين ؟؟)
وراح يركض لسيارته وام يوسف لبست عبايتها عشان تروح معاه
شغل السيارة وطار للمستشفى
بالسيارة
ام يوسف ( مع انها ماتحب السرعة ) : بسرعة يايوسف خلنا نلحق عليه لا يروح من يدينا
يوسف : هذا انا مسرع يمه
وصلوا المستشفى
دخلوا خالد لغرفة الطوارئ وخلوا اهله كلهم برا
قاعدين يحاتونه
بعد فترة طلع الدكتور
يوسف : بشر يا دكتور ... طمني الله يخليك ؟؟؟
الدكتور : لا الحمدلله ... ما عليه شر
يوسف : الحمدلله ... هو صاحي الحين
الدكتور : لا بس راح يصحى انشاالله ... هذا اغماء بسبب حرارة جسمه لان درجة حرارته كانت حيل مرتفعة والحمدلله انكم لحقتو عليه قبل ترتفع زيادة ... احنا الحين حطيناه عند خبيرصيني قاعد يعالجه ويخفض درجة الحرارة وانشاالله ما راح نقصر معاه
يوسف : ماقصرت ... يعني اقدر اطمن الوالدة انه ما فيه عليه أي خطر؟؟
الدكتور : تقدر لانا الحمدلله تعديناها وصارت حرارته قريبه للطبيعية
يوسف : طيب متى نقدر نشوفه
الدكتور : لا ما عليه اليوم ماراح تقدرون تشوفونه ... بس وعد باجر الصبح تشوفه
يوسف : دير بالك عليه يا دكتور ... ترا ماعندنا اغلى منه
الدكتور : لا تحاتي ... خالد بعيونا
رجع يوسف حق امه اللي كانت تنتظره عالكراسي مالت الانتظار
وقالها كل اللي قاله عليه الدكتور
ام يوسف : معصي ... والله ما اتحرك من مكاني قبل اشوفه بعيني
يوسف : يمه الله يهداج الدكتور يقول ما يصير ...
ام يوسف تمسح دموعها : انا مالي شغل بكلامه انا بشوف ولدي
يوسف : باجر الصبح ... الا قبل تطلع الشمس اجيبج عنده
ام يوسف معصبه : تضحك علي ... ما قصرت ياولدي الكبير
يوسف حب راس امه : والله ما اضحك عليج ... والله لجيبج باجر من الفجر عشان تشوفينه
ام يوسف : .................
يوسف : يالله يا يمه قعدتنا ما منها فايده الدكاترة هنيه بيقومون بالازم ... وانا وصيت الدكتور عليه
ام يوسف : اجل تجيبني الفجر
يوسف يبتسم : ابشري
وهم بالسيارة دق ابو يوسف عليه
وكان معصب لانهم ما علموه عن خالد ( طبعا هزأ يوسف )
وعلمه يوسف ان خالد بخير وماله داعي يجي له المستشفى لانه ماراح يقدر يشوفه
فهدت اعصابه شوي بعد ماتطمن على ولده
الكل درى عن خالد الا هدى لان اهلها ماحبوا يضايقونها
والكل دق يسأل عنه : ام فهد جت عندهم وقامت بالواجب وسعد وفهد وابوهم ناصر
وحمود صديق خالد ... ظل بالمستشفى عند خالد
ومبارك وابوه بعد ماقصروا
الساعة اربع العصر
ريم الملقوفة دزت مسج حق هدى تقولها ان خالد تعبان " محد يدري ان اليوم ملكة هدى "
اما هدى لما قرت المسج ماتت على خالد من الخوف وراحت تركض لابوها
: يبه خالد بالمستشفى ؟؟؟
ابومبارك : ايه ادري ... الحمدلله الحين يقولون احسن
هدى : يبه ابي ازوره
ابو مبارك عصب : والله ... انت ناسيه ان اليوم ملكتج والمعرس على وصول
هدى تبكي : مالي شغل ودني عنده والا والله لروح بسيارتي
ابو مبارك معصب : والله ان رحتي من غير علمي يا ويلج ... عقب مانكتب العقد انا اوديج عند خالد بنفسي
هدى : يبه ما اقدر انطر
ابو مبارك : مافي روحه قبل الملكه ... خلاص كلامي واضح واذا قلتي شي زياده ... ماراح اوديج بالمرة
الساعة خمس ونص المغرب بالمستشفى
الكل كانوا قاعدين حول خالد اللي للحين ما صحى
ام يوسف وابويوسف ويوسف وريم واريام
خالد بدا يفتح عيونه شوي شوي ... شاف الكل حوله مكتئبين وواضح انهم يحاتونه
ام يوسف لما شافته فتح عيونه : ياهلا وغلا ... الحمدلله عالسلامه
فز خالد وقعد عالسرير : اليوم شنو ؟؟؟
يوسف : اسم الله عليك ... شفيك خالد ؟؟؟
خالد عصب : اليوم شنو بسرعة رد علي ؟؟؟
يوسف : الاربعاء
خالد انهار : لا ... لاتقول
ابويوسف : وشفيك تراك روعتنا ؟؟؟
خالد : الساعة كم ؟؟؟
ابو يوسف : خمس ونص
خالد : لا ... بسرعة عطوني تلفوني
ريم : تلفونك بالبيت
ام يوسف : يا ويلي ولدي جن
ابو يوسف : الله يستر والله مدري وش سووا فيه
خالد : يوسف عطني تلفونك بسرعة
يوسف : خالد حبيبي انت شقصتك ...
خالد : اليوم ملكة هدى ... بسرعة ابلحق عليهم قبل يملكون
ابو يوسف : ليش ما خلصنا من هالسالفة ؟؟؟
خالد : بسرعة عطني تلفونك ...
بس قبل يعطيه التلفون دق باب الغرفة
قام يوسف يفتح البااب لانه متوقع انه حمود رفيق خالد
بس انصدم لما شاف اللي زاير خالد
ابو مبارك : السلام عليكم
يوسف : ..............
ابو مبارك انحرج : الحمدلله على سلامة اخوك
يوسف : الله يسلمك ... اسمحلي تفاجأت
ابو مبارك : من هدى ؟؟
يوسف : ايه ... حياكم تفضلوا
ابو يوسف : من عند الباب ؟
يوسف : هذا ابو مبارك ومعاه هدى
الكل انصدم .... اما خالد بغى يطير من الفرحة اخيرا راح يشرف هدى مرة ثانيه
ابو مبارك : السلام عليكم
الكل : وعليكم السلام
هدى وخالد تموا يطالعون بعض وعيونهم تتكلم ... نظراتهم كلها شوق ولهفة وحب
التقت العيون اللي طول عمرها تعشق بعضها ... ومايندري
يقدرون يفرقونهم عن بعض هالمرة والا لا
ام يوسف وريم واريام سلموا على هدى وطلعوا عشان ما يزعجونهم
ويوسف وابوه قعدوا شوي بعدين طلعوا
وظل بالغرفة ( خالد & هدى ) وابوها اللزقة ( بس حرااام كان ساكت )
هدى لاول مرة تنطق : اجر وعافيه
خالد يتأمل العيون اللي يمووت عليهم : الله يعافيج
هدى : خوفتني عليك
خالد : والله ؟؟؟
هدى : تشك بهالشي ياخالد ؟؟؟
خالد : لا
هدى ابتسمت حست براحة مو طبيعية كل هذا لانها قريب من خالد وتحس فيه
هدى : شلونك الحين ؟؟؟ حاس بشي ؟؟؟
خالد : ايه ... حاس ان قلبي بيطلع من بين ضلوعي
هدى : ههههههههه اسم الله عليك ... انا اقصد صحتك حاس شي متعبك ؟؟؟
خالد : ايه ... فراقج
هدى دمعت عيونها ... لانها تذكرت اللي صار اليوم
ابو مبارك : خالد ما باركت لهدى ؟؟؟
خالد انصدم : ليش ؟؟؟؟؟؟؟؟؟؟؟؟؟؟؟؟؟؟
ابو مبارك : اليوم تزوجت
خالد ما قدر يقول أي شي ... اول ما شافها حس روحه ردت له بس هالخبر خرب كل شي ... كان يطالعها وهو يقول خلاص انت لي وحلالي ... فجأة يستوعب انها حلال واحد ثاني
ابو مبارك : ما تقولها مبروك وتفرح قلبها ؟؟؟
خالد انتبه ( مايبي هدى تتضايق فسوى نفسه مستانس ) : الا بقولها الف الف مبروك بعد
هدى : .........................
خالد : تستاهلين يا هدى كل خير ... الله يوفقج
ابو مبارك رقع الموقف : الله يبارك فيك ياخالد
خالد : ليش عروستنا زعلانه ؟؟؟
هدى تتكلم وصوتها يرجف : انت اللي ليش فرحان ؟؟
خالد : ليش ماتبيني افرح لاختي ؟؟؟
هدى مو مستوعبه : اختك !!!!!!!!!!!!!!!!!!!!
اما ابو مبارك عجبته الكلمة
هدى تلف على ابوها : يالله يبه مشينا ... مالنا قعدة هنيه
خالد : هدى انت زعلتي ؟؟
هدى : ليش ازعل ... اخوي يتغشمر معاي عاااااااااادي
خالد دايس على قلبه : اشوا على بالي زعلتي ... مرة ثانيه اقولج مبروك
هدى طالعته بنظرة فيها مليون معنى ومعنى : ياالله يبه انطرك برا ( لفت على خالد ) ماتشوف شر انشاالله
خالد : مايجيج الشر
هدى : مع السلامة
ابوها : مع السلامة ياولدي دير بالك على صحتك
خالد : ابشر ... مع السلامة
طلعوا وسكروا الباب وسكروا معاه كل سعادة وامل وفرحة بوجه خالد
اللي ما توقع ان الصدمة راح تكون جذي ... كان قوي ما نزلت منه ولا دمعة ولا تضايق مع انه خلاص خسر اغلى البشر
دخلوا عليه اهله مرة ثانيه ... شافوا انسان ثاني
كان مبتسم ويحاول يسوي نفسه مرتاح
كلهم توقعوا ان ملكة هدى ماتمت عشان جذي خالد مستانس
ام يوسف : ها يا خالد ... شقالولك الجماعة اللي زاروك ؟؟
خالد يبتسم : جايين يسلمون ويبشروني
ابويوسف : يبشرونك على شنو ؟؟؟
خالد استجمع قوته ونطقها بصعوبه : يبشروني ان هدى تزوجت
ام يوسف : صج ما يستحون ... شنو قله الادب هذي ... يعني ما يدرون انك تعبان جايين يغثونك زود
خالد : شفيج عصبتي يمه ... انا لاني متضايق ولا شي ... الله يوفقها
ام مبارك : وانك من اليوم تصيح علينا تبي تردها
خالد انحرج : كنت اتغشمر معاكم ههههههههههه
الكل : هههههههههههههههه
يوسف : الله يعوضك خير ... انت تستاهل
ابو يوسف : الخير موجود بس هو مو راضي
خالد : ردينا .......... سكروا عالموضوع والا ترا اتعب
ام يوسف : بس ... بس لاحد يقول شي ... اسم الله على وليدي
الكل : هههههههههههههههههه
خالد يبتسم : الله يخليج لي يالغالية مادريت انج تحبيني جذي
يوسف : لو شفتها امس شسوت بالمستشفى ... مابقى دكتور ما وصته عليك
ريم : حتى انت يوسف اول مرة اشوفك مرتبك وخااااااااايف ... ( تلف على خالد )
يا حظك ياعم كلهم يحبونك
خالد : وانت ما تحبيني ؟؟؟
يوسف يبي يردها لها : ريم ...... لا عاد شي ثاني شلون قامت تصيح من الدرج يوم شافتك طايح ... يا اخي والله امس خبصتنا ... لعبت بأعصابنا عدل
خالد : الله يخليكم لي يارب
يوسف : ويخيلك لنا
وقاموا يقولون لخالد شنو سووا لما شافوه طايح وكل واحد يضحك على شكل الثاني .. وخالد استانس على سوالفهم ونسى همومه
وبعد سوالفهم طلعوا خالد من المستشفى وردوه البيت
الساعة تسع بالليل
بيت بو مبارك
هدى قاعدة تتذكر احداث يومها واللي صار لما راحت تزور خالد ... والحال اللي وصلت له علاقتهم لدرجة انه يقول عنها اخته .. واكيد كانت تبكي من القهر
دق نقالها .... مسكته ويدها ترجف
معقوله خالد داق عليها
شافت الرقم كان رقم غريب اول مرة تشوفه ... بينها وبين نفسها كانت فرحانة يمكن خالد مغير رقمه
ترددت ترد او ماترد
اخر شي قررت انها ما ترد
فصل الاتصال لانها ماردت
بعد ثواني دق مرة ثانية لحد ما فصل مرة ثانيه
وعقب وصلت رساله
فتحتها هدى وقلبها يرقع
طلعت من نفس الرقم ... انصدمت لما قرت المسج
قرته مرة ثانية وانقهرت زياه
المسج كان " هدى انا سلطان ردي "
راحت هدى معصبة لشقة مبارك
فتح لها الباب
مبارك : هلا بعروستنا آمري ؟؟
هدى : هالعفن من وين جاب رقمي ؟؟؟
مبارك : منو ؟؟؟
هدى : سلطان
مبارك : هدى ... استحي على وجهج هذا زوجج الحين
هدى معصبة : من وين جاب رقمي ؟؟
مبارك : اطلبه من ابوي وعطاه رقمج
هدى : كلمه الحين وقوله لا يدق علي
مبارك : ليش هو دق ؟؟؟
هدى : ايه ... مبارك انا للحين ما تأقلمت مع حياتي الجديدة يبي وقت عشان اتعود
قوله ماراح اكلمه الا بعد الزواج
مبارك يبتسم : خلاص الحين ادق عليه ... أي اوامر ثانية ؟؟؟
هدى : سلامتك
الساعة 12 بالليل من نفس اليوم
بيت ابو يوسف
شقة خالد
خالد قاعد بالصالة ... ودق الباب
خالد وهو للحين قاعد : منو ؟؟؟
يوسف : انا ... ممكن ادخل ؟؟؟
خالد : اكيد ... حياك بوسالم
دخل يوسف : الله يحييك ... شلونك الحين ؟؟؟ شلون صحتك ؟؟
خالد : الحمدلله
يوسف : خذيت الدوا
خالد : ايه قبل ساعة
يوسف : طيب ليش للحين مانمت ... تراك للحين تعبان
خالد : ........................... ما قدرت
يوسف حس بضيقة اخوه : افا يا خالد ... بيعني بالسوق
خالد يحط يده على يد يوسف : اشتريك يا بوسالم ما ابيعك
يوسف : اذا تعزني ... قولي وشفيك ؟؟؟
خالد ينزل راسه بالارض : قول شنو مو فيني !!!
