[ شاعر الأسبوع ] ... البدر (الأمير الشاعر بدر بن عبدالمحسن) ... [ شاعر الأسبوع ]

[أمير المدينة]

السلام عليكم و رحمة الله و بركاته


نتتابع برنامجنا في محطات أسبوعية مع شعراء بارزين


شاعرنا لهذا الأسبوع : الأمير الشاعر بدر بن عبدالمحسن [ البدر ]

http://www.elbader.net/intro/images/b3.jpg

" حياة البدر "

بدر بن عبد المحسن بن عبد العزيز من مواليد مدينة الرياض في 2 ابريل عام 1949، و هو الإبن الثاني لصاحب السمو الملكي الأمير عبد المحسن بن عبد العزيز - رحمه الله - ، و والدة الأمير بدر بن عبد المحسن هي الأميرة وضحى الحمود الرشيد - رحمها الله - .

********

و له من الإخوان كل من :
- سمو الأمير سعود بن عبد المحسن بن عبد العزيز أمير منطقة حائل.
- سمو الأمير وليد بن عبد المحسن بن عبد العزيز.
- سمو الأمير فيصل بن سعد بن عبد العزيز.
- سمو الأمير عبد العزيز بن سعد بن عبد العزيز نائب أمير منطقة حائل.

و له سبع أخوات.

و له ثلاثة أبناء هم:
- سمو الأمير خالد بن بدر بن عبد المحسن بن عبد العزيز.
- سمو الأمير سلطان بن بدر بن عبد المحسن بن عبد العزيز.
- سمو الأمير سعود بن بدر بن عبد المحسن بن عبد العزيز .

له عشر بنات و هن:
- سمو الأميرة نوره بنت بدر بن عبد المحسن بن عبد العزيز.
- سمو الأميرة لمى بنت بدر بن عبد المحسن بن عبد العزيز.
- سمو الأميرة العنود بنت بدر بن عبد المحسن بن عبد العزيز.
- سمو الأميرة صيته بنت بدر بن عبد المحسن بن عبد العزيز.
- سمو الأميرة بسمه بنت بدر بن عبد المحسن بن عبد العزيز.
- سمو الأميرة لين بنت بدر بن عبد المحسن بن عبد العزيز.
- سمو الأميرة سلمى بنت بدر بن عبد المحسن بن عبد العزيز.
- سمو الأميرة مشاعل بنت بدر بن عبد المحسن بن عبد العزيز.
- سمو الأميرة الجوهرة بنت بدر بن عبد المحسن بن عبد العزيز.
- سمو الأميرة وضحى بنت بدر بن عبد المحسن بن عبد العزيز.

حفظهم الله جميعا.

********

نشأ الأمير بدر بن عبدالمحسن في بيت علم وأدب حيث كان والده الأمير عبدالمحسن بن عبدالعزيز - رحمه الله -
محباً للعلم والأدب، كما و انه شاعر مبدع ولديه مكتبة ضخمة تضم العديد من الكتب كما أن مجلس والده - رحمه الله - مليء بالعلماء والأدباء وكبار المفكرين في ذلك الوقت مما كان له الأثر البالغ - بعد الله - في حب الأمير بدر للأدب والشعر.

درس مراحله الإبتدائية بين المملكة العربية السعودية و مصر، والمتوسطة في مدرسة الملكة فكتوريا في الاسكندرية، ودرس المرحلة الثانوية في المملكة العربية السعودية .. كما انه درس في بريطانيا ( لندن ) و في الولايات المتحدة الأمريكية.

و لقد استفاد من وجوده في بعض هذه البلدان بلقاءاته مع العديد من الرواد والأدباء و المفكرين و عمالقة الفن من أمثال الشاعرأحمد رامي و محمد عبد الوهاب و محمد الموجي وعبد الحليم حافظ و كثيرين غيرهم.

و في نهاية الستينيات و مطلع السبعينات أصبح سموه رئيسا للجمعية السعودية للثقافة و الفنون حيث اضفى عليها العديد من الأفكار وكان لسموه الأثر الكبير في تطوير هذه الجمعية و الرقي بها.


********


أقام سمو الأمير بدر العديد من الأمسيات و كان أولها الأمسية التي اقيمت في نادي الإتحاد بجدة، و تتابعت بعد ذلك الأمسيات واحدة تلو الأخرى و منها على سبيل المثال امسيات سموه في البحرين، الإمارات، الكويت، و العديد من الأمسيات داخل المملكة العربية السعودية.

********

غنى له العديد من المطربين، على المستوى المحلي و على المستوى العربي و أبرز من غنى له الفنان طلال مداح، محمد عبده، عبادي الجوهر،عبدالمجيد عبدالله ، عبد الكريم عبد القادر، نجاة الصغيرة، خالد الشيخ، عبد الرب ادريس، عبدالله الرويشد و العديد من الفنانين الاخرين.

********

و لقد أحدثت قصائد سموه تحولا في الأغنية السعودية و الخليجية بشكل عام ، حيث نهج سموه أسلوبا جديدا لم يكن معروفا من قبل في الكتابة.و أصبح مدرسة ينهل من معينها العديد من الشعراء الشباب في الوقت الحاضر.

********




تناولت قصائدة العديد من المواضيع المختلفة حيث كتب الكثير من القصائد الوطنية الخاصة بالمملكة العربية السعودية و بعض دول الخليج أثناء زياراته لها، كما انه يعد من أكثر الشعراء كتابة في أزمة الخليج ، و تغنى بهذه القصائد العديد من الفنانين كما انه تناول في قصائده مواضيع مثل الغزل و الوجدانيات و التأمليات و الرثائيات. و أبرز ماقال في الرثاء قصيدته في والده ووالدته - رحمهما الله - .

********

و من أهم الأعمال التي قام بها سموه قيامه بعمل اوبيريتين لمهرجان الجنادرية :
- الأول هو اوبريت وقفة حق في مهرجان الجنادرية السابع عام 1412 هـ - 1992 م.
- و الثاني هو اوبريت فارس التوحيد في الجنادرية 14، و قد حصل هذا الأوبيريت على جائزة في مهرجان القاهرة للإذاعة و التلفزيون حيث اختير هذا العمل من ضمن أفضل الأعمال، و تميز الأخير بالمزج بين الدراما و الشعر مما أضفى على العمل رونقا خاصا.

********

على الصعيد الإعلامي تهافتت الصحف والمجلات الشعرية على تغطية أخبار الأمير بدر منذ بداياته حتى وقتنا الحالي، سواءً عن طريق نشر قصائد سموه أو نشر لقاءات صحفية أو تغطية لأمسياته ، كما ان للقنوات الفضائية والأرضية المرئية منها والمسموعة نصيب من شاعرنا حيث غطت أغلب أمسيات سموه إضافةً الى العديد من المقابلات التلفزيونية والإذاعية.

********

و لسموه اهتماما بالرسم كهواية الى جانب الشعر حيث بدأ الرسم منذ نعومة اظافره و لسموه العديد من اللوحات الجميلة و المعبرة، كما ان لسموه اهتماما بالقنص و صيد الحبارى و أهتمامات عديدة في الكمبيوتر فيما يخص الرسم و التصميم و كذلك الإنترنت.

********

و لسموه ثلاثة دواوين هي :
- ماينقش العصفور في تمرة العذق.
- رسالة من بدوي.
- لوحة ربما قصيدة.
و لسموه العديد من الدواوين التي لا تزال تحت الطبع و هي تحتوي على الجديد من القصائد و اللوحات .

********

مصدر المعلومات : موقعه

هذا عن حياته

وفي الردود القادمة سنطرح قصائده و أعماله المغناة و مرسمه

تحيتي

[أمير المدينة]

صرخة

صَرخة ذكرتك يَوم.. واليَوم مَوعُود ... لجل الوفا لراعيك موفي الوعايد
كنّي بوَقتٍ راح حَاضر .. ومَوجود ... فــ يومٍ غشاه المجد .. عله بعايد
وكن (المربع) توه اليوم مشيود ... جدران طين.. اطمام سقفه جرايد
قصرٍ بني للعدل .. والطيب والجود ... سوره ذرى للناس وفرشه وسايد
يقرا المطوع .. َيرق الحق بسعود ... في مجلسٍ راعيه بالوصف كايد
من حوله سيوفٍ وردنٍ وما هود ... روس الرجَال اشيوخ كل البدايد
اعداه من طيبه غدو تحته جنود ... مَحَدٍ جمع مثله بفعله ضدايد
ستين عام اللي مَضت ياهل العود ... ستين مع ستين غرٍ مجايد
ياالله عَسَى قَبرٍ به الطيب مَلحُود ... يسقي ثراه من أول الغيث جَايد
اللي جَمعنا سَهل وجبال ونجود ... بعد السنين الممحلات الشدايد
يا دارنا عدّك من الناس مَا ورد ... خَيرك على الدنيَا قريبٍ ونايد
ويَا دَارنا بابك عن الذّل موصود ... وزهر الفخر نبتك قديم وجَدايد
وقت العسر بالدم نوفي لك اعهود ... ووقت الرخا بنقول مَدح وقصايد

[أمير المدينة]

الأرض
انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض

***
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر

***
حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود

***
قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي

[أمير المدينة]

http://www.elbader.net/oberaits/images/fares_altaw7eed.gif (http://www.elbader.net/oberaits/oft/index.php)

الاوبريت في عام 1999 ميلادي وفي ذكرى مرور مائة عام على تأسيس المملكة العربية السعودية وقد كتب الأمير بدر بن عبد المحسن نص الأوبريت بتكليف من ولي العهد صاحب السمو الملكي الأمير عبدالله بن عبد العزيز .

