اسكت.........

[أبو لؤي]

اسكت .. ترا العاشق عذابـه مستديـم
وادنـات مـاأثـر عـلـى نفسيّـتـه

تحسبه سالي .. مادريـت انـه سقيـم
راعي الهوى .. معروف من شخصيّتـه

واضح .. اذا شفته دريـت انـه يهيـم
معـروف بيـن النـاس مـن ماريّتـه

تلقاه ساكت .. منطـوي .. كنـه يتيـم
اليـا بغـى يسـلا .. تذكـر ميّـتـه

وتلقاه بالـي .. كنـه مسـوي رجيـم
حالـه نحـيـل .. وفـاقـدٍ عافيّـتـه

وتلقاه صابـر .. لـو عذابـه مستقيـم
سجـيـن مايسـعـى ورا حـريّـتـه

وتلقاه سارح بيـن سيـن وبيـن جيـم
وتميّـزه بيـن البـشـر .. عفويّـتـه

دايـم بحالـه .. لايضـام ولايضـيـم
ينوي .. لكـن العشـق يفضـح نيّتـه

يالايمـي .. صدقـت بالله العظـيـم !
إن قلبـي الميّـت .. انـا ادفـع ديّتـه

عن واحدٍ شمسه حجبهـا زيـف غيـم
ومـن حينهـا .. وانـا اتحـرا جيّتـه

آقف على الاطلال .. والآحـي النسيـم
واسـوق رجلـي فـي ثـرا مطيّـتـه

ويردني خوفـي مـن هـروج الغشيـم
اللـي ماتعـرَف حسنتـه مـن سيّتـه

ماودي احراجه .. وهو قـدره حشيـم
واخـاف مـن وقـتٍ تـدور رحيّتـه

لاياخـذه منـي .. ويتركنـي بجحيـم
وابطي .. وتبطي في المحانـي كيّتـه

قد قيل : " مـارد الكريـم الا اللئيـم "
وقتـي كريـم .. وقـابـلٍ عطيّـتـه

عطاني احزانه .. وجرح ٍ في الصميـم
طـوى علـي اليـاس واحكـم طيّتـه

واحرمني البسمة .. وخلا الدمـع ديـم
وعرضني لشمسه .. وحرمنـي فيّتـه

يالايمي .. هالحين مـن فينـا الغشيـم
اللـي ماتعـرَف حسنتـه مـن سيّتـه

اسكت .. ترا العاشق عذابـه مستديـم
وادنـات مـاأثـر عـلـى نفسيّـتـه
خدمة ألطشني للعناية بالعملاء
ترا ملطوووووووشش

[صمت]

اشكرك اخوي من اعماق قلبي على هذا الطش الرائع..

سلمت يمينك..

تقبل مروري..

[أمير المدينة]

ههههههههه

ونعم العناية

سلمت على أحلى لطش

[رحيل]

والله القصيدة روووعه


عجبتني الشركة ممكن اصير عميلة

خخخخخخخخخخخخخخخخخخخ