يوسف : احمد ربك احسن من غيرك
خالد : الحمدلله ...
يوسف : يعني ما تبي تقول شاللي مضايقك ؟؟ ترا انا اخوك ومايهون علي اللي انت فيه ...
خالد : ادري يا اخوي ... انا تعبان نفسيا اكثر من تعبي الجسدي ... انا ماني عارف ليش حياتي جذي ... طلقتها وراحت بطريقها ... يوم نويت ارجعها لذمتي تتزوج .. مايصير يا يوسف
يوسف : انت كنت تدري انها بتتزوج ؟؟
خالد يطق نفسه طراق : مو انا الخبل اللي جايب المعرس
يوسف منصدم : من صجك ؟؟؟ ايه والله خبل
خالد انهار : كنت ابيها تتزوج وتشوف حياتها وتجيب عيال يوقفون معاها ويعينونها اذا كبرت ... بس ما هقيت اني راح اضعف جذي ... توقعت انه شي بسيط لما تتزوج ... بس تخيلتها مع غيري ... ( عيونه بدت تدمع وصوته يتغير ) تقوله مثل الكلام اللي دايم تقوله لي ... ترتب له اغراضه ... يصبح بوجهها ويسمع من كلامها الحلو اللي يحلي اليوم بطوله ... يطلع معاها ... يحبها وتحبه ....... والله مقدر اتحمل اتعبتني والله تعبت
يوسف منصدم : خالد انت ............ ؟؟؟
خالد يمسح دموعه : انا شنو ؟؟
يوسف متأثر : انت يعني ............... افهمها
خالد : اها انت قصدك العيال ؟؟؟ ايه يا بو سالم ....... عقيم
يوسف حط يده على وجهه مصدوم
خالد : شفت ؟؟؟ وانت تسألني شفيك ؟؟؟ قول شنو مافيني
يوسف : ليش متحمل كل هذ بروحك ؟؟؟ ليش ما خليتني معاك ... اقاسمك همومك واشور عليك ... اوقف معاك ...
خالد : ما كنت بضايق احد فيكم ... ادري انكم بتزعلون عشاني
يوسف : طيب هدى تدري عن هالموضوع ؟؟
خالد : اكيد تدري
يوسف : وشنو رايها ؟؟؟
خالد : تخيل ... اختارتني تقول انا وياك واحد واذا الله ابتلاك فأنا معاك ما اخليك
يوسف : والله هذي مافي منها
خالد : ولا راح يجي مثلها
يوسف : خالد انت شكثر تحب هدى ؟؟؟
خالد : سؤالك غريب !!! احبها كثر روحي ... ليش ؟؟
يوسف : انت لازم تثبت انك تحبها
خالد : وشلون ؟؟؟
يوسف : اذا تحبها صج ... تزوج
خالد يضحك : ههههههههه وين صارت هذي
يوسف : هي ما راح تقدر تعيش حياتها طبيعية اذا عرفت انك للحين عزوبي ... بس اذا تزوجت راح تفقد الامل وتنساك
خالد : يمكن !!!
يوسف : مو يمكن الا اكيد ... وترا امي عندها عروس ... انت بس اطلب
خالد : ما ادري ... ابي وقت افكر
يوسف : اثبت انك تحبها ...
قام يوسف وحب راس اخوه : يالله نام يا خالد ولا تفكر بشي الحين واذا حسيت انك تعبان دق علي مو توهقنا نفس امس
خالد : ابشر ..
يوسف : يالله تصبح على خير
خالد : وانت من اهل الخير
مر وقت على ملكة هدى والمعرس شكله مستعجل لانه حدد العرس بعد اسبوعين
وهدى من سوق لسوق تجهز لهالعرس
اما خالد للحين يفكر بالموضوع ولا قرر شي
بيت بويوسف
بالديوانيه
ابو يوسف مع احمد اللي زايرهم ويقول عنده موضوع ( اكيد تعرفون شنو الموضوع )
بو يوسف : بس انت متزوج ... وعندك عيال كبرها
احمد منحرج : انا فيه مشاكل بيني وبين زوجتي ... وصارلها سته شهور
اما ريم انا حبيت اخلاقها وتربيتها ويشرفني انها تقاسمني حياتي
بويوسف : والله مدري شقولك بس البنت حيل صغيرة عليك
احمد : ترا ماني شايب حيل عمري اربعين سنه بس
بو يوسف ( بينه وبين نفسه ماقصرت ) : ماشاالله ... الله يعطيك طولت العمر
بس طبعا من حقي اسأل اذا صار نصيب وتزوجتوا وين بتسكن بنتي ؟؟؟
احمد : انا عندي بيت صغير في نفس المنطقة اللي انا ساكن فيها راح نسكن فيه انشاالله
ابويوسف : وزوجتك ... اخااف تزعجها ؟؟
احمد : زوجتي عاقلة وماتسوي هالحركات ... هي زعلانه شوي وراح تعقل وتسامحني ... انا اعرفها عدل
ابو يوسف : طيب انت عارف لازم اشوف راي البنت وامها ... وارد لك خبر انشاالله
احمد : خذ راحتك
بالصاله
ابو يوسف مع ام يوسف وخالد ويوسف
ابو يوسف : مدري ... بصراحة كبير عليها حيل
يوسف : زين سألت عنه ؟؟
ابويوسف : ايه ... الكل يمدح فيه ... حتى اختك
امك تقول ما خلت شي ما قالته عنه تقول طيب وحترم وكل الموظفين يحبونه
خالد : انا اعرفه بصراحة خووش رجال
ابو يوسف : يعني نزوجه ؟؟؟
يوسف : شلون على زوجته الاولى ... راضيه انه يتزوج والا بتسوي مشاكل ؟؟؟
ام يوسف : والله اني خايفة من هالموضوع
خالد : مالهم شغل فيها راح يكون لها بيت بروحها ومايشوفون بعض
يوسف : بس حرام يمكن الحرمه مو راضية يتزوج
ابو يوسف : ليش من متى الحريم لهم راي بهالمواضيع
ام يوسف : والله ؟؟؟ وانت وش دراك ؟؟؟
ابو يوسف : مثلا لا بغيت اتزوج عليج لازم اخذ منج الموافقة ... الا اتزوج لو انج ما ترضين
ام يوسف : ودك تعرس ... بس حريمتك
خالد : يعني ما ترضينها على نفسج وترضينها على مرت احمد
ام يوسف : انا ما بيني وبين ابوك مشاكل ... بس احمد يقول انهم مختلفين
خالد : مختلفين بسبب بنتج
ام يوسف : بنتي مالها شغل هو اللي حبها
خالد : والله ما ادري ... كيفكم ... انا بطلع مع السلامة
الكل : مع السلامة
يوسف : طيب ريم وش رايها ؟؟
امه : ريم موافقة
ابو يوسف : وانا اشوف ان الرجال ما فيه شي غير عمره ... بس احسن من هالشباب اللي لا اخلاق ولا تربيه ... ولا يعرفون معنى الزواج والمسؤولية
يوسف : انا ماني مرتاح للموضوع ... بعدين ريم لللحين صغيرة يمكن يجيها اللي احسن منه
ام يوسف قطتها : البنت تحبه وتبيه
يوسف منصدم : تحبه ؟؟؟؟؟؟؟؟؟؟
ام يوسف ترقع : قصدي عاجبها
يوسف : اجل كيفها تتحمل اللي يجيها
ابو يوسف : انت ليش متشاءم ... تفاءلوا بالخير تجدوه
يوسف : هذا رايي ... وانت ابخص
ابو يوسف : اجل قوليلها مبروك
بغرفة ريم
ام يوسف : انت متأكدة انه خووش رجال
ريم : ايه يمه بالدوام محبوب وخلوق
ام يوسف : الدوام شي والزواج شي ثاني ... انت تعرفين شلون يعامل اهله وشلون تربية عياله
ريم : اكيد شخصيته وحدة بالبيت والدوام ... لانه اذا كان متضايق او عنده مشاكل بالبيت بين على وجهه على طول ... يعني مو من النوع المنافق
ام يوسف : ماشالله وتعرفين له بعد ... الله يوفقج
ريم : آمين ... صج يمه ترا عرس هدى الاربعاء الجاي يعني بعد ثلاث ايام
ام يوسف : والله ... ليه مستعجلين جذي ؟؟؟
ريم : ما ادري بس ترا لازم نروح
ام يوسف : اكيد لازم نروح ... هدى بنتنا وما شفنا منها الا كل خير
ريم : الله يوفقها ويسعدها
ام يوسف : ويوفق خالد بعد
ريم : زين يمه ترا انا باخذ اجازة شهر ... فشلة ادوام وهو خاطبني صح ؟؟؟
ام يوسف : كيفج ... سووي اللي تبين
ابو يوسف بالديوانيه وعنده سعد ولد اخوه ناصر
سعد : يا عمي انا ابي ريم ... وماراح اخلي احد ياخذها مني
بو يوسف : بس ريم ماتبيك ... انت خطبتها وهي ردتك قبل فترة
سعد : اذا ما خذيتها ما راح اخليها تاخذ غيري
بو يوسف : يعني وشلون ... تذبحها ؟؟؟ البنت ما تبيك وش هو بالغصب
سعد : انا ولد عمها واولى فيها
بويوسف : انت وشفيك ... البنت ما تبي ... لا عاد تعيد هالسالفة ... لايجيك كلام مايعجبك ... واعتبر كلامي اخر انذار
وقام ابويوسف يدق على احمد
احمد : يا هلا حيا الله بوويوسف
بو يوسف : هلا ... السلام عليكم
احمد : وعليكم السلام
بو يوسف : وشلونك ؟؟؟ وشخبارك ؟؟
احمد : الحمدلله بخير ... انت وشلونك ؟؟؟
بو يوسف : انا داق اقولك مبروك
احمد : الله يبارك فيك .... خلاص موافقين
بو يوسف : الحمدلله ... ومتى ما تبي نملك حنا حاضرين
احمد : الله يسلمك ... انا اقول الملكة بعد اسبوع ... وش رايك ؟؟؟
بو يوسف : خلاص تم ... الله يكتب اللي فيه خير
احمد : امين
اليوم الاربعاء
يعني اليوم
^
^
^
عرس هدى
ريم واريام وخلود بالصالون ... وخالد يتجهز لانه راح يروح يسلم على سلطان ويبارك له
بالصالون
خلود : اللي صار لهدى وخالد شي يخرع
ريم : سبحان الله ... انا اقول عيون الناس ... حاسدينهم لحد ما خربوا عليهم عيشتهم
خلود : والله اشتقت لهدى ... حتى عيالي كل يوم يسألوني عنها ويبونها اكثر مني ... ماقصرت اهتمت فيهم طول ما انا مسافرة
اريام : كانت حاطتهم بعيونها ... بس انت بصراحة كنت قاسية عليها ... وتسمعينها كلام مثل السم
خلود : ادري .. وماكانت ترد علي لاني اكبر منها
والله اني ندمانه ماكانت تستاهل المعامله هذي مني
ريم : انتوا ادعولها بالتوفيق
خلود واريام : الله يوفقها
خلود : خالد ليش مايردها
اريام : خالد ما ندري شفيه ... مايبي يردها ولا يبي يتزوج غيرها
خلود : اللي يعرف هدى ويحبها صعب يحب غيرها
ريم : سبحان مغير الاحوال من يصدق ان خلود تقول هالكلام عن ريم
خلود منصدمة : ليش لهالدرجة كنت قاسيه
ريم : هههههههه حيل
خلود : حرام عليج
اريام : يالله بسرعة خلصوا نبي نروح العرس ابي ارقص
ريم : هذا اللي يهمج انت
خلود : هههههههههههه
خلصوا البنات ولبسوا وراحوا العرس مع يوسف وامهم معاهم
وخالد راح مع حمود عشان يباركون لسلطان
ما راح اتكلم عن العرس
لان السالفة اللي بعده اهم
بعد العرس الساعة 1ونص بالليل
البنات وامهم قاعدين بالصاله ويحشون بكل اللي شافوهم ( هذا طبع كل الحريم )
خلود : يا حلو هدى يوم شافتني استانست وتسلم علي بشوق ولهفة
ريم : حتى انا
امهم : والله اني قمت ابكي يوم شفتها طالعه مع المعرس
ريم : بس انا لاحظت انها مو معطيته وجه
خلود : شلون ؟؟؟
ريم : لما مد يده بيمسك يدها ... شفتوا شسوت ؟؟؟
امها : وش سووت ؟؟
ريم : سحبت يدها منه
خلود : امبيه ... فشله
ريم : ايه والله هو انحرج حده
وهم بالصاله سمعوا صوت المفتاح ... شوي والا يدخل خالد : السلام عليكم
الكل : وعليكم السلام
خالد يضحك : هههههههههههه اشكالكم .... ليش ما شلتوا الصبغ اللي على وجيهكم
ريم : هذا مكياج ... يعني امانه الممثلات والمطربات احسن منا بشنو ...