" اللوحة الأولى "

الليالي قصـــــة ... والحروف عيون
والحياة مبدأ وسيف ... وغصن من زيتون
وبسمك الله نبدأ
والبداية كلمة ... فجرت هالكون
بالضيا و الرحمة ... بين كاف ونون
وتبعتها كلمة ... ابدعت من طين
النبي آدم ... وعلمته الدين
ونزلت كلمة ... على النبي المختار
وسجدت امه ... للواحد القهار
ومابقى كلمة ... تدعو للاصلاح
قالها الائمة ... في زمان راح
وجدد الكلمة محمد ... وساند الكلمة محمد
ونهضت امة ... محمد امة التوحيد
الليالي قصة ... والزمان بعيد
من مية عام مضت ... ف نجد بالتحديد
شع مصباح وزهرة ... فتحت في البيد
زهرة غير الزهور ... ونور غطى كل نور
اول الفجر وظهورر ... البطل عبدالعزيز

" اللوحة الثانية "

طراد: ياترف ومفارقك يوجع ... مدري متى الوقت يدنينا
لعين في وداعكم تدمع ... والحزن يملي محانينا
ترفه: ياطراد ليت البكا يدفع ... عنا الحوادث وينجينا
ان كنت حي تبي ترجع ... وان مت مالله مخلينا
طراد: والله ماهمني الترحال ... ماهمني غير ثنتيني
اخاف تتبدل الاحوال ... ياترف ماعاد تلقيني
ترفه: لاترتهق عندنا رجال ... هذا الذي بين زنديني
باكر يجي فارس وخيال ... ياطراد وتقر به عيني
طراد: اواه ياما كبر امالك ... وياحر قلبي على مشهور
ياترف فارسك رجالك ... طفل وعمره ثمان شهور
ترفه: ياطراد مانيب عذالك ... ولا اقول مخطي ولامعذور
بقول لاينشغل بالك ... بنشوف عقب الظلام النور

" اللوحة الثالثة "

شمس بدت صفرا عليها سمايل ... عجٍ .. تهز الريح ذابل سفرها
تعثرت باطناب سود الذوايل ... وتسللت والحزن لاقصى حجرها
وتبينت بين الجذوع النحايل ... ويم البيوت الشهب مدت نظرها
كانوا توالي الليل شدوا الرحايل ... وشافت هل التوحيد تلوي غترها
تلطموا عن عجها والقوايل ... والا عن هموم السنين وقهرها
ركبوا وعاجوا ارقاب حيل اصايل ... للشرق .. وكل اوطانهم في ظهرها

" اللوحة الرابعة "

تجرح الليل ونزف ... ضيه على السور العتيق
والريح حاديها عزف ... لحن المسافر والطريق
وطيف على المصمك ... وقف زاد الفجر وجهه بياض
تلمس الطين بشغف ... مال ولثم خد الرياض
لو كان يمنع ها لفراق ... دم على كفوفك يراق
سيلت هالوادي ... وادي حنيفه
خيل مثل دمي شقر ... وسيوف رهيفه
وقف على المصمك وحيد ... صامت تهزه عبرته
يودع اطراف الجريد ... والا معارف مهرته
ناداه صوت من بعيد ... حول ترى حنا شديد
ولو كان يمنع هالفراق ... دم على كفوفك يراق
سيلت هالوادي ... وادي حنيفه
خيل مثل دمي شقر ... وسيوف رهيفه
وداعة الله يالرياض ... وداعة الله يالرياض

" اللوحة الخامسة "

شدوا الرحايل وفاضت ... ركايبهم على بيد
والارض مافيها سكن ... ومافي الليالي عيد
كانوا السراب حتى ... السراب له اوطان
وكانوا الغياب حتى ... الغياب له ازمان
ياطول رحلتهم ... ويا بعد مسراهم
الناس تهجرهم ... والوقت ينساهم
شدوا الرحايل ... للمدى المجروح
بعض السوالف ألم ... والابتسامة نوح
تناثروا عج ... وهبوب رياح
حبات لولو كنهم ... وكن الرمال وشاح
ياطول رحلتهم ... ويابعد مسراهم
الناس تهجرهم ... والوقت ينساهم

" اللوحة السادسة "

يوم التفت والقلب ف الدمع سايل ... وأسوارها طين يعاتب حجرها
ومن الثرى لامسه الخف قايل ... بالله هل الهجن ريضوا بسفرها
شد الرسن واستلحق الحمل شايل ... ومش الحزن ودموع عينه زجرها
انا معزي صفوة اولاد وايل ... نسل الرجال اللي كثيف فخرها
كيف الرياض امست قبور ونثايل ... وعلوم من راحت وراحو بثرها
ان قاله الله يعتدل كل مايل ... وبد الليالي السود يظهر قمرها

" اللوحة السابعة "

عود الثمام ذابل
ومتعرج ظله ... على الحصا والرمل
وتحت سيقانه ... سيل مضى وأمحل
وبيت هجره النمل
لطيورها كانت ملاعب ... اطرافها العيدان
جاها السموم اللاهب ... وحرق الجنحان
القلب ينضح بالوله ... والربع خالي
وأوطان مرت في العمر ... والا ليالي
ما للصحاري فتون
ان غابت اثار الظبا ... عن ها العروق
والناقة المزيون
في عيونها جمر خبا ... وسنامها محروق
عود الثمام عودي ... جف وبراه الشوق
ربي يا معبودي ... تجعل ظلامي بروق
القلب ينضح بالوله ... والربع خالي
وأوطان مرت في العمر ... والا ليالي

" اللوحة الثامنة "

تغربوا ف امواج بيد وقابيل ... سفينة ضاعت بلجة بحرها
شربوا هماج الما وشربوا الثمايل ... وشافوا جفا الايام وذاقوا كدرها
تصبر المجروح والجرح صايل ... وزرع الاماني قام ييبس خضرها
لاهوب لا داله ولا هوب طايل ... قوم رحل عنها وقوم نحرها
يا دار مامنك علوم ورسايل ... من ينطح الركبان وياخذ خبرها
يا دار طول الصبر به حصايل ... ومن يعشق العليا يوالف وعرها

" اللوحة التاسعة "

ان رفعت الصوت ... صحت يابعدك
وان قويت سكوت ... آه,, يابعدك
انت,, والا الموت ... وما احد بعدك
وين ارضك وين ... يادوا المجروح
ان فقدتك عين ... ما فقدتك روح
انت شينك زين ... ارجع ومسموح
في الجدايل شيب ... من سبب هجرك
ولو سنين تغيب ... جيتك عذرك
كيف أببكي عيب ... كود في صدرك

" اللوحة العاشرة "

اقبل على السيف وجلس ... يخط في الرمل بعصاه
وخذا من الغربي نفس ... ريحة زهر نجد ف هواه

في القلب جمر يالرياض ... ذكرك يشبه
ومحد عرف عشق الرياض ... الا نشبه
يجيك غصب يالرياض ... وصادق محبه

كورال:
موج يتكسر في صخر ... وبحر يذكره ابحر
والغربة خنجر في النحر
صوت:
يا فالق المحار ... لاتجيب لي دانه
جب للغريب اخبار ... وش سوت اوطانه
جينا نبي الارزاق ... وشبنا تعب وفراق
راح العمر وطراد ... نسيوه خلانه
صوت:
هواجسه مثل الهبوب ... تسكن لها ساعة وتهيج
ومراكب تبحر جنوب ... تدوّر كنوز بالخليج
بالحيل كنزي يالرياض ... صخرك وطينك
وماشوف عزي يالرياض ... الا فجبينك
قلبي يسارك يالرياض ... وروحي يمينك

" اللوحة الحادية عشرة "

الشمس بين كتوفهم ... والارض طول سيوفهم
والله كل حروفهم
غزو غنايمهم وطن
ماغيروا الا الزمن
بيض العمايم والوجيه ... ماهمهم مال وتيه
الفجر تمر يابس في خروجهم
والعز جلد سروجهم
وفي كفوفهم ... ارسانها احلام
وفي جوفهم ... نور من الاسلام
غزو غنايمهم وطن
ما غيروا الا الزمن
ان حاربوا لجل الحياة ... للموت شبوا سراجهم
ولاكبروا لجل الصلاة ... غطى الجزيرة حجاجهم
غزو غنايمهم وطن
ماغيروا الا الزمن
كورال:
موج تسكر في صخر ... وبحر يذكره ابحر
والغربة خنجر في النحر
صوت:
صوت النوارس غاب ... طير ورحل لرضه
وفل الجناح عقاب ... طير ورحل لرضه
وداعتك ياطير ... لامن رجعت بخير
جب للغريب تراب ... من الوطن وارضه

" اللوحة الثانية عشر "

لابد ان نصلي في القدس ... ان نصلي
في المسجد القديم
قم وارفع الاذان ... ياسيدي لعلي
في لحظة التجلي ... اعود من رميم
اعود في السنابل ... والقطر والنسيم
اعود بالقوافل ... للمسجد القديم
يناسب في عروقي ... نهر من النخيل
يفيض في المآقي ... حزن على الخليل
لو اننا سمعنا ... يا سيدي الاذان
لو اننا اجتمعنا ... ما فرق الزمان
قم وارفع الأذان
ياسيدي ... افيق من نواح
كالحلم من مخاض ... الليل والصباح
اعود للرياض ... من رحلة الجراح
لو اننا اطعنا ... الرشد والصلاح
لربما زرعنا ... في شعبها السلاح
قم وارفع الاذان ... لابد ان نصلي
في القدس ان نصلي ... في المسجد القديم

" اللوحة الثالثة عشر "

ياهيه قم شب العتم بالفتايل ... والصبح خله من ليالي سهرها
وخل الفشق زاد لغزو فلايل ... والما الي وردوا موارد خطرها
فوق اربعين ومالهم من مثايل ... كود الكواكب او غوالي دررها
وحول اربعين وما حسبنا الصمايل ... والقوم يحسب كثرها من ظفرها
تحزموا بالله على كل عايل ... ركبوا وحطوا سهيل بيسر ظهرها
وشقوا الريادي والليالي حبايل ... للموت والعدوان زايد حذرها
كريم يابرق السيوف الصقايل ... في العارض غيومك تحدر مطرها
غطى على المصمك عجاج المخايل ... من قبل ماترمي الصواعق شررها
هذا ربيع يودع الهم زايل ... انهل وبله في الرياض وغمرها
مرقاب اخو نوره عطيب الفعايل ... الصيرمي عقبان نجد صقرها
لامن شهر يصبح هداده هوايل ... ولا من عفا داوا العظام وجبرها

" اللوحة الرابعة عشر "

الكورال:
أشباح,,
اجسادهم ارواح
مروا مرور رماح,, من بين البساتين
اطيوف
مدري شعاع سيوف
والا الفجر مخطوف,, من جفن المعادين
وقفوا على الاسوار خذوا من الاعمار اللي يكفيهم
واللي يرد ويكمل المشوار ويحقق امانيهم
كورال:
ادروب
ظلما ووجف قلوب
وفي الموعد المطلوب,, تجمعوا الغياب
انفاس,,
وصمت همس لاباس
في المصمك الحراس,, مافتحوا الابواب
المغني:
صرخة صداها رعود
وقام اتبعه فهود وصلوا اعاديهم
من خوخة البارود
الحكم لابن سعود ثارت عزاويهم
الرمح يقذفه عبدالله بن جلوي ويستقر في باب المصمك
كورال:
شلفاه,,
لا والله بيمناه,,
هد الحصن واخطاه,, يوم انثني مذعور
والليث,,
محمد دخل من حيث
شاف المنايا غيث,, جاب الامل والنور
المغني:
ها الاربعين رجال والا صخور جبال
مااكبر هقاويهم
اوحظ ها الاجيال خلى سراب الآل
نهر بأياديهم

" اللوحة الخامسة عشر "

يوم ارتوت بالطل شقر الجدايل ... واصابع للغرس تمشط شعرها
تنفست ريح الزهر في الخمايل ... وفكت ازارير الدجى عن نحرها
وتبينت شمس السنين الاوايل ... على العروس اللي عزيز خفرها
من غير ابو تركي كريم الخصايل ... يملى محانيها ويدفع مهرها
هذي الرياض اللي بروس الطوايل ... تركز بيارقها ويضحك ثغرها

" اللوحة السادسة عشر "

قرن مضى بلادي ... اذ تهطل السنين
كالغيث في البوادي ... ويعشب الحنين
للأمس للرجال ... لنخلة .. وطين
تزهو بها الليالي
قرن مضى وانتي ... عزيزة كريمة
في المجد والمعالي ... جديدة قديمة
عظيمة بلادي في ... روحها عظيمة
دنيا لها ودين
تزهو بها الليالي
اميرتي وعمري ... ومجدي العريق
جزيرتي وبحري ... وبيتي العتيق
نحن كمن عهدتي ... دوما على الطريق
كالغر الاولين
تزهو بها الليالي
التبر في ثراكِ والخير والنماء ... يا جنة الصحاري وغيمة الرخاء
للفهد في ضلوعي عرش من الولاء
تاج على الجبين
تزهو به الليالي
من أطهرالبطاحي وأكرم الجبال ... لا ينتهي صباحي لا اعدم الظلال
عبدالله المفدى القائد المثال
ولينا الامين
تزهو به الليالي
لله في بلادي بيت وفي القلوب ... والحب في بلادي كالشمس كالهبوب
سلطان والايادي نبع من الطيوب
لا ينضب المعين
تزهو به الليالي ..

تحيتي

[أمير المدينة]

من مرسمه :

http://www.elbader.net/marsam/big_images/5.jpg http://www.elbader.net/marsam/big_images/10.jpg

[الامبراطور الهاشمي]

اغفر لي الزله



أبيك في كلمةٍ لو هي خطا تغفـر لي الزله
وردتك ظاميٍ وان عز وصـلك بااقطع حبالي
أحبك ذا ترى أول كلامي .. وآخره كله
ولكن وش يضر اليـوم لو تدري عن احوالي
وخذ ما جـاز لك من هالحكـي واللي تبي خلـه
انا لا قلت ما في خاطري والله ما بالي
ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي
وتقـدر تطـوي الدرب البعيد وتقـدر تفـّله
ولكن صعب تمنع في الهـوى صبري وترحالي
وتقـدر تغمد السيـف الرهيف وتقـدر تسلّه
ولكن عـند خلاّق البرية علم الأجالي
متى عمرك سمعت بعاشق قد مات من غلّه
هذاك الحاسد وراعي الهوى تتلفه الأمالي
حبيبي من يعـزك في الهوى ما تقدر تذله
ترى قربك يزيدك بالغلا وان عفتني غالي

[الامبراطور الهاشمي]

الأربعين

ادري ان الوقت يذهب ما يعود
اربعينٍ فارقتني يالعنود
ماطر الايام من غيم الزمان
ما يبل الريق لو مهما يجود
كم شربته صافيٍ بارد قراح
ما دريت ان الظما سر الوجود
كل شمسٍ تلمس اشجار العمر
تحرق الاوراق وتجف الفنود
وكل ريحٍ تدفع شراع العمر
ينقطع به حبل ويميل العمود
اربعين مرت وتوني صغير
انتظر لعل تصدق لي الوعود
والغريب اني على هذا مغبوط
ادري اني بخير لا شفت الحسود
الزمن يا بنيتي كله زوال
ما تخلد كود لحظات السجود

[أمير المدينة]

مشكوور يا امبراطور على الإضافة

[همسات]

الله الله الله يسلام الف شكر لك ولا اختيارك

[همسات]

قصيدة الجريده


الجريده ..
ادري وش سر الجريده
به أحد .. يقطع وريده ..
وينزف أخبارٍ جديده ..
وحنا نقراها الصباح ..
دنيا مكتوبه فـ ورق .. دنيا من دم .. وعرق ..
دنيا مجنونه ارق .. وهم ..
انسرق .. إحترق .. المهم
كلها أخبارٍ سعيده
وحنا نقرلها الصباح ..
لو طبعنا .. صفحة ما فيها خبر ..
لا حروف .. ولا صور
صفحة يملاها البياض ..
صفحة تملانا بياض .. ما يعكرها الحبر ..
كان ذي الصفحة الوحيدة
اللي اقراها الصباح .. في الجريدة

http://www.9ii6.com/up/uploads/49b06aa0b2.gif (http://www.9ii6.com/up/)


الله يرد خطاك


الله يرد خطاك لدروب خلانك ..
لعيون ما تنساك لو طال هجرانك ..
دام الأمل موجود فالنفس خضاعه ..
حق العيون السود السمع والطاعه

الله يردك لي .. يا مطول غيابه ..
يا معـذبي هجري .. مدري وش أسبابه ..
دام الأمل موجود .. فالنفس خضاعه ..
حق العيون السود السمع و الطاعه ..

ياللي بعدك اليوم .. نبكي على باكر ..
صبري عليك يدوم .. مادمت أنا فاكر ..
إن الأمل موجود .. فالنفس خضاعه ..
حق العيون السود السمع و الطاعه ..


http://www.9ii6.com/up/uploads/49b06aa0b2.gif (http://www.9ii6.com/up/)


الا الهوى



ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك ...


http://www.9ii6.com/up/uploads/49b06aa0b2.gif (http://www.9ii6.com/up/)



زمان الصمت


وتِرحَل ..
صَرخَتي تِذبَل
في وادي .. لا صدى يوصل
ولا باقي أنين
زمان الصمت ..
يا عُمر الحُزن والشكوى
يا خطوة ما غدت تقوى
على الخطوة ... على هم السنين
حبيبي .. كتبت اسمك على صوتي
كتبته .. في جدار الوقت
على لون السما الهادي
على الوادي ..
على موتي ... وميلادي
حبيبي .. لو أيادي الصمت
خذتني ... لو ملتني ليل
أنا عمري .. انتظاري لك
لا تحرمني .. حياتي لك

http://www.9ii6.com/up/uploads/49b06aa0b2.gif (http://www.9ii6.com/up/)

[همسات]

ديمه

قلت المـطر . . قالـت من اليـــوم ديمــــه
ما به رعـد . . لا بـرق . . ما غـير هـتان
عشـقٍ جـمع ما بيـن قاعٍ وغـيمه
فـيض على صدر الثـرى دمع الأمزان
هــمس النديم .. الــلي يعـاتب نـد يــمه
صـوت المطـر .. كـنه تعاتـيـب خلان
وتبــسـمــت لا جل الــلــيالي الـقــد يـمـه
وقالـت تــذ كر قـلـت يابـنت نسيان
نـقـض الجـروح الـلي تـشافـت ظـليمــه
ما عاد به وصـلٍ ولا عاد هـجران
ومـا لـلرجا فـي بعض الأحـوال قــيــمه
ومال العـمى صبـحٍ ولو بات سهـران
لــو لــلزمن .. عن نية الغـد ر شـيـمـه
مـا فـــرق أحـبابٍ ولا بعــد أوطان
كلٍ خـصـيم .. وذاق لـوعـة خــصـيـمـه
والـلي خـصـيم الوقـت يا بنـت خـسران

http://www.9ii6.com/up/uploads/49b06aa0b2.gif (http://www.9ii6.com/up/)

صعب السؤال

صعب السؤال .. ليه نفترق !!
صعب السؤال .. وين نلتقي
إنتي الجنوب .. وأنا الشمال ..
وما بيننا .. بحر .. ورمال
لكن نحب .. والله نحب .. وفوق الخيال
.. صعب السؤال
يا اللي اجمل من كلامي عنك وأقرب من سكوتي
آه يا طول المسافة بين احساسي وصوتي
ما هو غريب .. إني أسألك
و إنتي أنا .. كيف أوصلك !!
لا مستحيل .. هذا الرحيل
من يقطع الصمت الطويل
ويــدلنـــي ..
قصيدتي .. وين الحروف .. جف القلم
يا ضايعه .. ببرد الكفوف .. رعشة ألم
قصيدتي .. إلا الندم .. إلا الندم
بتسافرين .. وانتي معي
وبترجعين .. وانتي معي
قصيدتي .. لا تسمعي .. غيري قصيد
يا ساكنة افـ ورق الحشا .. وحبر الوريد


http://www.9ii6.com/up/uploads/49b06aa0b2.gif (http://www.9ii6.com/up/)

عطني المحبه



عطني المحبة ..
كل المحبة .. عطني الحياه..
عطني وجودي ..
ابغى وجودي .. أعرف مداه
املا شعوري .. بالحب مره
ابغى هواكم.. حلوه ومره
وأغلى الأماني .. عاشت في غربه
ياعمر ثاني .. عطني المحبه

عطني في ليل الياس شمعه ..
وبسمة نهار..
عطني في ضياع العمر دمعه..
وسكة ودار ..
واعطيك أمل في الحب غالي ..
يصعب على غدر الليالي ..
وأغلى الأماني .. عاشت في غربه
ياعمر ثاني .. عطني المحبه


http://www.9ii6.com/up/uploads/49b06aa0b2.gif (http://www.9ii6.com/up/)

عطش قلبي


أرفض .. المسافة
والسور .. والباب والحارس ..
آه أنا الجالس ورى ظهر النهار ..
ينفض أغبار .. ذكرى
أرفض .. يكون الإنتظار .. بكرا
أبسقي ..عطش قلبي اليابس..
على اشفاهي ..
بقول أحبك ..
أرفض إني أموت في قلبك
مادرى بموتي أحد .. حتى أنا
أرفض الصورة .. على الرف البعيد
وجهك المحبوس في ورق وحديد
أرفض احساس الحبر
وجرح سكين السطر ..
أرفض الليل ..الحصار
حبنا خلف الجدار
آه أنا الجالس ورى ظهر النهار ..
أنفض أغبار ذكرى
أرفض يكون الإنتظار .. بكرا
مثل البكا .. حبيبتي تحتاجني ..تحت الظلام ..
ومثل الفرح .. حبيبتي أحتاجها .. وسط الزحام
الحب علمها السكوت ..
والحب علمني الكلام ..
أرفض الصمت .. الحوار
بيننا .. خلف الجدار..
أبسقي عطش قلبي اليابس ..
على شفاهي .. بقول أحبك ..
أرفض إني أموت .. أموت في قلبك
مادري بموتي أحد .. حتى أنا

http://www.9ii6.com/up/uploads/49b06aa0b2.gif (http://www.9ii6.com/up/)