خلود : هذا هم الرجال ... المكياج حلو على الفنانات وحنا لنا الله
خالد : لا شدعوه ... بس انتوا بالطبيعة احلى
ريم : مشكوووووووور ... بس انت من وين جاي
خالد : يعني من وين ... من العرس
امه : انت رحت العرس
خالد : ليش ما اروح ؟؟؟
امه : لا بس ماله داعي ... اخاااف يعني ....
خالد : سهالات يالغاليه ... انتوا شخبار عرسكم
اريام الملقوفة : طاااافك يا خالد هدى شسوت ؟؟
خالد متلهف : شسوت ؟؟؟
اريام : المعرس يبي يمسك يدها كان تسحبها منه
خالد انصدم : ............................
امه : اريام ووجع عيب هالكلام
خلود : اريام الله يهداج
خالد حس انه احرجهم : وش فيكم عاااادي .... كل العرايس جذي يخافون
اريام : بس هي ماكانت خايفة منه ... هي باين عليها انها ما تبيه
امها عصبت حدها ( خالد مو ناقص توجع قلبه ) : اريام قومي اذلفي فوق بسرعة انت صايرة ماتستحين
اريام : وانا وش سويت ... ماقلت شي غلط ؟؟؟؟
خالد : خليج اريام ... انا اللي بصعد
يالله تصبحون على خير
الكل : وانت بخير
خلود عصبت حيل : اريام شسويتي ... ليش تضايقين اخوج جذي ؟؟؟
اريام : هو يقول عاادي
خلود : ياقلبي ... بيذبحوني هالاثنين
ام يوسف : بيذبحوني قبلج
نروح عند المعاريس شوي
هدى للحين بدلتها البيضاء
وقاعده مع سلطان بالصاله اللي بشقتهم
سلطان : حياالله هدى ... شلونج ؟؟؟
هدى من غير نفس : الحمدلله
سلطان : نور البيت
هدى : .................
سلطان : في شي مزعل عروستي الحلوة
هدى قامت بسرعة : انا بروح ابدل ملابسي ... وين غرفتي ؟؟؟
سلطان : قصدج ... غرفتنا ؟؟؟
هدى : ......
راحت هدى تبدل ملابسها شوي شوي عشان تتأخر عليه وتغثه
بس تخرعت لما طق عليها باب الغرفة
هدى : نعم ؟؟؟
سلطان : العشا وصل ... بسرعة تعالي قبل يبرد
هدى : انشاالله
هدى تسحب رجولها سحب ... عيب انها تقعد ولا تروح تجامله على الاقل
سلطان : ياهلا
هدى : هلا فيك
سلطان يأشر على الكرسي : تفضلي ... ادري انج جوعانة ومن الصبح ما اكلتي شي
هدى تبتسم : ...................
هدى سوت نفسها تاكل عشان سلطان ياخذ راحته ولا تحرجه
وبعد العشا اللي كان اطول عشر دقايق بحياة هدى
سلطان : انا بروح اخذ شاور ... انت اخذي راحتج ... سووي رحلة استكشافيه بالشقة
هدى تضحك : ههههههه اوكي
دخل سلطان الحمام اللي كان بأخر الممر ... اما هدى استغلت الفرصة وراحت بسرعة غرفة النوم ... وطلعت مخده وغطا حق سلطان وحطتهم عند باب الغرفة ودخلت وقفلت الغرفة
سلطان المسكين طلع مستانس بس انصدم يوم شاف الاغراض اللي عند الباب ... قرب من الباب حاول يفتحه ... لقاه مقفل ... طق الباب بهدوء ... بس ماردت عليه
قعد سلطان بالصالة لحد اذان الفجر وهو ينطر هدى تطلع او تفتح الباب
ولما اذن ... قام سلطان توضا وصلى وفقد الامل انها تطلع فراح حط فراشه بالغرفة الثانيه وناااااااااام
عـــ الجروح ـــذب
11-09-2007, 10:02 PM
(((تفتكون مني؟؟)))
عسانا ما ننحرم منك
ولا منك ... مشكوووور
****************************
حبيت اقولكم اني في رمضان ما راح انزل الجزء الاخير عشان ما اشغلكم عن الطاعة اخذ ذنوبكم ...
استمتعوا بهالجزء بس ديروا بالكم تبكون لاني كنت اكتب وابكي .....
أمير المدينة
12-09-2007, 12:33 AM
ننتظر التكملة بعد رمضان
مشكوورة
أمير الدم
12-09-2007, 02:09 AM
http://www.7m7.org/img102/August2007.lkjhef2j4fblj3w68590797.jpg (http://www.7m7.org)
بنوتة عنيدة
14-09-2007, 11:17 AM
ننتظر التكلمةةة بعد رمضاان انشالله
ريال منشق
21-09-2007, 04:18 AM
دددددخت عجزت اكملها من طولها لاكن على العموم شكراً
بنوتة عنيدة
31-10-2007, 07:08 PM
وين التكلمةة .؟
عـــ الجروح ـــذب
06-11-2007, 08:13 PM
الجزء الخامس :
بنفس الوقت بالمسجد اللي عند بيت ابو يوسف
صلى خالد الفجر وقعد بالمسجد يقرا قرآن لحد ما طلعت الشمس
بعدين طلع يتمشي بالشارع وهو راد البيت ويفكر
" يوسف صدق هدى عمرها ماراح تشوف حياتها الا اذا انا تزوجت ... واذا ابي اثبت اني صج احبها لازم اتزوج "
وصل البيت لقى امه وابوه يتقهون بالصاله ... سلم عليهم وقعد معاهم
ابو يوسف : كل هذي صلاه ... وينك من اليوم ؟؟؟
خالد : رحت اتمشى شوي
امه : الله يهديك من اليوم احاتيك
خالد : ليش تحاتين ... انا رجال وما ينخاف علي
امه : ادري انك رجال ... بس انا امك واخاااف عليك من كل شي
خالد يضحك : اجل اذا سمعتي الكلام اللي بقوله ... ماراح تحاتيني ابد
امه : خير وش عندك ؟؟
خالد : انا .......... بصراحة بتزوج
ابوه طار من الفرحة : هذي والله الساعة المباركة ... الله يبشرك بالخير
امه : اخيرا يا خلوود .... والله لجيبلك احسن عروس ...
خالد : ما يحتاج يمه ... العروس موجودة ...
امه : يالشيطان ... ومضبط السالفة بعد
خالد : انا أبي بدور بنت عمي ناصر ( بدور مثل ما قلت لكم من قبل مطلقة وعندها ولدين عمر ( وعمره خمس سنين وضاري وعمره سنتين )
امه : بس بدور اكبر منك ؟؟؟
خالد : ادري ... وش المشكله ؟؟؟
ابوه : ومطلقه وعندها عيال ؟؟
خالد : بعد ادري ... هي بنت عمي واعرفها عدل .. بعدين انتوا ليش تنظرون للمطلقة بهالنظرة الدونيه ... المطلقة انسانة عااديه ما توفقت بحياتها الزوجية واضطرت للانفصال
امه : ادري يمه بس انا ابيلك الزين ... طيب منيرة اختها وش رايك فيها ؟؟؟
خالد : لا منيرة لا ....
امه : ليش ؟؟ منيرة بنت زينه وشاطرة ... واصغر منك ولا عندها عيال واذيه
خالد : يمه انا ما ابي بنت ... ( مايبي يظلمها لانها حرام تعيش معاه وهو ما يجيب عيال )
امه : ليش يا خالد ؟؟؟ انت رجال واحسن البنات تتمناك
خالد : يمه انا ابي بدور ... البنت داشه براسي وما ابي غيرها
ابوه : والله بدور والنعم فيها بنت سنعه ... بس طليقها مايستاهلها
امه : انا اشهد
خالد : خلاص يمه خلاص يبه ... تروحون اليوم تخطبونها
امه : انشالله ابشر ... حنا ما صدقنا انك تطلب
خالد يضحك : هههههههه بيني وبينج الحرية حلوة
ابوه : لا والله العيشة من غير مره ما تنطاق
خالد : اوف والله الوالد صاير خطير
امه : اكيد ... ما يتحمل يبعد عني
ابوه : ومن قال اني اقصدج ... انا اقصد حرمتي الثانيه
امه : شنووووووو ؟؟
خالد وابوه : ههههههههههه
الساعة 10 الصبح من نفس اليوم
شقة هدى وسلطان
قامت هدى من النوم ... فتحت الباب شوي شوي .. ماشافت احد ... طلعت بهدوء وهي تتسحب ومشت صوب الحمام اللي كان قريب من غرفة سلطان ... لما وصلت لفت على غرفته وبطلت الباب شوي شوي شافته نايم ... سكرت الباب وراحت تتوضا وتصلي
وعقب ما خلصت راحت تسوي ريوق لانها كانت جوعانه وتبي تاكل بسرعة قبل يقعد سلطان ... سووت لها كوب نسكافيه بعد الريوق وقعدت تطالع التلفزيون ...
بعد شوي سمعت صوت .. عرفت ان سلطان قعد من النوم ...
بعد دقايق جا الصاله
سلطان : صباح الخير
هدى : صباح النور
سلطان : قاعدة مبكر ... اكيد شبعانه نوم
هدى عرفت انه يلمح على سالفة امس : ايه والله الحمدلله امس كنت حيل تعبانه ... على طول رحت انام
سلطان يبتسم : نوم العوافي
هدى : الله يعافيك ( انصدمت هدى لان سلطان شكله حبوب وخلوق بدليل انه ما هزءها )
هدى قامت : انا بروح اسويلك ريوق
مسك يدها وقعدها عنده : الريوق يجي الحين ... انت خليج قاعده
هدى انحرجت ( اووف لو يدري انها تريقت قبله )
بعد دقايق دق الباب ( سلطان ساكن مع اهله في بيت واحد)
فتح الباب ودخلت الخدامة معاها صينيه من كل انواع الاكل
حطت الاكل على الطاولة ولفت على هدى : Congratulation madam
هدى : thank you
وطلعت الخدامة و ودخلت بعدها ام سلطان وقامت هدى بسرعة وحبت راسها
ام سلطان : شلون عروستنا الحلوة ؟؟؟
هدى : الحمدلله
ام سلطان : الف مبروك الله يوفقكم يا عيالي
هدى وسلطان : الله يسلمج
ام سلطان : انا جايه اسلم عليكم وابارك لكم ...
سلطان : ما تقصرين يالغاليه
امه : اجل اخليكم تتريقون على راحتكم ... مع السلامه
سلطان : خليج يمه معانا ليش رايحة ؟؟
امه : لا ماعليه ... عشان تاخذون راحتكم ,, يلا عن اذنكم
سلطان : حياج يالغالية
وطلعت وسكرت الباب وراها
سلطان وهو عند الطاولة : حياج هدى ...
هدى : لا اكل انت ... انا ماابي
سلطان يطالعها : اكيد النسكافيه اللي بيدك شبعج ؟؟
هدى : ههههههههه لا انا ما ابي
سلطان : واذا قلت ما راح اكل شي لما تاكلين انت .. وتراني ميت من الجوع
هدى تطالع سلطان ( معقوله هذي شخصيته والا يمثل )
الساعة 4 ونص العصر بيت ابو فهد
بو يوسف : والله يا بو فهد انا ابي بنتي بدور لولدي خالد
ابو فهد منصدم شوي : بدور لخالد ؟؟؟
خالد رقع السالفة : ايه يا عم انا ما راح القى احسن من بدور
ابو فهد : ايه ما عليه بس بدور اكبر منك
خالد : ما فيها شي ... اهم شي اني اعرفها واعرف اخلاقها وتربيتها ومرتاح لها
ابو فهد : والله مدري وش اقول انتوا فاجأتوني
ابو يوسف : لا تقول شي الحين ... انت فكر وشاور البنت وحنا ننتظر ردكم
ابو فهد : والله ما القى احسن منك ياخالد بس لازم اشوفها هي وش تقول ؟؟
خالد : ما عليه ياعمي ... واكيد لازم تشووف رايها هذي حياتها
بيت ابو فهد
ابو فهد قال السالفة لام فهد وانصدمت تقول بنفسها انا المح لهم على منيرة ويروحون يخطبون بدور ...
ام فهد مع ابو فهد يكلمون بدور
ابو فهد : يا بنتي خالد شاريج
بدور : يبه خالد اصغر مني بثلاث سنين
ام فهد : عااادي انا ابوي اصغر من امي بثلاث سنين مدري اربع بعد
بدور : انتوا غير واحنا غير
بو فهد : ترا خالد رجال ونعرفه .... ولا راح يجيج احسن منه
بدور : اكيد عمي اللي قايل له تزوج بنت عمك والا هو ما يبي الا فرقاي
بو فهد : خالد هو اللي يبيج وجاي مع ابوه يخطب
بدور : ما ادري .... زين وعيالي ؟؟؟ اكيد اذا درا ابوهم بياخذهم مني
بو فهد : يخسي والله ما ياخذهم .. بعدين حتى لو تزوجتي القانون معاج وعيالج يصيرون عند امج
بدور : بس انا اكبر منه ... صعبه يبه
بو فهد : ام فهد تسمحين تخلينا بروحنا ؟؟؟
ام فهد : ليش عندكم اسرار ؟؟؟
بو فهد : لا بس خالد موصيني اقول سالفة حق بدور
طلعت ام فهد ولف ابو فهد على بنته
: يا بنتي خالد يقول ... انه عقيم
بدور : يا حياتي ... عشان جذي طلق هدى
بو فهد : لا تكسرين بخاطر الرجال ... دامه تعنى وطلبج
بدور : يبه ما يصير ...