عز الكلام
عز الكلام ..
عز البكا والإبتسام ..
عز العتاب ويا العذاب ..
حتى الندم ذاب والأمل أصبح عدم ..
لما خلت كل الدروب ..
لما إنطوت .. شمس الغروب ..
وضيع معاه قصة هوى ..
وعز الهوى حتى على أهل الهوى
عزت على عينه الدموع .. عند الوداع
سلم يإيده للهوى .. سلم وضاع ..
تحت الليالي ضاع وانتهيت .. يا حب غالي ..
وضيع معاه قصة هوى ..
وعز الهوى حتى على أهل الهوى ..
ياما إبتسامه عاشت زمان ..
في عيون حبيبي .. ذبلت في يوم ..
وياما الملامه .. قست حنان ..
في قلب خايف .. جرحه يهون
وياما الهوى عذب كثير ..
لكن بقي فرحه كبير
إلا حبيبي .. عزت عليه ..
دمعة وداع تملا عينيه ..

http://www.9ii6.com/up/uploads/49b06aa0b2.gif (http://www.9ii6.com/up/)

هلي الجدايل
هـــلي الجدايل.. ظــلليني عـــن الشمس
و داري جــبيني عــن لهيب الســـمومي
لا تســـــــاليني.. عن عذاب مضى امس
انـا نصيتك هـــارب مــن هـــــــمومي
ما تـلمسين الجرح في مهجـــتي لمس
جــــرح الهوى ما يسترنه هــــدومي
يظهر على صمتي.. ويــنزف مع الهمس
وبدمعةٍ يفضح.. بقـــايـــــــــا عـلومي
إن ما كفاك اني وهبتـــــك هوى النفس
وســـــهد الليالي يوم انا انكرت نومي
خذي الرجا .. خلي ولو راحة الياس
لمي الجدايل عن لظى الشمس قومي



http://www.9ii6.com/up/uploads/49b06aa0b2.gif (http://www.9ii6.com/up/)


ناي
في الشارع .. عتمه ونور ..
زحمه .. واشارات المرور ..
تاقف على انفاس الطريق ..
مشيت أنا .. وهمي العتيق ..
وقبل التعب .. مايهدني..
سمعت صوتٍ شدني ..
ناي .. في صوتها ناي ..
غني وجرحني الشجن ..
دقات قلبي .. وقفن..
وخطاي
قالت وش الوقت ...
ناظرت ليل اعيونها ...
وصبح الجبين ..
ومرت ثواني صمت ...
وقلت الزمان .. انتى..
وكوني اللي تبين ...
من يومها ماعاد اناظر ساعتي ..
وش حاجتي .. أعد الزمان ..
وهى الزمان الجاي ...



http://www.9ii6.com/up/uploads/49b06aa0b2.gif (http://www.9ii6.com/up/)


ياصاحبي

يا صاحبي ..
ما في الهوى راحه ..
احذر تبيع القلب .. لجراحه ..
مسكين .. من قال الهوى جنه ..
يومين .. ويغير هواه ظنه ..
ويقول.. ما في الهوى راحه .. يا صاحبي ..
بحر العيون .. خذنا معاه مشوار ..
موجه غدى بينا ..
بحر العيون .. لا توهق البحار ..
يبعد عن المينا ..
ويا صاحبي .. ما في الهوى راحه ..
عمر الزمان .. ما لوع المشتاق ..
والله الزمن مظلوم ..
كيف الحنان.. يقسي على العشاق ..
صار الضنى مقسوم ..
ويا صاحبي .. ما في الهوى راحه ..


http://www.9ii6.com/up/uploads/49b06aa0b2.gif (http://www.9ii6.com/up/)

[أمير المدينة]

مشكورة على الإضافات

تحيتي

[همسات]

العفو

[أمير المدينة]

أجمل ما قال البدر في :-

" العشق "


عندما يحدثني أصدقائي 00 عن قصص العشق 00 أشعر بأني سأذج 00
ليس هناك قمر 00 أو شباك 00 أو شجرة لوز00
ولا حتى شعر 00 فيما يروونه لي من قصص!
وأنا لا أتحدث كثيرا 00 عما في قلبي 00
ولا أجيد الكذب00
ولا أزال أنظر إلى السماء بالعين المجردة00
وأعتقد أن الزهور كانت موجودة قبل الحدائق00
وأن الوصال00 يكتمل أحيانا بالنظر00
وأن لحروف الحب رائحة النعناع00
وطعم الرطب الناضج
أشعر أني ساذج 00 لأنني لا أراك بما يكفي 00
وأحيانا00 لا أراك بما لا يكفي00

مجلة المختلف عدد 93- أبريل 1999 ص 98- 99

===

كلمات الحب:
النبات 00 حب
ينشأ بين البذرة والريح00
والريح والرمل00
والرمل والمطر00
شبيه بحبنا00 نحن البشر00
الريح لاتختار أي بذرة تحمل00
والبذرة لا تفكر في أي رمل تسكن00
والمطر لا يهتم إن تساقط على وادي 00 أو رابية00
ونحن نهتم 00 ونفكر00 ونختار00
لماذا00 برب العباد00
لا نحب مثل النبات00؟
قالها العجوز00 قالها ثم مات00
مجلة المختلف العدد 20

[همسات]

من قصائد البدر الوطنية


هذا نشيد وطنى بعد اغتيال الملك فيصل وبيعة الملك خالد

ربنا واحد


ربنا واحد .. ودربنا واحد ..
كلنا فيصل .. وكلنا خالد ..
كلنا فيصل .. يا سيوف العز .. والمجد الدليل
وكلنا خالد .. بالعمل والجد .. والرأي السديد
حنا الى مات البطل فينا شهيد ..
أحفاد أبو بكر .. وعمر وابن الوليد ..
في جبين الشمس .. حافرٍ اسمه على خد القمر
وفي قلوب الشعب .. خالد ٍ فيصل .. في طول الدهر
حنا الى مات البطل فينا شهيد ..
أحفاد أبو بكر وعمر وابن الوليد ..

http://www.9ii6.com/up/uploads/e413d4b96f.jpg (http://www.9ii6.com/up/)


هل التوحيد
من هل التوحيد للقايد سلام ..
للفهد ..
وان دعانا شيخنا الشهم الإمام..
للوعد ..
حدنا الشرقي الوعد ..
دارنا مثل العروس .. وكلنا خطابها
من يبي شمس الشموس .. من يحب ترلبها
مهرها بذل النفوس .. سترها واحجابها
كلمة الله والحسام
لا همى وبل الرصاص .. مرحباً بحتوفنا
ودنا ناخذ قصاص .. أهلنا وضيوفنا
يالعدو مالك خلاص .. تحت ضرب اكفوفنا
لين ترضخ للسلام ..
يا عدو الله .. نويت تستبيح بيوتنا ..
مانت كفوٍ لا هقيت .. دون هذا موتنا ..
وراجعة أرض الكويت كان تسمع صوتنا ..
ورب ذا البيت الحرام .. وغصب عن جيش الظلام ..
شيخنا عمرك يطول .. وللعدو ذل وكمد
القادسية اللي يقول .. جندها من هالبلد
ديرتي دار الرسول .. وانجبت أرضي سعد
فخرنا الدين الحنيف .. وشذرة السيف الرهيف
الله .. الله .. ما سواه .. به نعين ونستعين ..
ما رميت الله رماه .. طاح في اسد العرين
يتبع الطاغي هواه .. ونتبع الحق المبين
ومن مع الله ما يضام ..


http://www.9ii6.com/up/uploads/e413d4b96f.jpg (http://www.9ii6.com/up/)



الله أحد


الله أحد.. وارضي بعد ..
ارضي تحت ظل الفهد ..
في يدنا كتاب الله .. وفي يدنا الحسام
إخوان من طاع الله .. في حرب وسلام
الله معك يا بلادي ..
حنا الوفا من طبعنا .. وعادتنا طيب وكرم
حكامنا من شعبنا .. هذا اخو وهذا ابن عم
حنا جسد فيه الفهد روح .. حنا بلد للخير نبني صروح
في يدنا كتاب الله .. وفي يدنا الحسام
إخوان من طاع الله في حرب وسلام
الله معك يا بلادي ..
لي ديرةٍ عالي السحاب .. يسكن في شم جبالها
اطهر ثرى .. وأغلى تراب .. تفخر بفعل رجالها
حنا جسد فيه الفهد روح .. حنا بلد للخير نبني صروح
في يدنا كتاب الله .. وفي يدنا الحسام
إخوان من طاع الله في حرب وسلام
الله معك يا بلادي ..


http://www.9ii6.com/up/uploads/e413d4b96f.jpg (http://www.9ii6.com/up/)


صرخة




صَرخة ذكرتك يَوم.. واليَوم مَوعُود
لجل الوفا لراعيك موفي الوعايد
كنّي بوَقتٍ راح حَاضر .. ومَوجود
فــ يومٍ غشاه المجد .. عله بعايد
وكن (المربع) توه اليوم مشيود
جدران طين.. اطمام سقفه جرايد
قصرٍ بني للعدل .. والطيب والجود
سوره ذرى للناس وفرشه وسايد
يقرا المطوع .. َيرق الحق بسعود
في مجلسٍ راعيه بالوصف كايد
من حوله سيوفٍ وردنٍ وما هود
روس الرجَال اشيوخ كل البدايد
اعداه من طيبه غدو تحته جنود
مَحَدٍ جمع مثله بفعله ضدايد
ستين عام اللي مَضت ياهل العود
ستين مع ستين غرٍ مجايد
ياالله عَسَى قَبرٍ به الطيب مَلحُود
يسقي ثراه من أول الغيث جَايد
اللي جَمعنا سَهل وجبال ونجود
بعد السنين الممحلات الشدايد
يا دارنا عدّك من الناس مَا ورد
خَيرك على الدنيَا قريبٍ ونايد
ويَا دَارنا بابك عن الذّل موصود
وزهر الفخر نبتك قديم وجَدايد
وقت العسر بالدم نوفي لك اعهود
ووقت الرخا بنقول مَدح وقصايد


http://www.9ii6.com/up/uploads/e413d4b96f.jpg (http://www.9ii6.com/up/)

عزالوطن

الله الأول وعزك ياالوطن ثاني
لأهل الجزيرة سلام وللملك طاعه
حنا جنود الحرس للقايد الباني
رمحه .. ودرعه .. وكف الشيخ وذراعه
مثل السيوف البواتر وان جنى الجاني
يضرب بها ارقاب من بالدار طماعه
من بان عبد العزيز وصبحنا باني
ما عاد نقبل ظلام الليل لو ساعه
في السلم يشهد لنا عمار الأوطاني
وفي الحرب لأرواحنا للموت بياعه
حنا سياج الوطن عن كل عدواني
والجيش والأمن ساري العز وشراعه


http://www.9ii6.com/up/uploads/e413d4b96f.jpg (http://www.9ii6.com/up/)

[إبتــــسامه]

الصاحب

يا صاحبي .. والليالي سود
يا صاحبي .. والزمن صافي
اللي إلى احتجت له موجود
واللي إلى من وعد يافي
ما هو على المرجلة محدود
تقول مكتوف بكتافي
ما جور ياللي رقيت إسنود
عرض الجبل .. وانيٍ حافي
يوم الردى مسكنه فـ .. لحود
مسكنك في راس مشرافي
والله لوفي التحرص زود
كان العمر ما نقص .. وافي
وليت الرخا لا اجتمع والجود
تقاسمه شهم .. وسنافي

من موقعهــ


تسلم امير ..

[أمير المدينة]

سارة

من كُتب الحب العتاق .. وتاريخ القراق
وستاير الدمع الرقاق ..
جمعت قلبي غبار .. وقطع فخار ..
ومن على المرمر البارد ..
ومن ما نسته النار .. من غيمي المحروق ..
وحملت عيوني وركبت أول سفينه تبحر ..

على وجهي الاصفر .. خريفٍ طال ..
وسلال من رذاذ وملح ..
وفي صدري حجارة نسيوها بحاره ..
مروا علي فـ يوم ..
وقالوا تعال معنا .. وما كان يجمعنا ..
إلا الضياع والريح ..

راجع من الايام .. من الاحلام ..
ومن الف سناره .. مغروسة بقلبي ..
لقيت لي بشارة .. ما اغلى عطا ربي ..
أثر العمر ساره .. وموج البحر ساره ..
وكل المدى ساره ..
سافرت كل العمر .. وراجع احب سارة ..

http://www.elbader.net/intro/sarah_poem.jpg

[همسات]

الحل الصعب



اسقني حب .. أو إسقني فرقا
إن صبرت الشقا .. أو هجرت أشقى ..
العمر يمضي .. والجروح تبقى ..
اختر الحل الصعب .. يا تفارق يا تحب ..

لا تردد في غرامي .. ابتسامي دمع ..
وسكوتي كلامي ..
افتح يدينك .. لـ شمسي ولـ هبوبي ..
كحل عيونك .. بدمعي وبـ شحوبي
واعشق الهم اللي فيني ..
هذا إن كانك تبيني ..
اختر الحل الصعب .. يا تفارق يا تحب ..

لا تحدد لي مراحل .. يا تجيني حب ..
يا تودعني راحل ..
هذي ورده للهوى .. وهذي جروحك
عطني روحي سيدي .. أو خذها روحك
وش بقى ضاعت سنيني .. يا بعد قلبي وعيني ..
اختر الحل الصعب .. يا تفارق يا تحب ..

[همسات]

الحيقيقة المفجعة

للحقيقة أنا أوجعت... أكثرمن ما توجعت ...
وجرحت ...أكثر من ما أنجرحت ...
واعتذاري ... أكثر من لومي ...
لكن هذا ما حرمني نومي ...
ولا أثقل ضميري ...
والسبب إني ما كنت البادي ...في عمري ...
والأكيد من كسر ظفري ...
كسرت اصبعه ...
هاذي الحقيقة المفجعة...
للأسف ... ما كان عندي الجزاء من نوع العمل ...
ولكن الذي حصل ...
أما عن الناحية المشرقة من القمر ...
أنا أحتفظ بالجيد من الذكريات ...
والصور ...
وكل مؤلم يبهت في ذاكرتي وينمحي ...
تدري ... الانسان اذا كان ما يستحي...
إنه يقول أخطيت ...
دايم ذكرياته جيده ...

[همسات]

http://www.9ii6.com/up/uploads/d3389160d1.gif (http://www.9ii6.com/up/)

يا ويلاه ...يا ليالي ..
الزمن ..ما خلا غالي .. يا ليالي
طال صبري .. واحتمالي .. يا ليالي ..
والزمن ما خلا غالي .. يا ويلاه ..
مري يالريح الحزينه عند بابه ..
قولي ضاقت بي المدينه من غيابه ..
قولي ضاقت بي الليالي يا ليالي ..
والزمن ما خلا غالي .. يا ويلاه ..
كان حبيبي واللي باقي ليّ .. ذكرى
كان حبيبي واللي نسى عمري بكرا ..
كان حبيبي يا ليالي .. والزمن ما خلا غالي ..
عللي الدمعه العنيده بالاماني .. ياهوى
واخدعى الروح الشريده لا تعاني فـ النوى ..
من عذابي في الليالي .. ويازمن خلي لي غالي بس غالي
يا ويلاه ...
ليل الهوى ... يا ما على الدرب عشاق
نار العواطف الهبتني ليالي

http://www.9ii6.com/up/uploads/d3389160d1.gif (http://www.9ii6.com/up/)

[همسات]

http://www.9ii6.com/up/uploads/d3389160d1.gif (http://www.9ii6.com/up/)

ضايع في المحبه ..
وداير وسط غربه ..
يا اسم الوصول .. الغربه راح تطول
ومشيت حتى تعبت .. ووصلت وما وصلت
شاري من الليالي .. اماني تعيش ليالي ..
تضيع فــ كل ليلة ..

وبايع قلب غالي .. تعبني بارتحالي ..
محبة مستحيله ..
يا اسم الوصول .. الغربه راح تطول
ومشيت حتى تعبت .. ووصلت وما وصلت ..
ساعة ما لقيتك .. بعد البحث عنك ..
وضمتني عيونك .. وسط الحب منك .. عرفت المستحيل ..
عرفت اني غريب ..عنك عايش في غربه ..
بعيدعمري ما حوصل ..اليك او للمحبه
وصولي مستحيل ..
يا اسم الوصول .. الغربه راح تطول
ومشيت حتى تعبت .. ووصلت وما وصلت

http://www.9ii6.com/up/uploads/d3389160d1.gif (http://www.9ii6.com/up/)

[همسات]

ما نسيتيني

http://www.9ii6.com/up/uploads/d3389160d1.gif (http://www.9ii6.com/up/)

ما نسيتيني ..
علمتني .. نجمة الصبح .. وزهرة البستان
تصرخ الجدران ...الهوى البيبان
لو هجرتيني يحلف الهجران ..
ما نسيتيني ..
احرق جسور الوصل بينك وبيني .. وازرع الاشواك ..
غمضي عيونك عسى ما تشوفيني .. واقفل الشباك ..
باقولها مره .. لو الحروف مره
مستحيل الياس ..
باقولها وانتي .. في الجفا حره ..
انما الاحساس .. ما نسيتيني ..
علمتني نجمة الصبح .. وزهرة البستان
لو هجرتيني يحلف الهجران ..
ما نسيتيني ..

كل عاشق له امل ينتظر باكر موعد الخلان ..
آه انا رغم الجفا راضي وصابر ..
واسأل النسيان ..
باقولها مره لو الحروف مره

مستحيل الياس ..
باقولها وانتي في الجفا حره ..
انما الاحساس .. ما نسيتيني ..
علمتني نجمة الصبح .. وزهرة البستان
لو هجرتيني يحلف الهجران ..
ما نسيتيني ..
http://www.9ii6.com/up/uploads/d3389160d1.gif (http://www.9ii6.com/up/)

[همسات]

عندك أمل

http://www.9ii6.com/up/uploads/d3389160d1.gif (http://www.9ii6.com/up/)


عندك أمل .. عندك ..
محتاج أمل منك ...
يا فرح عمره ما اكتمل ...
يا جرح لسه ما اندمل ...
محتاج أمل منك يكون ...
طاغي الخطى .. دافي العيون ...
وعندك أمل عندك ...
عندك أمل يضوي .. نجومي في السما ..
عندك أمل يروي .. يروي بساتين الظما ...
محتاج أمل منك يكون ...
طاغي الخطى .. دافي العيون ...
وعندك أمل عندك ...
إنت حبيبي ... والهوى صحبه وطريق ...
إنت رفيقي ... وما ابي غيرك رفيق ...
محتاج أمل منك يكون ...
طاغي الخطى .. دافي العيون ...
وعندك أمل عندك ...
http://www.9ii6.com/up/uploads/d3389160d1.gif (http://www.9ii6.com/up/)

[همسات]

سرى ليلي

http://www.9ii6.com/up/uploads/d3389160d1.gif (http://www.9ii6.com/up/)

سرى ليلي سرى .. سرى ليلي
ألا وين الكرى .. سرى ليلي

واعدوني القمر .. إلى ظهر نوره ..
يرسلوا لي خبر .. أو خط أو صوره ..
واتركوا لي السهر .. والسهد في ليلي

واعدوني القمر .. مثل القمر خلي
إن وعدني ظهر .. وإن غاب يرسل لي
كيف خلي غدر ... وأهمل مراسيلي

واعدوني القمر ... واثر القمر ناسي
مثل خلي هجر ... يا قلبه القاسي
واعدوني القمر .. . واطفوا قناديلي

http://www.9ii6.com/up/uploads/d3389160d1.gif (http://www.9ii6.com/up/)

[بدر055]

مشكووووووووور

والله يوفقك

[أمير المدينة]

العفو

[همسات]

--------------------------------------------------------------------------------
مرثية فى والده

قصيدة : غزوك يا شيخ انكف
غزوك ياشيخ انكف .. تباريه الأعوام
ستين كون ومَا بها قامةٍ يَوم
قلت العلوم وبرزوا .. رمح .. لجام
عِقر الجواد .. وصوب الشيخ بسهوم
هَذي سواة السَيف في كف مقدام
ضربٍ بحد السِيف يثر به ثلوم
ودَرب الفخر يحتاج قلطات وزحَام
وإلى ظهر فعلٍ ترى النصر مقسُوم
إن وقفت في وداعك اليَوم الأيَام
وتهايقت بتشوف وجهك مَع القوم
فــ إنت الذي اتعبتها طيب وخصَام
وقهرتها يا شيخ ظَالِم ومظلـــوم
إن سَاعفت مَا ثمنت عندك حطام
وإن عَاضبت ما شلت من همٌها هموم
لين احتمى وقتك ورى غدر الاسقام
خوف وَرماك بسَهم وَالسهم مَسمُوم
يا بوي ليت الموت يرضى بالأسوام
يقبل بأحد غيرك ونرضيه بالسَوُم
ياخذ بدل يَومك من اعمَارنا عَام
يفدي مطيحك خادمك كان بتقـــوم
يا بوي انا ما في يدي كود الاوهام
وش في يدي والموت حقٍ ومقسوم
لا شك من يفنى على دين الاسلام
وطِيب الذكر يكفيه لا قيل مرحوم
مَرحوم يَا ريف الارامل والايتام
يَاللي رفيقك دوم مكرم ومحشوم
هَداج تيما .. وان زما الضد لطام
ولا جا اللزوم الصّعب يقضيه زيزوم
كلٍ يشيله بالعمر دم وعظام
وانته تشيلك عزة النفس والزوم
ومَا كل نصلٍ من ورى غمده حسَام
وش عاد لو هو بـافخر الدر مرسُوم
واعيني اللي في البكا قد لها عَام
أنا أشهد ان الدمع ميعاده اليَوم
حطي على خدّي كَمَا الكي ميسام
إن كان لي في الدمع تفريج لغموم
ولا صَار ما يطفي لهب نَار الآلام
ولا موسّعٍ ضيقه ولا جَالبٍ نوم
تبسّمي بَعض البكا فـ التبسَام
وأقسى الحزن ما كان في النفس مكتوم

http://www.sr5at.com/up/uploads/eec1cda321.gif (http://www.sr5at.com/up/)


http://www.sr5at.com/up/uploads/445fed0067.jpg (http://www.sr5at.com/up/)

جلالة الملك خالد بن عبدالعزيز تولى مقاليد الحكم عام 1375هـ. وهو عم الأمير بدر بن عبدالمحسن ولقد توفي توفي في شعبان 1402هـ. رحمه الله وأسكنه فسيح جناته.