بو فهد : هو يبيج زوجة ويبي عيالج يصيرون عياله ... امانه مو احسن لهم ... يصير في رجال عندهم يعتبرونه مثل ابوهم
بدور : انا مو ذابحني الا عيالي
بوفهد : اجل توكلي على الله ووافقي ... وانا متأكد ان خالد بيسعدج
بدور : اللي تشوفه
الساعة 8 بالليل
سلطان طالع مع هدى يتعشون برا ويتمشون لان الجو كان حيل حلو
سلطان كان حيل مرح ودمه خفيف وهدى طول الوقت تضحك من سوالفه غصبن عنها
وقف قدام البحر واشر حق هدى
سلطان : شرايج نقعد هنيه ... المنظر روعة
هدى : اوكي
سلطان : تحبين البحر ؟؟؟
هدى تذكرت ان خالد كان يمووت عالبحر كل ما يحس بضيقة يروح يمتع نظره
وبعد فترة ردت : احب البحر حيل
سلطان حس ان هدى كانت تتذكر شي عشان جذي ظلت ساكته شوي ... وردت سرحت مرة ثانيه ... بس قاطع تفكيرها
سلطان : ليش ؟؟؟ ياهدى ...
لفت هدى : شنو ؟؟؟؟ منو ؟؟؟
سلطان يضحك : ههههههه اقصد ليش تحبين البحر
هدى انحرجت : ما ادري ... من الله
سلطان : ههههههههه حلوة من الله ... ذكرتيني ببنت اخوي ... كل ما نسألها انت ليش حلوة ... تجاوب بثقة ... من الله ... عاااد المسكينه جيكرة
هدى : حراااااااام عليك ... مافيه طفل جيكر
سلطان : واخوي دايم يدعي علي لما اتطنز عليها ... يقول انشاالله عيالك من هالمستوى واردى ههههههههههه
هدى : ههههههههههههه حراااااااام ... لهالدرجة
سلطان : اتشوفينها وتحكمين بنفسج
هدى : انشاالله
سكتوا شوي بعدين
سلطان : هدى انت زعلانه لانا ما راح نسافر ؟؟؟
هدى ( بينها وبين نفسها لا يحوشك جذي وما ادري شلون افتك منك تبي تسافر بعد): لا عاااادي ... اصلا انا ما احب السفر
سلطان : انشاالله اعوضج بالصيف بسفرة خياليه
هدى : ماله داعي صدقني
سلطان : انا والله كنت ناوي بعد العرس على طول بس للاسف ما رضوا يعطوني اجازة
هدى تغير الموضوع : انت شنو تشتغل ؟؟
سلطان : بالاطفاء
هدى : يمه ... شغلكم خطر
سلطان : حيل خطر
وقام يسولف عن الشغل وعن اشياء واجد لحد ما صارت الساعة 12
فردوا البيت طبعا هدى طارت للغرفة ونزلت عباتها ونقابها وراحت بسرعة صوب الباب تبي تقفله .... انصدمت
*
*
*
سلطان شايل المفتاح من الباب
توهقت هدى ما تدري شلون تسكر الباب وهذا طلع نذل وشكلها بتاكل المقلب
قعدت عند الباب ميته خووف وتنطر سلطان يجي لانه كان ياخذ شاور
بعد دقايق جاها سلطان ودق عالباب
وفتحه
سلطان : زين على بالي نمتي !!!
هدى ترقع : لا كنت انطرك
سلطان استانس : تنطريني ؟؟؟؟
هدى : ايه انطرك تطلع عشان باخذ شاور بعدك
سلطان تحطم ( صج هدى تقهر )
راحت بهدوء وخلت المسكين بروحه وراحت صج تاخذ شاور ... وبعدها طلعت وراحت صوب الغرفة شوي شوي ... دخلت لقت سلطان متمدد على السرير استانست ( احسن انه نااام )
بس انصدمت لما سمعت صوته : نعيما
هدى : اسفة .... !!! قعدتك من النوم ...؟؟؟؟
سلطان : لا ... انا ما كنت نايم
هدى : اهاااا ...
راحت هى للكبت وطلعت السشوار وطلعت ملابسها ولما وصلت عند الباب بتطلع
ناداها سلطان
: هدى ....... وين رايحة ؟؟؟
هدى من غير ما تلف : بلبس ... وبنشف شعري بالغرفة الثانية عشان ما ازعجك بصوت السشوار
سلطان : اوكي ... ناطرج
طلعت هدى بسرعة وراحت للغرفة اللي نام فيها سلطان امس واستانست لما شافت المفتاح بالباب .. دخلت وقفلت الباب
بعد ربع ساعة جا سلطان يدق الباب : هـــــــــــــدى ... هـــــــــــــــدى
وهدى قاعدة من غير أي صوت
سلطان : هدى بطلي الباب ... افتحيه
ولا لقى رد ... قال بنفسه يمكن نامت ... ورد لغرفته وهو ناوي عليها الصبح
اليوم الثاني الساعة 9 الصبح
بيت ابو يوسف
ام يوسف وابو يوسف قاعدين بالصاله كالعادة يتقهوون
ودخل عليهم خالد
: صبحكم الله بالخير
امه وابوه : صبحك الله بالنور ...
ابوه : ما شاالله قاعد مبكر اليوم ؟؟؟
خالد : ههههههههه يبه شدعوة انا دايم اقعد مبكر ..
ابوه : ايه ... والدليل كل يوم ربعك بالدوام مزعجينا ... قوموا خالد خلوه يجي بسرعة الادارة مسويه كبسة ..
خالد : افااا يبه فضحتني !!!
امه : تعال تريق مع ابوك ... ترا انا اللي مسويه الريوق
خالد : الله يسلم هالايدين ... ( وقام خالد يتريق مع ابوه ولما خلصوا )
خالد : يبه ودي اتمشى على خط المشاة ... تجي معاي
امه : لا ... لا تاخذه تراه شايب اخااف يروح معاك ويبنشر هناك هههههههه
خالد : ههههههههه
ابوه : انا شايب يالعجوز ... انا لو ابي افر المنطقة كلها ركض
ام يوسف : لا تكفى ... المنطقة كلها مرة وحده ... انت حدك الشارع اللي قدام بيتنا وزين اذا كملته ..!!!
ابو يوسف : هين يا مريوم ... ياالله ياخالد مشينا ... عشان تعرف امك من الشايب
امه : خالد تكفى صوره وهو يركض ... ابي اشوف شكله
خالد : هههههههه خلاص صار
ابوه : والله ان صورت ما تلوم الا نفسك
خالد : يمه .... ليش ما تجين معانا ؟؟؟
امه : انا !!! لا مقدر عندي شغل
ابو يوسف : أيـــــــــــــــــه صدناج ... تتحججين بالشغل لانج ما تبين تمشين يالعجوز ؟؟
ام يوسف : لا والله ... خلاص بروح معاكم ونشوف يا انا يا انت
خالد : هههههههههههههه يا حلوكم تونسون
اما في شقة سلطان
سلطان قاعد بالصاله وينطر هدى متى تقعد ... وهدى كانت قاعدة من الساعة 8 بس خااايفة تطلع عشان ما يزفها
*
*
بس بعد فترة طويله وتحت تأثير الجوع قررت انها تطلع وتواجه مصيرها ...
فتحت الباب وطلعت بهدوء ... وراحت بسرعة صوب الحمام ... غسلت وجها وتوضت ورجعت الغرفة بس تفاجأت لان سلطان كان ينطرها داخل الغرفة
سلطان : شفيج تخرعتي ؟؟؟ شايفة جني !!!
هدى : لا ... بس ما توقعت اني اشوفك هنيه
مسكها سلطان من يدها ووراح الصاله وهي وراه وميته من الخووف
... قعد على الكرسي واشر لها وهو معصب عشان تقعد
..... قعدت هدى ودقات قلبها تزيد
قالها سلطان : ممكن اعرف وبصراحة ... انت ليش سويتي جذي ؟؟؟
هدى انحرجت : ..................
سلطان : تكلمي قولي أي شي ... انا متفهم
هدى عيونها دمعت بس للحين ماسكه نفسها : .....................
سلطان : هـــــــــــدى ليش خااايفة .... مثلا عندج ظروف خااصة ؟؟؟
هدى هزت راسها بمعنى " لا "
سلطان : طيب وش فيج ؟؟؟
هدى استجمعت قوتها وتكلمت : بصراحة ... انــــــــــــــــــــــــا !!!!
و سكتت
سلطان : أيـــــــــــــه ... انت شنوو ؟؟؟ اعتبريني صديقك وقاعد اتكلم معاج بشي مضايقج ... قولي اللي تبين وماراح ازعل ... وراح اسمعج للنهاية
هدى : انا ماابيك ...
سلطان انصدم : بس انت ما تعرفيني عشان ما تبيني ؟؟
هدى قامت تبكي : انا ما ابي اتزوج بالمره ,,, لا انت ولا غيرك
سلطان : طيب واذا انت ما تبين تتزوجين ... ليش وافقتي لما تقدمت لج ؟؟؟
هدى : انا وافقت عشان ابوي ... هو طلبني وما حبيت ارده
سلطان : خلاص امسحي دموعج وانشاالله ما يصير الا اللي انت تبينه ...
سكت سلطان شوي لما شاف هدى هدت وبعدين سألها ...
: انت جوعانة ؟؟؟
هدى ابتسمت لانها ما تقدر تنكر : حدي !!!!!
سلطان يضحك : هههههههه خلاص تعالي نتريق بعدين نتفاهم على راحتنا
هدى : اوكي
وقامت وهي منصدمة منه لانه حيل متفهم وعاقل
اما خالد وامه وابوه بالممشي وكان كل من يمر صوبهم يضحك عليهم لانهم كانوا يتهاوشون بصوت عالي
خالد معصب : يمه ... يبه ... فضحتونا !!
امه : ابوك اللي ازعجني ... غصب يبيني اقول تعبت .. يابن الحلال ما تعبت للحين اقدر امشي عشرة كيلو زياده
ابوه : الله اكبر عشرة
امه : منت مصدق !!!
ابوه : الا مصدق ... استريحي
خالد فقد الامل : هههههههههه
امه : تضحك يا خلوود ... عاجبك كلام ابوك هااا ؟؟
خالد : لا والله محشوومه يمه ... بس احرجتوني شوفوا شلون الناس يضحكون عليكم
امه : ماعليك منهم !!!!!
وهم قاعدين يتمشون ويسولفون ... قربت منهم بنت كانت حيل حيل حلوة ... ولابسه تريننغ سووت وردي وشعرها كان اشقر ورافعته بكلبس صغير وطايحة خصلات على وجها ( من الركض يا حرااام ) ... خالد عيونه طارت فيها لان شكلها كان حيل ملفت وحلو
وصلت البنت لحد ام يوسف : السلام عليكم ... شلونج خالتي ام يوسف ؟؟؟
خالد تفاجا ان البنت تعرف امه ... لفت امه على الصوت وابتسمت :
هلا والله وعليكم السلام ... شلونج يمه ؟؟؟
البنت : الحمدلله بخير ( ولفت على ابويوسف ) شلونك عمي ؟
ابو يوسف ( بينه وبين نفسه ؛ حي هالاشكال اللي تفتح النفس عالصبح ) : هلا فيج .. الحمدلله
ام يوسف : هذي هديل بنت جارنا بوعلي ...
ابويوسف : هلا والله هديل ... ماشاالله كبرتي
هديل : الله يسلمك
خالد انصدم : انت هديل !!!!!!! انا من اليوم مشبه عليج بس ما عرفتج
هديل : افا نسيتني ؟؟؟ ياخالد ؟؟
خالد يضحك : ههههههههه عرفتي اسمي ... عااد يوم كنا صغار كنت تخربطين بيني وبين يوسف
هديل : لا خلاص كبرت وعرفتكم عدل ( هديل اصغر من خالد بسنه )
ام يوسف : شلونج هديل ؟؟؟ وينج من زمان ما شفناج ؟؟
هديل : والله انا كل يوم بالممشي من الساعة 6 لحد الساعة 7 ... اول كنت اشوفكم انت وعمي بس الحين ما ادري ليش ما عاد تجون
خالد : تكفين ... لا انا جبتهم اليوم وخلاص توبه ما يجون مره ثانيه
هديل : ههههههههه ليش ؟؟؟ حلوة اللياقة
خالد : اللياقة حلوة ... بس اللي هم سووه اليوم مو حلو
ابو يوسف : بس اسكت فضحتنا ... انت كل يوم هنيه يعني اذا جيت القاج
هديل : أيــــــــــــه ... حياك انا دايم ابي احد يونسني ؟؟
ام يوسف تقرصه وبصوت واطي : استح على وجهك هذي كبر بناتك
( وتلف على هديل وخالد) خلاص شباب انتوا روحوا مع بعض وانا وابويوسف نروح مع بعض وبينا اتصال
خالد انحرج امه وهقته : لا ... انا معاكم اخااف تسوون مشاكل
ابوه : شقالو لك عيال صغار حنا ... روح مع هديل ولا تحاتي
خالد تمنى الارض تنشق وتبلعه انحط بموقف مو شي
لفت هديل على خالد : خالد مو مشكله اذا تحب تروح بروحك عاادي عندي
خالد يرقع : لا انت فهمتيني غلط ... انا خاايف منهم
هديل : حرااام انت ليش تسيء الظن فيهم ؟؟
خالد قام يمشي مع هديل : والله مو ظن ... انت لو شفتيهم قبل شوي ... مابقي احد ماضحك عليهم وقط كلام
هديل تضحك : ههههههههه ادري انا سمعت صراخهم
خالد : هههههههههه شفتي عشان ما تلوميني
سكتوا شوي بس للحين يتمشون
خالد : هديل انت الحين وين تشتغلين ؟؟؟
هديل : انا بوزارة التربية ... مدرسة تربيه بدنيه
خالد : اهااااااا .... عشان جذي جايه تركضين هنيه ؟؟؟
هديل : هههههههههه انت وين تشتغل ؟؟؟
خالد يستهبل : أي شي تبيني اشتغل فيه
هديل : ههههههههه
خالد : تدرين ... انت حيل تغيرتي ؟؟
هديل : صج ؟؟؟ للاحلى والا .......
خالد : لا للاحلى ... بس صورتج لما كنت اصغر للحين ببالي
هديل : والله تذكرني ؟؟؟
خالد : مو مصدقة .. تبيني اقول شنو تغير فيج ؟؟
هديل : لا ماله داعي ...!!!