قصيدة : صار الحكي كنه سكوت
في رثاء جلالة الملك خالد بن عبد العزيز طيب الله ثراه


ياسيدي صار الحكي كنه سكوت
وين القصيد .. وكيف أبا ألقى المعاني
بغيرك حروفي من ذهب .. حص .. ياقوت
أما أنت يعجز عن مقامك لساني
فـ .. أقصى ضميري جاير الحزن مكبوت
أبيه أنا لنفسي .. وحزنك عصاني
واشيخنا اللي وإن خذاه القدر فوت
عمره سنين .. وعمر غيره ثواني
ما أحدٍ بنى لشعبه مشاريع وبيوت
وأسكن بقلبه ساكنين المباني
إلا أنت ياشمسٍ محت كل طاغوت
يابو الوفاء .. والطيب .. بحر الحساني
عذروبك إنك مثلنا .. تشيب .. وتموت
وعذروبنا من حماك نلنا الأماني
لا .. لو يموت الح .. للحب تابوت
جفن المحب .. وخلجة ف المحاني
ويا سيدي صار الحكي كنه اسكوت
وين القصيد .. ووين أبا القى المعاني


http://www.sr5at.com/up/uploads/eec1cda321.gif (http://www.sr5at.com/up/)


قصيدة كتبت في رثاء صاحبة السمو الملكي الأمير العنود بنت عبد العزيز. رحمها الله و اسكنها فسيح جناته.




قصيدة : سهيل العنود
ان بكى الليل والدمعات سود
وسال كحل ٍ على قمرا الخدود
أعرف انه هوى نجمٍ فريد
مثل نوره سديم بلا حدود
حسبي الله عدد ضي النجوم
ورحمة الله على سهيل العنود
عمتي يشهد الله عمتي
هذا حق النسب وأغلى الجدود
وعمتي في المحبة والعطا
وعمة الناس يالقلب الودود
والله أكبر خذت منك السنين
كثر ما غيبت منك اللحود
والله أكبر خذيتي من السنين
كل ما يجعل الذكرى خلود
وأكثر الناس حقٍٍ في البقا
من إلى بخلت الدنيا يجود
ويحمد الله على طول الحياة
من قصَرها على تقوى وسجود
ما على الزهر لومٍ لو بكى
وذير الصوت غزلان النفود
خلّ نجدٍ تبوح بحزنها
قبل تنسى معــالمها النجود
كل شي مرده للزوال
وكل عبدٍ .. لخلاقـــه يعود

http://www.sr5at.com/up/uploads/eec1cda321.gif (http://www.sr5at.com/up/)



http://www.sr5at.com/up/uploads/320b5f63ef.jpg (http://www.sr5at.com/up/)


ولد في مدينة الرياض عام 1328 هـ وهو أول أمير سعودي للمدينة المنورة تولى إمارة المدينة المنورة في 20 جمادى 1344 هـ. توفي في الرياض رحمه الله و اسكنه فسيح جناته.


قصيدة : السيف و الكرم

في رثاء صاحب السمو الملكي الأمير محمد بن عبد العزيز يرحمه الله


اظلم الطرس واحتار القلم
ولبست الشمس ثوبٍ من عسام
عزوا السيف في موت الكرم
وعزوا الجود في موت الحسام
الله أكبر إلى طاح العلم
تبكي الحرب حزنه والسلام
خليت الدار من راعي الشيم
رابع الصيد من نسل الامام


http://www.sr5at.com/up/uploads/eec1cda321.gif (http://www.sr5at.com/up/)


http://www.sr5at.com/up/uploads/fc04c4646a.jpg (http://www.sr5at.com/up/)



صاحب السمو الملكي الأمير فهد بن سلمان بن عبدالعزيز درس سموه فى معهد الانجال ثم معهد العاصمة النموذجى حتى تخرج من الثانوية 0 درس عدة اشهر بجامعة الملك سعود 00 ثم درس بالولايات المتحدة الامريكية فى مجال ادارة الاعمال 0
عاد الى المملكة وعمل بوزارة الداخلية 0 عين سموه نائبا لامير المنطقة الشرقية عام 1406 حتى عام 1412ه 0
ثم عمل سموه اعمالا حرة فى القطاع الخاص 0 تولى سموه الامانة العامة للجمعية الخيرية لمرضى الفشل الكلوى0 له اسهامات متعددة فى اعمال البر والخير من خلال دعم الجمعيات الخيرية توفي رحمه الله في 4 جمادى الاولى 1422ه الموافق 25 يوليو 2001م0
رحم الله سموه وغفر له واسكنه فسيح جنته 00



قصيدة : مالنا فيك يالطيب نصيب
مرثية في صاحب السمو الملكي الأمير/ فهد سلمان بن عبدالعزيز ( رحمه الله )


مالنا فيك ياالطيب نصيب
الله اللي كتب هذا السفر
جيت دار الفنا مثل الغريب
ورحت عنها مراويح المطر
كن ودك تغيب ولا تغيب
صرت مثل السنابل والزهر
يافهد وش نقول انك حبيب
صافي الحب في قلبك نهر
يافهد وش نقول انك قريب
اسأل العين عن قرب النظر
يافهد نكتبك لطفٍ وطيب
أو نعزي بك رجال الفخر
يافهد .. نندهك ليتك تجيب
فاقدينك مثل شمس وقمر
سهم الأقدار يقتل من يصيب
يالله انا .. رضينا بالقدر
بس في صدورنا دمع ونحيب
لو نثرناه .. ذوب له صخر

http://www.sr5at.com/up/uploads/eec1cda321.gif (http://www.sr5at.com/up/)



قصيدة كتبهاالبدر لعمته سمو الأميرة البندري بنت عبد العزيز .
مشاركة لها في مصابها بوفاة إبنتها



قصيدة : سدرة في نجد
الله يحبك كثر ماشقق البرق
سود الدياجي وانبت الغيث وارق
والله يثيبك كثر مابان من شرق
نجم وغاب فـ لجة الغرب شارق
يا سدرة في نجد يلقى بها الورق
للنوح غصن وللمعالي بيارق
لك الشموخ لباس .. عاليك للعرق
وباقي النسا خرص الذهب والعشارق
والله ما مثلك كتم آهته حرق
وما كن مسك من لياليه حارق
وقت الى منه كسر رمحه الزرق
بالنار يودع في الحنايا مطارق
يا هيه حول مثل ما تشتهي وإرق
وإفطن لقبرك بين هاك المفارق
الوقت يسرق باقي اعمارنا سرق
ما نجتمع .. إلا وحنا نفارق
ياعمتي .. بعض العزا يتعب الطرق
ما ينكتب والحرف بالدمع غارق
كل شكى لوعة لياليه والفرق
واللي يبي ما عند رب المشارق

[همسات]

قـصـائـد في.. وضـحـى

لندن.. يوم مضى:
السـيارة تـنـزلـق عـلى الأسـفـلت الرطـب .. مطـر آخـر .. وانا في طـريقـي للمسـتـشـفى
تـزد حـم في صــدري كــلـمــات نجـــد يـه .. أحــاول ان انـظــم ا حـلاهــا في .. عــقــد
أتـمـنـى انـجـازه .. قـبــل ان نـصــل ....
د خـلـت عـلـيهـا حـجـرتـهـا ... مـشــرقـة .. هي .. رغــم .. رمـاديـة الـحـجــره ..
وصرامـة الممـرضـه.. التي تـسـتحـث .. شــريـانـهـا الـمنـهــك .. ليـسـتـوعـب الـمـزيـد
مـن الـسـائـل الـبــارد ...
أبـتـسـمـت لي .. وانـا أ قـبـل يــدهــا .. فـقـلـت .. أنـا قـايـل فـيـك .. قـصــيـده ..
اتـسـعـت ابـتـسـامـتها .. وزادت ا شــرا قـا .. حـتى تـمـنيـت ان نــكـتـفي .. أ نـا وهـي..
بـهـذا القـدر من البهجـه .. كـدت أن أقـول.. يـمـه قـصيـدتي ماهي حـلوه الى هـذا الحـد

كـل حــب تـغــيـر وانــمـحـى .. مـن حـنـايـاك يالـقــلـب الـقــديـم ..
كـود نبض عـلى وضحى صحى .. أول العـمر يوم اني فـطـيم
أعـشق الوضح لاجلك والضحى وضوح برق الوسامى في العـتيم..
اقـبـل الصـبح واللـيـل انتـحى .. ابـشـري بالفـرج والله كـريـم

أمي .. تعـتـقـد انني شاعـر عـظيـم ( وكل أم تعـتـقـد ان ابنها عـظـيم بشـكـل ا و بآخـر)
يـكــفي ان جــدي .. عـبـيـد العـلـي الـرشـــيــد .. وخـالي .. ضـاري .. وقـد ورثـت ...
وعـنـدمـا أ قـول .. ا نـتـي مـثـل قـمـرا عـلى صـفـحـة الـمـا..
لـه صـورة عـنــدي وهـي في السـمـا فـوق...
لـه.. تعـني ان للـسـناعـيـس مـن دمـي قـسـط وافـر.. وا نـها محـقـه في اعـتـقـادهــا
أن جـدهـا .. عـبـيـد .. فــارس وشــاعــر عــظـيـم ...

جـده .. يـوم قـريب مـضى :
عـبرت المـدخـل وانحـرفت الى اليمين .. ووقـفـت في انتـظار المـصعـد..
وضـعـت يـدي عـلى قـلبي .. لأطـمئن أن تـلك الـورقه .. بجـانب القـلب..
دخـلت حجـرتها .. ووقـفـت أتامـلـهـا زمـنا .. كـانت غـافـية وفي صـدري
أحـزان لا تـنام .. ما ان فـتحـت عـيناهـا .. شعـّـت ابتـسـامتهـا الحـبيبـه..
تطـرد الشحـوب والتعـب .. قـلت ..أسـمعــك .. قـصيـده.. كــتـبتـها فـيـك..
فـلـم تسـمعـني..رفعـت اخـتي صـوتهـا قائـلة.. بـدر.. كاتب فيك قـصيـده..

وضـحـى لها زين المخـاليق كـلـّـه ...
ايـضــا.. وفـوق الزيـن حـشـمـه ومـقـدا ر
أحــبـهـا ما يـكــفي ا لوصـف كـلـه ...
تبقى الحـروف حـروف وأشـعاري أشـعـار

غـمـرتني بابـتـسـامـتهـا.. مـرة آخـرى.. وهـمـسـت .. بعـيونـكـم أنـتـم بـس

الريـاض .. هـذه اللحـظـه ..
وقـد مـضـت أسـابيع عـلى وفـاتها رحـمها الله .. مازالت الكـلمات النجـديه
تزدحـم في صـدري .. في الـسـيارة .. والـبيـت والمـكـتـب .. وعـقـد رثائها
لـم يـكـتـمل .. هـذه المـره المـشـوار طـويل .. طــويل .. والمـصـعـد معـطـل
والـحـجــره مـوصــده ... مـا فــائـدة .. قــصــائـدي .. ان لـم تـســمـعـهـا ..
وضـحــى ...

[همسات]

مـقـاطـع شـعـريـة


لـيلي مـثـل لـيـلك أو هـمـومنـا غـيـر ...
قـللي صـباحـك مشـرقه مع صـباحي ...
جـاك الـظلام وجـاك ربـع ومسـامـير ...
وجـاني الـظلام وكـل ما أحـب راحي ...
عـلمي بنور الشمس وقـت المعـاذير ...
قـال الـوداع وقـلت دربـك ســمـاحي ...

http://www.sr5at.com/up/uploads/d77cab89ef.gif (http://www.sr5at.com/up/)


عـن كـل نجـم ظهـر باسـدل أجـفـاني ...
لاعـل ماأعـيش حـزني لحـظه غروبه ...
وعـن كـل خـل حزين الصمت كـفاني ...
الصاحـب اللي قـليل الهـرج عـذروبه ...
خـبرت نصف حـيا مع نصـفه الثاني ...
بعـضي رمـاد وبعـضي نار مشـبـوبه ...
http://www.sr5at.com/up/uploads/d77cab89ef.gif (http://www.sr5at.com/up/)


ان مات الحـكي ماعاد ينفع ضحكي ونواحي..
يقولون الذي كاره يلاقي للفراق أسباب..
أمانه لو عـشقت فـيوم غـيري تذكـر جراحي..
ولا تترك حبيبك مابقى للعـاشقين عـتاب..
مـفارق والذي يخـليك لحظه بطفي مصباحي..
تعـرى الدمع ساعدني البسه الظلام ثياب..

http://www.sr5at.com/up/uploads/d77cab89ef.gif (http://www.sr5at.com/up/)


أنا باظهر من سكوتي قبل شمس الورق ماتغـيب
قبل حبر الليالي يجـف وانا ماغـنت حروفي
تعالي نتبع الضيء البعيد فـ عتمة التغريب
ولو ملليتي من أجمل قصايد غـربتي روحي

http://www.sr5at.com/up/uploads/d77cab89ef.gif (http://www.sr5at.com/up/)

احـبـك هـذا تـرى أول كـلامي واخـره كـله..
ولكن وش يضر اليوم لو تدري عن احوالي
وخـذ ما جاز لك من الحكي واللي تبي خلله..
انـا لا قـلـت ما في خـاطـري والله مـا ابـالي
تقـدر تطـوي الـدرب البعــيد وتـقـدر تفـلـّـه ..
ولكن صعـب تمنع فالهـوى صـبري ترحالي
حبيبي من يعـزك فالهوى ماتقـدر تذله.. قربك يزيد بالغلا وان عـفتني غـالي

[همسات]

قصائد مسموعه للبدر


نامت عيونك

http://www.tarb.net/download.php?action=lsn&id=6091


صوتك ينادينى

http://www.tarb.net/download.php?action=lsn&id=6095

رسالة من بدوي
http://www.tarb.net/download.php?action=lsn&id=6093

الوعد باكر

http://ozq8.com/song-21293.ram


الفجر البعيد

http://www.eqla3.com/sh3r/voice/alfajr_alb3eed.ram


لاتقول

http://www.eqla3.com/sh3r/voice/latgool_wadda3tny.ram


مابقالى قلب

http://www.tarb.net/download.php?action=lsn&id=6089


الرسايل

http://www.tarb.net/download.php?action=lsn&id=6065

كل ما قفيت

http://www.eqla3.com/sh3r/voice/kel_magfait.ram

جمرة غضى

http://www.eqla3.com/sh3r/voice/jamrat_ghadha.ram

تالى النهار

http://www.tarb.net/download.php?action=lsn&id=6097


فداك انا كلى

http://www.tarb.net/download.php?action=lsn&id=6071

[دلوعة شباب ستى]

الله الله الله ايش دا الشعر ياهوو

[دلوعة شباب ستى]

طيب شوفو دا الشعر





اسف
غلطتي فيك كانت كبيره
الله يجازي بليس لعب لعبه صغيره
قلب عقلي وكأنه جاب غيره
اسف.. أنا اخطيت
وغلطتي غلطة مريره
تراني انسان وبالاصح
يأنبه ضميره ..

+وش لي "بعمري" كان مادور رضاك
الروح ماهي روحي ان كنت ماافديك
لاذاا ولا هذاا ولاذاا ولا ذاااك~
يسوون حتى" ياولد عمي" مواطيك
دنيااي ياخوي لقربك ودنياك
وانا عيوني حلمها بس (ترضيييييك)..

[دلوعة شباب ستى]