خالد : بليز ابي اختبر ذاكرتي
هديل : خلاص قول ....
خالد : اوكي ... اول شي خدودج ... متفختهم
ثاني شي خشمج ... مسويه عمليه ومصغرته
هديل : بس خالد ... اسكت
خالد : بليز خليني اكمل ؟؟
هديل : فيه شي ما قلته بس اسكت .......
وراحت هديل تمشي بسرعة عشان تبعد عنه
خالد : لحظة هديل ... باقى شفايفج ...
هديل لفت عليه : سخيف !!!!
وراحت تركض معصبه
اما خالد مات من الضحك على شكلها شلون انحرجت ... وخلاها ورجع لامه وابوه
خالد : هااا شسويتوا ؟؟
امه : لا ولا شي
ابوه : عسى استانست ؟؟
خالد يضحك لانه تذكر شكلها : هههههههههه حدي
شقة سلطان
بالصالة هدى قاعدة بهدوء تنطر قرار سلطان
سلطان : هدى انا بقول رايي وانت اسمعيني اذا اعجبج اوكي .. واذا ما عجبج انت اللي تقررين ؟؟؟
هدى : اوكي
سلطان : انت ما تعرفيني عدل ... يمكن للحين مو قادرة تتعودين علي ... بس انا ابيج ومتمسك فيج .. لاني من اول ما شفتج ارتحت لج وحسيت انج قريبه مني حيل... انا اقول لو تاخذين فرصة وتعرفيني عدل ... واخذي الوقت اللي تبينه ... انا بغرفتي وانت بغرفتج ... لحد ما تحسين انج مرتاحة معاي ... واذا شفتي انج مو قادرة تكملين ... انا تحت امرج اسوي اللي تطلبينه ... بس كل اللي انا طالبه هو فرصة عشان ابين لج انا منو ....
هدى مو مستوعبه : لحظة .. انت قصدك نعيش مع بعض اكثر بس كل واحد بغرفته لحد ما نتعود على بعض ...
سلطان : ايه ...
هدى : واذا ما ارتحت معاك .. شنو الحل ؟؟؟
سلطان : بهالحاله راح اكون تحت امرج ... تبينا ننفصل او تبينا نكمل ... انت اللي تقررين
هدى ما حبت تتسرع خصوصا ان سلطان انسان حبوب وطيب : خلاص
سلطان : يالله ... الحين البسي لاني عازمج باحسن مطعم بالكويت ... بسرعة معاج ربع ساعة اذا ما جهزتي ... اروح اتغدى بروحي
هدى تضحك : ههههههه يا نذل ربع ساعه بس
سلطان : خلاص ولا تزعلين ... عشر دقايق
هدى : ههههههههه ما يصير
سلطان : انت الحين قاعدة تضيعين وقتج بسرعة البسي
هدى راحت وهي تضحك ... وطبعا قعدت تلبس نص ساعة كاملة يعني ثلاثين دقيقة ... ونطرها سلطان غصبن عنه
*
*
*
*
بيت ابو يوسف
كانوا كلهم قاعدين على الغدا
ابو يوسف : اشهد بالله اني ميت من الجوع
ام يوسف : ايه الركض هد حيلك
يوسف : شنو ؟؟ وين تركض ؟؟
ابو يوسف : يعني الناس وين تركض ... بالممشي اكيد
ريم منصدمة : يبه انت رايح الممشى ؟؟؟
ابو يوسف : وليه ما اروح
ريم : لا بس الممشى كله شباب
ام يوسف : هههههه احسن نصحتك بس انك ما تسمع النصيحة
ابو يوسف : على الاقل انا احسن منج ... مشيتي متر وقعدتي ولا قدرتي تكملين
ريم زاردت صدمتها : يمه انت بعد رحتي ؟؟؟
خالد : يوووه يا ريم والله طافكم شكلهم ؟؟ كان ناقصني كاميرا عشان اوثق الحدث
يوسف : حسااااااافة والله لو داري رحت معاكم
ابو يوسف : انا باجر بروح عشان اشوف البنت المزيونة
ام يوسف : والله ما تروح لو تطلع روحك
ريم : ايواااااا يمه تغارين على ابوي
ام يوسف : لا والله بس البنت ابيها لغيره ...
الكل قاموا يطالعون خالد
خالد : خير ... شفيكم ؟؟؟
ابو يوسف : الله يقطع لسانج يا هالمره ما تعرفين تمسكين شي لسانج متبري منج
خالد : شصاير ؟؟
ابو يوسف : انت تغدا الحين وبعد الغدا اقولك كل شي ..
خالد احترقت اعصابه ... وسوا نفسه ياكل وهو يحاتي السالفة اللي صارت
بعد الغدا
ابو يوسف صاعد لغرفته عشان ينام ... بس وقف لما سمع خالد يناديه
ابوه : هلا
خالد : يبه شنو الموضوع .. ترا مقدر اصبر اكثر
ابوه : تعال ادخل الغرفة وانا اقولك
دخلوا غرفة ابو يوسف وبعد ما اقعدوا قال ابوه :
عمك ناصر دق علي اليوم قبل صلاة الظهر
خالد : رد عليك ؟؟
ابوه : أيــــه ...
خالد : وش رايهم ؟؟؟
ابوه : والله مدري شقول لك !!!!!!
خالد : ما وافقت
ابوه : تقول خالد صغير ومثل اخوي ...
خالد : ما توقعتها ترفضني
ابوه : ما عليه يا ولدي خيره
خالد : يبه قول حق عمي انا بكلم بدور
ابوه : وش تبي منها ؟؟؟
خالد : ابي اتفاهم معاها
ابوه : خالد ... خلاص كلامهم واضح ما يبونك
خالد : مو على كيفها ... انا خالد
ابوه : دامك داخل بتحدي انا اللي ما راح اخليك تكلمها ... هذي بنتي واللي تبيه يصير
خالد : اسف يبه بس انا مو داخل بتحدي ... انا ابي بدور
ابوه : مالي شغل فيك ... تبي تكلمها روح استأذن من عمك ...
خالد : خلاص انا اتفاهم معاهم ... مشكووووووور يبه
ابوه : في الخدمة
منتجع الهيلتون
هدى : يااااااي الجو خيال
سلطان : ايه والله الجو روعة ...
هدى ( طيحت الميانه مع سلطان ): تدري شنو افكر فيه ؟؟
سلطان فرحان : شنووو ؟؟
هدى : افكر بالرجال اللي هناك ... كاسر خاطري
سلطان : أي واحد ؟؟؟
هدى : الاقرع اللي هناك ؟؟
سلطان قام يضحك : ههههههه ليش كاسر خاطرج ؟؟؟
هدى : اكيد انه ذابحه البرد على هالقرعة
سلطان : ههههههههه ذكرتيني بايام التجنيد ... كنا كلنا محلقين شعورنا على الصفر .. ويوقفونا بصف واحد في عز البر ... ويجي الضابط وينادي : يالاقرع
ونلف عليه كلنا لاننا كلنا قرعان .. بس صج جنناه
هدى : هههههههههههههه تكسرون الخاطر
سلطان : اوووف ايام بس والله كانت حلوة
هدى : كل ذكريات الانسان لما يكون عايش الموقف يتمنى انه ينتهي بسرعة بس لما يعدي يشتاق له ويتمنى لو يرجع
سلطان : هههههههههه الا هذي ما ابيها ترجع
هدى : ههههههههه
بيت بوفهد
خالد بالديوانيه مع ابو فهد
خالد : عمي انا بكلم بدور ... هي ليش مو راضيه تواجهني ؟؟
بوفهد : والله اني من اليوم احاول معاها تنزل وهي مو راضيه
خالد : زين اكلمها بالتلفون
بو فهد : هاك تلفوني ودق عليها ...
اخذ خالد تلفون عمه ودق على " ام عمر "
بدور : هلا يبه
خالد : السلام عليكم
بدور استغربت الصوت : منو ؟؟؟
خالد : انا خالد .. شلونج يا بنت عمي
بدور حدها منحرجة ( قدروا يصيدونها ) : الحمدلله ... وانت ؟؟؟
خالد : ماني بخير ...!!!!!!!
بدور : عسى ما شر ؟؟
خالد : بدور انا طلبت يدج من عمي ناصر ؟؟
بدور : ادري وانا رديت عليك
خالد : محد قالي شي ... ليش انت شرايج ؟؟
بدور : ابوي ما قالك عن رايي ؟؟
خالد : لا !!!
بدور : خالد ... انا ما اقدر اتزوجك !!!!!!
خالد : ليش ... ؟؟ ممكن اعرف
بدور : انت اصغر مني ... بعدين انا عارفة انك ما تبيني بس عمي سالم اجبرك تخطبني ...
خالد : انا رجال محد يجبرني على شي ما ابيه ... بعدين انا اللي اخترتج بنفسي والدليل اني جاي بنفسي اسألج عن رايج ...
بدور: بعدين يا خالد انت مثل اخووي بالضبط ... انت عندي مثل فهد وسعد
خالد : هدى انا بعطيج مجال تفكرين وترديلي الخبر
بدور : هدى ... وتبيني اتزوجك بعد
خالد : هدى ... شدخلها بالسالفة ؟؟؟
بدور : انت ما حسيت ؟؟؟ انت ناديتني هدى
خالد طق على راسه : شنو المشكله ... هذا لاني متعود على اسمها
بدور : صعبة ياخالد ... اسمحلي
خالد : بدور فكري !!!
بدور : هذا قراري .. وانت الله يوفقك مع انسانه غيري ... مع السلامه
خالد : مع السلامه
قفل خالد التلفون وعطاه عمه
وطلع من غير أي كلمه
اليوم اللي بعده الساعة 6 الصبح
خالد نزل عند امه وابوه اللي كانوا بالصاله ... وكان كاشخ ولابس بدلة حلوة
بنطلون بيج وجاكيت سماوي ومضبط الشعر والعطر واصل لاخر البيت
خالد : السلام عليكم
امه وابوه : وعليكم السلام
ابوه : الله ... اليوم متزين شعندك ؟؟؟
خالد : ما راح اقول ...
ابوه : خالد وجع .. انا ابوك
خالد : ادري على عيني وراسي .. بس لو قلت لك بتفضحني بين اخواني نفس ما سويت امس
امه : لا تتعب نفسك وتسأله يا سالم ... انا ادري وين رايح ..
ابو يوسف : لا يكون بتروح لها
خالد يضيع السالفة : يالله يمه ابي اتريق وراي ركض ( ويلف على ابوه ويغمز له )
امه : ابشر الحين اجيب لك الاكل .. وقامت امه وحطت الاكل
ابوه : آآآآه يا القهر ... الا ليت الشباب يعود يوما ... عشان ما اخلي لك ولا بنت حلوة
خالد يغمز لابوه : غيران مني ... انا شباب ومزيون وجذاب
ابوه عصب : قوم تريق قبل ادوس ببطنك
خالد : هههههههههه
قام خالد يتريق .. وبعد ما خلص سلم على امه وابوه وطلع
اما امه وابوه مو مصدقين ان هذا خالد ...
ام يوسف : شفت الولد انقلب حاله ؟؟؟
ابو يوسف : والله ما الومه البنت مزيوونه .. تلهف القلب
ام يوسف : يارب يوفقه ... انا ابي أي شي ينسيه هدى
ابو يوسف : الله كريم ... صج قبل انسى ترا باجر بيجي احمد عشان نملك ... بلغي ريم عشان تتجهز
ام يوسف : ابشر
شقة سلطان
اليوم اول يوم لسلطان يداوم فيه بعد اجازة الزواج
وقاعد يتريق مع هدى
هدى : الله يعينك .. انا بصراحة بمدد اجازتي القعدة بالبيت حلوة
سلطان : انتوا يا الحريم اللي جبتوه لنفسكم والا الحق انكم تقعدون ببيوتكم
هدى : لا لازم نغير جو ونشتغل ونشوف العالم والناس ... انت ليش افكارك مثل افكار جدي ...
سلطان يستهبل : ليش جدج قال نفس الكلام هههههههه
هدى : ايه هههههههههههه
سلطان : يالله هدى تامرين بشي ؟؟
هدى : سلامتك .. بس دير بالك على نفسك
سلطان : انشاالله ... يالله مع السلامه
هدى : فمان الله
بالممشى اللي عند بيت بو يوسف
تعب خالد وهو يمشي ويدور على هديل ... وبعد فترة لمحها تمشي عكس اتجاهه فراح يركض صوبها ... هي اول ما شافته لفت الجهة الثانية وراحت تركض ... وراح خالد يركض وراها يبي يمسكها ... مع انها حيل سريعة الا انه قد يمسكها
هديل : شتبي لاحقني ؟؟
خالد ونفسه متقطع : حراااام عليج تعبتيني وانا اركض وراج
هديل : ما قلت لك اركض وراي
خالد : ممكن تهدين وتسمعيني ؟؟؟
هديل : نعم !!!!
خالد منحرج : انا جاي اعتذر على اللي صار امس
هديل : حصل خير ( ولفت تبي تكمل طريقها بس خالد مسك يدها ... هي انصدمت منه وهو انحرج لان الحركة صارت بدون ما يحس ... وخر يده بسرعة عنها )
خالد : اسف ...
هديل : ................
خالد : هديل ... انا من امس افكر باسلوبي معاج ... وابي اعترف اني كنت ....
هديل : قاسي .......!!!
خالد : انت تشوفيني جذي ؟؟
هديل : ...........
خالد : ما عليه تمونين ... شرايك نمشي ؟؟
هديل : عاااادي
خالد : تدرين اني ما احب المشي ...
هديل : ما تحب المشي وجاي للممشى
خالد : انا جاي عشانج ...
هديل : ........... شنوو ؟؟
خالد : اقصد ... جاي عشان اعتذر لج
هديل : مدام جذي خلاص سامحتك
خالد : والله ... من قلبج ؟؟؟
هديل : من قلب قلبي
وقاموا يتكلمون بكل شي وما انتبهوا ان الساعة صارت 7
لما دق ابو يوسف على خالد وقاله يجي
هديل ماسكة يد خالد قبل يروح : خالد تجي باجر ؟؟؟
خالد : اذا تبيني اجي راح اجي !!!