وذا الشعر طوييل






الــشــاعــر
محمد بن فطيس المري

،؛، .. ســـولفـــــوا .. ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي


----------------------------------

،؛، شــــطـــر حفـــــظتــــــه ،؛،

ماني بمن ياتي ولا يدري به ..
.. شطرٍ حفظته ما أعرف كتابه

شطرٍ يناسبني لمثل الليله ..
.. وآشوفني في ذا المكان أولى به

أبا أتكل بالله ونعمٍ بالله ..
.. اللي ما يوصد دون خلقه بابه

باقول واللجنه تقيم قولي ..
.. ومن كثرة الشعار ماني آبه

الحمد لله واثقٍ من روحي ..
.. وإن كنت ذيب فالرجال ذيابه

ما أقول أنا أشعر واحدٍ في العالم..
.. لكن قصيدي كفو وأنا أدرى به

الشعر جمعنا لو تفرقنا ..
.. حدودنا وظروفنا الغلابة

الله يبيض وجه راعي الفكرة ..
.. عز الله انها تنحسب لحسابه

والله يبيض وجه من يرعاها ..
.. محمد الله يحفظه لأحبابه

محمد ولد زايد عريب المجنى ..
.. ولي عهد الديرة الخلابة

الشعر تاريخ لنا من مبطي ..
.. وإعلامنا يوم السنين نهابه

الشعر بيت والوزن عمدانه ..
.. معناه طنب وقافيته حجابه

الشعر وادٍ فيه صيد واجد ..
.. وكلٍ على الوادي يهج ركابه

والأفكار صيد وكل شاعر قانص ..
.. وكلٍ يدسم شاربه مخلابه

أحد خياله حر .. وأحد وكري ..
.. وأحدٍ خياله كوبجٍ بقطابه

وأنا خيالي كل ما هديته ..
.. حول على الوادي وصاد عقابه

شاركت أمثل ديرتي وربوعي ..
.. وكل يمثل ديرته وأقرابه

والله إلى الله راد والله قاله ..
.. إني لا أسلمها الفخر وكتابه

داري قطر .. وأنا هنا أمثلها ..
.. المجد مطلوبي وأنا طلابه

عهدٍ علي إني لا أشرف داري ..
.. ترك صبي ما يعز ترابه

شوفوا دمي من حبها عنابي ..
.. وحماستي من ضوها شبابه

شاعر خليجي والعروبة بيتي ..
.. والبيت ما ياقف بدون أطنابه

وإن عودت بين القبايل فزعه ..
.. أنا أشهد إني في اللوازم لابه

لي في القبايل ربع .. وأقدرهم ..
.. ماني بمن يجهل مقام أصحابه

وإن عودت لأصلي .. فأنا أصلي مري ..
.. من صلب يام أهد القنا وخضابه

قومٍ لنا فوق المعالي بيرق ..
.. والسيف قوة سلته بنصابه

الشعر طوقني وأنا طوقته ..
.. قمت آتمشى به وأفك أبوابه

يا بنت ياللي تفرقين بعودج ..
.. ما ألومهم لو كثروا الخطابه

لامر بج دربج على خلق الله ..
.. قالوا كذا بالأصبع السبابه

زينج يزينه فعل أبيج وجدج ..
.. وإنتي بدورج للنقى كسابه

قومي تباهي بي .. وفلي راسج ..
.. عليج من ستر الشرف جلبابه

وإن ما سترتج بالفعول وباسمي ..
.. فعقبني الفنجال يا صبابه

-----------------------------------------

،؛، .. يا قـــو قلــــبـــك .. ،؛،

ياقو قلبك على الصّـده ويـا صُــــــبـرك
وياوسع صدري على صدك ويا صُبري

وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري

تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري

طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري

امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري

------------------------------------------------

،؛، .. في شاعر المليون .. ،؛،

في شاعر المليون للشعر مضمار ..
.. والسابقة في الشوط تظهر بيدها

امضمرين أبكار الأفكار شعّار ..
.. وكلن يحضّربكرته في وعدها

واللي تردت لا يدور لها أعذار ..
.. معذورة ما دام قد ذا جهدها

واللي تعوص وتضرب الحاجز يسار ..
.. تشلّ ف الدنة وترجع بلدها

وأنا ذلولي بنت صوغان الأشعار ..
.. من حبها عندي تفحم وحدها

إن جاره الله من تصاريف الأقدار ..
.. جاتك وجاك الجيش كله بعدها

الله عليها من مقاريد الأنظار ..
.. وصلت تحست ما غشاها زبدها

وتلقوفها بالعلم رمز وإشعار ..
.. وصفق لها منهو بعينه شهدها

ومن روبها أول ما تنصخ تمطار ..
.. ياللي تزعفرها من الطاس زدها

شبهت بالهجن الأصيلات الأشعار ..
.. وقصيدتي تراث أهلنا مددها

أعتزبه وأقبله إجلال وإكبار ..
.. واحة شرف يا سعد منهو وردها

أغلبنا في موجب الضيف والجار ..
.. يحلب لبنها قبل يذبح ولدها

وتراثنا من دونه نبيع الأعمار ..
.. وبأفعالنا روس المعالي صعدها

واليوم ضاق الجو من كثر الأقمار ..
.. تبث حقد لي لحقده رفدها

غزا الشعر قبل أمس غازين الأفكار ..
.. قومن على الساحة دفعها حقدها

تلفقوا ثم جاؤوا من كل الأقطار ..
.. هذا يصبحها والآخر هجدها

هذا يحرف في الأسف سر وإجهار ..
.. وهذاك يذبح موهبة في مهدها

وقفوا علم للشعر في وقت الأسحار ..
.. غاروا على الساحة وعروا جسدها

وصاحت بعد ما شافت سترها طار ..
.. ووقّف ولد زايد محمد ساعدها

قال أبشري بالستر وبردة الثار ..
.. وأضفى عليها سترها ما نشدها

واستل سيف في المواجيب بتار ..
.. واطلب وردن في العلا من فقدها

على خطى زايد خطاويه ما بار ..
.. والحاجة اللي في خياله وجدها

أغنى العرب من شوف أكاديمي ستار ..
.. ومن شوف أمر من السخافات وأدهى

شفت الشعر بستان وأبوابه أزهار ..
.. وقطفت ما يسقي المشاعر شهدها

قطفتها من ديرة تنبت أحرار ..
.. من دار بو مشعل ذراي وسندها

--------------------------------------

،؛، .. يـــوم المزايـيـــن .. ،؛،

من لابتي مّره الى جـدي افطيـس ..
.. ربعي مطوّعة الصعـب بالصمايـل

ناموس ياللـي تكسبـون النواميـس ..
.. ياهـل العلـوم الغانمـه والجمايـل

اهل السموت وفي الملاقا فواعيـس ..
.. يقطعـك يـاهـرجٍ بلـيـا دلايــل

انتو خيارينٍ علـى الخيـل فريّـس ..
.. اسـمٍ ينومـس بيـن كـل القبايـل

يامقلّطينٍ شـذرة السيـف والكيـس ..
.. قد قالها ابن حميـد ضمـن المثايـل

منصا الرجال اللي على ضمّر العيس ..
.. وفالحرب نطّاحة شبـا كـل عايـل

هواجـرٍ لاجـات قدهـي مقاويـس ..
.. ركب الضيوف امن السرا والقوايـل

تنصـا ربـاع امتعّبيـن المحاميـس ..
.. مروين حـد المرهفـات الصقايـل

يردون غصباً والعـزاوي متاريـس ..
.. لاجـا نهـارٍ فيـه عـدلٍ ومـايـل

وامسيّسين اسياسة الفـوز تسيّيـس ..
.. باللبل وبالهجـن السبـاق الاصايـل

تفوز في يـوم المزايـن وفالريـس ..
.. من كـل منعوتـه تسمـى وحايـل

ولو حصل للبل من النـاس تفليـس ..
.. يكفيكم انك فالعـرب مـن لاوايـل

تلبس من العنّـاب زيـن الملابيـس ..
.. يوم المزاين مـع ارجـال الحمايـل

يزها بها لـون العلـم تتبـع افنيـس ..
.. ابـلٍ لهـا عـادات كسـب النفايـل

ومدحي لبو زايد محمد بـلا قيـس ..
.. مدحٍ لـو يقـارن بفعلـه .. قلايـل

الله يمهّـل بـه ويخـزي لاباليـس ..
.. وايدوم ذكره فـوق كـل الطوايـل

------------------------------------------

،؛، .. لا ضاقت الدنيـــا .. ،؛،

لا ضاقت الدنيا عليك وتشاويت ..
.. خلق الله اللي فالرخا كان واجد

ومن العرب والصوت والثوب مليت ..
.. وقامت عليك هموم بأقعا تراجد

فارفع يديك لخالقك لا توضيت ..
.. وادعو تراك أقرب إليا صرت ساجد

ووقت من أوقاتك للأوقات توقيت ..
.. وسجل لنفسك في المساجد تواجد

وأبشر بفزعة حامي الدين والبيت ..
.. إليا هجدك من الهواجيس هاجد

اللي يميت الحي ثم يحيي الميت ..
.. لرضاه شف كثر البشر بالمساجد

----------------------------------------

،؛،.. الــبـارحـــة ..،؛،

البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..
.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت

------------------------------------------

،؛،.. أنا جـــيت كـــلي ..،؛،

ماهو بكيفك عقب شيٍ حصلي ..
.. من ذوّق المحتاج يصبر الى احرجْه

خليتني من حلو حاليك احلي ..
.. واصبحت مدمن حب والقلب روّجْه

بين العروق وصار مافيه " ملي " ..
.. الا وله جُرّه تمرّه وتسهَجْه

وذود الغلا في عشب قلبي تفلي ..
.. وتراب صدري للمطر منـْك ما احوجْه

يمحل الى صدّيت ويموت يا اللي ..
.. صديت عنـّه والله احياه واخرجْه

ولي خاطر ٍ يسألـْك من لي ياخلي؟ ..
.. غيبتـْك تلعب به وشوفتـْك تبهجْه

ولي عين حالي دمعها لك يهلي ..
.. وانْ رحْت راحت مالح الدمع تزعجْه

غالي ولا يحتاج بسّك تغلي ..
.. غلاك اخذ قلبي وروّضـْه واسرجْه

ولو قلت ياعيني بصدره تملي ..
.. شافت خفوق ٍ حبك الذرْب توّجْه

وماهو على كيفك عقب ما حصلي ..
.. من ذوّق المحتاج يصبر الى ازعجْه

(عطيتني وجهك وانا جيت كلي ..
.. محروم والمحروم ما ينعطا وجْه)

-----------------------------------------

،؛،.. في كــــفـــها خــــاتــــــم ..،؛،

في كفها خاتم وفي خدها خال ..
.. وفي عينها غيم وعمارات وبيوت

الخال شفته واضحٍ من ورى الشال ..
.. والخاتم الماس مرصع بياقوت

والعمر في العشرين كني مانيب زال ..
.. والجسم كنه من جبل ثلج منحوت

جبل ولكن لا طرقه الهوى مال ..
.. وخطواتها ماهي بالأمتار بالفوت

ماهي تشوف الشمس من ظل الاظلال ..
.. ومصيافها ما بين لندن وبيروت

الشمس لو تشرق على جسمها سال ..
.. كنها مجسم محلبيه وبسكوت

ومن صغر مبسمها شقى حالها الحال ..
.. ما تاكل الا اللوز والخوخ والتوت

ماهي تشوف الناس تمشي وتختال ..
.. ومرٍ على جاكور ومرٍ على حوت

وخدامتين وهي بلا زوج وعيال ..
.. وسمعتها تدعي الدريول يياقوت

وثلاث جوالات ماهو جوال ..
.. ومن يوم خلقت كل شيٍ بريموت

لكن قلبي مالها فيه مثقال ..
.. وش قرب البشت الحساوي من الكوت

ياجعلها للي خذت قلبي نعال ..
.. اللي غلاها عندي الشرب والقوت

حوريةٍ من فوقها الليل شلال ..
.. كنها صبحٍ فوقها الليل مكتوت

قلبي لها من كثرة الشوق مشخال ..
.. وللسر عن كل المخاليق تابوت

تنحت لي من الحب في القلب تمثال ..
.. وحبي لها ينحت على الساحه بيوت

في عينها ماكل رجال رجال ..
.. وأقصى حدود الوصل في سلمها الصوت

زودٍ على القلب وعلى الحسن من آل ..
.. روسٍ لهم روسٍ على متونها بشووت

الى رضت موتوا يا أهل روس الأموال ..
.. وإلى زعلت جربت وش سكرة الموت

من دونها رجلي وراكب وخيال ..
.. والسيف والأمواج والبحر والحوت

-------------------------------------------

،؛،.. دكـــــتور العـــيون ..،؛،

(يامؤمن الريفي )انا جيتك زبون..
.. جيتك على مدح اكثر الناس وعنيت

جيت وتعالى الله عمّا يشركون..
.. لولاه (يامؤمن) لطبك ما اهتديت

راضي بحكم الله علي مهما يكون..
.. عالج عيوني لو بعد طبك عميت

ودي اخاشر فالبصر من يبصرون..
.. واشوف دربي لا سرحت ولا ضويت

والى قنصت اثبت مع اللي يثبتون..
.. واشوف طيري كل ما اوميت ودعيت

ياااكثر ما يضرب خويي (الطابلون)..
.. من كثر ما اكلّته مطباات وكليت

وودي اشوف اللي علي يعرضون..
.. وبعض الليالي ودي اسري دون ليت

وااشوف ناس ٍ فالقفا ما يرحمون..
.. اما وقفت لصاحبي والا مشيت

من دون نظاره ولا هم يحزنون..
.. يااا كثر ما كسّرت كشمات وشريت

لكنٌ يا دكتور جعلك ما تهون..
.. ابغيك كلمت راس دامك ما بديت

اسمع......ولا ابغي اللي وزانك يسمعون..
.. ربي كتب يكشف لك اسراري وجيت

صورة عديل الروح عندك فالعيون..
.. واخاف تقطعها بموسك ما وعيت

ولا عليك امر..اطوها تحت الجفون..
.. وعقبه لو تقطع عيوني ما شكيت

هي راس مالي والعرب ما يدركون..
.. اني على باب الممات و ما حكيت

ياقو قلبي يوم قفن الضعون..
.. اللي على ذاك الموادع ما بكيت

ويا صبر صبري والعواذل يحسبون..
.. اني دلهت من الهوى والا سليت

اسكت عساهم من سكاتي يسكتون..
.. وانا عن اللي في ضميري ما انتهيت

وادور الفرحه مع اللي يسهرون..
.. وان ذكروني خذت فنجال وسريت

اخذت من وقتك يا دكتور العيون..
.. عالج عيوني لو بعد طبك عميت

واستر علي واللي معك لا يفطنون..
.. انت الوحيد اللي بعد ربي دريت


دمتم بخيـــر

[دلوعة شباب ستى]

وذا كمان




ياحبيبي لاتلومني لو قلت انا اليوم ماأبيك..!!
لأني وبكل صراحه مليت منك ومن طاريك..!!
مدري وش اللي خلاني اتوهق انا فيك ..!!
قلبٍ قاسي اناني من هواياته التجريح ..!!
ياحبيبي لاتلومني لو قلت انا اليوم ماأبيك..!!
ترى كثر ماكنت احبك كرهتني فيك ..!!

ياقلبي انــسى حبــهم ولاتفــكر ابد وينــهم ..!!
دامك عرفت إن مالك مكــان بقلبــهم ..!!
ليـــش تتحمل جروحهم ولمتــى تصبر على عذابهم ..!!
غريـب حالك ياهالقلـب هم يتسلو فيك وانت تتعذب لجلهم ..!!
ياقلبي انســى حبهم ولاتفـكــر ابد وينهم ..!!
دامــك عرفــت إن مالك مكان بقلبــهم إبعد مالك ومالهم ..!!
أدري صعب نسيانهم وأدري ماتقدر على فراقــهم ..!!
بس لازم تبين لهم إنك شامخ ماتنذل لهــم ..!!

[دلوعة شباب ستى]

وشكرا امير المدينه واتمنى انو اكون ماطفشتكم بالاشعاار الطوييييييله
ههههههههههه