هديل : أيــــــــه
خالد يبتسم ويسحب يده بصعوبه : خلاص اجل موعدنا باجر
هديل : ناطرتك ... باااااااااي
خالد : بااااااااااي
قبل الغدا في بيت بو يوسف
ابو يوسف : يوسف انت وخالد ... اليوم العشا كلكم عندي ما ابي أي واحد يغيب
يوسف : خير يبه في شي
ابو يوسف : اليوم ملكة اختكم ... وابيكم موجودين
خالد : ابشر يبه
يوسف : طلب انه يشوف ريم ؟؟؟
خالد : ليش يشوفها وهي كل يوم مقابلته
ابوهم : ما طلب بس اذا يبي ما نقدر نرده
يوسف مو مرتاح لهذا الموضوع ... وبعد الغدا على طول صعد لغرفة ريم ..
يوسف : ريم انت متاكدة من هالرجال ؟؟
ريم : انا اعرفه بس بالدوام .. وهو طيب والكل يحبه .. ويحترم الموظفين ولا يغلط عليهم ..
يوسف : زين انت مستعدة انج تعيشين معاه وهو عنده زوجة ثانيه ؟؟
ريم : انشاالله بيطلقها
يوسف : واذا ما طلقها ؟؟
ريم : امري لله ... اعيش معاه واتحمل
يوسف : ريم مافي شي يحدج على هالحياه ... ليش ما تتزوجين شاب من عمرج لج بروحج ولا هالشيبة المتزوج
ريم : يوسف .. خلاص هالموضوع خلصنا منه وابوي عطى الرجال كلمه
يوسف : بس احنا للحين عالبر وانا مو مرتاح لهزواج
ريم : يووسف لا تخوفني ..
يوسف : انا ما اخوفج بس ابيج تفكرين بكل صغيره وكبيره ... انت يمكن تحبينه بس ترا الحب مو كل شي ..
ريم : .................
الرياجيل مجتمعين بالدوانيه على العشا (( طبعا بعد الملكه ))
ابو يوسف : مبروك يا بو جابر ... الف مبروك
احمد : الله يبارك فيك ..
خالد : مبروك احمد ... تستاهل ريم
احمد : الله يسلمك يابو سالم ..
خالد :.................
بو يوسف : الله يهداك مناسبنا ولا تعرفنا من بعض ... انا ابو سالم
احمد : آسف اسمحولي بس والله تتشابهون
يوسف : كل من شافنا قال هالكلام
احمد : اجل خالد ابو منو ؟؟؟ (( هذا اول يوم له بالعايلة وطايح احراجات بالكل ))
خالد : للحين الله يسلمك ما صرت ابو ... بس وعد لاجالي ولد اسميه احمد
يوسف يطالع خالد ويغمزله وهو ماسك الضحكة
احمد : مشكوووووور
اما عند الحريم
خلود : الف مبروك يا ريوم
ريم : الله يبارك فيج
ام يوسف وهي تمسح دموعها : والله وكبرتي ياريم .. وبتخليني
ريم تلم امها : يمه ياالغاليه ... انا تزوجت ما هاجرت ... يعني قريب
اريام : مبروك اختي الكبيرة ريوم ... وعقبالنا انشاالله
ام يوسف : ياللي ما تستحين ... عيب هالكلام انت توج صغيرة
اريام : يعني ريم اللي كبيرة ... انتم السالبقون ونحن اللاحقون
خلود : الله يهداج داشه مقبرة ... اليوم زواج مو مذابح
الكل : ههههههههههه
وبعد ليلة طويله من التبريكات والتهنئة والوناسه نام الكل والبيت صار هااادي
اليوم الثاني الصبح
نزل خالد وهو لابس برمودا زيتي وتي شيرت بيج وكان ضيق وعلى جسمه وعضلاته طالع شكله (شي) والعطر طبعا واصل لاخر البيت
ويغني وهو نازل
ابو يوسف : الحبيب رايق ...
خالد : أيــــــــه
ام يوسف : وانت شتبي فيه انشالله دوم رايق
ابو يوسف : انت كنت بتروح لها فانا اقول حريمتك ... اقعد في البيت احسن
خالد : افاااا ليش ؟؟
ابوه : ليش بعد .. فضحتنا .. ما بقى احد من جيرانا ما شافك معاها .. شراح يقولون الناس عنك
خالد : انا مو قاعد اسوي شي غلط ... انا اتمشى معاها قدام كل الناس
ابوه : ياولدي لا تروح ... لا نالوا من سمعتك صعب تردها
خالد : ماعاش اللي يتكلم علي ... وبعدين انا تربيتك لا تحاتي
ابوه : طيب حط حد لهذي السالفة ... مايصير تظل جذي
خالد : ابشر ... ياللا انا مستعجل ... باااااااااي
ابوه : سلم مثل الناس ياالهيس
خالد : اسف يبه ... مع السلامة
امه وابوه : مع السلامه
وصل خالد الممشى ولقى هديل قاعدة تنطره وهي كاشخه حدها
قعد جنبها : اسف تاخرت عليج ؟؟
هديل : حيل ... انت مو دقيق بمواعيدك
خالد : اسف وحقج علي ...
هديل : اوكي حصل خير
وراحوا يركضون شوي ... ويتمشون شوي
خالد : هديل ... ترى ما راح اجي باجر
هديل وهي متضايقة : لا ... ليش ؟؟
خالد : اخااف اقول واطيح من عينج
هديل : قول عااادي
خالد : انا والله صارلي اسبوع مطنش بالدوام ... ريم خذت اجازة وانا عطيت الدوام طاااف
هديل : وانت شكو بريم ؟؟؟
خالد : انا اللي اوديها واجيبها
هديل : واااااااااااي قديم ... ليش هي طفله عشان توديها وتجبيها ...
خالد : لو سمحتي عن الطنازة وهذي اوامر الوالد ولا نقدر نعصيها
هديل : اسفة حبيبي زعلت ؟؟؟
خالد يطالعها بطرف عينه : لا ... بس من متى ؟؟؟
هديل : شنو ؟؟؟
خالد : صرت حبيبج ؟؟ ...
هديل انحرجت : .... من زمان
خالد : والله ؟؟
هديل : بس انت ما تحس
خالد : افاا والله ولا تقولين
هديل : هذا انت دريت
خالد يكمل : حبيبتي انا ابي اعزمج على العشا اليوم لاني ما راح اقدر اشوفج الاسبوع الجاي ... ممكن ؟؟
هديل شوي وتطير من الفرحة : ايه ... عااااادي نو بروبلم ... بس قولي وين تبي تعزمني ؟؟؟
خالد : شرايج بمطعم .. ميس الغانم ؟؟
هديل : واااااااااو
خالد : خلاص اجل تم ... اتصل عليج اليوم الساعة سبع ونطلع بسيارتي .. شرايج ؟؟
هديل : لا كل واحد يروح بسيارته احسن
خالد : خلاص
بيت سلطان
هدى قاعدة بالبيت بروحها لان سلطان بالدوام وللحين ما رجع ... حست انها ضايق خلقها ... قالت ادق على سلطان واشوف شخباره
واخذت تلفونها واكتشفت انها ما تعرف رقمه ... نزلت تلفونها وهي منحرجة من نفسها (( لهذي الدرجة يا هدهودا ))
بعدين تذكرت المسج والمكالمات اللي كان يرسلهم لها قبل الزواج وبسرعة فتشت ولقت الرقم ... ودقت
سلطان : هلا والله هلا
هدى منحرجة من الترحيب الحار : هلا فيك ... شلونك سلطان ؟؟
سلطان : دام اسمع هالصوت اكيد بخير
هدى : الحمدلله ... بس انا زعلانه منك ليش ما اتصلت علي ولا مرة ؟؟
سلطان : كنت ابيج انت اللي تتصلين
هدى : يعني ....
سلطان : اكيد اشتقتي لي صح ؟؟؟
هدى تستهبل : لا والله بس ضايق خلقي قلت ادق عليك اقزر وقت
سلطان : افا ... وانا اقول اكيد مشتاقة
هدى : لاني زعلانه ؟؟
سلطان : ماعاش اللي يزعلج ...
هدى : انت اللي مزعلني .. شلون هنت عليك اربع ايام ولا تكلمني ولا ترسلي أي مسج ..
سلطان : الحين ارسلج احلى مسج ..
هدى : خلاص ما ابي مسجاتك
سلطان : بس هذا المسج غيرر
خدى : ما ابي خلاص
ودق باب الشقة على هدى
هدى وهي ماسكه التلفون : سلطان اخليك الحين بشوف من عند الباب
سلطان : ليش منو اللي جاي بهالوقت ؟؟
هدى : ما ادري ... ياللا بااااااااي
سلطان :بااااااااي
راحت هدى صوب الباب وفتحته بس ما دخل احد ولا رد عليها احد ... طلعت راسها برا شوي تبي تشوف ... والا تلقى سلطان
هدى مصدومة : ســـــــــــلــــــــــــــــطان
سلطان : يا عيونه
هدى ابتسمت ولا عرفت ترد : .....................
سلطان : ممكن ادخل ؟؟
هدى : اسفة ... حياك
بس والله فاجاتني ما توقعتك انت اللي عند الباب
سلطان : مبين انج متفاجأة ... والا في مرة عاقلة يغيب زوجها عنها اربع ايام وبعد ما يرجع تستقبله هالاستقبال الناشف ... مافيه حتى بوسه
هدى : .................... تبي احط لك شي تاكله
سلطان يضحك : تبين تغيرين الموضوع باي طريقة هههههههههههههه ما عليه مسامحج ...
هدى : ..............
سلطان : شوفي انا بروح اخذ شاور سريع اطلع القاج لابسه وجاهزة ... لاني عازمج على العشا
هدى : بس انت توك راجع للبيت واكيد تعبان
سلطان : لا مو تعبان ولا شي ... ولو تدرين وين عازمج ... كان تسحبيني لو اني بمووت
هدى : ليش ؟؟ وين عازمني ؟؟؟
سلطان : ميس الغانم
هدى تذكرت ان هالمطعم المفضل لخالد وانه يحبه حيل حيل : سبحان الله كانك تدري ان هذا مطعمي المفضل ...
سلطان : شفتي شلون ... يالللا ما ابيج تتاخرين معاج ربع ساعة فقط
الساعة 7 ونص
خالد وهديل وصلوا المطعم ... راح خالد عند سيارة هديل ونزلت معاه ... طبعا الاخت فرري عشان جذي مسكت يده ولزقت فيه ... خالد اول شي حس باحراج بس بعدين صاار عادي
وصعدوا للمطعم وهم يضحكون مع بعض ومندمجين ...
وانصدم خالد لما شاف سلطان يمشي وهو ماسك يد هدى ... حس الدنيا تدور ... صج الكويت صغيرة .. والا معقوله نلتقى انا وهدى بهاليوم بالذات ولما تكون معاي هديل ... سلطان انتبه لخالد فقرب منه
سلطان : خالد
شاف خالد انه ماله مفر من المواجهه : هلا سلطان
وسلموا على بعض وهدى تطالع بخالد وسلطان ... وهي منصدمه
هدى : انتوا تعرفون بعض ؟؟؟
سلطان يلف عليها : هذا خالد رفيجي ... ليش تعرفينه ..؟؟؟
هدى : هذا خالد طــــ...
قاطعها خالد بسرعة : ايه ...... هدى بنت خالي
سلطان : ماشاالله يعني اهل
خالد : ايه ههههه ... شفت يعني انا وراك وراك
سلطان : يشرفني هالشي ..
خالد : ماعليك زود
هدى ومبين انها معصبه : ما عرفتنا يا خالد على الاخت اللي وياك
خالد حس باحراج مو طبيعي انحط بموقف لا يحسد عليه : أيــــــــه هذي ... هديل
هدى : انا ما اسأل عن اسمها ؟؟
خالد شاف ان السالفة خاربه خاربه وهدى متعمدة تحرجه فقرر انه يقهرها : هذي هديل خطيبتي وقريب انشاالله بنتزوج ..
هدى انصدمت " خطيبته "
سلطان : واخيرا بتتزوج يا خالد مابغيت .. خلاص بهالمناسبه انا عازمك انت وعروستك معانا ... شقلت ؟؟
خالد : لا انا ما ابي احرجكم
سلطان : لا بالعكس ... نسهر مع بعض ولا فيها احراج ولا شي
هدى تبي تعرف اكثر عن الموضوع : لا ترد سلطان يا خالد ... ترا ملزم
خالد بعد ما صكوا عليه: اللي تشوفونه
وهم يمشون بالمطعم رايحين للطاوله اللي حجزها سلطان
هديل : صج الكلام اللي قلته ؟؟
خالد من غير ما يطالعها : طبعا لا
هديل : ليش ؟؟
خالد : شنوو اللي ليش ؟؟؟ انا اذا ابي اتزوج انت اخر وحدة افكر فيها
هديل : انت ليش تقول عني جذي ... انا ما استاهل
خالد : لا انت من ثوبنا ولا احنا من ثوبج
هديل : طيب وليش كنت تلاحقني ... توك عرفت اني ما اصلح لك
خالد انزعج من الموضوع : انت اللي كنت عارضة نفسج علي
هديل عصبت : عارضة نفسي ؟؟؟ تتسلى فيني يا خالد ... هين والله لتدفع الثمن
وراحت وهي معصبه ... اما خالد ماكلف نفسه حتى يلف يشوفها او يهديها (( احسن ))
وصلوا للطاولة وقعد سلطان مقابل خالد وهدى جنب سلطان
سلطان : خالد ... وين خطيبتك ؟؟
خالد يرقع : ايه ... اهي ... امها دقت عليها وتبيها ضروري
هدى : وتروح جذي من غير ما تسلم
خالد يرقع : الظاهر الموضوع مستعجل
سلطان : المهم ما علينا ... انت شخبارك ؟؟
خالد : انا بخير ... انتوا اللي شخباركم بعد العرس ؟؟؟
سلطان وهو يطالع هدى : الحمدلله باحسن حال
خالد : وانت هدى شلون سلطان معاج ؟؟؟
حست هدى ان خالد يبي يزعجها فحطت يدها على كتف سلطان : حبيبي سلطان مو مخلي علي قاصر ... معيشني احسن عيشة
خالد حس بالكلمه " حبيبي " وكانها سكين ودخلت بين ضلوعه اما سلطان شوي ويفرك اذنه لانه مو مصدق ... هدى تقول عنه حبيبي
خالد بعد فترة صمت : الله يوفقكم ...
سلطان وهدى : ويوفقك
بعد فترة وصل العشا ... وهدى كنوع من رفع الضغط قامت توكل سلطان بيدها ... لانها تبي تقهر خالد مثل ما قهرها بهديل ...
بس اخر شي تحسفت لانها لاحظت ان خالد ما ياكل ووجهه حيل مسود ومكسور
... سوت حركه (( يمكن تكون شوي قويه بس انسانيه )) مدت الاكل لخالد تبي تلقمه بنفسها ..
رفع خالد عيونه يطالعها وهو مو مصدق (( قديمه هالحركة ))
هدى : منقوله ...
خالد يطالع سلطان واللي ابتسم وقال : اخذ ياخالد اللقمة من يد اختك
خالد لف على هدى مرة ثانيه : مشكووووووورة بس انا عندي يد اكل فيها
هدى وسلطان انصدموا ... وخالد ارتاح بعد هالكلمه ... اخيرا راح يكسرها
هدى عصبت وقامت : الحمدلله
سلطان بعد ما بعدت هدى عنهم : ليش يا خالد زعلتها ؟؟
خالد يرقع : انا بس خفت انك تزعل والا تتضايق
سلطان : لا بالعكس .. انتوا اهل ولا اقدر اتدخل بينكم ولو كنت زوجها
خالد : اصيل يا سلطان
بعد ما رجعت هدى قام سلطان : عن اذنكم دقيقتين بس
خالد : خذ راحتك
هدى قامت تطالع خالد اللي كان يطالع الارض وكانه يقول لها مابي اشوفج او اكلمج
هدى بعد ما ملت من الصمت : خــــــــــــــــــالـــــــــــــــــد !!!
خالد رفع عيونه عليها من غير ما يرد
حطت يدها على ايده اللي كانت على الطاوله
هدى : هديل مو من مستواك ... ولا تناسبك
خالد سحب يده وبعصبيه : وانت شدخلج ؟؟؟؟... البنت عاجبتني
هدى : انت تستاهل احسن منها ... انت فوق ولا ارضى اشوفك توصل لهالمستوى
خالد : انت تزوجتي ولا عاااد لج شغل فيني .. احب اللي احب .. اكره اللي اكره ... مو شغلج
هدى عيونها دمعت : انت ما تقدر تطلعني من حياتك ...ولو قعدت طول عمرك تحاول ماراح تقدر ... وبعدين انا متزوجة بالاسم بس انا للحين وفيه لك ياخالد ولا يمكن يلمسني غيرك
خالد : يااااااااااحرااام ... والله طيبه .... وتبيني اصدقج ( ولف خالد وجهه عنها )
هدى : خالد طالعني ... انا اتكلم جد
خالد لف عليها وهو عاقد حواجبه : عيشي حياتج وانسي .. لا تنطرين السراب
هدى : انت مو سراب !!!
خالد : هدى انا راح اتزوج قريب ولا ابي أي شي يعكر علي حياتي الجديدة ... وبعدين ما ابي اخوون زوجتي وحتى لو كلام مع غيرها
هدى : لا تتزوج ..!!!! ( ورقعتها بسرعة ) اقصد هديل ما تصلح
خالد استوعب قصد هدى وان هدفها الوحيد انها تمنعه من الزواج : انا احبها وابيها ... ولا اسمحلج انج تتكلمين عليها ربع كلمه ... انت من تكونين اصلا ؟؟ مالج أي تاثير علي ولا يهمني رايج
هدى : انــــــــــــــــــا ؟؟
خالد يتطنز : لا انا !!!... وبعدين انت متزوجة الحين يعني مفروض ما تتكلمين بهالمواضيع مع رجال غريب
هدى : ناخذ الموضوع على هواك ... مو انت تقول اني اختك ؟؟
خالد : ............
هدى : اسمع مني انــ ..........
قاطعها : ما ابي اسمع منج أي شي ... بعدين زوجج جاي اسكتي
ووصل سلطان : اسف تاخرت
خالد : لا عااااادي
وظلت الجلسة باردة والسوالف نادرة بس ما صار أي كلام بين خالد وهدى
شقة سلطان الساعة 12 ونص بالليل من نفس اليوم
سلطان ينادي هدى بصوت عالي
هدى : هلا
سلطان : سويلي شاي ..
هدى : شاي بالليل ... غريبه ؟؟؟
سلطان : في فيلم بيطلع بعد شوي وابي اشوفه واسهرعليه
هدى : اهاا ... بس جذي غالي والطلب رخيص
وراحت تسويله الشاي وهو راح لغرفته وبعد دقايق رجع سلطان يناديها
هدى : هلا
سلطان : هدى وين فراشي ؟؟
هدى تبتسم : شلته ...
سلطان مصدوم : ليش ؟؟
هدى : ماعااد له داعي
سلطان متشقق من الفرحة : والله ؟؟ ياللا مشينا
هدى : طيب ... والفيلم ؟؟؟
سلطان : ماعاااد له داعي
هدى : والشاي ؟؟
سلطان : بصراحة انت ذكيه ... اذا الفيلم ماله داعي يعني الشاي اللي بيكون له لزمه
*
*
*
اليوم اللي بعده
بيت بو يوسف
ريم مع امها وابوها بالصاله
وفجأة دق تلفونها شافت الرقم غريب ما تعرفه فحطته سايلنت وكملت سوالفها مع اهلها
بس بعد ثواني وصلها مسج لما بطلته كان من نفس الرقم والمسج :
" صباح الخير ريوم ... انا مشاري "
ابتسمت ريم ولفت على ابوها : يبه هذا زميلي بالدوام داق علي ممكن ارد ؟؟
ابوها : من ولده ؟؟
ريم تضحك : هههههه ليش ؟؟؟
ابوها : عشان اشوف يستاهل والا لا ..
ريم : هذا مشاري اللي دايم اسولف لكم عنه
امها : ايه هذا اللي كان يبي بنت خاله بس رفضته ؟؟؟
ريم : ايه ... كاهو دق .. ارد يبه ؟؟؟
ابوها : ردي
ريم : الو
مشاري : الو ... السلام عليكم
ريم : وعليكم السلام
مشاري : شلونج ريم ؟؟؟ شخبارج ؟؟
ريم : الحمد لله ... انت شلونك ؟؟
مشاري : بخير ... قلت اسأل عنك من تزوجتي المدير ماقمتي تداومين .. من اللحين ضبطتيه ؟؟
ريم تضحك : هههههه حراااام عليك انا ماخذه اجازة
مشاري : اهاااااااا ... والله المكتب خالي فقدناج
ريم : ما تفقد غالي انشاءالله
مشاري : الله يسلمج ... انا بصراحة عازمج عالعشا باجر بالبيت ... ودي نتجمع ونسهر كلنا وعشان اعرفكم على زوجتي
ريم : في بيتك ؟؟
مشاري : ايه .. كلنا عندج مشكله بهالشي ؟؟
ريم : ما ادري ... طيب منو بيجي ؟؟
مشاري : تقريبا كل الربع محمد وساره وحسن وسعود وراشد واحمد وهيا ومريم و ...
ريم : ما ادري ... فشلة اجي واحمد بيجي ... انا ماخذه اجازة عشان ما يشوفني
مشاري : ياغبيه تعالي واكشخي عطيه مجال يسولف معاج قبل الزواج ... طيعيني
ريم : ما ادري ... اشوف راي اهلي
مشاري : ليش ما تشوفين راي احمد ؟؟
ريم : للحين ما رحت بيته عشان اشوف رايه ... بس عااد لاتستهبل
مشاري : انـــــــــا يا حلاتي !!! المهم شوفي راي اهلج على قولتج وردي علي لان في ناس موصيني يقولون شيك عليها بتجي او لا
ريم : اهااااااااا ... يعني عزيمتك مو لله ؟؟
مشاري : لا والله حراااام ... بس المسكين يبي يعرف عشان يشد حيله بالكشخة
ريم : خلاص اوكي
مشاري : ياللا مع السلامه
ريم : مع السلامه
سكرت التلفون ولاحظت ان امها وابوها كانوا مركزين معاها بالسالفة يعني ما طافهم ولا حرف
ابوها : وش يبي ؟؟
ريم : مسوي عشا باجر وعازمني
ابوها منصدم : عشا رياجيل وعازم حرمه
ريم تضحك : ههههههه حلوة ... يبه هم عاادي عندهم يعني خليطي
ابوها : وبتروحين ؟؟؟
ريم : كيفك يبه اذا تبيني اروح اروح ... بس ترا احمد راح يكون هناك
امها : لا تروحين ... عيب
ريم : عااادي واجد بنات من الوزارة راح يجون ..
ابوها : والله خوووش انا سألتج بشوف رايج ... بس والله لو تقوم القيامه ما تروحين ... وين قاعدين حنا ...
ريم : يبه زوجته معانا يعني راح نستانس ..
ابوها : لا تحاولين
ريم : يوووووووووووه معقدين !!!
امها : محنا معقدين ... بس عاقلين
دخل خالد وهو يفرك عيونه توه قاعد من النوم
خالد : صباح الخير
الكل : صباح النور
خالد : ازيكوووو ؟؟
الموجودين : الحمدلله
خالد يطالع بالقهوة والشاي : ابي حليب .. مافيه
ريم تستعبط : روح لماما ..
خالد طق ريم على راسها : روحي يالعوبه وجيبي لي حليب
ريم : زين بس لاتطق
وقامت ريم للمطبخ ..
خالد : ياحلوها هالبنت تهبل
امه : اسم الله على عيالي كلهم يهبلون
ابويوسف : ايه من وين جايبينه ... اكيد من ابوهم
امه : وامهم وين راحت ؟؟
ابوه : يحمدون ربهم اللي ماقربوا صوبها
امه : انت وش قصتك معي .. صاير دايم تناجرني ووتتهاوش معاي وما يعجبك أي شي مني
خالد يرقع الوضع : هذا يمه من زود الغلا ... يقولون اثبتوا ان الانسان لما يكبر يصير حبه عنيف
ابوه خارها : الا من دبلت الجبد
خالد : يبه الله يهداك انا ارقع وانت تخرب
امه حيل عصبت : اجل اسمع الكلام العدل ... من اليوم ورايح لا تكلمني ولا تقربني
خالد : افا يمه هذا بو يوسف
ابوه : خلني اخذ اجازة كم يوم
امه : هين يا سالم والله لتندم
وقامت وصعدت وهي معصبه
خالد : يبه ليش زعلتها ؟؟؟
ابوه : ماعليك منها هي تدري زين اني اتغشمر معااها
خالد منصدم : هذي غشمرة ,,,اجل الهواش وشلون ؟؟
ابوه : ماعليك منا ... انت شخبارك ؟؟؟
خالد : انا الحمدلله ... اموري كلها تمام
ابوه : وهديل ؟؟؟
خالد : وش فيها ؟؟
ابوه : اخبارها معاك ؟؟؟
خالد : مثل ما وعدتك انا قطعت علاقتي معاها
ابوه : ليه ؟؟؟
خالد : يبه مو انت اللي تقول فضحتنا الناس كل يوم يشوفونك معاها
ابوه : بس انا كنت اقصد انك تتزوجها !!!
خالد : من صجك يبه ؟؟؟ البنت رايحة فيها
ابوه : عيب ياخالد تتكلم على البنت جذي
خالد : يبه انا شفت بعيوني محد قالي
ابوه : يعني ما تصلح زوجة ؟؟؟
خالد : لا ..
ابوه : والله عااااد باين انها تحبك ؟؟؟
خالد : باجر تنسى
ابوه : لاتظلم البنت ياخالد ... كل شي ولا الظلم
خالد : هي اللي ظلمت نفسها
ودخلت ريم عليهم وهي شايلة كوب الحليب بيدها وتعطيه خالد
ريم : منو اللي ظلمت نفسها ؟؟
خالد : وانت شكو ؟؟؟ بعدين مابغت تخلص الذبيحة اللي طبختيها ... كل هذا على كوب حليب
ريم : لاتتطنز واحمد ربك اللي طلع حليب ما طلع شي ثاني ههههه
خالد يضحك : ياساتر !!! وتبيني للتجارب
ابوهم : هذا وانت على وجه زواج ما تعرفين تسوين حليب ... بس هذا كله من دلال امج خربتكم بالدلع
ريم : بالعكس امي ما تقصر بس احنا اللي ما نبي نتعلم .. الا صج امي وين ؟؟
خالد : زعلوها بعض الناس وصعدت
ريم : افااا يبه ... ترا انت صاير دايم تضايقها واذا انت مو حاااس بنفسك هذا انا اقولك
ابوهم : ما عليكم اليوم ماتنام الا راضية ... لا تحاتون
خالد : ايه ... ترا ما لكم الا بعض
ريم : صج خالد شرايك فيه واحد معاي بالدوام عازمني باجر عشان نتعرف على زوجته واحمد راح يكون موجود ... وقلت لابوي بروح ولا رضا
خالد : منو هذا ؟؟
ريم : مشاري اللي معاي بنفس المكتب
خالد : ايه عرفته ماشاءالله عليه محترم
ابوه : انت تعرفه
خالد : شفته كذا مرة ومبين انه رجال
ريم : اجل خلووووووود تكفى اقنع ابوي يخليني اروح
خالد : والله .. بس بشرط اروح معاج
ريم : خلاص اوكي
خالد : هااا يبه شرايك اروح معاها ...
ابوه : اذا بتقعد معاها انا موافق بس ماتخليها
خالد يطالع ريم : اتغشمر ... من صجج اقعد معاج ... ماكو شغل
ريم : خالد انت قلت كلمة خلك قدها ...
خالد : انا ابي اقهرج بس ...
ريم : تكفى يا خالد
خالد : ريوم والله مقدر باجر حدي مشغول
ريم : الله يسامحك
باجر عرس ريم
ريم قاعدة بغرفتها ومتوترة حدها وعندها خلوود واريام
خلود : ريم عااااااادي والله هذا راح يصير احلى يوم بحياتج
ريم : شكلي استعجلت ... روحوا قولوا لابوي ما ابي اتزوج
اريام : ليش على كيفج ... انت بس متوترة
خلود : انا اقول روحي توضي وصلي ركعتين واقري قرآن وراح تهدي اعصابج
دق تلفون ريم
شافت الرقم
ريم : هذي هدى ... انا مقدر ارد وحدة منكم ترد عليها
خلود : انا ارد
خلود : الــــــــــــو
هدى بعد تردد : السلام عليكم
خلود : وعليكم السلام
هدى : خلود صح ؟؟؟
خلود : ايه ... شلونج هدى ؟؟
هدى : الحمدلله بخير ... انت شلونج وشلون سلوم وماس ؟؟
خلود : تمام ... عاااد والله دايم يسألون عنج
هدى : يا حياتي والله اني مشتاقه لهم حيل
خلود : شلونج بعد الزواج عسى مرتاحة ؟؟
هدى : الحمدلله ... وابشرج اني حامل
خلود : والله .. الـــــــــــــــف الــــــــــــــف الـــــــــــــف مبروك
هدى : الله يبارك فيج ...
خلود : والله انج فرحتيني ... ام يوسف وريم يدرون ؟؟
هدى : لا انت اول وحدة
خلود : ابي ابشرهم
هدى : خلود تكفين ... خالد لا يدري
خلود : اكيد راح يعرف ... هالشي ما يتخبى
هدى : انا ابيه يفرح باخته ويستانس ما ابي أي شي يخرب عليه
خلود : تحبينه ؟؟؟
هدى : فوق ما تتصورين
خلود : بس تدرين انا ملاحظة ان خالد متغير ... رد مرح ويضحك مونفس اول
هدى : الحمدلله ... تعالي صج تزوج والا لا ؟؟؟
خلود : من صجج ؟؟؟ خالتي وعمي يحنون عليه وكل يوم يكلمونه ويقول لا تحاولون
هدى : بس انا مرة شفته مع وحدة وكان يقول انها خطبيته
خلود منصدمه : خـــــــــــــــالـــــــــــــــــــد ؟؟
هدى : ايه واسمها هديل ...
خلود تضحك : هههههههه ايه هديل صديقة عادية كان يقابلها بالممشى
هدى : يعني ما بينهم شي ؟؟؟
خلود لاحظت اسألت هدى : يا حياتي ... انسي خالد انت الحين عندج اسرة ثانيه وخالد ماله أي مكان الحين بحياتج
هدى : خالد كل حياتي
خلود : انا قمت اسولف وياج وطولت عليج ...
هدى : لا بالعكس مع اني زعلانه عليج ... ولا مرة دقيتي علي
خلود : معاج حق والله
هدى : شخبار ريوووم اكيد طالعه جنونها ومتنرفزة
خلود : ايه والله جننتنا
هدى : سلميلي عليها وباركيلها عني
خلود : ابشري
هدى : ياللا مع السلامه
خلود : مع السلامه
اليوم الثاني
يوم العرس
كان العرس حيل حلو والكل استانس وفرح
طبعا كل اهل احمد حضروا وسلموا على ريم حتى بناته الثنتين وامهم طبعا ماجت
وبعد العرس راح احمد مع ريم لبيت ابوه واللي كان مجهز فيه شقه لريم اما زوجته الاولى لها بيت بروحها
دخلوا الشقة وكانت حلوة ومرتبه وفخمة
احمد : حياج الله ريوم
ريم : الله يحيييك
احمد : اخيرا يا ريم اجتمعنا
ريم : .....
احمد : شوفي هذي دارنا اخذي راحتج انا بنزل دقايق وارجع
ريم : اوكي
*
*
*
ريم تتأمل احمد وهو نايم ... اول مرة تشوف شكله بدون غترة الشيب مالي شعره وهي تقول : معقوله استعجلت ...
الصبح اليوم الثاني
ريم واحمد يتريقون بشقتهم ودق تلفون احمد
احمد : هلا
......
احمد : انشاالله
......
احمد : خلاص يبه لا تحاتين
.....
احمد : باي باي
وسكر التلفون
ريم : منو ؟؟؟
احمد : هذي شوق بنتي الصغيرة
ريم : احمد ... ممكن تقفل جهازك ؟؟؟
احمد يبتسم : ما اقدر
ريم : شوف انا خليت جهازي عند اهلي عشان ما اخرب احلى ايامي ... وانت ... تكلم عيالك
احمد : ريم من الحين نبتدي سوالف غيره
ريم : لا بس احنا تونا متزوجين يعني مفروض تفضى لي
احمد : اذا قصرت حاسبيني
قامت ريم وهي معصبه وهي تمشي رايحة غرفتها سمعت تلفون احمد يدق مرة ثانيه وكملت طريقها وهي معصبه
بعد ثواني دخل عليها احمد
: ريوم !!!
ريم : نعم
احمد : خالد داق يبي يكلمج ...
ريم فرحت : خلووووووود
واخذت التلفون من احمد وكلمت خالد اللي كان داق عشان يسلم عليها ولان امه تبي تكلمها (( سوالف حريم ))
بعد ما سكرت التلفون ..
احمد : شفتي لو اني مقفل جهازي كان ما كلمتي امج ...
ريم تبتسم : ...... لا تسكره
بعد اسبوع
في بيت ابو يوسف الساعة 5 بعد العصر
كانت هديل جايه مخصوص تبي تكلم ابو يوسف
وهو قعد معاها بالصاله مع ام يوسف
ام يوسف قطعت السالفة : ولدي ما يسوي هالسوات
هديل تبكي : خالتي انا ما كنت ابي اقولكم ... بس الحين هو لازم يصلح غلطته
ابو يوسف من كثر ما هو منصدم بولده ما قدر يتكلم
ام يوسف بكت من الصدمة : هو ما يطلع معاج كل لقاءاتكم بالممشى
هديل : ........... بلى طلعني كذا مرة
وكان واعدني بالزواج بس بعد ما اخذ اللي يبي ...... ( وردت تبكي )
ابو يوسف تكلم بعد صمت طويل : خلاص يا بنتي اذا خالد غلط غصبن عنه يصلح غلطته ... بس انت بعد غلطانه
هديل : انا كنت احبه ومصدقة كل كلمه يقولها ... وقلت انه ولد ناس ما راح يكذب علي
ابو يوسف : انت روحي بيتكم وانشاالله احل الموضوع
هديل حبت على راس ابو يوسف : ما قصرت عمي الله يستر عليك دنيا واخره
وطلعت
ام يوسف : خالد ما يسوي جذي
ابو يوسف معصب : دقي عليه بسرعة خليه يجي
ام يوسف : لا تقوله شي البنت تكذب خالد متربي وما يغلط ...
ابو يوسف : الظاهر ما عرفنا نربيه ... قومي دقي ( يصرخ )
بعد ربع ساعة جا خالد بسرعة وراح لابوه
خالد متخرع : خير يبه عسى ما شر ؟؟
اما ابو يوسف طالعه بنظره مرعبه وعطاه كف فر وجهه
خالد انصدم مسك خده وطالع ابوه وهو ما يدري ليش طقه
رد ابو يوسف ومسك خالد وطقه مرة ثانيه ودزه على الارض وخالد ما يقاوم
وام يوسف قامت تصيح وتبكي
خالد طايح على الارض : يبه شفيك ؟؟ ليييييه تطقني
ابوه : انا ماني ابوك يالخايس
خالد انصدم اول مرة يحس ان ابوه معصب بجد : .......
ابوه : انا ربيتك وخليتك رجال الكل يحترمك ويهابك بس انت اللي ذليت نفسك ... انت اللي نزلت لهالدرب ... يا خسارة فيك يا خسارة
خالد : لييييييييه تقول جذي فهمني ؟؟؟
ابوه وعيونه يطلع منها نار : هديل .... قالت لي اللي سويته فيها
خالد : يبه هديل انا ما شفتها من اسبوع
ابوه : اكيد ... خذيت اللي تبي وحذفتها ....
خالد انصدم ( معقوله هديل تقول لابوه ) ولا قدر يبري نفسه : يبه انت فاهم غلط
دخل يوسف بهاللحظة على صراخ امه
يوسف شاف خالد على الارض وابوه ماسك عقاله وواقف فوق راس خالد ويهاوش
ركض يوسف لابوه ومسكه .... وطالع خالد
يوسف : خير شصاير يا خالد ؟؟؟
خالد : ............
ابوهم : اخوك فلت يا يوسف ما عاد يهمه لا اخلاق ولا دين
يوسف : افا .... ليييه ؟؟؟
خالد قام وهو متحطم وصعد غرفته من غير ما يتكلم
وابو يوسف قال السالفة كلها ليوسف ...
يوسف حس بشي غريب ... و طاح خالد من عينه
معقوله يسويها
قعد يهدي ابوه ووعده انه يحل الموضوع مع خالد
صعد لشقة خالد ولقاه فاتح الباب وقاعد بصالته وشكله مصدوم
يوسف بعصبيه : شالكلام اللي سمعته
خالد : .............
يوسف : ليييه سويت جذي ... انت على بالك بنات الناس لعبه عندك
انت ما تخاف من الله ... وين التربيه وين الاخلاق
خالد بعصبيه : يوسف هديل تكذب
يوسف : لا يا شيخ .... البنت جايه تبكي وتترجى ابوي يستر عليها
خالد : حقيرة
يوسف : صدمتي فيك اليوم كبيرة
خالد : يوسف انت اخوي وتعرفني ... والله انها تكذب انا ما طلعت معاها الا كم مرة والله والله والله ما صار بينا شي
يوسف : يعني البنت تفضح نفسها على الفاضي ... السالفة مو ضابطة دور غيرها
خالد : والله يا يوسف .... اصلا هي مفضوحة من قبل انت ماتعرفها
يوسف : ابوي يقولك ... اما تستر عالبنت وتتزوجها والا تطلع من البيت وهو متبري منك
خالد انصدم : يتبرى مني !!!!
يوسف : ليييه اللي سويته شوي
خالد : اسمع انا بقولك كل شي ( وقاله السالفة كلها من تعرف عليها لحد سالفة المطعم اللي مع هدى )
وهي حلفت انها تردها لي .... يعني تتبلى علي بس ما توقعت انها توصل لهالدرجة
يوسف : متأكد ؟؟
خالد : والله يا يوسف انا اخووك وتعرفني
يوسف : بس ابوي ما راح يصدق
خالد : لازم يصدق ... انا مقدر اتزوجها
يوسف : انا اكلم ابوي وارجع لك
خالد : لا تكلمه اليوم ... هو واصل حده خله كم يوم لما يهدى
يوسف : ابوي يبي يخطب البنت باجر
خالد : ما يصير ... ليييه يظلمني ؟؟؟
يوسف : انت يا خالد اللي جبت البلاوي لنفسك
خالد : خلاص روح كلمه انا ناطرك
بعد نص ساعة رجع يوسف
: ابوي ما صدقك ... يقول جهز نفسك باجر تخطبها
خالد : مقدر
دخل ابو يوسف عليهم وبصوت مرعب : اذا ما تقدر اطلع من بيتي الحين ولا انا ابوك ولا اعرفك
خالد نزل يحب رجل ابوه : يبه والله انها تكذب والله والله اني ما اخطيت فيها
ابوه : باجر ؟؟؟ ايه ولا لا ؟؟؟
خالد رفع عيونه يطالع ابوه وهو مو قادر يختار حس الدنيا تدور
ابوه : شقلت ؟؟
خالد : لا ... مقدر
ابوه رفسه برجله : شيل اغراضك واطلع الحين ولا ابي اشوفك
يوسف : يبه الله يهداك تعوذ من ابليس
ابوه : اعوذ بالله من ابليس ( ويطالع خالد ) واعوانه
قام خالد يبي يطلع ومسكه ابوه : شيل اغراضك عشان ما ترجع مرة ثانيه
خالد بغرفته يجهز اغراضه والا تدخل عليه امه وهي تصيح
: خالد تكفى تزوجها تكفى يا خالد
خالد : ما اقدر اعذريني
امه : لا تروح والله اموووت انت وريم تطلعون باسبوع واحد والله اموووووت
خالد يحب راس امه : الله يخليج يمه لا تحاتين انا رجال واقدر اتحمل وابوي مرده بيرضى علي
امه : ابوك شايل عليك ولا اظن بيسامحك
خالد : لازم الحق يبان ... مع السلامه
وطلع ....
بنوتة عنيدة
13-12-2007, 02:15 PM
ننتظر التكملة على احر من الجمر
واسفة اذا غلط عليج اختي ..
تحياتي
بنوتة عنيدة
Skull
13-12-2007, 03:46 PM
مشكوررة اختي حلوو مرة .
نور الدين
16-12-2007, 09:54 PM
روعة ياعذوب ة والله تسلمىىىىىىىىىىىى
بنوتة عنيدة
27-01-2008, 12:21 AM
ما كملتي القصة
صار لناا وايدواحنةة ننطر
نور الهامور
14-02-2008, 09:31 AM
القصه لحد الان روعه ننتضر جديديك
اختي.
Powered by vBulletin™ Version 4.0.8 Copyright © 2012 vBulletin Solutions, TranZ by Almuhajir